|
أريد أن أتقدم للخطوبة ولكن توجد مشكلة
السلام عليكم
ياجماعة أول شي صلوا على النبي ثاني شي حاب أصبح على الجميع ثالثا عندي مشكلة ويمكن ماتكون مشكلة زي ماأنا متوقع ياجماعة أنا قررت أن أخطب بنت الحلال وكلمت أختي وشافت لي وحدة مايحتاج دين وأدب وملاك وأخلاق ومايحتاج أبدا وقالت لي أن عمرها 22 أو 23 سنة قلت مافي مشكلة ولكن عندما أردت أن اتقدم تأكدت من العمر فتفأجات وقالوا 24 سنة وأنا عمري 25 وفي محرم الجاي ان شاء الله راح أدخل 26 إن شاء الله العمر كله .... في البداية الموضوع دا زعلني حبتين وكدر خاطري علما بأني قد رسمت بعض الأمال والأحلام وكنت بالحيل زعلان وضايق خلقي إلين ماكلمت الوالدة فقالت صلي إستخارة وأدعو ربك وربنا يختار اللي فيه الخير وبالفعل صليت 3 مرات استخارة والحمد لله هديت شوية وانشرح الخاطر نوعا ما فأنا قلت لعله خير لي أن تكون بالعمر دا...... الفرق يمكن بيني وبين البنت من سنة إلى سنة ونصف فهل الموضوع له تاثير في العلاقة مستقبلا علما بأني استشرت بعض الشباب وأخبروني بأن عمرها كبير بالنسبة لي . والبنت هي صاحبة أختي وهي اللي اختارتها لي من بين بنات وصلاة عالنبي على البنت زي ماقلت أخلاق ودين وربة بيت وجمال فأريد منكم استشارتكم في الموضوع خلال اليومين دي ؟؟؟؟ مع خالص شكري وانا في انتظار الردود |
يا اخوي انا ما اشوف اي مشكله في العمر؟!
يعني اللي من سنتين كانت 22 والحين 24 تغيرت تغير جذري؟!! هي هي ما تغير فيها شي!!! انا شخصيا الفرق بيني وبين خطيبي سنه وشوي وماشي حالنا خلوقه؟ ملتزمه؟ جميله؟ اذا كل اجاباتك نعم توكل على الله |
يا3thoooob معليش ماأدري كم مرة متكررة ال o
أثلجت صدري وراح تتطيرني من الفرح وبالفعل جميع المواصفات اللي ذكرتيها موجودة فيها وأختي ماتبغى الا هذه "الظاهر تمون عليها ..... هههههههههههه" وباذن الله ربنا يجيب اللي فيه الخير |
أذا تبغى تعرف وش مشكلتك بالضبط
************************** مشكلتك الوسوسة الي برأسك وبالتوفيق |
يعني اتوكل على الله لأني الان طاير من على الكرسي اللي جالس عليه
والله يخارجني من المدير ان شاء الله مايداوم ههههههههههههه |
اتوكل على الله ..
كل شي يروح مع العمر >> ويبقى الدين والأخلاق ... الله يوفقك بجلال وجهه وعظيم سلطانه ... |
توكل على الله ....اذا البنت تمتلك كل المواصفات اللي تريدها وانت شخصيا مقتنع فيها فالعمر مش مهم يا ما ناس اخذوا بنات أكبر منهم وكانت حياتهم ناجحة
في النهايه العمر ما يشكل عائق الا اذا كان هذا أول شي انت تفكر فيه واخاف توسوس منه |
والله مشكورين ياجماعة وما قصرتوا وربنا يعطيكم على قدر نياتكم
والواحد في ذا الزمن الأغبر يبغى الستر والعافية وراح ادعي لكم ان شاء الله بالتوفيق لمن شجعني وحمسني ومشكورييييييييييييييييييييييييين |
المواصفات اللي ذكرتها مررررررررررررررررررررررره مهمه و كويسه حتى فرق العمر اللي ذكرته مرررررررررررررره مناسب حتى يكون فيه تقارب و تجاوب في الافكار
الله يوفقكم و يجمع بينكم على خير والاستخاره مرره مهمه كل ما حسيت نفسك متلخبط استخير عشان تركد عقبال ما نشوف اسمك في منتدى التهاني دعواتي لكم بالتوفيق الله يوفقكم ويجمع بينكم على خير |
تبي الصراحة كراي شوف الاصغر
كبيرة عليك والله ماحتحسها الا بعدين بعد خمس سنوات او عشر سنوات تحس انو العمر له دور كبير بالمرة لانها حتجلس تناقشك باسلوب انو مافي فرق بينك وبينها والله العظيم الاستخارة معناه انو ربنا يسهل لك طريقك مو معناته احساس بالقلب وراحة اي نعم في راحة بس تشوف انو الطريق اتسهل |
يا اخوي فيه ناس زوجاتهم اكبر منهم وسعيدين في حياتهم
اذا كانت كل هالمواصفات متوفره فيها وكنت انت مقتنع من ناحية العمر لو بجزء بسيط وكنت مرتاح للموضوع توكل على الله والله يوفقك ان شاء الله |
مش في حاجه بتدوم غير الأخلاق و الدين و العشرة الطيبة إذا فيها كل الحاجات دي فاستخير تاني و إن شاء الله بالبركة عليك و عليها
|
الف مبروك مقدما يا اخوي
وصدقني العمر في رايي ماله اي علاقه بنجاح الزواج او فشله الرسول صلى الله عليه وسلم تزوج امنا خديجه رضي الله عنها اكبر منه ب 15 سنه !! كانت بعقلها سند وعون له وصدقني ترى اللي عمرها 22 ولي عمرها 24 كلهم من جيل واحد! وتفكيرهم واح اسألنا نحن البنات وانا وحده ما أأيد الواحد ياخذ له وحده اقل من 20 توها صغيره ونظرتها للحياة محدوده اما اللي فوق ال 21 وخاصه اذا كانت مكمله جامعه فتلقها اكثر انفتاحا للناس اللي حولها وقادره على ادارة بيتها |
* يعني انت رضيت بال23 وما رضيت بال24 وش الفرق بينهم الله يحفظك.
* توكل على الله والله يوفقك. |
اخوي الولهان 3 شكرا على المداخلة
أنا قلت قبل كذا نفس كلامك ومن هذا القبيل ان البنت افضل وهي صغيرة عشان تعيش وتعمر معاك بس رجعت وقلت لعقلي اذا اخذت وحدة صغيرة عمرها 18 سنة ولسه متخرجة من الثانوية ولسه يمكن تكون خفيفة راح لسه اربيها واعلمها بس لما تكون البنت اخلاق ودين وجمال وخاصة أنها مدرسة في تحفيظ ماأتوقع أنو راح تكون في مشاكل وراح تتفاهم معاي بعكس الصغيرة اللي لسه يا دوب فتحت عينها عالدنيا وتحتاج الى اشياء كثيرة يعني راح اتعب معاها حبتين ان شاء الله تكون وصلتك الفكرة انتظر ردك ومشورة يا سما نجد على المرور وبرضو sun of me |
اختي 3thoooooooooooob مشكورة على المداخلة
أنا قلت كدا برضو بس في واحد من الشباب قال لي ان بعض النساء يكون سن الياس لها 40 وبعدها مارح تخلف وتجيب عيال ماأدري عن صحة المعلومة أرجو من لديه فكرة أن لايحرمنا وحاجة تانية أن الصغيرة يمكن تكون حلوة أمورة واخلاق بس ماتكون عاقلة و واعية زي ام 23 و 24 سنة اخوي العابد لله مشكور على المرور ويعطيك العافية في انتظار التعقيبات |
والله يا اخوي نادر اللي يكون سن اليأس عندها 40 ... والله احيانا فوق ال 55 !! على حد علمي
وبعدين وينها ووين سن اليأس ...ربع قرن...يمديكم نجيبون درزن عيال :) ويا اخوي انا اكلمك من محيط البنات اللي معايشتهم يعني عندي من اهلي بنات توهم طالعين من المدرسه الثانويه على طوووووووول الى بيت الزوجيه حتى تعامل مع اهل الزوج مو عارفه تتعامل لانها ما تخالطت مع العالم والناس يا دوبها مخلصه مراهقه!! |
ونقطة مهمة أخوي الولهان3 اذا استخرت الله فان الخيرة مااختاره الله
واذا رب العالمين أراد انها ماتكون مناسبة لي أول شي بعد الاصلاة الاستخارة راح تنسد نفسي زيادة وراح تجي عوائق كثيرة غير العمر وان شاء الله تكون متفاهمة وش المانع ؟؟ انا سبق وقلت ان البنت أخلاق ودين وتربية وامها كمان واكيد سمعت أن البنت لأمها ومشكور |
اقتباس:
سن اليأس مو ضروري عال40 .... عادي فيه بنات يطول عندهم ل45 أو 50 ... يعني على حسب بعدين ليش انت ناوي كم واحد من العيال تجيب ؟؟؟؟:d يااخي هي عمرها 25 يعنيقدامها حوالي 15 سنة عال40 ... يعني ممكن تجيب لك 7 اولاد اذا كل سنتين ولد اذا انت تبا 12 ولد أو اكثر .... يكون عندك حق ورورح دور اللي اصغر :15: |
لك كل الحب
لك كل الحب والتقدير مني انا خالد |
شوف يا أخوي انا شخصيا"
اعرف واحد متزوج وحدة اكبر منه باقل من سنه يعني عمرهم 25 عايشين وجابو عيال ومبسوطين الله يرزقني بسطتهم ترى العمر ماهو القياس اذا البنت تستاهل يعني فيها المواصفات الي تبي روح روح روح موفق ان شاء الله |
اقتباس:
|
انته تشوووفها كبيرة عليك ؟؟؟
بالعكس ما شاء الله على البنت فيها كل الصفات المطلوووبه ... وتشوووفها على اساس عمرها .. انا لي اثنينه من اخواني جوجاتهم اكبر عنهم بسنه لكن ما شاء الله عليهن تقووول هن الاصغر من خواني الصراحه انا اشووووف انه البنت وايد زينه والصراحه ما تتعوض والله يوفقك معاها ويسعدك على فكرة لي قريب ما يبا يتزوج بنت الا اصغر عنه بسنه ولا سنتين .. يشوووف انه لو بنفس عمره تكون احسن والرجال اذواق بس انصحك انك تتوكل على الله وتتزوجهاا .. ترى البنت اللي اصغر عنك بوايد خفيفة عقل ساعات |
ربنا معاك وانا ارى انها لو صغيرة ستناقشك ولو كبيرة ستنا قشك
للاختلاف فى الراى موجود على الحالين :23: وفارق العمر ليس لة اى قيمة فى هذا الوقت الشخصية هى الفارقة قبل كل شىء والراحة النفسية والتفاهم بين الزوجين فقط هى كل شىء مهما اختلف العمر وانا ومعظم صديقاتى مخطوبين لشباب متقاربين فى العمر ما فيش مشكلة بالمرة اللهم بارك لكما وبارك عليكما واجمع بينكما فى خير :14: :14: :14: الاستخارة الاستخارة الاستخارة قبل اى شىءوتوكل على الله |
اخي الكريم اتكل على الله وخطب البنت ، ومبروك مقدما
والله اتمنالك الخير من قلبي انت وكل الاخوان اللي في هالمنتدى وكل المسلمين |
لا أرى أية مشكلة
أخي اصغر من زوجته بثماني سنوات ويحبها ولديه منها اولاد والكثير ممن اعرف اعمارهم متقاربة من زوجاتهم وفقك الله في حياتك والسلام ختام |
اتوكل على ربك والعمر مو مقياس ولرسول الله صلى الله عليه وسلم اسوة حسنة
اطله اخوي على سيرة النبي وزوجاته امهات المؤمنين وراح ينثلج صدرك اكثر باذن الله تعالى والف مليون مبروك مقدما |
| الساعة الآن 08:51 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©