|
يوم الاثنين (بكرا)
ازيكم يا بنات يا حلوات :22:
بكرا بيكون اول يوم بشوف خطيبي لوحدنا رسميا و كثير متنرفزه خايفة لا اقلب عليه الشربات و يقول عني هبلة :23: ما اعرف كيف اتصرف و شنو البس و بشنو نتكلم :30: مرات يجي ليا احساس غريب ممكن يكون احساس خوف من الفراق او خوف من ان ينتهي كل شي>>> متعقده لان بصراحة اذا انتهى كل شي و ما صارت قسمة احس انه راح تكون نهايتي :29: ما ادري ليش افكر كذا بس هو مجرد احساس لكن لا انكر اني فرحانه لان بشوف انه اخر صبري فعلا يستاهل المهم يا بنات اتمنى منكم تدعو لي ان ربي يوفقني و قولوا لي شنو لازم اسوي و شنو البس و المكياج و انتم عارفين كلووووو و ان شاء الله كل بنت تطلع من هالقسم بلا رجعة و تخلصون من هم الدنيا امين :14: :14: |
بالتوفيق يالغالية ...الله يكتب لج الخير
والنصايح أخليها للبنات ..لأن في مجتمعنا العادات تختلف شوي .. الله يسعدج يااااااااااااااااااااااااااااااااااااااارب |
مبرووووك الله يوفقك
:14: :14: :14: انت الآن متملكة؟ اكيد جهزتي لبسك لبكرة مايمدينا ننصحك باللبس بس في المكياج والتسريحة ممكن المهم اذا متملكة لأاتنسين اهم نقطة المصورة .. صوري بأحلى لحظات حياتك |
ماشاء الله تبارك
مبررررررررررررروك خليكي بسيطة وناعمة والخوف لا بد منه الخوف بيزيدك جمال وبيحمروا خدودك طمنيا عليك الله يوفقك وويسعدك وان شاء الله بيكون من الازواج الصالحين |
السلام عليكم ورحمة الله وبركاته
أتمنى لك التوفيق والسعادة . آمين. ادع ربك .. إن كان خيرا أن يكتبه لك. بارك الله لكما وبارك عليكما وجمع بينكما في خير .. " متفائل لإن شاء الله " |
الله يتمم عليكِ ياااارب وييسر لك أمرك ! ويغير الأحلام إلى حقيقيّة آآآمين ،، |
اهم شي تكوني على طبيعتك ولا تتكلفي
المكياج خفيف الشعر هادي وتسريحة بسيطة والله يوفقك ويجمع بينكم بالخير ونشوفك بقسم الحمل والولادة |
الله يوفقك
|
ربي يخليكم
مشكورين على نصائحكم بالنسبة للبس كل ساعة بغير راي فيه يوم بقول البس الاخضر و بعدين الاحمر و بعدين اقول لا الازرق احلى وبعدين صفيت على الوردي و ما اعرف يمكن راح اغيره بعد ساعة :23: |
الوردي لون هاديء وحلو ..
ويظهر نعومتك .. الله يوفقك ياحبيبتي.. وتبشرينا بإذن الله بتحقق احلامك .. ومن بعدك باقي فتيات هذا القسم الواحدة تلو الأخرى .. |
ألف وألفين وثلاث آلاف مبروك :)
دخلت أتصفح المنتدى قبل ما أنام وما في حيل أرد بس من فرحتي لفرحك قلت لازم أرد الحمد لله بركات الأخوات الطيبات والأخوة الكرام بدأت تبان ودعواتهم لنا في رمضان أستجيت من رب العباد الفستان الوردي مناسب جدا لكل أنواع البشرة.. الأزرق ولادي شوي والأحمر بدري عليه.. استرخي قبل ما تطلعي له وناجي الله عز وجل واطلبي منه أن يهدي من روعك واستشعري قربه منك وأسأليه بأن ينور وجهك بنوره الكريم ويقوي قلبك وينزل السكينة عليه ولا تنسي تحصني نفسك وقولي ربي اشرح لي صدري ويسر لي أمري واحلل عقدة من لساني يفقه قولي.. عشان لو سألك شي ما تتلعثمي <<<<< إختبار شفوي هيهيهيهيه ولا تفارقك الإبتسامة من قلب مو من شفايفك بس تطلع مصطنعة بعدين ما تخترق قلبه :) الله يوفقك ويكتبلك الخير وتوكلي على الله ولا تقولي لو ما صارت انتهت الدنيا.. أكيد خير في كلا الحالتين فأمر المؤمن كله خير دون نقاش !! ننتظر النتيجة ويارب تكون مفرحة.. |
توكلي على الله
بس شوفي اهم شيئ تكونين ثابته حاولي لا تتلخبطين الأمر الثاني .. لو سألك حاولي تجاوبين اجابات مختصرة ومفيده اسأل الله لك التوفيق يااااااااااارب وعقبالي وعقبال الكل . . . . . . بنان |
اعتقد ان الوردي مناسب اكثر
الله يتمم لك على خير وعقبالنا |
بسم الله
اختي ..قبل اي شي...صلي ركتعين لله وادعي لربنا ان يجعل يومك كله خير وسعاده واشكري ربنا على ما رزقك من رجل صالح ان شاء الله وبنسبه لباسك وتسريحه الشعر والمكياج ... الاخوات مشاء الله عنهم ..كفوا ووفوا ..لكن المكياج ميكونش مبالغ فيه .. يعني عادي وخفيف على الوجه .. وانصحك كمان ان تكوني هادئه وطبعيه ..وليس مشدوده الاعصاب ..يعني نامي كويس واسترخي قبل مجي خطيبك بسعات وحاولي قدر الامكان ان تكون متزنه في الحركات وتصرفات .. وكل تصرف خاطئ محسوب عليكِ..... ولما تقدمي اي شي من العصير او القهوه او ..الخ الى خطيبك لا تنظري اليه مباشره.. انما خلي نظرك في اي حاجه.. ليه! عشان تماسك الاعصاب وعدم الارتباك والحفاظ على الهدوء... وعند الكلام حاولي قدر المستطاع ان يكون هو المتكلم وانتي المستمعه ... عشان ما يقول عنك (راغيه) ههههه وطول الجلسه خلي ابتسامه خفيفه على وجهك وكوني نوع ما مرحه ..لكن لا تنسي الخجل والحياه من طبعيه النساء ... واذ فتح اي موضوع وسمح لكي جو الجلسه ان تعطي معه في الكلام ..حاولي ناقشيه في ارائه ..وانتي مبتسمه بما يجعله يخذ عنك فكره انك متكلمه واجتماعيه .. وهذه شي جميل يحبه الرجال .. وارجو ان تخبرينا غداً بعد اللقاء ايه اللي حصل بينكما .. واستفدي من كلامنا وكلام اخوننا واستشارتهم ... واحنا في الانتظار اتمنى لك يوم كله سعيد اختي .. ودمتي برعايه الله وحفظه |
ألف مبروك والله يتمملج على خير
أختي بالنسبة للألوان اختاري لون مناسب للون بشرتك وفي نفس الوقت يكون هادئ يعني غير ملفت جداً للنظر أما المك أب فاليكن خفيف وفي نفس الوقت ناعم وحاولي ان تكوني هادئة لأن هذا الأمر يؤثر كثيراً في ملامح الوجه مما يزيد البشرة إشراقاً عاد خبرينا شو صار وياج نحن على أحر من الجمر |
آسفه ..آسفه ..
بس ممكن أدخل في النص ؟؟ بصراحة في أمور فاجأتني !!!!! كيف يعني البنت تدخل بالمكياج ؟؟؟؟؟ هو عقد قران؟؟؟ ولا شوفة شرعية بس!!!!! يا حبايب ترى هذا حرام وما يصح ... ما يصح أكثر من كحل .. وينكم ..أخوي وجه الخير ..الكبير ..سنون ومنون ..هذي مسـألة لابد من التنبيه فيها.. صح العادات من بلد لبلد تختلف ..لكن شرعنا واحد ..ودينا واحد .. |
عزيزتي بسمة رضا..
أنا كنت مثلك .. استغربت لما أول مرة أدركت إن في ديارهم هكذا هي النظرة الشرعية لديهم .. بدون حجاب .. ولا عباءة .. وبالمكياج .. فما أعرفه أن تغطي الفتاة شعرها إلا إذا طلب أن يرى نوعيه الشعر تظهر جزءا منه لكي يراه .. فبحثت عن الفتاوى ورأيت بعض الاختلاف فيها .. فأحد المفتين أجاز اظهار الشعر .. وآخر قال يجب تغطيته .. وإليك هذه الفتاوى : ماحدود الرؤية الشرعية ؟؟ |
هلا حبيبتي بحرينية ولكن ..
حبيبتي أنا ما أقصد الشعر .. أنا أدري انه مسألة خلافية ( وإن كان مجتمعنا ما يا خذ بهذا الرأي أبداااااااااااااا) لكن أنا لي قصدته هو مسألة المكياج!!!! يجوز البنت تدخل بدون حجاب ..بس مايجوز تضع شي من المكياج.. انشاالله ..يكون قصدي وصل ..يا غاليه |
أهاا فهمتج ..
واسمحي لي شطيت عمري ودخلت عرض ..ههههههه مسألة المكياج أكيد حرام ومافيها نقاش .. |
اقتباس:
يازين شطاتج يا قمر...ربي لا حرمنا منها :d :d :d :d |
الحين حلال يشوف الشعر و حرام اتحط مكياااج!!!
بأي ميزان وزنتوها!!! و من عند أي مفتي ان شاء الله.. يمكن إهو عاقد عليها.. عسب جيه خلاص صارت مرته و يحقله يشوف كل شي.. بس طبعا لو خاطب فقط .. المفروض المفروض ما تبديله من زينتها و شعرها.. و أنا ما أفتي.. لكن نحن كدين أولا و كعادات ثانيا .. لا يصح للمخطوب رؤية مخطوبته إلا أثناء الرؤيه الشرعية فقط و للحظات.. ولكن إذا تم العقد خلاص حتى لو ياخذها معاه البيت و بدون زفاف يحق له و محد يقدر يمنعه لأنه زوجها.. و بالنسبه للأخت اللي طرحت الموضوع لو عندي خبره أفدتج:).. يااااااااااااااارب ترزقني و خواتي في المنتدى أزواجا صالحين عاجلا غير آجل يارب .. |
السلام عليكم ورحمة الله وبركاته
أختي بسمة رضا ، أختي بحرينية شكر الله لكما حرصكما على الخير بصراحة عندما قرأت هذه العبارة اقتباس:
والبعض لا يستخدم إلا كلمت " خطبة " حتى لو كانت " ملكة " الذي أعرفه أن الرؤية الشرعية تتم بوجود أحد معهم ، أما رؤية في خلوة فهذه لا أعرفها ولا أظنها صحيحة وينبغي لها أن تحتاط لدينها بارك الله فيها . اما عن المكياج فليس عندي في أمره أدنى علم لا عن قدره ولا حدوده وما ينبغي فيه. وفقكم الله جميعا وأرجوا أن تحرص أختنا على فعل الصحيح. |
اقتباس:
حبيبة قلبي ليش هالكثر معصبه !!!:) :) مسألة إنه يشوف شعرها ..فلا أنا ..ولا أنت يقررها ..هذي مسألة طرحت من قبل مشايخ.. وإن خالفهم فيها غيرهم .. بالتالي هي مسألة خلافية .. ومعروف من ضمن القواعد الفقهية ..أن ما اختلف ..لا انكار فيه فلا اللي ماخذ بهالرأي ينكر على اللي ما خذ فيه .. ولا العكس .. وإذا حابه تتأكدين ارجعي للرابط اللي حطته الغاليه بحرينية ولكن ..صح اني ما فتحته ..لكن أكيد راح تلاقين حاجتج لكن نقاشنا .. هو بشأن المكياج .. لأن هذا أمر ..لا اختلاف فيه ..إنه مايجوز ..للرجل أن يرى المرأة العازم على خطبتها ..بمكياج انشاالله أكون وضحت لج المسألة |
اقتباس:
منو قال إني معصبه!!! بالعكس آخر روقان.. بس كنت مستغربه!!:25: شكلي مب في العالم نفسه.. و سبحان الله على اختلاف المذاهب و التشريعات .. مع انه نحن كلنا مسلمين.. أنا صراحه عن نفسي أتبع العادات و التقاليد و المذهب اللي أسير عليه.. و مالي خلق اختلافات .. الله يعين .. المهم متفقين في الأصول.. بس صاحبة الموضوع ان شاء الله تبشرنا باللي يصير.. عسب تنشطب من القائمه ان شاء الله <<< متفائله:17: |
اقتباس:
انا ردي كان على اللي فهمته انها متملكة والدليل اني قلت صوري تخيلي تصور اثناء الرؤية الشرعية ههههههههههه |
اقتباس:
بارك الله فيكِ وجزاكِ الله خير لما ادلونا بكلامنا فهمنا انها مملكه عليه .. وهي خطيب رسمياً لها يعني بعد نظره الشرعيه وملكه............ وبناء على كلامات الاخوات اللي قبلي فكرتهم عارفين انها ممكله عليه ..ومن هنا انا نصحتها بما هو مناسب لها وما تفعل وكيف تتصرف ... ولكن سامحها الله ..من المفروض ان توضح الامر في بدايه مشاركتها اكثر ... ويا رب تكون مملكه عليه .. عليه عشان لو مش ممكله عليه .. منكوش كلامنا لها فيه حرام ونحاسب عليه وتصرفت بناء على نصحنا وكلاماتنا ... لكن نيتنا صادقه ان شاء الله .. ما ننصح الا هو حلال لها واليننا ... مجرد توضيح بارك الله فيك |
أسأل الله لكِ التوفيق
لاتنسين صلاة الإستخارة بشرينا وخبرينا عن أخر الأخبار |
بالتوفيق
|
يا ناس
هو زوجي انا مملكين يعني عاقد عليا و اذا ذكرت اول مرة بنكون وحدنا رسميا و مشكورين للاخوان و اخوات للي نطونا النصائح و بعدين اسرد لكم وش صار بيناتنا لاني تعبانة :d |
مملكين؟؟؟!!!!
إذن مبارك .. مع أنه كلامج في مشاركتك الثانية ( اعترف ) : أفهمنا إنج لازلت تعانين من تأخر الزواج!! |
الحمدلله .. شكلها الأمور عدت على خير... يعني عاقدين ما شاء الله؟؟ طيب عيل إنتي مشطووووبه من عالمنا ..
لا اتسوين زحمه.. روحي عالم المقبلين عالزواج..<<< بس بعد ما اتعلمينا اللي صااااار :) بالتوفيق باااا رب |
اقتباس:
لازم ما كملتي بالاخير كتبت عن زواجي |
:23: :23: :23:
آآآآي فضيحه ..!!! فعلا رجعت للمشاركة ..وتفاجأت اني قريت لفقرة معينة ..ومادي ليش ما كملت !!!:15: :15: :15: والله تفشششششششششششلت:21: |
اقتباس:
لا فضيحة ولا فشلة تصير في احسن العائلات :22: |
مشكورين لمروركم
اللي شجعني و بالنسبة لبر الامان ان شاء الله بكتب اللي صار بس ليش تطرديني ليش زهقتوا مني :d |
اقتباس:
لا لا لا ما عــــــــــــــــــــاش اللي يطردج أختي الغاليه.. بس كنت متفائلة فيج و مازلت انج تنتقلين لقسم المقبلين على الزواج و من ثم إلى عالم المتزوجين بإذن الله:22: :22: |
| الساعة الآن 05:37 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©