|
أطلق .. ولا اتزوج عليها .. ولا أتجنن ... والله تعبت
السلام عليكم ورحمة الله وبركاته
ادري يمكن بعضكم يقول يالله وش جاب هلغثه .. لأن بصراحه أكثر مواضيعي غثيثه لكن وش أسوي أحبكم وأرتاح لكم ...:d المهم ... يا أهل الخبره زوجتي دوختني .. ما ادري والله كيف أبدأ لكن بختصر وأقول عنادها ذبحني ورفع صوتها علي قهرني وقلة احترامها لي جنني واهمالها للبيت وكسلها طفشني ... الان كملنا سنتين و 8 شهور متزوجين وعندنا بنت ولله الحمد مثل القمر .. قولوا ماشا ءالله :15: والمشكله كل ماتخاصمنا احصل ردة فعل زوجتي فيها جرأه وقلة احترام لدرجه السب والشتم .. وما بكذب عليكم صح اني اغلط عليها بعض الأحيان لكن عملي شفتات في معامل البترول وكرف موطبيعي و العمل بعيد مرررررره عن البيت ... وكم مره فهمت زوجتي اني اتمنى الاحترام واللبس الزين و الصبر على عصبيتي لكن كل ماعصبت الاقيها ترد علي بلمثل .. وفي الأخير نتخاصم لأيام ... ياجماعه فكرت اتزوج وحده ثانيه لسببين ... 1. يمكن باذن الله احصل عندها الاهتمام والراحه 2. أستر البنت وحتى لو تكون مطلقه أهم شي ان عملي بيكون باذن الله لسبيل الله .. والحل الثاني الطلاق ... وبصراحه صعب .. لأني وبصراحه احب زوجتي وأحب بنتي وأخاف ططيح بواحد مايخاف الله وانا برضه صعب علي ابعد عنها ... فايه رايكم ياجماعه ... كييييييييييييييييييف أعدل زوجتي ...:30: |
بسيطه.........................فهمها انها لو ما اصلحت من نفسها فانت بتتزوج عليها وانه المسأله مش مزح وتهديد المسأله جد........................................اكيد راح تنتبه لنفسها وتخاف على مستقبلها ومستقبل بنتها...............وبالتوفيق ان شاء الله
|
اقتباس:
شكرا على ردك اختي دانه ... وقد حذرتها اكثر من مره لكن ردها .. ( اذا ماتبغاني وماني عاجبتك ودني بيت اهلي وفيه الف واحد غيرك ) واشكرك اختي على المساعده .. |
اجلس معها وكلمها بهدوء عناللى يدور ببالك
ووضح لها اوجه النقص فيها وعن نواياك بالزواج الاخر |
اقتباس:
اختي مونى ... صدقيني ما ودي اخلي الموضوع شائك ... لكن والله يشهد على كلامي اني جلست معها كثيييييييييير مره في مطعم ومره على البحر ... و تسمع وتستجيب ليومين وثلاثة ايام وبعدين ترجع لمثل أول ...:29: ودي اعرف كيف تتعلق الحرمه بزوجها ...؟؟؟ وكيف اخليها تحس من بدري لأني متأكد اني لو تزوجت بتزعل وبتنصدم ... فكيف اخليها تحس من بدري ...؟؟؟ |
شووووووووووووف
شيل فكرة الزواج من راسك خييييييييييير شررررررررررررر اولا لانك بتزيد المأسه مرتين ... وزجتك من النوع اللي عاند يعني لو اعرست عليها راح تزيد عناد وصراخ ... ثانيا .. انت بتجني على روحك .. يعني يمكن بتدل ما يصير عندك وحده تعاند بيصيرون ثنتين يا سلاااااااااام حلها عاد ... ثالثا .. واللي ابي افهمه انت تحبها على قولك ... والرجال اذا حب يصدم ويجرح ويتخلى عن حبيبته ؟؟؟؟؟؟؟ بصراحه شي غريب وبعدين انا اشوف الحل ... هو التطنيش ... اانت اشعل الغيره بقلبها يعني سو كأنك ناوي تعرس بس بحركات من بعيد لبعيد ... يعني مثلا امدح فلانه .. وياحليلها ... وشبك اخوانها .. يعني مثلا بس لا تزودها عشان ما تنفجررررررررررررر.... وبصراحه واكثر نصيحه ابيك تحرص عليها شوف زوجتك انت تغلط عليها ومتحملتك عشانها تحبك انت بعد لازم تتحمل عيوب زوجتك مهما كانت مع محاولة الاصلاح ... والله يوفقكم |
تدري اخوي وليد والله العظيم عندي نفس المشكلة مع زوجتي وما ادري ايش اسوي....
تبغى الصراحة ورطنا ورطة الله لا يوريك... الواحد يكرف ليل نهار دراسة وعمل ويدفع دم قلبة وآخرتها يجيب وحدة تنكد عليه بكل بروود وياليته مقصر معها بشي بالعكس معززه ومكرمة ومو ناقص عليها شي ابد. وذا جيت تفكر في انك تتزوج عليها ما تضمن احتمال تتورط بزيادة وتجيب وحدة تكمل الناقص ويومي الحريم هوشات مع بعض ومناقر. واذا بتطلق تفكر في الأولاد ومستقبل الزوجة بعد الطلاق اللي هي نفسها ما فكرت فيه ابد والواحد ما تهون عليه العشرة. اخوي ... الشكوى لله ... والله العظيم الواحد احيان يتمنى ان الله يريحه من الدنيا هذي ... وربي ان شاء الله يرزقنا بالحور ويفكنا من شر هالحريم.... |
السلام عليكم ورحمة الله وبركاته اخواني ...مالي اسمع للطلاق صدى كبير بينكم ...احمدو الله اولا واخيرا على النعمة التي انعم بها عليكم..فغيركم من يتمنى الزواج حتى وان كان بنكد فقط ليعيش مع امرأه بالحلال...واخرون يشتهون طفلا .ولو عاشو بجحيم..وهذا مربط الفرس..ان احست زوجاتكم بنعمة الاله عليهن لسعدن بحياتهن واسعدوكم وقدروكم حق قدركم.. لدي فكرة لكم..بينما تجلسون على المنتدى دعو زوجاتكم يلقون نظرة على قسم المطلقات والعواتس ومابهن من هموم "ازاح الله همهن ورزقهن الازواج والزوجات" لتقرأ موضوع واحد ولتلتفت عما فاتها من نعمة ...علها تراجع حساباتها فانا نفسي عندما اقرأ مواضيعهم احزن معهم وادعو لهم واحمد الله على نعمة الزواج والذرية واراجع حساباتي ان كنت قد اخطأت في حق زوجي لاصحح مابدر مني شكرا لله على نعمته التي غفلت عنها في لحظة طيش...فالبيوت لاتخلى من الخلافات ولكن بالتوكل على الله وشكره تصفى الاجواء لنعود ونصحح اخطاءنا هدىالله زوجاتكم وازواجنا وكل اثنين بشرع الله جمعهم سقف واحد... |
أخي الكريم
لقد لفت انتباهي سؤالك ودي اعرف كيف تتعلق الحرمه بزوجها ...؟؟؟ وأنا أقول لك المرأة لا يعجبها الرجل العصبي لأن العصبية (ضعف) العصبي وبصراحة يعتبر (أحمق) أرجو ألا تغضب من كلامي وأنا لا أقصدك بصورة شخصية لكن هذه هي الحقيقة العامة المرأة تعشق الرجل القوي الذي يستطيع التحكم باعصابه وهي تحترم الرجل الذي ينتقدها بتصرفاته وليس بالسباب والشتائم اذا فعلت زوجتك ما يغضبك فلا تتحدث إليها فقط اهجرها وتجاهل وجودها وتصرف وكأنها غير موجودة وكأنك لست بحاجتها وأكثر من الخروج من المنزل ربما يكون هذا هو الحل المناسب حتى تحترمك زوجتك تمنياتي لك بالتوفيق |
انا من رأيي .. وحسيت من كلامك انك حاولت معها كل الطرق ومانفع .. اختصر عذابك ياخوي وطلقها ..
رفع الصوت على الزوج والسب والشتم ..امر لا يغتفر له ( وين الانوثه) ... والذوق يااخوي صفه رفيعه توجد في الشخص او لا توجد .. يعني لا تتوقع انها بتتغير وبتصير ذوق .. وانا اقصد الذوق في المعامله الذوق في اختيار الاوقات المناسبه للنقاش الذوق في العنايه في البيت والنشاط الذوق حتى في الزعل .. افتح معها االموضوع واذا ردت عليك ( اذا ماتبغاني وماني عاجبتك ودني بيت اهلي وفيه الف واحد غيرك ) نفذ طلبها ... مو هي الي طلبت خلاص .. انا دائما في صف المراءه ... لكن ما ابلع الحرمه الي لسانها طويل ومهمله .. |
اخي الكريم لا تنس الايه اللي تقول (( ان الله لا يغير ما بقوم حتى يغيروا ما بأنفسهم )) وفيه حكمه مشابهه لها تقول....حتى تغير العالم من حولك...ابدأ بنفسك... الزواج من الثانيه ابداااااااااا مو حل لازم تبطل عصبيه...ومو لأنك شفتات تعصب يا اخي...صدقني انت اللي تختار العصبيه فتعصب....عاهد نفسك انت اولا انك ما تعصب علشان هي كمان تتغير... بس هي الله يهديها واضح ان ما عندها اعتدال في الامور والدليل انها هي كمان تهدد بانها بتتزوج غيرك... تأكد انك مو مقصر بشي في البيت ابدا...يعني لما انت تطلع من البيت لازم تكون متأكد انها ما بتحتاج لشي ابدا... وانت بدوامك يا اخي مو معقوله ما تلاقي خمس دقايق تفضى فيها ....دق عليها وقول لها ( اشتقت لك ) هي بتستغرب...ولما ترجع لا تعلق على اللي انت سويته ...بس اذا ما لقيتها ذايبه ما اكون انا.... اكيد عندك جوال وهي جوال....قبل لا تدخل دوامك مباشره ارسل لها رساله ( احبك)....انا متأكده انه ممنوع تدخل الجوال في المصنع و لازم تتركه بالسياره...هي اول ما بتشوف رسالتك ممكن تحاول تتصل عليك وما بترد عليها...هالحركه حتخليها على ناااااااااااااار....جربها منت خسران..... بين الفتره والثانيه خذ لها هديه...صدقني المجال واااااااااااسع لا تستناها هي تتعدل وانت ما تعدلت...مستحيل وقت العطله من دوامك قول لها ابي اعوض الوقت اللي بعدت فيه عنك بهذي العطله....حتى لو تخلي بنتك عند اهلها او اهلك اذا ممكن.....وانتم ابسطوا.... اذا انت بالشرقيه روحوا البحرين غيروا جو فيها والله ولا احلى.... اخي الكريم....كل ما ورد اعلاه من مجربه....وانت بشهادتك تحب زوجتك...غير نفسك وخلها تقول في نفسها اللي تقوله...بس ان مالقيتها تذوب عشقا وغراما فيك....ان ما شفتها تلاحقك الين الباب قبل لا تطلع من دوامك...حتلاقي رسايل بالهبل وانت بدوامك...حتلاقيها زي العروس دايما وانت راجع....حتلاقيها على قولتهم ميته في دباديبك...حتخليها تتجنن عليك....والله ما ابالغ....جرب وغير نفسك علشان هي تتغير....والله يوفقك... |
على فكره....اول ما قريت كلامك كنت بقول لك اعقلها وتوكل وتزوج....بس اني اعدت القراءه مرتين لقيتك انت اللي بديت عليها...فتحمل النتيجه الراهنه....مثل ما خربتها عدلها
|
اقتباس:
لا حول ولا قوة الا بالله....واحساسك يكفي؟ لا تكتب الا ما يسرك يوم القيامه يا اخي |
اقتباس:
أختي حياتي أليمه ... بصراحه أول ماقريت بداية ردك عرفت انك معصبه ومتزوجه ...:d ولاتقارنين الرجال ببعضهم ان شاء الله زوجك احسن واصبر مني وفيه الخير والله يوفقكم مع بعض امين .. وبلنسبه لفكرة الزواج فصدقني اختي انظري للفكره من منظور ولحالتي ولاتنظرينه لحالتك انتي ... لأن وبصراحه بعض الحريم ماينفع معهم الا كذا وان شاء الله زوجتي ماتكون من هذا النوع ... وبلنسبه لأسلوب التطنيش فبصراحه ماقد استخدمته وان شاء الله بحاول استخدمه والله يكتب اللي فيه الخير .. |
اقتباس:
اخخخخخخخخخخخ .. يا اخي لاتقهرني .. تمنيت اني لحالي ... وما أقول الا الله يصلح حالك وحالي امين والله يصلح حريمنا ويجمعنا بلجنه امين .. |
اقتباس:
صدقتي اختي ... فعلا بصراحه انا وزجتي مقصرييييييييييييييين في الطاعات لكن الحمد لله مانسمع اغاني ... وبلنسبه لفكره قسم المطلبات فان شاء الله بسويها .. لكن اخاف زوجتي تشوف الموضوع وتعلقني على المروحه :eek: والحمد لله على كل حال وشكرا لك اختي على المساعده ... |
اقتباس:
طيب اختي .. العصبيه غصبا عني تجي في بعض الظروف ... اختي .. العصبيه هي فعلا اساسا حماقه اذا كانت كطبع في الشخص او عاده ... لكن اذا فقد الشخص اعصابه فيعتمد هنا على السبب .. هل يستحق او لا ... وفكرة الهجر اعتقد انها ستفيد نوعا ما ... وان شاء الله سيتم التنفيذ .. |
اقتباس:
هممممممممممممم ... بصراحه اختي يوجد كتاب جميل جدا يسمى الرجال من المريخ والنساء من الزهره انصحك بقراءته ... صحيح ان زوجتي غلطت .. لكن بصراحه لها ايجابيات ما اقدر اغظ الطرف عنها ... انا ممكن لاسمح الله اوصل لمرحلة الطلاق .. لكن بعدما اجرب كل الطرق .. لكن الان .. فو الله صعبه وبدري شوي ... ولاتحرميني من دعائك اختي .. |
اقتباس:
طيب على طاري الشفتات ... عملي تقريبا عشر ساعات بليوم .. وكرف وتعب واذا رجعت البيت احصل زوجتي اما تدرس او ماهي لابسه ... ووالله اني تعبت وانا اعلمها عن اهميه استقبال الزوج والتخفيف عنه خصوصا اول مايجي من الدوام .. وتسمع كلامي يوم الى يومين وبعدين ترجع لعادتها الاولى ... وعلى طاري المكالمات صحيح انا مقصر معها وخصوصا بلهادايا تدري ليه ...؟؟؟ لأن اخر مره جبت لها هدايا ورد احمر واليوم الثاني حصلت الورود ميته بداخل الدرج حق التسريحه ... يا اختي وش الفايده اذا بجيب هدايا وبعدين اذا زعلتها لمره وحده تنكر كل اللي سويته وتقول انت ماسويت لي شي .....:( حاولت اغير من نفسي اكثر من مره لكن التغيير اذا ماكان من الطرفين فما بيكون له نتيجه ابدا .. واشكر لك اختي مرورك ومساعدتك القيمه ... |
اختي مشكلتي اصدق ..
كيف عرفتي ان انا بديت عليها ...؟؟؟؟؟ |
اقتباس:
الله يهديك ع طول طلااااق ؟؟ أنا مو متزوجة بس أعرف إن ردها كان لشعورها بالانكسار صعب على المرأة أن زوجها يصارحها برغبته في الزواج !! أما أخونا وليد فلو تحاول تشعرها إنك مهتم بنفسك وتخرج كثير .. وهااادي يمكن تخااااف !! بس مو تتقمص الدور وتتزوج صحيح !! أكيد إنها مخطئة لكن الرجل .. يستطيع أن يغير من زوجته كثيييراً ! خليه بمثابة تحدي .. والله يوفقك |
كلم امها هي تكلمها...يمكن تنحرج شوي وتزعل بس قول لها افضل من ادخل اهلي مو اهلك واحرجك قدامهم واذا ما نفعت امك بدخل امي وشوفي شكلك كيف حيكون بايخ قدامهم ....
واذا ما فاد معك تحملي ما يجيك....اهجرها شوي خلها تحس كيف انك لك قيمه وهي مو حاسه... ولاااااااااااااااااازم من انك تواصل التغيير لفتره وحتلاقي النتيجه بعدين....مو في نفس اللحظه....الله خلق السماوات والارض في سبعه ايام....وبالنسبه لموقف الورود....لو انك شغلت مخك واستغليت الموقف....كان سألتها غريبه ماني شايف الورد على الطاوله....والا يمكن ما عجبك...وشف كيف هي بتحل الموضوع...لي عوده |
فكره الهجر والبعد عن البيت قليلا خطتي القادمه .
شكرا اختي على المساعده .. |
إن الله لا يغير ما بقوم حتى يغيروا ما بأنفسهم
ابدأ بنفسك و حاول تتمالك أعصابك ،،، أكيد عندك همومك و مشاغل شغلك بس معلش ، ربنا خلق الراجل علشان كده و لا إيه ؟؟؟ إنت بتقول إنه كل ما بتتعصب عليها هيه بترد العصبية دي بالأفعال اللي تكرهها ،، يعني هيه مش على طول في الحالة دي ،، تعالى على نفسك شوية و حاول تمسك أعصابك و افتكر دايماً إنها بتحبك و انت بتحبها و إنها بتبقى مستنية رجوعك من الشغل بفارغ الصبر علشان تقعد مع حبيبها فتلاقيك متنرفز و متعصب فأكيد هيه كمان هتتنرفز و تتعصب أنا مش بدافع عنها هيه أكيد غلطانه ،، لكن يا سيدي اعتبرها ضريبة القوامه و إنك إنت اللي لازم تصبر و تستحمل في الأول علشان تلاقي منها رد الفعل اللي تتمناه أما عن اهتمامها بالبيت و بنفسها ،، يمكن هيه مش بتعرف أو مش حاطه في بالها ، اهديها أي شئ تتمنى إنك تشوفه عليها أو عطر تحب تشمه أو علبة ماكياج علشان تستخدمها و امدحها لما تعمل الحاجات دي و إن شاء الله ما تشوف منها غير كل طيب آسفة إذا كان كل كلامي معتمد على بداية منك ،، لكن صدقني أي زوجة مش ممكن تعض إيد اتمدت لها بالإحسان تخيل إذا كانت دي بقة إيد زوجها أبو بنتها و كمان حبيبها معلش طول بالك عليها شوية و مش تديق خلقك ربنا يديم نعمته عليكم و يسعد لكم أيامكم و تشوف في زوجتك الل تتمناه .... |
اقتباس:
اختي مشكلتي اصدق .. فكرتك جدا ممتازه اني ادخل امها بلسالفه ... لأن بصراحه كل مره تدخل امها بيتنا اسمعها تهزئها خصوصا في ترتيب البيت ... مع اني والله ما أرضى على زوجتي انها تتهزأ ... لكن اتمنى انها تتعلم ... وبلنسبه اني ادخل امي فهي صعبه ... وان شاء الله يتم التنفيذ قريبا ... |
اسأل الله ان يهديكم ولا يحرمكم من بعض
|
اقتباس:
وبلنسبه للعصبيه فانا ما اعصب على اطول .. والهدايا اهديتها الشي الكثير .. لكن ان شاء الله بحاول اسوي اللي اقدر عليه شكرا اختي |
اخي الفاضل
انا مع كلام Sun of Me حاول انك متتعصبش عليها وتكون هادي معاها واكيد مفيش واحدة تشوف زوجها هادي وحنون وتتعصب عليه لان المراة بطبيعتها بتحب الحنان والدلع حاول تدلعها على قد ما تقدر وتقولها انك بتحبها دايما وقولها براحة ان اكتر حاجة تزعلك منها اما تكون عصبية او تهمل في بيتها بس قولها بطريقة عتاب لذيذة مش بتأمير قولها البنوتة الامورة دي طلعالك وانا عاوزها تاخد كل حاجة كويسة منك وتكون ست بيت درجة اولى كلنا بنحب الكلام الجميل والدلع فاكيد ده بيحركها وبيدفعها انك ترضيها بعدين ابعد عن فكرة الزواج دي خالص حتزيد الطين بلة وبعدين اصبر عليها ربنا يهديهالك ان شاء الله |
| الساعة الآن 06:55 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©