|
ليش ماخطبت مدرسة ؟
انا : ابشرك خطبت
هو :مبروك اخيرا انا :ايوالله اخيرا فرجت هو: وش تشتغل البنت انا :جامعيه جالسه بالبيت هو :افاااااا,,,, ليش ماخذت مدرسة ؟ انا : وش الفرق هو: ياخي تعرف ظروف الحياه صعبه والمستقبل اصعب والمدرسه بتساعدك طول العمر وبتعطيك اللي تبي كزوجه انا :بس البنت هذي اعجبتني وصعب القى مدرسه نفس المواصفات ونا اصلا ماهمتني هالنقطه هو :ياخي انت فكر لبعيد ,,,لاتخلي نظرتك محدوده وراك بيت واولاد وزواج وعفش ومصاريف بتعيش طول عمرك مديون !!!! انا : اووووووووووف منك ,, طيب خطيبتي ارتحتلها ونا تعبت ادور شي ارتاحله صدقني ماراح القى مثلها هو :ياخي تنازل :18: موب ضروري ترتاحلها بعدين راح ترتاح ,,انت نسيت ان المراه تنكح لمالها,, بكرا اذا ساعدتك بالدنيا بتحلو بعينك انا : :16: اقول الشرهه عاد على اللي يبشرك,,, انا ناقص ,,,مع السلامه :23: :23: :23: قولوا لي بسرعه منهو اللي على حق انا ولا هو :23: :23: :23: |
والله الزواج من المدرسه عز صدقوني :d |
و الله عز اذا رضت تشاركك براتبها !!
أخي الفاضل .. معحبة بتفكيرك بارك الله فيك |
الله يوفقك ..ماعليك من كلام الناس ..
|
أولا انا سبق ونصحتك ماتقول لحد أمر خطبتك الين تتم امورك وتتملك :21: وياليت تاخذ درس من هالموقف وماتتكلم
أصلا الناس مايصدقون يحطمون وخصوصا بعض الأقارب وبعدين أكيد يقصد مدرسة بحكومية بالله وين بتلقى بنت تدرس حكومي الا تدرس في قرية وشحططة وقومة الفجرية وماتوصل الا العصر وحالة والحمدالله دامك قادر وماتهمك هالنقطة لايهمك احد |
الله يوفقك وللأسف الشديد غالبيه الشباب يبغون مدرسه واعتقد نظرتهم ماديه
احتمال ماتصير سند لك احتمال عبئ,, وبعدين انت المسؤل عن نفقتها حتى وان كانت مدرسه والله اهنئك ياقزم على تفكيرك وانت الي معاك حق وليس هوو قهرني لمى قال:((موب ضروري ترتاحلها بعدين راح ترتاح )) اجل ليه شرعت النظره الشرعيه؟ اذ بعدين الارتياح اهم شي الواحد يرتاح لها بالشوفه اجل هو بالنقطه هذي تزوجها عشان مدرسه عشان الفلوس؟ الله المستعااان بس الله يوفقك ولا عليك من كلام الناس الي ثقافتهم ماديه ربك راح يوفقك ويعينك ويسهل عليك يمكن اكثر من الي تزوج من مدرسه ياحلوها تدخل بيتك وانت تعبان من دوامك تلاقي زوجتك تستقبلك بكل بساطه ووجه بشووش وتلاقي غداك مجهز وتلاقي راحتك واستقرارك.. الله يسعدك بحيااتك |
اخي قزم بس شوى عصبي
اسأل اللي متزوجين مدرسات تدري تطلع الفجر ترجع الظهر تنام تقوم العصر تصحح وتحضر لين العشاء ، تتفرج شوى على التلفزيون وتنام ويوم الخميس عند اهلها زياره ويوم الجمعه تتجهز للسبت وراح العمر 0 أنا ماتزوجت مدرسه بس هذا كلام ربعي كان الله بالعون |
والله اني اكره كل رجل بهذ التفكير المادي ..........................
وين حق القوامه الي رفع الرجل درجه عن النساء ؟ وياشين الرجال اذا جاء وقالك المدرسه تشيل عنك مصروفها ومصروف العيال ويصير راتبك يتجمع بالبنك |
لا اله الا الله
يعني اللي يتزوج مدرسه نظرته ماديه وهدفه سيء ؟؟ واللي داخل على طمع مايلقى خير والله فيه بنات اقل من عشرين وعقلها يوزن عشرين مدرسه !! وش رايكم نقول لااااااااااا للمدرسات ونسوي عليهم حظر ؟؟؟ المسألة عاديه جدا لأني أرى رجال كثيرين مايفضلوا المدرسات والموظفات لأسباب معروفه لكن انا أرى انه طبيعي جدا ولافيه أي مشاكل ليتني والله متزوج اربع مدرسات حتى أكسر قاعدة الهروب من الموظفات الأهم من ذلك كله التفاهم يكون موجود بين الزوجين والود عامر دمتم بود |
أول ماقريت العنوان تذكرت يوزر عضو قريت له موضوع بقسم المقبلين على الزواج اسمه
مابي مدرسه :d وبالنسبة لموضوعك أخوي يختلف من شخص لغيره أهم شي إنت لاتغير قناعتك مهما كانت أو حتى مارضى فيها غيرك الحياة حياتك عشها مثل ماتبي |
طيب هل خظت هذه التجربه يا اخ الحلم
|
اقتباس:
أقارب لي كانت احد شروطهم ان تكون موظفة ومشددين عليه بعد مع انهم قادرين ماديا لكن رأيهم انها طموحة وتحس بالمسؤولية اكثر وللأسف أغلبهم صار نصيبهم مع عاطلات وماشاءالله بعد الزواج توظفو يعني الرجال يختلفون واذا جا النصيب محد يرده متوظفة ولاعاطلة |
اقتباس:
نعم والحمد لله مبسوط مرتااح :22: واقول هل من مزيد >>> يارب ماتسمعني المدام والله اروح فيها خخخخخخخخخ يارب سترك :25: ولو تبي نصيحتي توكل على الله واخطب المدرسه اهم شي الدين والاخلاق اهم شي الاستخاره ولاتنسى تسأل عنها ولاتستعجل موفق يالغالي الله يسعدك |
دور على راحتك
مايهمك كلام الناس ولا تاخذ براي احد اهم شي انت مقتنع |
على فكره للزواج من موظفه محاسنه
مثل أن للزواج من سيدة بمنزلها محاسنه ... ولكل منهما مساويء ... الموظفه مستقله في كل شيء وليس بالضروره أن الوضع كما ذكرت يا أخي الكبير * * * هأنذا أعطي محاضراتي وأعطي إبني حقه ولأسرتي حقها ... ليس عيباً إن بحث عمن تساعده خصوصاً اليوم الرواتب تقل والمصاريف تزيد وحين خطبت لأخي رغم إقتداره مادياً بحثت عن موظفة ليس لشيء لكنني أعلم يقيناً أنها لن تحتاج لأحد مستقلباً لا أحد يعلم كيف ستكون ظروف الحياة ... ثم أنه ليس عيباً إن هي ساعدته وقدّر هو بالمقابل ماتقدمه ... المتعلمه العامله لها هدف ولها عمل يرتقي بها وبفكرها ويجعلها تصل لعقلك وتفكيرك وتشعر بقيمه ماتقدمه ... وربه المنزل قائمة ببيتها وأبنائها لكنها حتماً ستعاني من فراغ إن لم تفكر بما يستثمر وقتها ... المهم أن تستخير خصوصاً وأنها الخطبه الثالثه لك إن لم تكن أكثر والآن فقط أشعر أنك إرتحت لها لا تهتم وفكر بما يرضيك وليس الناس ... وفقك الله ... |
في تقديري .. حديثه يحوي شيء من الصحة .. الزمن تغير ومطالبه باتت مرهقة .. لكن من الجميل أن يكون الزواج بموظفة من غير تخطيط .. يعني الأفضل ألا يكون من شروطه !! المشكلة هذه الأيام صاروا يتشرطوا موظفة (( حكومة )) !! مبارك عليك الخطبة وبالتوفيق ،، |
اقتباس:
|
أحترم موقفك ورجولتك أخوي قزم..
بصراحه بعض الرجال بمجتمعنا صاروا أشباه رجال.. يعني ما يتزوج إلا مدرسة عشان راتبها..عشان تصرف عليه أنا بنظري الرجل اللي يرضى زوجته تدفع مقابل أي شي للبيت أو العيال أو أي شي وهي على ذمته..أعتبر مو رجل..أجل وش معناة القوامة؟؟ لا أحد يقول القوامة هي كذا وكذا..أنا سمعت من شيخ إن القوامة تعني القوامة المادية..يعني تحمل الرجل مصاريف البيت والزوجة والأولاد.. الرجل اللي ياخذ قرش من امرأة..مو رجل..برأيي..مع احترامي للجميع وبالنسبة للي يقول لي ليش؟؟ لأن أغلب زميلاتي اللي موظفات يدفعوا حتى راتب الشغالة وأقساط السيارة وملابس أولادهم..والرجل كأنه ساكن بفندق..ينام ويشرب ويطلع من البيت أجل أبطل الوظيفة عشان لا يخطبني تافه همه راتبي وبس!!! |
ينقل لعالم المقبلين على الزواج |
انت اللي صح :22:
دام انك ارتحت لها هادا اهم شي :28: سواء كانت مدرسة ... ممرضة ... مهندسة ... جامعيه جالسه بالبيت :) مثل خطيبتك و مثلي أنا أيضا :d . مو مهم شو بتعمل بحياتها المهم ترتاح لها .... الرااااااااحة النفسية :22: أهم شي و لا تنسى :28: كلام النس لا بيقدم ولا بيأخر :28: متمنياتي لك بالتتوفيق :22: و توكل على الله :14: أبي أزغرد في عرسك :d :14: :14: :14: تحياتي |
اخوي دامك خطبت و ارتحت
كمل ولا همك دامها ماشاءالله عليها معها شهادة جامعية يعني تقدر تشتغل بعدين لو تبي وتدور يعني لا تحطها نقطة مهمة.. صراحة انا اول مرة ادري انه موظفة او مو موظفة تفرق عند الخاطب!! الله يوفقك اخوي.. و كمل خطبتك .. احس من مواضيعك انك انسان متردد!! انت اجزم على اول شي حسيت فيه و لا تسمع كلام الناس.. الناس بتعيش معها ولا انت!!؟؟ الله يوووووووووفقك يارب |
ما عليك من كلام الناس
انت مرتاح لها؟ خلاص وايد ناس حريمهم ما يشتغلون |
رأي مادي لأقصى درجة !!!!!
اهم شئ العلم (يكون معها شهادة) مستقبلا اذا احتاجت للعمل تعمل هذا هو المطلوب أصلا في رجال كثير يشترطون على نساء في تخصصات متميزة على عدم العمل لما فيه من متاعب وعدم تفرغ وبعدين الموضوع ليس جوهري دامك غير محتاج لراتبها الآن أهم شئ الدين ثم الاخلاق وما أعجبك من صفات وفقك الله |
* انت الصحيح .
|
اقتباس:
اختي كفيتي ووفيتي قلتي ما اردت قوله |
اقتباس:
حرام عليك اخوي الكبير المدرسات كذا اجل لازم تنصح بعد بعدم الزواج من مدرس لانه نفس الشي يطلع الفجر ويرجع الظهر وينام ويقوم العصر تصحيح وتحضير لين العشاء ثم استراحة او تلفزيون وينام ويوم الخميس كاشت او في استراحة او عند اهله هو بعد والجمعة يتجهر للسبت وراح العمر لانهم كلهم في الهوى سوى |
يارجال..
إنت خطبت خلاص .. والبنت مرتاح لها .. في المستقبل إذا هي حابة تشتغل قدم لها على وظيفة .. بس لالالالالالا تفكر في راتبها .. إلا إذا هي من نفسها قالت .. أنا بعد 5 سنوات زواج .. أفكر بالعمل وأبحث عن وظيفة لكي أساعد زوجي في الحصول على منزل مستقل عن اهله .. وهذا الموضوع جاء مني .. وهو من نفسه قال البيت راح ينكتب بإسمك لأنه بفلوسك .. |
اخوي توكل على الله وكمل دربك تفكيرك سليم 100 %
يعني لازم بنات الناس يصيرون كلهم مدرسات علشان اييهم نصيب |
ياعالم المشكلة ليست في رأيه أو رأي صديقة
المشكلة في ترددك أنت متردد وتحاول الحصول على قرار يناسب شيئاً ما بداخلك فمالذي ترغب في الحصول عليه هذا زواجك أنت ومسؤوليتك أنت ومهما قلنا فالبداية عندك والنهاية ... لذا فكر ولاتحسبها بتعقيد فكر فيما يريحك ولاتظلم أطراف أخرى مجدداً ... دمت بخير |
اخوي قزم
انحش على بطنك وظهرك وياني ويك تأخذ مدرسه الا اذا المر تم الله يوفقك[ |
الله يهديك يا اخوي
انت كل من كلكمك كلمتين فر راسك وغير رايك انت خطبت عن قناعة هالبنت ما عليك من كلام الناس وخاصة اذا كنت مقتدر انك تفتح بيتك لوحدك وما فيه احد يساعدك بالمصاريف كون انك تخطب وحده تشتغل او لا المفروض يكون من هالقرار من البداية الله يوفقك |
انت الصح % %%%
ليش هالطمع .. طيب افرض انه هالمدرسه الي خطبتها مارضت تعطيك اي شي وارضت تدفع شي من جيبها ... تراهـ من حقها .. وش راح تستفيد ماعليك من احد الله يوفقك ومبروووووك اختك هموووم |
مساء الخير
والله مايبي لها سؤال أنت الصح بعدين انت مقتنع بأخلاقها خلااااااااااااااااااص لاتسمع كلام أحد بعدين خويك هذا بصراحه انه انسان غريب وحيرني .. الحين انت خاطب ..ومرتاح للبنت ويجي يقولك تزوج مدرسه وافسخ الخطبه من هذي ......... بصراحه تفكيره غريب .. المفروض يقولك الله يوفقك بعدين حرام يقطع رزق البنت وصدقني المدرسه راح تتعبك اذا جاك عيال .. من بيجلس عند عيالك .. بتقول نجيب خدامه الخدمات اوسخ منهن مافيه وماتظمن انهن مايسون لعيالك شي .. انا من النوع اللي مستحيل يتزوج مدرسه الله يوفقك |
| الساعة الآن 05:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©