اولادي ال4
 

السلام عليكم
مشكلتي قد تكون بسيطه في نظركم لكنها كبيره في عيني لانها تجهدنى
انا متزوجه من 8 سنوات ولي 4 اولاد
لكنهم يتشاجرون كثيرا وباستمرار وانا اخاف ان يؤثر هذا علاقتهم لما بكبر فكيف احببهم في بعض؟

لا تخافي من هذا الموضوع ..
كلنا نتشاجر ..
حتى البنات ..
ولكن تبقى قلوبنا على بعض ..
فروابط الدم التي بيننا من أقوى الروابط ..
دائما ذكريهم بأنهم أخوة ..
ولا يستغني الأخ عن أخيه ..

بكبروا وبنسوا يا عزيزتي

الله يخليهم إلك

كل الاخوان هكذا فلاتقلقي وكذلك لاتنسي بان تحببيهم في بعض وعقابهم بعقاب بسيط اذالزم الامرولابدان يكون عقاب جماعي ولاتكثري حتى يقللومن كثرالشجار والله يخليهم لك وكل شي يصبح ذكرى...

تطمني أختي الغالية .. احنا ف بيتنا 6 بنات و3 شباب .. واخبر يوم كنا صغار .. كنا 24 ساعه نتهاوش . وحتى اخبر ساعات كنت أقول حق أمي اني اكره خواتي او اخواني على حسب انا متهاوشه مع من ..

لكن الحين يوم كبرنا سبحان الله .. مع اني في كندا يعني اخر الدنيا مستحيل يمر يوم ماسمع فيه صوتهم او ع الاقل اعرف اخبارهم اول باول ..

يعني احس هواش اليهال شي طبيعي .. لاتحاتين وان شاء الله بيكبرون ومصيرهم يحبون بعض .. بس انتي بعد حاولي تحببينهم ف بعض اكثر ..

يعني اذا اولادج وايد صغار ممكن تطلعين مع واحد منهم مثلاً وتخلينه يشتري هدايا حق اخوانه .. ممكن وانتي قاعده مع واحد منهم تقولين له اخوك يحبك وجي ومن هالحجي .. او مثلاً تقولين لهم اشكثر انتي تحبين خواتج واخوانج واشلون حياتج من دونهم مب حلوة لو كان عندج اخوان وخوات ومن هالسوالف يعني ..

الله يحفظهم ويخليهم لج ياربي .. ويكبرون مع بعض وربي مايفرقهم 

هلا امزون

لاتخافين

انا دوم اتهاوش ويا اخواني واختي

بس لما كبرت اشوي خلاص قل الشجار

لكن نصيحه خذيها لاتوقفين في صف احد مهما صار
لما يتهاوشون خلي الي تهاوشوا يتصالحون وبيني انهم اثنينهم غلطانين

يعني لاتوقفين بصف واحد لان هاي راح يولد كره بقلوبهم
ومثل ماقالوا لاعضاء قبل

خليهم يشترون لبعض هداياا

حبيبيهم ببعض ولين طلعتي احد طلعي الكل يعني لاتميلين لحد او بالاصح لاتظهرين ذي الشي


واعطيج مثال

امي كانت تدلع اختي لانها اصغر وحده فكل الدلع لها وطبعا الشغل لي

وكنت دوم اغار من اختي ولدرجه قلت مره لامي اي الدلع لفلانه وانا مو كاني بنتج

ودوم احط حرتي في اختي

ممكن اتقولين غيره صادتني

بس امي حست بغلطتها وبدت تعاملنا بنفس الشي

يعني الهواش مابين الاخوان شي طبيعي وصدقني تلقينهم يردون لبعض من غير حتى ماتحسين والدليل انهم تهاوشوا مره ثانيه

نصيحه مثل ماقلت لج لين تهاوشوا لاتوقفين بصف احد مهما صار حتى لو شفتي ان احد غلطان بيني ان الاثنين غلطانين
وبنفس الوقت بيني من الي غلط اكثر

اعرف صدعت راسج لكن هاي الطريقه الوحيده الي قدرت اشرح لج

وانشالله تفيدج

حبيبتي من المهم انك تشغلي وقت فراغهم والاهم انك تقضي وقت كافي يوميا معاهم

احكيلهم قصص...سويلهم مسابقات (مسابقة اجمل قصه _مسابقة اجمل رسمه)...علميهم طبخه (كيك’بيتزا،مكرونا ،حلى

،عصيرات غريبه)...اعطيهم مجموعة مهام(خليهم يسوي مسرحيه ولابرنامج لحفله بيتوتيه)...اشتري لهم قصص ودفاتر

ارسم ولون وقص ولزق لكي يشغلوا اوقاتهم..

ومن الامور المهمه : وضع قانون جزاء وعقاب وتكوني ملتزمه به ..

دائما وقفي معاهم كلهم


لا تنحازي مع اي واحد فيهم لانهم كذا بيحسو بالتفريق


وانتي بدورك سوي جو مرح بوقت هوشتهم


الله يخليهم لك يااارب


هموووم

ينقل الموضوع لقسم الأسرة مكانه الأنسب

حبيبتي أمس شفت سوبر ناني

كان في عايلة ميؤوس منها فيها يهال قالبين البيت فوق تحت ... سوبر ناني عالجت هالموضوع بطريقتين

الأولى : انتي عندج 4 عيال الله يحفظهم ، تييبين 4 صناديق وكل ما واحد صار مشاغب تاخذين لعبة من ألعابه اللي يحبها وتحطينها بالصندوق و تقوليله ماراح أرجعها الى لما تصير عاجل.

الثانية : تشترين ألعاب يكون اللعب فيها جماعي يعني اللعبة تحتاج أربع أشخاص مثلا علشان يلعبون فيهاوبهالطريقة طاقة العنف اللي عندهم تتحول حق طاقة مرح.. حرصي ان الألعاب هذي يمون فيها ذكاء وتشغيل للمخ.

أتمنى اني أكون فدتج وعسى الله يحفظهم ويهديهم

شى عاددي حبيبتي كلنا كنا جذي انا عندي 2اخوان و 4 خوات و انا الثانيه من البنات كل يوم كنا نتهاووش جنا فى


حلبة مصارعه بس يمرض واحد كلنا حوالى نسئله يبي شى يعوره شى نخاف و بعض الاحيان نقوم نص اليل نشوف هو



عايش و لا لا الله يخليهم لى ...


لا تخافين الله يصلحهم