|
اندنوسيه عاد ياخوي ...
بسم الله الرحمن الرحيم
بدخل بالموضوع على طول... اخوي تعرف على عايله كريمه من اصحابه الرجال طبعا .. وطبعا هالعايله عندهم شغاله وآآآآآآآآآه من هالشغاله اخذت عقل اخوي بسرعه .. وتطور الامر بينهم ( احنا ترى ماندري) اتصالات ومقابلات والمصيبه انه الي تشتغل معاهم راضيين .. اخوي اخذ وحده من خواتي ووداها لبيت الي تعرف عليهم جلست مع الحريم وجات الشغاله كأنها وحده منهم جلست عااااادي.. وانا مستغربه كيف يخلوها تتكلم بالجوال بأي وقت .. وتطلع مع اخوي اختي تقول مارتحت لها .. ولمن سألها اخوي ها وش رايك فيها ؟؟ سكتت عنه .. كلمنا اخوي الكبير .. قال لنا هو المتضرر مو احنا خلوهـ براحته واحنا نخاف منهم هذولي فيهم سحرهـ كثير .. وبعدين اذا تزوجها كيف راح يتفاهم معاها عاداتهم وتقاليدهم واطباعهم غير عنا يبيلها فترهـ على ماتتعود والله ثم والله انه احنا مو سالفه تكبر علشان اهي شغاله ومانبيها عادات وتقاليد واطباع تختلف وعلى العلم تراها مو مسلمه وجالسه تقول له انها اسلمت لمن كلمها انه بيتزوجها والاسبوع الي راح اخذ اخوي الكبير وشكله وداهـ لها رجع اخوي وقال لاختي الكبيره ابيكم كلكم بدون امي في سالفه ضروريه وعلى فكره اهو صارح امي انه بيتزوج وحدهـ اجنبيه بس امي رفضت وابوي قال له مابيها أهو اصر وقال (بجيبها البيت بجيبها ) وازيدكم من الشعر بيت أهي تقول له مابي بيت او مهر أو اي شي تزوجني كذاااااا بذمتكم ماتحسو انه وراها سالفه ترمي نفسها كذا وأهل البيت راضيين ؟؟؟؟ شيرو علي تراي بحاجه لكم ابوي معاهـ ضغط وسكر وتعرض من فترهـ بسيطه لجلطه مانبيه يتعب علشان هالسالفه اختكم .. هموووم |
لي ماتلاقي ولا رد الرد الوحيد المنطقي هو الجلوس مع اخوكي واقناعه بان هناك شيئ غير طبيعي في هذا الموضوع وانكم شاكين في سحر معمول له واقنعيه للذهاب الى احد المشايخ المتخصصين بفك العمل وشوفي يمكن فعلا تلاقه سحر ولو ما لقيته يبقى هو يل عقله تعبان وذنبه على جنبه والله يهديه ويصلح حاله
|
اختي والله مشكله اخوك مشكله كيف يفكر يتزوج شغاله ومو من مجتمعكم؟؟؟؟؟؟
انا خايفه على اخوك لاتكون عاملة له عمل والا شي مو معقوله ابدا كلامك اكيد الشغاله عامله شي لاخوك انت ذكريه ونبهيه خليه يروح يقراء عند شيخ يفك السحر حرااااااااام يضيع مستقبله مع وحده اجنبيه لا هي من ديننا ولا من عاداتنا الله يوفقه لما يحب ويرضى |
هل اخيك شخص متدين؟؟
ام ربما قد حدث بينها وبينه شيء؟؟؟ احتمال اخر السحر ولقد سمعنا عن سحر الخادمات الكثير خصوصا بعد موقف من تعمل لديهم منها اري ان يجلس اقربكم لاخيكم ويحدثه بهدؤ عما سيحدث ان ارتبط بتلك الخادمه من مشاكل وان لم يتغير شيء فعليكم بالبحث عن موضوع السحر |
هاله مشكوره عالرد .. بس اخوي مايدري انه انا ادري عن الموضوع وأهو مفاتح اختي بالموضوع .. والاسبوع الي راح
الظاهر انه كان مقرر يقول لنا بس بدون علم امي !!!! اختي متغربه والله انا هاذا الي شاكه فيه بس كيف اقنعه أهو عصبي ومايسمع كلام احد ابدا ... والي يزيد الطين بله انها اجنبيه بعد ... اخوي حازم .. انا اخوي شخص عاادي ... بس انا شاكه بعد انه صار بينها وبينه شي علشان كذا مو قادر يتركها .... مشكورين عالردود ... الله يعطيكم العافيه هموووم |
والله من الضيق الي فيني انا واختي قلت بشوف مشورتكم واستفيد يمكن انتو تفيدوني بشي رايح عن بالي
واذا مافيه اي حل المهم اني فضفضت هالهم الي كبر جبال انا الي خايفه منه أهو ردة فعل امي وابوي والله اني خايفه عليهم هموووم |
حسبي الله على هالشغالات ..
أنا بس ودي أفهم .. أربابها أشلون راضيين بهالشي ؟؟ ياختي أنتبهوا .. ترى هالجنسية نسمع عنهم سوالف وسحر وخرابيط .. أعوذ بالله من شرهم .. القهر إن اخوج إذا تزوجها ناوي يجيبها البيت يسكنها فيه ..؟؟ بعد لو بيحطها في مكان بروحها كان قلنا مو مشكلة هو الوحيد المتضرر .. والله مادري شاقول لج .. بس جد جد الله يعينكم على اللي راح يصير .. |
مرورك اسعدني يابحرينيه ...
ياليته ياخذها ويطلع برى البيت بس لمن لمح لأمي قال هالكلمه واكد عليها ( بجيبها البيت يعني بجيبها وبسكن هنا بعد حتى لو مارضيتو ) تسلمين اختي هموووم |
مو من حقه يسكنها في بيتكم ..
هذا بيت الوالد الله يطول في عمره .. ومحد يسوي في شي من غير رضا أبوج .. هذي إن دشت بيتكم .. وهي تدري إنها مرفوضة .. صدقيني راح تسوي عمل حق البيت كله .. هذلين ماعندهم ذمة ولا ضمير .. وبالعمل يمشون أمورهم كلها .. لا سمح الله .. |
انا من رأيي بلغي الهيئه .. ان الأسره هاذي تسمح للشغاله بالخروج مع الرجال الأجانب .. ايش يدريك يمكن سمحو لأكثر من شخص قبل اخوك انه يختلي بالشغاله ...
وحذري اخوك ان البيت مشبوه وممكن يورط نفسه اذا راح لهم .. وحتى لو راح لهم ومسكوه الهيئه افضل له من انه يتورط بزواجه مثل هاذي ... هو ماراح يتضرر إن شاءالله .. بس الشغاله راح تسفر.. ويمكن تكون ساحره اهل البيت .. فرجال الهيئه راح يتقصون للموضوع هاذا ويساعدون اهل البيت لفك السحر .. |
حراااااااااام يسوي فيكم كذا أكيد مسحوووووور:eek: خدامة عاااد ويجيبها لعندكم والله مشكلة كبيرة الله يعينكم عليها !!!! شوفي فكرة ياربي لا تحرمني منه حلوة المهم تسوو أي شي يمنع الزواج لو تخبرو أمكم وتدورو عروس لأخوكم بسرعة وتساعدوه وتسهلو عليه الزواج من جد مشكلة ولازم تشوفو لكم حل لا تكبر المشكلة أكبر وتندمو انكم ما منعتو الزواج من أول!!! والله يوفق أخوك ويهديه ويبعد عنه السوء .. |
أنا اقول تتصلين على احد المشايخ وتشرحين له المشكله
ممكن انه يجي بحجه القراءة عليك مثلا او على احد افراد العائله ويكون اخوك موجود لان يقال ان المشايخ يعرفون الواحد اذا كان مسحور تظهر عليه بعض العلامات اثناء القراءة لازم تتخذون موقف جرئ هذا اخوكم حرم يروح بشربه ماء بيد اجنبيه ما تدرون من وين هي طالعه ؟؟؟؟ |
السلام عليكم لا حول و لا قوة إلا بالله لا أعرف إن كان هذا الحل سينفع أختى إذا كانت الشغالة أتت من قبل وكالة ...فمن رأيي أن تشكو عليها هناك مع حكي القصة..و إن لم يلقوا بالا فهددوهم برفع قضية عليهم إن لم يتصرفوا ..... و حاولوا أن تماطلوا الشاب بموافقة غير رسمية ..لإمكانية التصرف بدون تسرع أو تهديد من جهته أسأل الله الفرج و السلامة لكم و لكافة بيوت المسلمين |
الله يهدي اخوك في مشكله فعقله كيف ياخذ شغاله واندنيسيه وما مسلمه ويبي يسكنها البيت بعد مرتاح الريال ما في حل غير اخوك الكبير يا اختي!!!!!!!!!!!!!! ولو ما رضو فانا انصح باستعمال القوة الموضوع ما هين ولا تنسي كلام الناس يذبح.
|
للحل
زي ماقالت على قدم وساق ابوك يتفاهم مع اصحابها ويسفروها بدون علمها او علم اخوك ويتحمل ابو ك كافة مصاريف سفرها علشان يوافقوا وتؤخذ للمطار بدون علمها واللي يودي مايجيب روحه بلا رجعه الله لايبلانا واياكم |
صدقج والله
اندونيسيه عاد لا وعاقه نفسها بعد اخوج في مخه شي ...مب طبيعي بصراحه! |
الله يكون بعونكم
لا تخلوا له فرصة انو يجيبها البيت وتحرق قلب امك وابوكي قولوا له تبغى تتزوج ابعد عننا لا تسبب المتاعب للوالد والوالدة ولا احد يروح حتى معه يخطبها وحاولوا تنصحوه وتدعوله وقولوا له لو كان هذي الشغالة فيها خير كان صاحبك تزوجها حاولوا اتنصحوه وتدعوا له الله يهديه |
يعطيكم الف عافيه عالردود والله بسطوني
بعض الاعضاء قالو اني اقول لأبوي .. ابوي اخاف عليه مثل ماقلت جاته جلطه قبل فتره ... انا حاطه في بالي اني اقول للهيئه مثل ماقال العضو ( ياربي لا تحرمني) احس انها راح تفيدني اكثر تدرون ليه .. لانه اخوي يعصب حتى على ابوي مايحسب له حساب ابدا ولا كأنه ابوهـ ... مهما صار هاذا اخوي مابيه يضيع و بين يدينا الحل جزاكم الله الف خير أختكم هموووم |
نسيت اقولكم انه حاط شروط تعجيزيه للزوجه المستقبل
يبي وحده ماتطلب مهر كثير << هاذي يمكن نقدر عليها يبي وحده تسكن معاهـ بغرفه وحده !!!!! يبي وحده ماتطلب بيت !!!! يبي وحده ماعندها خوات !!!!... لانه متعقد من مشاكل زوجه اخوي الكبير لمن كانت ساكنه معانا .... يبي وحده تخدم وأهي ساكته !!!!! |
شوفي واضح مرة انها ساحرته هو و اهل البيت
ولا بالعقل والمنطق وشلون اهل البيت ما يقولون لها شي و وشلون هو يرضى في وحدة مثل كذا .. استغفر الله وعندي فكرة.. ليه ما تسفرونها .. او تتسفر !! و تشتكون عليها الشرطة .. او او او فيه مية طريقة و طريقة عشان تنقلع برا البلد.. استغفر الله العظيم او وش رايكم تقترحون على اخوكم وحدة من بنات قرايبكم و بس توصفونها له و تخلونه يتعلق فيها مثلا |
اختي هموووم
ترا مواصفات اللي يبيها موجودة انتم بس دوروا بتلقون ان شاءالله بس اهم شي اهم شي اهم شي امنعوا هالزواج مهما حصل والله يوفقكم يارب بحل هالموضوع |
صحيح ياحياه ان طلباته موجوده بس احنا مانبغى نظلم البنت معنا
تبغينا نسكنها في غرفه وحدهـ واحنا قادرين على اكثر ؟؟؟ |
توكلي على الله اختي وبلغي الهيئه قولي لهم عن هالعايله اللي تاركه خدامتهم تسرح وتمرح على هواها......واذا تقدرين بعد تكلمين شيخ او رجل دين ثقه عشان يكلم اخوك ويقنعه..........وفي نفس الوقت ابتدوا دوروا له على بت حلال بنفس شروطه بس حاولوا ما يكون الموضوع مفتعل يعني ما يكون قصدكم واضح انكم تنسونه الاندونيسيه.......لا بس اقعدوا امدحوا في البنت وفي قناعتها وادبها ويا بخت اللي بيتزوجها ومن هالكلام..............ولو مانفع واصر يتزوجها كلمي اعمامك او خوالك عشان لايجيبها البيت.............والله يعينكم في محنتكم
|
انا هاذا الي بسويه يا دانا
يعطيك الف عافيه هموووم |
السلام عليكم ...
اختي الغالية .. أتوقع اخوك ما يرضي يروح لشيخ يقرا عليه ويدافع عن الاندونيسية .. اقترح عليكم تحطون مسجل بصوت لشيخ مؤثر في القراءة في غرفته وتفتحونه على سورة البقرة .. لان السحرة والشياطين ما تقدر عليها .. والله يهديه ويصلحه .. أم حمزة |
سحر
بلغوا الهيئة! |
انتبهوااا من الاندونسيااااااااااات ترى السحر عندهم عااادي حتى مسلمات وغير مسلمات حتى تشوفون المسلمات يصلون ويقرون يفكرون عادي يسون اي شي وبعد الصلاه خلاص ربي يغفر لهم
ودايما يروحون للرجال يقلون وما ملكت ايمانكم ههههههههههه ماسيتحوووووون البيت اللي مافيه رجال مايبغونه قلة حيا يعني ياااااااامااااااا سحروا اصحاب البيوت وخلوهم يطلقون زوجاتهم لدرجة يسحرون الاب وابنه اثنينهم معها تخيلوا بس وسحروا الزوجه علشان ماتنجب يسحرون كل اللي بالبيت انتبهوا على نفسكم اقروا القران دايما وشغلوا سورة البقره لانها شكلها ناويه عليكم علشان ترضون وتحرككم على كيف كيفها كثير تزوجوا اندونسيات واكتشفوا انهم متزوجات عطوه قصص الشغلات وش يسوون من بلاوي وقصة الحربي اللي لقوه مدفون مقتول اللي قتلته زوجتة الاندونسيةه وهربت |
اقتباس:
والله خوفتني على اخوي وربي صدق عاد يقتلو ؟؟؟؟ ياررربي والله مخي مقفل ومو عارفه شسوي بالضبط |
السلام عليكم ..
اختي الحبيبة الخيالية .. يا اختي مثل ما في اندنونسيات يتعاملوا بالسحر في اللي يخافون ربهم لا تعممي ولا تظلمي .. والله كان عند اهلي خدامة اندونيسية والله انها كانت ملتزمة اكثر مني وما شفنا منها شي لا سحر ولا شعوذة ولا غيره .. وقعدت 6 سنوات لين ما زهقنا منها.. وراحت بلدها وهي ما ودها تروح من كثر ما حبتنا وتعلقت فينا لدرجة يوم سفرها صارت تبكي وودعتنا انا وامي اخواتي وحدة وحدة .. مع العلم ان عندي اخ واحد وكنا نعاملها بما يرضي الله الا من خواتي الصغار صغار وما يفهموا كويس واذا غلطت نبهتها امي وتجي وتعتذر .. وكانت تطلع السوق لحالها وترجع مع السواق .. وما سوت شي يغضب ربها .. ويوم رجعت بلدها تزوجت وجابت توم بنات والى الحين واحنا متواصلين معها بالتلفون نسال عنها وعن احوالها .. ادري قصة طويلة لكن حبيت اثبت ن مو كل الاندونيسيات ساحرات وخرابات بيوت ومن تجربة عشتها .. لكن يا اختي الغالية هموم ارجع واقترح عليك تشغلون سورة البقرة في غرفة اخوك .. أم حمزة |
ربنا يهديه
|
الله المستعان
فليكلمه أحدكم أو حتى أحد أصدقاءه المقربين .. ماذا سيكون مصير أبناءه ؟ المشكلة متواجدة في كل مكان حتى في بلادي ,, يتزوجون الأجنبية ويتركون بنت البلد :( |
الحين مو الزواج من الاجنبيه ممنووع؟ ولازم تصريح ؟ وبشروووووووط
وهذي اندونسية وشغاله؟ اجل خلاص هددوه انكم تعلمون عليه وعليها وبتترحل من البلد :) وطبعا حتى هو بيعاقبونه يتم محاكمة المتزوج تأديبياً لدى ديوان المظالم باعتبار ذلك مخالفة يعاقب عليها النظام" وماعليكم منه اذا سواها علموا عليييه علشان يتووب:( . |
خياليه مشكورهـ كثير عالرد بس هاذا اخوي ومايطاوعني قلبي اعلم عليه انا مابغاهـ يتزوجها اصلا
الفتاهـ .. شايفه كيف اولاد هالزمن!!!! ام ميريام ... مشكورهـ والله يهدي الجميع ان شاء الله اختي ام حمزهـ .. هاذي ماتبغى مهر .. ومن اولها تطلع مع اخوي وهو حراام؟؟؟؟ كيف تبغينا نصبر ؟؟؟؟ الله يعطيكم العافيه هموووم |
ياللا تحركي خبري الهيئة وخبريهم عن حالة الوالد
|
مشكورهـ عقد اللؤلؤ عالرد
اتحرك ... والله مقهورهـ من الي يصير وقلبي محروق عليه .. وبرضو خايفه البارحه قلت لأختي الكبيره وقالت لي بقول للوالد علشان يروح بيت ارباب الشغاله ويفهمهم اذا ما بعدت عن اخوي نشتكي عليهم الله المستعان هموووم |
أفضل إنكم ماتقولون للوالد ..
خلي أخوك الكبير يروح لبيتهم ويتفاهم مع أربابها أحسن .. ويوضح لهم إذا ما أبعدوها راح يشتكي عليهم ويسفرونها ويتعاقبون هم اللي تاركينها تسرح وتمرح وتقص على شباب خلق الله .. بس تحركوا بسرعة وتصرفوا .. لا تطولون الموضوع وبعدين تطيح الفاس في الراس .. |
مشكله اخوي الكبير بااااااااااااااااارد!!!
ماعندنا الا الوالد بس اخاف عليه .. ولا اقدر ادخل اي طرف من العايله والله احترت |
ذكرتيني بناس كان عندهم سواق اندنوسي اظن ... المهم اجنبي ...
بنتهم قالت ابغى اتزوجه لاني حبيته ... وحاولوا معاها بكل الطرق . بس مااااااااااااااااافي فائدة وقالت لهم اذا ما اتزوجته باهرب من البيت .. وضربوها وحبسوها برضه مافي فائدة ... والسواق سافر والبنت اتجننت ومشااااااااكل مالها اول ولااخر ... في النهاية لما ودووها عند شيييخ قال هذي مسحووورة .... والسحر كان في الاكل .. (( كيف عرف ؟.. الله اعلم لا احد يسالني )) .. البنت الان ماشاء الله احسن وانفك السحر .. ولاعاد جابت سيرة السواق ... نصيحتي اتصلي على مكاتب الخادمات يجوا يشيلووها وقوليلهم الحكاية وخليه الشيخ يجي لاخووكي لحده .. بدون مايعرف انه شيخ وحطووه قدام الامر الواقع ... واذا برضه مصمم يتزوجها اقطعوا علاقتكم بيه .. عشان يتادب ويرجع بكرة النهار ندمان .. لاحول ولاقوة الابالله ... ان شاء الله في المستقبل في بيتي ما اجيب شغاااااااالة انا اقووم بكل شئ .. اهم شئ زوجي وبيتي واولادي ... الله يفرجهاعليكم |
طيب حبيبتي مايمنع انك تتصلي بالهيئة وتستشيرينهم صدقيني راح يتعاملون بكل ستر وهدوء
أو يعطونك أرقام مكاتب او السفارة بس انتي تصرفي وش بلاك صرتي باردة ولاتخبرون الوالد |
مصيبه هالشغالات والله يعينكم على هالمصيبه لازم تتصرفون واخوك يمر بنزوة شيطان وقتيه صحوه من غفلته
لاحول ولاقوة الا بالله |
| الساعة الآن 09:15 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©