|
لماذ ياشباب حين نخرج مع زوجاتنا او أهالينا نكون معصبين ؟
لماذا نحن الشباب سواءا متزوجين أو غير متزوجين
خروجنا للتنزه أو السفر أو طلعة برية أو بحرية مع أهلنا نكون فيها معصبين ورسميين ودايم نزعجهم مشينا للبيت بسرعة بسرعة وأنتي يا فلانة أجلسي تغطي زين يعني إزعاج في إزعاج لكن إذا طلعت مع زوجتك أو أصحابك يصير العكس يحق للنساء المشاركة وخاصة المرأة اللي توه متزوجة علشان تعمل مقارنة قبل الزواج وبعد الزواج |
اييييييييه الحمد لله وشهد شاهد من اهلها ليش انتم يالرجال تسون كذا وهم الاغلبيه مع الاسف دايم اسمع الشكاوي من جاراتي واقاربي ودي اعرف السبب يالله عاد خلونا نسمع من الجال احسن
|
السلام عليكم،
لو كان سؤالك بصيغة "لماذا أنا" لكان أكثر سؤدداً وأدنى للوصف. ربما كنتَ أنتَ من الذين يضيقون ذرعاً إنْ هم أخذوا نساءهم، أمهاتٍ أو أخواتٍ، ليرفهوا عنهنّ أو يقضوا حوائجهنَّ أو يسعوا في خدمتهنّ، وليس كل الرجال كذلك. أوليس صحيحا؟ التعميم ياصديقي، لا يجلبُ إلا الأراء غير السديدة. كما أنه يحمل في ثناياه ظلماً للنفس والآخرين. لستُ ممّن يضيق ذرعاً بأهله، أو يضيّق عليهنّ في الخروج والتنزّه، أو يراقبهنّ كما يُراقب القطّ عصفورا. ولستُ ممّن يبخلُ بوقته على أخواته، على الرغم من أنّهن لم يعدن في حاجة لي بعد أن وفقهنّ الله مع أزواجهنّ. طاب يومك. عبدالله،،، |
فضحتنا الله يهديك :d
عموما اتوقع ان السبب هي الغيرة ؟؟ لكن اذا زاد الشيء عن حده مو طيب ابدا بالنسبة لي بصراحه طبيعي جدا جدا مع اهلي والحمد لله لأنهم خلاص عرفوا من انا وعارفين وش لهم وش عليهم اتفاهم معاهم بنظرات العيون :22: عشان كذا انا مرتاح وهم مرتاحين :23: بعدين احنا طالعين نتشمى وننبسط ليش نضيق عليهم مساكين والله ( هن عوان عندكم ) والله يالحريم انهم مسااااااااااااااااااااااااكين لازم نخاف الله فيهم |
واحد من أخواني دايم يقولي خذي راحتك الرجال بعيدين والعبي واستانسي
واخوي الثاني اعوذ بالله تقول شيطان من نجلس وهو بس يصارخ تغطي.. وانت لاتتلفتين وانت والله بالفنجال على وجهك لاتضحكين بصوت عالي وانت قسما بالله لو اشوفك تمشين لحالك لاركبكم السيارة وارجعكم البيت!! وكل شوي يماه شوفي بناتك ترى قاهريني وانت ليه لابسة هاللبس.......... ذل مابعده ذل اذا صار لي كذا اقول يارب متى أتزوج على الاقل اذا صرخ بوجهي استانس اقول يغار علي مو مثل الاخوان يفلتون عضلاتهم مسوين فيها رجولة بس!! <<< منقهرة واضح المعاناة :29: |
اقتباس:
الله يرزقك بالعريس عاجلاً :d بس ترى حتى الاخوان يغارون على اخواتهم مو بس الازواج الاخ الكريم سديد الراي اوافق الاخ عبدالله فيما قال فهذه المسألة " التضييق عى الاهل " امر نسبي يختلف من رجل لاخر |
أشكركم على المرور
وأقول لأخي عبدالله أنا لست ولله الحمد ممن يضيق على أهله لكن أرى هذا الشيء فيمن أعرفهم بعكس لو طلع مع زوجته أوأصحابه ولست أعمم لكني كشاب تقمصت شخصية ممن يلعب هذا الدور مع أهله |
ربما أعاني من إخوتي في كسَلهم عند رغبتي في الخروج أو تقمصهم الدائم لدور " رجل الأعمال " !! لكن حتى أنصفهم .. عندما نخرج .. ألمسُ منهم الرغبة الصادقة في إسعادي .. وأما الأمور الأخرى ففي الغالب لا يشدّدون فيها لثقتهم في حرصي عليها !! تحيّة ،، |
بس عندي تجارب متنوعة
أخي الأكبر متوسط لا يعصب بهدوء بس يعاتب وأرتاح له وإلي أصغر منه وااااااااااااااااو صراخ ولو يقدر يضرب!!! ولا احب اطلع معاه وإلي أصغر منه بس نظرات قوية وإلي أصغر مني يتضايق بس ما يكلمني يكلم أخواني الكبار وش فيها أختك؟؟ محترمني زيادة ولو يغار بشدة بس زوجي محطم الرقم القياسي في المراعاة على كييييييييييييييييييييييييييييييييفك بس هااااااااااااااااااااااااااااااااااااه لا ضحك ولا كلام عالي ولا يطلع منك شي وأي حركة مني بدون قصد نظرات قوية معصب وخلاص تنتهي السالفة نصيحة لكل زوج ولكل أخ أحيانا بدون قصد تخطىء المراة فلا تثور بقوة وبعصبية لأن بصراحة نحس كأننا نحن متعمدين وما نستحي بس والله هفوات بدون قصد ورفقا بالقوارير ودمتم بخير |
اقتباس
نصيحة لكل زوج ولكل أخ أحيانا بدون قصد تخطىء المرأة فلا تثور بقوة وبعصبية ، لأنه بصراحة نحس كأننا نحن متعمدين وما نستحي بس والله هفوات بدون قصد ورفقا بالقوارير ودمتم بخير[/quote] كلام في الصميم شكرا لمرورك أختي وفقك الله |
أي والله صح
بس أنا من تجربتي أحس أكثر شيء لما يكون في سن المراهقة بين 17و 25 أو لحد مايتزوج بعدين يخفوا شوي |
تبي الجواب ..
والله مو قصه نكد يوم يطلع مع اهله بس الغيره وانا اخوك اجل احد مايخاف على اهله ... |
أهم من خوفهم علينا وغيرتهم بعد
لا تستانسو تراكم زودتوها بعد :d |
اخي وعزيزي..
المرأة عندنا هي لؤلؤةً ,اوصانى به المصطفى صلوات الله وسلامه عليه, وقال : (واستوصوا بالنساء خيرًا؛ فإنهن خلقن من ضلع، وإن أعوج شيء في الضلع أعلاه، فإن ذهبت تقيمه كسرتَه، وإن تركته لم يزل أعوج، فاستوصوا بالنساء خير) فمن واجبنا, ان نحميهم ,ونغار عليهم, من اعين الذباب البشريه ,ومن السنة الكلاب العلامنيه, ونفعل مأمرنا ديننا به. وجزاك الله كل خير |
موضوع جميل
أنا الحمد لله ما عندي اخوة ذكور ما أحد بيصرخ علي هالحين :25: أريد أن أقول شيئا أنه بالنسبة الزوجه تحب أن يصرخ عليها زوجها مرة مرة لكي تحس أنه يغير عليها بس مو كتييييييير يعني نق على طول |
انا اخويا عمره 18 سنة لما اخرج معاه عاادي يخليني اخذ رااحتي بسهووووولة .. الله يسعده ..
غير كذه ماعندي احد اخرج معاه ... |
اشكرك على هاي الموضوع
اشوف ان هاذا الشي فطره في الرجال وسبحان الله لاشعورياً تصير |
يعني في رجال قمه في الذوق في تعاملهم مع أهله .. لكن في رجال قمه في التسلط و الاستبداد..
عن نفسي ما اطلع مع اخواني .. بس مع أمي و خواتي.. عسب نرتاح من النكد.. و يعني هم مستحيل يعرفون مصلحتنا أكثر منا .. مدام الوحده ملتزمه يعني ماله داعي كل هالعنصريه و التضييق و عدم الثقه.. و مافي أحلى من قعدة البيت.. |
فضحنا خخخخخخخخخخخ
بصراحه الطبع هذا فيني مدري ليش حتى في السفر بعكس الوالد الله يحفظه يقول احنا طالعين نوسع صدورهم مو نضيق عليهم لكن بدون شعور يعني في الجلسه لي كل دقيقه مزاج لكن جلس معي الوالد وقال لي كم كلمه صارت في قلبي مثل النقش على الحجر والحين اطلع معهم في سفره او في البر من اشوف نفسي بعصب اقو ياولد اثقل ولا تنسى كلام ابوك خخخخخخخخ والحمدلله الأن الوضع تغير |
والله مالقيت اللي يوديني مشاويري الضرورية فما بالك بالنزهات!!
نلاقيها من وين ولا من وين!! المشكلة لما تنحد الوحده على أخوانها ,, ويصير الزمن وأهلها عليها الله المستعان |
اقتباس:
لانه خالاتي من جيلي تقريبا وهم ثلاثه وحتى نومهم عندنا وانا واخواني نوديهم للكليه وكل شي ....وايضا بنت عمتي يتيمه وبعد من كان عمرها 8 سنين وهي عندنا... عموما لما اطلع معاهم بالعكس ودي باي شي يسعدهم...حتى والله احيانا اسوي حجوزات بمطعم هم مايدرون الا حنا صافيين جنبه ..وغير طلعات البحر دايما اجهز كل شي بدون حتى مااقولهم وحتى اخوي الثاني كذا....اما عاد تغطي وغيره...فاتصور حركة العيون كافيه وهم يعرفون وش نبي حنا بالضبط..يعني كل مين يعرف اللي له واللي عليه..والحمدلله |
اقتباس:
أنا مع حسابات لكن أحيانا لايتحمسون للذهاب معنا لا أدري لماذا لانهم يحسون بالمسؤلية أما إذا كان مع شباب مثله فهو بينبسط ويفلهاا |
| الساعة الآن 05:38 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©