|
انا و ابو خطيبتي غير متفقان و المشاكل بدأت
السلام عليكم و رحمة الله و بركاته
امس كنت عند ابو البنت.....زيارة خفيفة علشان التجهيزات و الأتفاق على بعض الأشياء من بين الأمور اللي تحدثنا عنها الشقة قلتله الشقة جاهزة بالأثاث(هو يعرف قصتي القديمة لما الغى زواجي قبل اتمامه بتسعة ايام)علشان كذا قلتله كل شيء جاهز ولا تغير قالي لا لازم تستأجر قريب من بيتنا قلتله صعب يا عمي المنطقة اللي انتوا فيها ارخص ايجار شقة بـ50000ريال بعدها قلتله ما علينا يا عمي اصلاً انا لسى ما انتقلت للمدينة احتمال ما اسكن بالمنطقة احتمال اكون بعيد عنكم 800 كم قالي مو مشكلة اذا انت تزوجت البنت هيا تكمل دراستها بالمدينة و انت بالأجازات تجي لزوجتك .............. ........ ... البنت باقي لها 3 سنوات دراسة جامعية بالله عليكم في انسان يقدر يستأجر شقة بـ50000 ريال بالنسة؟! والله كرهت شيء اسمه زواج بصراحة اعتقد انا دخلت بعائلة انا مو قدهم لا حول ولا قوة الا بالله |
يابن الحلال
اذكر الله ووسع صدرك انا احسك تنظر للمستقبل بنظره سوداويه لا تجعل ماضيك يحكم مستقبلك اجعل املك بالله وبالنهايه هذا كلام مبدأي وكثير بنات تزوجو وكملو دراستهم عند اهلهم وازواجهم يجونهم بالاجازات صدقني اخوي انت بس انظر للامر ببساطه وراح تنحل الامور باذن الواحد الاحد طيب وين اهلك من الموضوع؟؟ |
شقة ولا فيلا ؟! غريبة خمسين ألف ؟ طيب أعرف كثيرين في أحياء راقية وما تتعدى الثلاثين ؟ ( في جدة ) الله يكون بعونك .. بس صعب تطبق رأيه .. لا بدّ من المحاولة !! |
اخي الكريم عندماتقدمت للخطبة الم تعلم ان هذه الاسرة متطلبة؟
الندم الأن لن ينفع فلقد فككت خطبتك مرة وستصبح هذه مرة ثانية ان قررت وعندما تتقدم للثالثة لن يكون الامر سهلا حاول ايجاد حل وسط مع عمك..ابحث في منطقتهم عن مكان سكن قريب لمنزل والدها ولكن باقل من المبلغ المذكور فإن وجد فالحمدلله وان لم يوجد احبر عمك بجملة واحدة( لااستطيع توفير مسكن لها هنا فظروفي المادية لاتسمح وانا تزوجت ياعمي لأحصن نفسي لا لأبعد زوجتي عني) وان شاء الله يتفهم أختك حائزة |
اقتباس:
المسألة اللي شاغلة بالي كيف اتزوج و اتركها سنتين او ثلاث و بالأجازات اكون متواجد عندها....هالشيء مرفوض للأسف ابوي و امي ما اعطوني اي اهتمام للمشكلة هذي |
اقتباس:
خمسين الف ريال ايجار شقه ؟؟ وين هذي اخوي في اي منطقه انت ؟؟ خمسين الف قيمة شراء بيت مو ايجار؟؟ |
اقتباس:
الحيء اللي هم ساكنين فيه راقي 50000 ريال ولا حاجة لقيت ب60 و 70 و 80 الف ريال بالسنة حالياَ السكن مو مهم ما بقى الا اصير مثل الأجانب الآسيويين اعمل ببلد و في اجازتي السنوية اسافر لزوجتي و اهلي |
اخى الكريم لازم تكون حازم ...اذا ماتقدر على الشقه قوله ماقدر والشقه موجوده ومااغيرها ..!!
واما مسئله الدراسه ومكان التواجد بعد هاذى يبيلها تفاق لكن لابد من وضع حد للامر ....... الله يعينك وربى يكتبلك الخير ..اخى كل ماراح تسوى شئ استخير ولاتعمل شئ الا بستخارره ..علشان ربى يعطيك الطلريق الصحيح. |
مالك الا تقول لعمك بصريح العباره ان الوضع هذا ما يمشي عندك وما تقدر تعيش انت بمكان وهي بمكان
وحاولو توجودن حل يرضي الطرفين |
يا اخواني و اخواتي بالنسة للإيجار انتهى امره اعتبر الموضوع امنتهي
لكن مسألة انا بمكان و هيا بمكان كلماته والله حازة بقلبي ههههههههههههههههههههههههههههههه تصدقوا حاجة انه ابوها برفيسور بالجامعة اللي هيا تدرس فيها والله حالة المفروض يجيب لها واسطة تنقل للمنطقة اللي انا اعمل فيها في حالة اذا ما قدرت انقل للمدينة اللي هيا فيها خلاص راسي يعورني بسبب المسألة ودمتم بخير |
اخي تكلم معاه بهدوووء وفهمه الوضع بالضبط شنو
الله يعينك |
اخوي لا تعصب ولا تنفعل
كل الأمور تنحل بالهدؤ واحسن الحلول تنحل بأعصاب باردة انت قبل لا تخطبها على وشو اتفقتوا تكمل دراستها معاك ولا تقعد في بيت ابوها امش على الأتفاق او كلم ابوها وقول له انا ما اتحمل تكون زوجتي بعيدة عني وما ارضى بهالحل واتركهم يفكرون بالحل المناسب للطرفين يسر الله امرك . |
صعب انك في جهه وهي في جهه..
حاول تكلم البنت وهي اللي تبت في الموضوع اذا انت تزوجت وهي بمكان وانت بمكان اجل لا تتزوج ازين لك...اعتذر...بس انا عصبت من هذا الاب اللي بدل ما يستر البنت ويسهل امورها جلس في النص وعامل حكيم.... الله لا يبتلينا بهالاشكال.... |
ترى تقدر تفر راس البنت بالكلام المعسول وثقل عياره كمان....خلها هي تنشب في حلق ابوها تروح معاك
|
الله يكون في عونك
|
| الساعة الآن 09:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©