|
المتزوجات والنوم
كثير من الأصدقاء والأصحاب وزملاء العمل
عندما نتحدث مع بعضنا في الحياة الأسرية أستشف من أحاديثهم أنهم يأتون إلى البيت قادمين من العمل_بعد الظهر_ ويدخلون البيت والزوجة لازالت في نائمة لن أقول دائماُ بل في الغالب وأنا فترات كثيرة أكون مثل هؤلاء سؤالي للأخوات المتزوجات هل هذا صحيح ولماذا _كل وحدة تتكلم عن نفسها_ بالنسبة الآن أنا أتيت من العمل والمدام الله يحفظها نايمة مع الكتكوتة |
نومة العافية ...... المهم لما يجي الزوج تكون مستعدة
حقيقة المرأة ربة البيت هي الكسبانه وليست العاملة خصوصا في ايام البرد ما احلى دفى الفراش ......... الله يهنيهم والسلام |
الحمد لله ماعمروا جاء زوجي من العمل وحصلني نايمه طبعا بعد الطهر لان زوجي عمله شفتات اما ادا كان عمله لليل لازم انام واقوم على دقت جوالي طبعا يكون هو واقوم واستنه
طبعا الحريم ماهي وحده كثير من صحباتي يقولوا عادي ادا هم ساكتين بس انا ابغى اساللك انتا حرمتك متى تسوي الغداء على كدا مجرد سؤال |
يا اخي الاستيقاط مبكرا فيه بركه ،، تشوف كل امورك تنجزها وبعدين اذا الزوجة ما تعمل فالبيت بحاجه لها وين الطبخ والتنظيف ... يعني حتى لو وجدت الخادمه لكن البيت له اهتمامه ايضاً والله ان كثرة النوم إلا يتعب الواحده ويجيب ضيقة الخلق
اختكم |
والله ما أتغدى غالبا الا قبيل آذان المغرب
لدرجة أني أجي من العمل وأنام ونصحى سوا مع بعض |
<< أنا بصراحة وقت جية زوجي من الشغل أكون في استقباله أنا والله خاطري أخدمه بكل شي ..وهذا في رايي ومن باب الذوق والأحترام بس فيه زواجات كثير يكونو سهرانين بالليل مع أطفالهم وفي النهار يستغلو وقت نومة الصغار وينامو معهم وأنا مقصرة في حاجة ثانية وقت طلعة زوجي للشغل أكون نايمة يعني ما أسوي له الفطور لني أنام بعد صلاة الفجر وما أصحا لوقت اللي يصحا فيه عشان يروح للشغل والسبب منه ما يرضا يصحيني وذا صار وصحيت ما يرضا اسوي له فطور ويقول روحي نامي ما له داعي تتعبين حالك مرة ثانية خلك نايمة !! أنت ايش رايك بذا الشي ؟ أصحا له وقت طلعته للعمل ولا أخليه على راحته؟ السموحة رديت عليك بسؤال ثاني !! |
اقتباس:
لااااااااا السالفة مهي طبيعية !!! يمكنها تسهر كثير بالليل لازم تحاول تنظم حياتها تفاهم معها وبين لها أنك متضايق وقول لها تنيم الصغيرة وتنام شوية بدري أو لازم تنام معك بنفس الوقت .. وبوقت الظهربعد الغذا كمان تنام لها ساعة وبكذا يتعدل نومها |
اخوي يمكن بنتك الله يحفظها صغيره وزوجتك تتعب معها
خليها تنام وحاول تلمح لها بالكلام بالتوفيق |
بالنسبه لي انا نومي موبكيفي لان عندي اطفالي وقت النوم اجلس عندهم الى ان ينامون ياخذون اقل شي ساعه
ولما ينامون القى زوجي نايم ولما اصحي على طول اصحيهم عشان ينامون بدري بس برضوه ماينامون بدري باختصار اكون تعبااااانه وقت النوم وما احسب ان اطفالي ينامون عشان ارتاح وبعد مااقوم اصلي الفجر اجهز الفطور لزوجي وافطر معاه وبعدين احاول انام على طول عشان اقوم بعدساعتين اصحي اولادي واجهز الغدا قبل الظر |
بصراحة منتهى قلة ذوق ومحبة واحترام من الزوجة اذا جاء الزوج من العمل -بالاخص عمل النهار-وزوجته نائم..
من ينسيه التعب والهم ويدخل الفرحة الى قلبه باستقباله بطعام لذيذ ووجه حسن باسم.. عنى شخصيا حريصة جدا انا لاياتى زوجى من العمل وانا نائمة بل مستقيظة ومبخرة غرفته وحتى اولادى يكونوا نظيفين ..وطريقتى هى انى بعدذهابه للعمل ارجع انام الى اذان الظهر واصحى اطبخ غداى وانتظره.. |
لو يجي زوجي والغداء مو جهاز كان رحت :29: :( فيها وانا الحمد لله احياننا لما يروحون عيالي للمدرسه ماانام واحياننا انام الى 10 ثم اصحى لكن وراء هذا سر انه زوجي مايحب السهر ولايبغى عياله يسهرون علشان كذا منضبطين بعض الشي وان كان الخميس والجمعه اتعب من عيالي لانهم يصحون بدري
فانت حاول مع زوجتك انها تنام بدري علشان اذا جيت تكون مجهزه غداك ي البدايه راح تكون صعبه لانها متعوده السهر لاكن مع الوقت راح تقول مساكين اللي يسهرون باليل وينامون بالنهار مايحسون بطعم الحياة الا اذا زوجتك عندها ضروف هذا شئ ثاني |
والله إنه الزوجات بدولنا العربية جد مدلعين بوجود الخادمات
على السبعة وانصف لازم أكون بدوامي هنا عندنا الدوام المستمر قبل هذا عندي ولدين الله يحفظهم لازم أجهزهم لحضانة إضافة إلى زوجي يجب مراعاة طلباته أضف إلى ذاك بحاول إنه وجبة الإفطار نجتمع فيها ونتكلم إضافة إلى كل هذا بما أنه ما عندنا أكل حلال في الكفتريا بحضر كل يوم أكل إلي لولادي وزوجي هذا مرطون حياتي كل صباح عدا أيام السبت والأحد في ها الغربة الله يسعدكم بأزواجكم وزوجاتكم ما بعرف شو هوا النوم بالظهر تحياتي |
انا زوجي اوقات رجعته من الدوام مختلفه فاذا كان يرجع بدري .. انا اكون نايمه .. واول مايجي يصحيني ويجلس معي شوي ويدخل ينام.. ونتغدى قبل المغرب..
واذا كان يجي على العصر اكون انا صاحيه ومجهزين الغدا ونتغدى سوا اول مايرجع,, واحنا نومنـــــا بالليل مو كثير منظم يعني على حسب,, واحنا لسا متزوجين وماعندنا اطفال.. بس اتوقع اذا جاني اطفال اكيد بنظم نومنا وننام بدري ونصحى بدري,, الله يسهل ويرزقنا ربي بالذريه الصالحه:) |
أخي زين ليه كل هالنوم
اذا هي تعبانة من العيال يسهرونها يمكن تعذرها وتصبر عليها لكن تنام بدون عذر وتأتي البيت فلا تجد غداك جاهزا قد يكون ذلك اهمال اخوي عليك بتشجيع زوجتك تستيقظ قبل جيتك تطبخ وتجهز الغداء وتتغدون وتردون تنامون مع بعض : : أنا احيانا لو تعبانة ومانمت طول الليل أنام الصبح واقوم قبل الظهر اطبخ الغداء واجهزه وبعدين ارد أنام مع زوجي ولا انام مبكر في الليل ونادرا اتصل على زوجي اذا كنت تعبانة اخبره اني ما اقدر اطبخ غداء : : الله يصلح احوالكم . |
انا ارجع البيت مع زوجي هال ايام من الكليه نشتري الغدى نجب البنت من بيت امي
يوم السبت اجازتي و زوجي نص دوام احاول اعوضه اتكشخ و اطبخ و استقبله كل سبت بحركه يديده |
أولاً أحمد الله أن زوجتي تكون دائماً في استقبالي عند قدومي من العمل
كما يعتمد ذلك على الزوج إذا سمح لزوجته السهر في الليل أكثر من اللازم من الطبيعي سيجدها نائمة عندما يصل المنزل فتدريجياً عندما ينصحها بتقديم موعد نومها ستجدها إن شاء الله في استقبالك وبالأحضان :22: تحياتي |
المشكلة ياأخواتي واخواني الكرام أنا زوجتي على كلامها تحب السهر ومتعودة عليه وفي نفس الوقت الطفلة الله يصلحها مشاغبة مرررة وتحب السهر ما تعرف تنام بالليل حاولنا كلنا معاها ويأسنا منها
أنا صارحت زوجتي بهذا الشيء وتتعذر بالبنت والشيء الثاني تقول أنت تطلع من الدوام وتحط راسك _لأني متعود أتغدى بعد القيلولة _ ولوكنت تحتاج شيء قهوة أو غداء أو اي شيء صحيت قلت المطلوب منك أني أدخل البيت والقاك في استقبالي الشيء معنوي وليس حسي كني داخل مقبرة هدووووووء أختي شقراء السعودية لو كان زوجك يريد أن تصحي الصباح وتجهزين فطوره كان قالك هالشيء بس إذا كان معفيك فأنا أرى عادي ماله داعي تقومين ومن ناحية الفطور جهزيه قبل النوم بعد الفجر وخليه يسخنه بالمايكرويف |
صراحه الموضووع كله يحتاج الى تنظيم ..+ النوم مبكرااا ............
لكن اغلب الناس سهر ونوم متأخر وصلاه فجر بوقتها وجماعه مايعرفونها حياة كئيبه اعوذ بالله .. بعض الرجال يسهر وهو نفسه عنده دوام الصباح هو نفسه مهمل ويتأخر بنوم وتأخذ العاده هاذى الزوجه .......ثم الاهمال من الزوجه الافضل التنظيم والتعود عليه وخصوصا اذا عندكم اطفال المفروض تنظمون اكثر وتنامون مبكرااااا وتكون متواجد فى البيت بعد صلاه العشاء فى جماعه ..........واسأل الله ان يصلح احوالى واحوالكم واحوال المسلمين |
[QUOTE=سديد الرأي]المشكلة ياأخواتي واخواني الكرام أنا زوجتي على كلامها تحب السهر ومتعودة عليه وفي نفس الوقت الطفلة الله يصلحها مشاغبة مرررة وتحب السهر ما تعرف تنام بالليل حاولنا كلنا معاها ويأسنا منها
السلام عليكم أخي بالنسبة للبنت الله يحفظها السهر مضر بالنس بة إليها إعملها روتين تتعود عليه بس يحتاج صبر و مساعدة من الإثنين و عدم إهمال و مثابرة أنا إستعملت هذا مع ولدي بناء على تعليمات الدكتور والحمد والشكر لرب العالمين ولدي ماشي على النظام تحياتي |
الرسول يقول{{{{بارك الله لأمتي في بكورها}}}
والسلام عليكم |
ياخي في البدايه راح تكون صعبه لا وصعبه جدا لكن مع الوقت راح تتعود وبنتك اذا جيت من الدوام صحيها وحاول انها ماتنام الافي الليل يعني انت خذلك يومين او ثلاثه لاتنام اذا جيت من الدوام تحمل علشان كتكوتك يعني مع هالامطار خوذو لكم رحله بريه تطير النوم (لاتنسى كلامات المدح و و و و لزوجتك اذا جيت من الدوام وهي صاحيه وقدر لها ها الشعور ومع الوقت اذا جيت من الدوام راح تلقى المدام قدامك كذا:d :d :17: :23:
|
كل ما كلمتها تقول ابشر ابشر بس هي اصلا ما تنام الابعد الفجر وإذا قلت شيء تقول ماجاني النوم
|
قد تعتذر الكثيرات بوجود الأطفال وتدريسهم والاهتمام بهم .. ولكن ( عذر البليد مسح السبورة ) ــ المعذرة ــ تنظيم الوقت وتنظيم مواعيد المذاكرة واللعب قد يغنيها عن كثير من التعب ويخفف عليها .. وانا اعلم أن هناك نساء بارك الله فيهن ينظمن اوقاتهن وأوقات أطفالهن وما غن يحل وقت صلاة العشاء إلا والكل في استعداد تام للذهاب إلى النوم طبعاً بعد أن يكون قد تناول الجميع طعام العشاء وانهى جميع الأطفال واجباتهم المدرسية وهؤلاء الاطفال متفوقين دراسياً .. ولله الحمد والمنة .. وحياتهم مستقرة ...الاهتمام بالزوج والقيام بحقوقه وواجباته مطلب ديني أساسي أوجبه رب العباد .. وفي جميع الأحوال لا يمنع هذا من تعاون الزوج معها في شئون البيت والصبر عليها ونصحها إن قصرت...
وفق الله الجميع .. وهدى جميع نساء المسلمين لما فيه الخير والصلاح .. |
الله يساعدك أخوي
طبعا ما فيه أحد ما يحب أنه زوجته تستقبله و تكون مجهزه له الجو الهادئ في البيت و يكون الغداء جاهز خصوصا بعد ما يكون راجع من يوم كله تعب و شغل شوف أخوي بالنسبة لي أنا تزوجت و أنا في أول سنه في الكليه لكني تركت الدراسه لهذا السبب أدري يمكن تقول لي غلطانه أنك تتركين الدراسه لكني مستحيل أحرم زوجي من هالشيء و هو أني أستقبله أول ما يجي من العمل مو يجي ياخذني و أنا تعبانه من الكليه و أجلس أطبخ و أنا مالي خلق لأحد من التعب مع أن زوجي ما كان معارض الدراسه نهائيا لكني أول ما قررت أطلع من الكليه الكل عارضني لكني أصريت على رأيي و طبعا زوجي لما طلعت فرح و ظهرت مشاعره الحقيقية في أنه كان يتمنى أني أطلع لكنه ما حب يقول لي علشان ما يكون هو السبب في خروجي من الكليه و الله يخلي لي زوجي و إن شاء الله ما أحتاج للشغل و أنا معاه بالنسبه لبنتك اللي نومها مو منظم أنا عندي ولد عمره سنتين تقريبا ما أحد شافه إلا وقال ما عمرنا شفنا مثل ولدك في شقاوته و دائما يقولون الله لا يبلينا مثله أنا حصلت صعوبه في البدايه في تنظيم نومه لكن حاليا صار الوضع فوق الممتاز يعني مثلا لو كنتوا تنامون القيلولة تركوها أو على الأقل زوجتك و بنتك و أنت تقدر تنام لأنك تعبان من العمل طبعا علشان البنت لما يجي الليل بتكون تعبانه و بتنام مبكر و بكذا راح تجلس لكم الصبح ،، و ليش ما تجرب تدق عليها بالتلفون :27: أول ما تنوي تطلع من العمل علشان تصحى و تقوم تجهز لك الغداء ترى عادي إذا هي ما حست هي من نفسها أنت خلها تتعود يعني خلك حازم معاها في الكلام ترى ما فيه أحلى من الحياه المنظمه تخليك دايما نفسيتك فل . عذرا إذا طولت عليك أخوي لكن و الله صعب علي حالك :21: |
بالعكس أختي كلكم على عيني وعلى رأسي وما طرحت المشكلة إلا وأنا أنتظر الآراء من الجميع إختلافاتها
المشكلة أنها ماتقصر في أغلب الأمور بس هذي المشكلة اللي ماقدرت تتجاوزها أنا طالع اليوم للدوام ولازالت صاحية لأن البنت الله يصلحها نامت الساعة 12 وصحيت الساعة 3 تقريبا وصحت أمها معها والآن هم في سابع نومه المشكلة تشوف البنت تنام المغرب وتخليها وعذرها تقول خلها ترتاح شوي وتصحصح العشاء إلى الصبح بس الله يعين أنا ما همني أنها تنام الليل والنهار بس مثل ماقلت وجودها أماي وأنا راجع من العمل شيء معنوي .......... |
اخى الغالى اجلس مع زوجتك وعرفها انك لازم اول ما ترجع تلاقى الاكل جاهز وهى فى انتظارك
وحاول الاتصال بها وانت فى الشغل حتى تقلق وتستيقظ واسالها هتعملى غداء ايه اليوم وتتصل مره ثانيه وتسالها خلصتى يعنى حاول ان تستيقظها بنفسك والله يسعدك ويهديها |
اخى الغالى دى فتره وهتعدى وبكره البنت تكبر وتكون عروسه بس اعمل زى ما انا قولت وهى ممكن تبقى تنام تانى بعد ما انت تيجى وتتغدوا سوا وتبقى تنام تانى
وان شاء الله فتره وهتعدى وحاول تستحمل علشان البنوته الصغيره ربنا يبارك لك فيها |
اقتباس:
أما بالنسبة لمشكلتك ما يبغا لها شي عليك بس تحاول يوم أو يومين تغير وقت نوم بنتك وزوجتك وبيتغير موعد نومهم كله لباقي الأيام مثلا بأيام العطلة الأسبوعية حاول تصحيهم معك بدري وخلي زوجتك تسوي لك الغذا وبعدها تنامو كلكم بعد الغذا ساعة بس مو أكثر وبالليل تنامو بدري .. وبين لها أنك مبسوط معهم وذا الشي الطبيعي اللي المفروض يصير وبأيام الدوام قول لها أبغا اليوم تسوي لي الغذا كذا .. وشوف النتيجة ذا ما تغيرت أزعل شوية وذا تغيرت جيب لها هدية مثلا أو أستقبلها بطريقة حلوة وبين لها مدى سعادتك وراحتك بالتغيير .. وبالتوفيق أخوي سديد الرأي وتمنياتي لك بحياة زوجية سعيدة ..... |
أشكر كل من أدلى برأيه وأتمنى أني ما أثقلت عليكم
وإن شاء الله تعم السعادة بيوتكم وبيوت المسلمين أختي شقرا الموضوع موضوعك ما فيه داعي لإعتذار تمونين مثل بقية الأخوةوالأخوات |
السلام عليكم ورحمه الله وبركاته
بالنسبه لي انا ايام الاسبوع اصحا بدري تدرون تنظيف وطبخ وما الى ذلك ولازم اكون موجوده في البيت عشان استقبل زوجي العزيز مع اني موبمتزوجه من زمان ولسه ماعندي اولاد لاني اكمل دراستي والحمد لله موفقه بين دراستي وزوجي لا وازيدكم من الشعر بيت ادرس في منطقه ثانيه ...بس انزل وسط الاسبوع المهم راي ان المره لازم تهتم بزوجها وتخليه مو محتاج اي شي من جميع النواحي والزوج بعد يهتم بزوجته لان الحياه الزوجيه تعاون وهي شركه و الارباح فيها مناصفة بين الزوجين تحياتي غدَوا |
أنا والله وأنا تعبانه أصح وأسوي الفطور والغداء له ولا حيزعل كل اليوم
|
أنا والله وأنا تعبانه أصح وأسوي الفطور والغداء له ولا حيزعل كل اليوم
لان بصراحه المساكين العمل حق مره صعب ويقبل ناس كثير ويجي البيت يبي الي يستقبله ويخفف عنه تعب يتغداء وينام ساعه تقريباً وأصحيه وأما بنسبه الولادي فهم 3 الله يحفظهم وكلاهم صغار بس خلاص معودتهم نام بدري ونصحا بدري وخصوصاً أني في غربه وما لي حد غيرهم زوجي وأولادي و أنت طبعاً صايراً نام بعد العشاء ونصحا الفجر ومرتاحه على هذا الوضع |
انه عيالي صغار ويسهرن كثير لحد صلاة الفجر لكن لازم اقوم الصبح عشان اصحيه والفطور ما اسوي له شي مجرد ان اعطيه لبن او حليب بالفراولة يعني شي بارز على الاقل يتقوى اشوي وبعد ما يروح الشغل انام يعني انام كل يوم اربع الى خمس ساعات بس
واما الظهر فانا ما اسوي الغدا عندي من يطبخ بس لازم اصحى قبل ما يجي زوجي واصحي العيال واحس انه راح يتضايق لو رجع وشافني نايمة وزوجتك الله يحفظها تقدر تصحى قبل رجوعك بنصف ساعة وتستقبلك وبعدها تنام مرة ثانية |
الحمد لله ما عمري جاء زوجي وأنا نائمه وأن حصل أتوقع راح أنهار لأني خوافه بصراحه لأني راح أسمع منه كم كلمه تخليني أندم على هالساعتين اللي نمتها
|
المفروض أنك إذا كنت متضايق من هذا الشئ تنبهها وتشجعها على النوم بدري
|
عن نفسي مستحيل انام لحد ما يجي زوجي وعيالي من المدرسه والسبب حرام يجون يبون لقمه حاره تدفي بطونهم ثانيا يجون هلكانين تعب يبون من يخدمهم فما اتخيل نفسي انام حزه جيتهم ابداا
|
أحم ... أحم ..... أحم ....... أنا وصلت ......:d عاد أنا حالة خاااااااااااااااااااصة :25: مع إني أحب النـــــــــــــــوم بس الصراحة قليل مايجي ويلاقيني نايمة :23: وإذا حصل وصرت نايمة فهو السبب ؟؟ قولي ليش ؟! ليش ؟!؟ لأنه يكون هو مسهـــــــــــــرني:29: (((( أتمنى تكون فهمتني ))) ؟ |
السلام عليكم
عزيزي سديد الرأي شوية نظام في البيت يعني إذا سهرت الزوجه للصبح تحاول تظغط على نفسها في الصباح يعني تقوم على الساعه عشره وتصحي الصغيره وتظغط على نفسها يعني تقوم تسوي الغدا وإذا خلصتوا تنام معك للعصر والبنت معها وتصحيها وتصبرعليها لاتنام طول فترة المغرب والعشاء ولا يجي الساعه 11المساء إلا والصغيره الله يحفظها نايمه وهذه الفتره تقدر زوجتك تروق وتقعد معك لوقت نومك وتحاول إنها تنام معك أو تسهر ساعه تكفي وتنام وتحاول تصحى في نفس وقتها المعتاد الساعه عشره أو إحدى عشر الصباح بالكثير يمديها تسوي غداها قبل ماتجي والله يسعدكم وهذه مشكلة كثير من الرجال يشتكون منها والله يعين الجميع |
ممكن انها تجهز الغداء من الليل وقت ماتكون صاحية وتضعه في اواني زجاجية مغطية في الثلاجة بحيث أنه يوضع بشكل جاهز لتقديم وقبل ماتجي من الشغل اذا حاب تتغدى تكلمها فبل نبصف ساعة تقوم وتحط الغذاء بالفرن علشان يسخن وتتجهز لقدومك في هذا الوقت وبما انه وضع باواني زجاجية سوف يكون كأنه طازج والثلاجة لن تغير طعمه بشرط انه يكون مغطى جيدا
|
ايه صحيح وحده من صحباتي ما تشتغل و يجي زوجها و هي لسا نايمه
طيب ابي أسأل سؤال واحد بس ليه بعض الناس يسبوا في المرأة العاملة "" مو الشغل احسن من النوم """ في الوقت اللي هي نايمه فيه احنا نشتغل فيه"" استفدنا و غيرنا جو وتنشطنا "" انا ارجع من دوامي و اطبخ الغدا وننام انا وهو "" انام ساعه او اقل و تكفيني "" و لازم اصحى قبله مع احترامي للجميع (( طبعا مو كل العاملات سوا ولا كل اللي جالسين بالبيوت سوا)) |
| الساعة الآن 05:05 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©