|
أنا حزينة جدا
السلام عليكم ورحمة الله وبركاته
اثقلت الهموم صدري واتعبني التفكير والحزن اصبح امر من ذي قبل انا في حيرة من أمري أكاد اجن تعبت تعبت صبرا جميل والله المستعان يمكن بعضكم عرف اني تقدم لخطبتي شاب وفرحت بهذا الشاب فرحا كبير الكل مدحه لي وشكر في اخلاقه كان تقريبا مميز في عيني اعجبت به وارتحت له واستخرت كثير ومازلت مستمرة في الاستخارة لكن الوالد الله يهديه والوالده زعلواااااا من انه الولد اشترطت اني مااسمع اغاني ( امه قالت لامي الولد قالي يامي اخطبي لي وحده كيف ماتكون اهم شي انها ماتسمع اغاني) انا هالجملة مااشوفها شرط ابوي يقول عيب يدخل بيتنا ويشرط هذا شي والشي الثاني الي متعبني جدا ومو قادرة ارضى بيه او اصدقه انه الشباب قد يكون على علاقة بناس لهم تجارب ارهابية او انه يجلس في مجلسهم مع انه سألت اشخاص في المباحث نفوااااا هالشي لكن الوالد مازال متخوف يقولي اخاف يابنتي يتزوجك وبعدين يمنعك منا يقولك بيت اهلك لا لانه عندهم تلفزيون ويمنعك مني ( الولد يشرب دخان) وسالت بطريقتي عن هالموضوع وكل ماسال يقولون لي الولد مو متشدد لهذه الدرجة تعبت انا في حيرة من امري استخير ارتاح للشاب واجلس مع امي احس بتردد قلت لامي ياامي ياتكلمي امه وتقولي لها عن ظروفنا في البيت وكيف هي حياتنا , او ابويا يقابل الشاب ويتعرف عليه ويفهمه كيف احنا عايشين انا مستعدة في بيتي ماأشغل اغاني وماافتح تلفزيون , لكن المشكلة باهلي مااقدر اتحكم فيهم وفي نفس الوقت مااقدر مااحضر مناسباتهم اخاف اوافق عليه يتشدد معاي واخاف ارفضه اندم طول عمري اتمنى شاب غير مدخن يصلي فروضه بانتظام ماتهمني لا الماده ولا المظاهر العامه خايفه من افضل عند اهلي طول عمري وخايفه من اني اعارض اهلي ( وانتم عارفين اهمية رضى الام والاب في هالموضوع) واتزوجه وبعدين اندم مااعرف شو اقولكم ؟؟؟؟ ابغى مشورتكم ولا دعائكم لي بالفرج ادعوا لي بالاصلح ادعوا لي بالزوج الصالح |
ياااااحبيبتي
والله انك اليوم على بالي ..وأول أمس جانا مطلر ودعيت لك .. الله يهئ لك الخير ويوفقك يارب .. لي عودة .. |
السلام عليكم ورحمة الله وبركاته
أختي الكريمة لا أظن أن اشاب سيكون مهتما بسلوك ابيك وأمك ومنزلكم.. هو لن يهتم إلا ببيته إن شاء الله .. وليس من حقه اصلا أن يمنعك من زيارة أهلك مستقبلا من أجل وجود مثل تلك المعاصي.. وصيتي لك : أن تجعلي أمك تحادث أمه وتبلغها عن مخاوف ابيك بطريقة لبقة وطيبة .. بحيث توصل امه إليه هذه المخاوف التي يستطيع الشاب من خلالها تفسير مواقفه بالضبط تجاه هذا .. وهو إن شاء الله يكون متفهما ولبقا في إيصال وجهة نظره إليكم. وإن شاء الله انه من أهل الصلاح وليس من أهل الإرهاب بل ممن ينبذونه. أسال الله أن يفرج همك وييسر امرك. |
ادعي لي اخي الفاضل
كلامك اسعدني تصدق اخي الكريم حتى اخي تغير رايه مع انه مسبقا كان سعيد بالشاب ويقولي فكري بعقل ولا ترفضي ادعي لي بالاصلح |
رأيي برأي الأخ سنون ومنون ..
ويارب يوفقك وييسر لك أمورك ويبعد عنك كل هم وغم ويفرج كربتك .. |
فيه رجال يشرط شرط عدم سماع الأغاني!!
انا من رايي أمك تكلم امه وتتفاهم زين وكل شي يجي بالتفاهم واذا صارت هالنقطة تهمه عادي وانت ادعي وتصدقي واكثري من الإستغفار ونصيحتي أسألو عنه زين تدرين انا لاحظت على ابوي يهتم بهالنقطة وكل محد تقدم لي يقول ابوي لازم نتأكد من تفكيره صاير يشك بالشباب كلهم!! |
تصدقي ياشوبارد ابوي ماينام
قلقاااااااااان مره ومتخوف من شدة قلقه مايكلمني وانا اخايفه ماابغاه يزعل مني ابغى رضاه هو والوالده |
بالطبع من حقه أن يضع ما يشاء من المواصفات .. لكن إن كنتِ ممن يستمع إلى الغناء اتركيه لله أولاً .. ( والله ما بيجيب غير الهمّ ) صديقتي ملتزمة ومتزوجة دكتور في الشريعة وإمام مسجد .. وعندما تكون مدعوّة لمناسبة فيها بعض المخالفات تذهب إلى أصحابها لتهنئتهم قبل الموعد .. باتفاق مع زوجها .. أما أهلها فمع ما يحوي بيتهم .. مما يعلمه الزوج فإنه لا يمنعها البتة من زيارتهم ! الله يفرّج عنك يااارب ،، |
من غلاك الله يخليه لك ويفرح فيك
انا أبوي مايشغله ولاشي الا تفكيره يقول اخاف تفكيره ارهابي:d والباقي عاااااااااادي عند ه اتمنى ابوي يهتم بالنواحي الثانية بس للأسف يمكن لأنه كبير بالسن المهم عنده رجال ولد ناس وبس! الله يفرح قلوبهم قريب والله يشرح صدرك ويكتب لك الخير |
انا ماتهمني الاغاني
بالعكس هالشرط اسعدني انا متخوفه وبالاصح اهلي متخوفين من موقفه منهم لو سار نصيب |
طيب إيش اللي مخليهم يفكروا عنده نزعة " إرهاب " ؟! ما تكون بس الفكرة اللي تحاول الانتشار هذه الأيام عن كلّ ملتزم ؟! |
يمكن أنا أشوف طلبه عااادي جدا وبالعكس جميل ولا يعني ان تفكيره إرهابي
بس لا ألومكم بسبب ما حدث في بلادكم من إرهاب من حقكِ أن تخافي وتترددي لكن أكثروا من السؤال عنه أكثر واكثري من الإستغفار وصلي الإستخارة أسأل ربي الكريم أن يوفقكِ لما فيه الخير والصلاح لكِ |
حبيبتي شوفي انا بانصحك وكنت بابكي قبل شويه على حالي بس ربنا برد قلبي يارب لك الشكر ومره مقهوره من موضوع انتي مؤمنه بالله وتعرفي ربنا خلق الانسان في كبد وكلنا عندنا مشاكل صدقيييييييييني مافي احد مرتاح في دي الدنيا الحمدلله ولازم نحمد الله على السراء والضراء ونصيحتي لكي انت في بيت اهلك وفي حكم والديكي ورضاهم يدخلك الجنه صح طيب واعرف نفسك تتزوجي وحلمك بس من تجربه اسمعي كلام ابوكي ومستحيل قلبو يقول لا عل شي حيكون في خير لبنتو وابوكي يحبك ماشاء الله ويخاف عليكي وخايف انو يمنعك منو لانك لو اتزوجي زوجك خلاص حكمك في يده وطاعته واجبه ورضاه وقتها اهم من امك وابوك ولكي لجنه لانك اطعت ربك واتبعتي اوامره ولاتنسي القصه في عهد الرسول اللهم صلي وسلم عليه لما واحده ابوها بيموت وتبغا تروح تشوفو وزوجها منعها وسمعت كلامو واطاعت ربها ومات ابوها ربنا اعطاها الجنه ونعم بالله ولو كان نصيبك حتاخديه ولاتنسي لو اجتمعت الامه على ان يضروك بشي لم يكتبه الله لكي ماراح يضروكي ولو اجتمعت الامه على ان ينفعوكي بشي لم يكتبه الله لكي ماراح ينفعوكي ونعم بالله وكلي امرك لله واطيعي ابوكي وصدقيني ربنا حيوفققك باحسن منو او هو بس يكون يحترمك انتي واهلك مره كتير ويعملكم مليون حساب قولي اللهم اجرني في مصيبتي واخلف لي خيرا منها وارمي توكلك على الله واطيعي ابوكي لانك دحين في امتحان من رب العالمين من غير ماتدري فانجحي فيه بكل فخر واتمنالك السعاده والهدايه انتي وانا وجميع بنات المنتدى وامه محمد صلى الله عليه وسلم
|
لو تسمعي مني أختي....تناقشي مع أهلك يسمحوا لك تكلميه بإقناع من أبوك أو أخوك لسبب..الكلام من أمك لأمه أو أبوك له ما رح يكون فيه مصارحه تامه ونقاش منك له..لكن لو كلمتيه بيكون نقاشك بحياتك..جدي وواضح
ومافيها شي بنظري شرعا لأننا كلنا نكلم الرجال الغير محارم على التلفون..وبالنهاية هدف المكالمة إنقاذ حياتك.. وربي ييسر أمرك أختي الغالية |
اسألو عنه
واحس دام انه اشترط هالشرط فهو انسان يرتجى منه الخير ان شالله ولو كان مثقف وواعي ماراح يمنعك من زيارة اهلك هو اكيد ماخطب الا سأل عنكم وعارف حياتكم كون انه ارهابي او لا اسألو بالعمل وبالمسجد وبالحي وبكل مكان عنه سبحان الله هالايام من كثر مانسمع صرنا نخاف اللي ملتزم تخافين هل التزامه صح ولا مظاهر وبس للاسف واللي عادي تخافين يكون وراه مصيبه ولاعنده بلا مافي الا الدعــــــــــــــاء وصلي الاستخاره موقفك صعب توافقين واهلك مترددين حاسه فيك تخافين من عدم التوفيق لاسمح الله الله يختارلك مافيه الخير يارب |
انا برأيي الرجل جيد من ناحية المواصفات
ومن حقه ان يطلب من زوجته انها ماتمع اغاني لاكن الشئ اللي لازم تركزين عليه هو طريقة طلبه لهذا الامر !!!!!!!!!!!!!! يعني المعروف ان الرجال قوامون على النساء وباستطاعته تغيير زوجته بعد الزواج اهم شي يكون متاكد من التربيه والمعدن لاكن انه يطلب كذا قبل الزواج هذا يدل على عده احتمالات في شخصيته !!!! |
الله يوفقك حبيتي ويكتب لك اللي فيه الخير بس لازم تسألون عنه أكثر واكثر ...
|
اختي المقابله بتبين كل شئ
خلي اخوانك ووالدك يقابلونه وياخذون ارقام اصدقائه وسوف يتضح ان كانت شكوك والدك صحيحه ام لا الله يفرج همك ويفرحك قريب يارب |
شي غريب إنه هالموضوع مسبب لأهلك قلق ؟!
الرجال ملتزم ومن حقه يختار زوجه مثله ، وأنا لو مكانك بطيييييييير من الفرحة إنه مايحب الأغاني وسماعها الغلط بالتفكير اللي وصل له الناس من الخوف من الرجال المتدينين وربطهم بالإرهاب !!! الحمد لله انتي الآن تستخيرين واستمري عليها وادعي ربك يدل أهلك على الطريق الصح سواء ً بالموافقة أو الرفض وإذا قدرتي تكلمين الوالدة وتوضحين لها رأيك وقناعتك وخليها تقول كلامك لوالدك إذا كان للحين مايكلمك !! تأكدي ياأختي إذا إنه الرجال ملتزم حقيقي بأنه سيخاف الله فيك ومستحيييل يمنعك عن أهلك وزيارتهم الله يوفقك ويكتب لك الخير في أمرك يـــــارب يعلم الله إني كل ماقرأت عنوان موضوع خطبتك وطلب الدعاء من الأعضاء دعيتلك من كل قلبي بالتوفيق :) |
غريبه تحديده للأغاني بس !!!! شوفي من اهم النقاط في التعرف على شخصية الخاطب هي التقاء الوالد والإخوان بالخاطب والجلوس معه وتبادل الحديث والتعرف اكثر عليه هذا غير سؤال رئيسه في العمل والتدقيق في السؤال ليس فقط السؤال عن انظباطه وعدم تغيبه وانما يُسأل عن طريقة تفكيره واسلوبه واهتماماته اتوقع من خلال ما سبق يتضح اتجاه هذا الخاطب هل هو متعصب لأفكار دينية متشدده ام هو رجل ملتزم التزام حقيقي وسليم لا يشوبه افكار او نزعات ارهابيه الله يكتب لك اللي فيه الخيره وحبيبتي لا تزعلين اذا صار مافيه نصيب لأنك استخرت الله وهذا يدل ان الله صرفه عنك لأنه ليس في زواجك منه خيره الله يرزقك ويوفقك ويسعدك بالزوج الصالح الطيب اللي يقر عيونك وتقرين عيونه |
اختي العزيزة الحب والحبيب والله انا اشوف كل شي ممكن يهون وممكن التفاهم فيه الا
حكايه الارهاب دي انتبهي ياختي اسالوا عن الشاب الف مرة ولا تجعلي خوفك من العنوسه انك ترمي نفسك لاي حد انا لو مكانك تثق بكلام اهلي جدااااااااا وبالدات الوالد دائما عندة نضرة ثاقبه في الناس الله يوفقك وييسر لك امرك حبيبتي لاتنسي الاستخارة والدعاء وطمنينا عليك اختك ام مجيد |
الله يوفقك أختي الحب والحبيب وأتمنى من الله أن ييسر لك الخير ويبعد عنك الشر
الاستخارة والسؤال عنه هو مافي يدك |
بعد بعد يدخن ويقول ماابي وحده تسمع اغاني
خليه يترك الدخان اول ياعمري انتي ماتبين واحد يدخن وقبلتي فيه -- اكيد في خاطرك انه بيجي يوم ويتركه وانتي راح تساعدينه - صح والا لا ؟ هو ليه مايفكر مثلك ويقول راح اخليها تترك الاغاني ولايشترط هالشرط الغررريب فعلا خلي ابوك يقابله هو مو امك تكلم امه لا وخليه يشوف وش غرضه من هالشرط ويقول اذا تبيها انت حاول انها تترك الاغاني ويمكن انه هو يسمع الاغاني ويبي وحده تعينه على انه يتركها . الله العالم عموما اللي ربك كاتبه بيصير |
لا أملك أن أقول بعد كلام الإخوان والأأخوات شيئا..ولو كنت مكانك لفررررحت بمن لا يستمع للغنا
وبعدين انا بضرب لك مثال قريب مني أخوي ..ملتزم ومافي في بيته تلفزيووووون ..لكن لما يجي هو وزوجته بيتنا أو يروحون بيت أهلها مايعملها مشكلة .. عادي يعني .. الله يكتب لج الخير يارب ويسعدج <<<<<<تدعي لك مع اذان الفجر |
الأخوة والأخوات كفوا ووفوا..
طبيعي الأب يخاف على ابنته تعالي شوفي أبي عندما يتقدم لي خاطب !! يرتبك ويسأل عنه ودائما في شرود ومزاجه معكر جداً ويصبح عصبي ونخاف نتكلم معاه.. إلى أن يجد إجابة شافية.. وأنا اللي أقرب الناس له أصبح آخر من يفكر أن يتكلم معه !!! أقدر حالته وتصدقي لو قلت لك أفرح ؟!! أحس أني غالية عليه ولا يريد أن يفرط في.. والأب يحمل مسؤولية فشل زواج ابنته في حال عدم اتفاقها مع زوجها ويضل يؤنبه ضميره بسماحة إتمام الزواج دون أن يتأكد 100% نصيحة: إعطيه فرصة لتهدأ مشاعر الخوف والتخوف من المجهول.. لن يظلمك برفضه إن شاء الله ولن يتخذ قرار دون الرجوع إليك عن طريق والدتك.. وإنت وشطارتك !! كنت أذهب للوالدة بعد ما يخرج من البيت وأفهم منها تطورات الموضوع وأعطيها رأيي وحلول وهي بدورها تنقلها له على أساس منها :) حبيبتي لا تقلقي لن يصيبك إلا ما قد كتب الله.. بس تذكري أن هذا أول موضوع جاد يتم لك فأكيد متوترين وخايفين وإن شاء الله عندما يهدأوا سيفكروا بعقلانية.. وخلي والدتك تفضل تقول لهم أنا سبحان الله أنا صليت ومرتاحة للولد هنا والدك سيهدأ ويستسلم.. آخر مرة أمي عصبت عليه قالت له إنت تبغاها جنبك في البيت وخايف تروح من يدك صح ولا لأ ؟!! بعدها سكتتتتتت ولا فتح الموضوع تخيلي كل عصبيته كانت على إتصال أم العريس وبعض المواصفات يعني لا جات ولا رجعت اتصلت !! خففي قلقك واتركيهم على راحتهم.. معليه استحملي شوي.. وتهون وتتيسر بإذن الله.. أسأل الله تعالى أن ييسر أمرك عاجلا ويشرح صدر والديك وأخوتك لما فيه خير وصلاح. |
اقتباس:
مو غريبه ترى ياشوشو إنت مستغربه من الرجال يشرط وحده شرطت أنه زوجه مايسمع أغاني أنا يوم إنخطبت شرطوا ماأسمع أغاني وتلفزيون مافي تخيلوا حتى قناةالسعوديه محرمينها وعبايه فوق الرأس وجونتيات وشراريب وأسواق مافي بس ماخلتهم أمي يكملون قالتهم ياحياتي إنا عندنا بكل غرفه دش ونسمع أغاني بس وسكتوا مدري يا الحب ياالخطيب هذا يبي يحطكم قدام الامر الواقع علشان لابكره تقولين كاني وماني يعني هو مهو بشرط أكثر منه تعريف بلي يبيك تكونين عليه ومستعده له في بيته أنا بالامس رديت على مشكلة إلتزامي سبب إنفصالي نفس الشيء يتعلق بالغناء يعني هو معذور وعليك أن تتخذين موقف حازم مع والدك وبدون خجل هذه حياتك وياليت أبوك على حق حبيبتي فهمي أبوك وقوليله هذا مو عيب وهو ماشرط شيء فيه معصيه أو بطره أو شيء يسيء لك أو يجرحك إن لم تستطيع مع والدك حاولي تفهميني أخوك وإن سكتي ستجنين على نفسك الحياء غير والحق غير الله يكتب لك اللي فيه سعاده لك دنيا واخره وجميع المسلمات والمسلمين |
غريبه يعني هو اكيد سال عنكم وعارف بيئتكم ليش يشرط عليكم شرط مو متوفر عندكم؟
وبعدين مسالة الاغاني مسالة تافهه ما تنحط اول شرط في شروط الزواج الحين بدل ما يقول ابيها اخلاق وباره بوالديني مثل ماهي باره بوالديها ومحافظه على صلاتها تارك الاهم وماسك في الاغاني؟!(شخصيه غريبه) اللي اقصده انه موضوع الاغاني يتم بالتفاهم بينك وبينه لانه ماهو بالامر العظيم اللي ممكن البنت تبطل من الزواج عشان تبغى تسمع اغاني.. المهم اتاكدو من الولد لايكون له علاقه بالارهاب خصوصا انك تقولي انه اصحابه راحوا يجاهدوا بالعراق لانه للاسف كل الارهابيين كانوا ملتزمين (طبعا الالتزام الغلط).. اسالوا مديره بالعمل عن سلوكه واسالوا زملاه بالعمل عن تطريقة تفكيره وتوجهاته واسالوا كيف يقضي وقت فراغه ووين..وضروري الوالد يطلب مقابلته ويجلسوا مع بعض ساعه او اكثر الى ان تتضح الرؤيا. بالتوفيق ان شاء الله. |
معذرة أيتها الغالية ..
ولكن .. وكما ألحظ .. فإن الأمر قد حمل على غير محمله ! يا أختي الحبيبة .. الغناء ..أمر ..قد نص على تحريمه ..وإن خالف في ذلك البعض .. وحينما يطلب الشاب .. زوجة لا تسمع الغناء.. لا أتخيل أنه يطلب أمرا ينم عن فكر إرهابي..أو سلوك متطرف فلم كل هذا القلق !!! ربما وُجدت ..في بلادكم ثكنات منحرفة في فكرها ..ونظرتها للشرع .. ولكن ... أهي... كل الشباب الملتزم؟؟؟؟؟؟؟؟؟؟ ما أراه الآن ..هو جلسة .. يتجاذب فيها أبيك الحديث معه ..ولابأس من حضور أحد الشباب الملتزم الذي يستطيع تمييز فكر الخاطب ..وتمحيصه.. والأمر ..يا غاليه ..أسسسسسسسسسسسسهل مما ترونه ..فتوكلي على الله ولاداعي لكل هذا القلق.. |
الاغاني محرمه وتميت القلب
انا كنت أحب أسمع اغاني والحمد لله قررت اتركها ولا احرص عليها وفعلاً تركتها نهائي والحمد لله لي فتره مرتاح نفسياً بصراحه اشوف ان طلبه منطقي وهذا يدل ان فيه الخيررررررررررررررررر بعدين ماكل من يعرف ناس منحرفين منحرف أنتي أسألي عن اخلاقه وتعامله واسلوبه وكرم اخلاقه اذا تمام ؟؟ وافقي عليه وش المانع وصدقيني اذا تأكدي من الصفات هذي راح تقدرين تقنعينه باللي تبينه لتزوجتو بكره على العموم لا تسرعين والله يوفقك ويختار لك الصالح |
يبدو ان الرجل ما به شي يعيبه حسب كلامك ... وكونه يشترط هذا من حقه لكن يمكن أخطأ في الطريقة .... اختي كرري الأستخارة وتوكلي على الله .... والله يوفقك ويسعدك ...... بس لا تنسين بعض الأمور الثانية مثل ظروفه المادية - أهله ناس طيبين وإلا لا - يعني ابحثي شوي ... ولا تتأخرون على الرجال .
|
السلام عليكم
الاول قبول ورضا اهلكي لان رضا الله من رضا الوالدين وما يصير تتجوزي بدون موافقتهم او رضاهم بس حاولي انتي تقنعيهم بانكي:25: سوف تكوني سعيده وانه هو الشاب الذي تتمنيه ولا تضيعي فرصتك؟بمعنى اكسبي الاتنين اهلك والشاب |
الله يوفقج أختي .. ويفك حيرتج
الشي الطيب في الموضوع أن أهلج ياخذون شورج وما يردون على الشاب المتقدم بالرفض من وراج لو أهلي وكان عندهم تردد فقط كانوا ردوا عليه بالرفض حتى بدون ما أدري :( |
أختي الكريمة الحب والحبيب
الله يوفقك ويقسم لك الخير والموضوع أن شاء الله بسيط وعندي لك نصيحه اتمنى تستفيدي منها وهي بصراحه بدون تحفظ : 1 ـ اهم شئ والديك عليك برضاهم ولا تخافين سيرزقك الله من اوسع ابوابه والمسأله فقط تحتاج وقت . 2 ـ هذا الخاطب امره غريب فكما فهمت منك يدخن ولا يريدك تسمعي الاغاني ( كيف يجتمع هذا ) صحيح الاغاني محرمه ولكن الدخان من الخبائث ( سمعت ذلك من احد المشايخ ) لتأثيره على المدخن وأهل المدخن من زوجه وأطفال وكيف تصبرين على ذلك وانصحك إذا شرط عليك عدم سماع الغنا اشرطي عليه عدم التدخين والاقلاع عنه ( فالدين ليس باختيار ما يناسب الهوى وترك ما لا يناسب الهوى ) . 3 ـ بالنسبه لشك ابيك من اصدقائه فانصحكم ان تسالو في عمله وكم مضى عليه فيه وما رأي رئيسه في العمل فيه من ناحية سلوكياته وتصرفاته وغيابه وأجازته . 4 ـ لا تظنين لو للحظه أنك بسبب والديك او بسبب تدخينه ستندمين لا والله فمن ترك شئ لله عوضه الله خيرا منه توكلي على الله وقوي ايمانك بالله ولن ننساك بالدعاء |
حالي حال
واحس فيج الله يسر لج ودايما ادعي لج ربي يسخر لج الوالد قولي آمين واكثري من الاستغفار والدعاء بارك الله فيج |
لا تظنين لو للحظه أنك بسبب والديك او بسبب تدخينه ستندمين لا والله فمن ترك شئ لله عوضه الله خيرا منه توكلي على الله وقوي ايمانك بالله
|
اقتباس:
ساعدني دامك شاب يمكن تكون فهمت شي م خلال شرطه انا مافهمته |
الله كريم يااخوان
مااقول غير صبر جميل والله المستعان انا ماراح اعارض اهلي وراح اوافق على قراراتهم لكن اشعر بحزن شديد كنت فرحانه بالخاطب وفرحانه بمواصفاته حاولت كثير اقنع اهلي بانهم يجلسوا معاه ويتفاهموا معاه لكن لا جدوى قبل شوي كلمني اخوي وقالي احتمال الرفض كبير جدا وحاول ياخذ بخاطري لكن غصب عني ابكي واحزن والله يعوضني خير والحمد لله انا استخرت الله كثيررررررررر بشكل دائم وبشكل يومي وكل شي نصيب اللهم اجرني في مصيبتي واخلفني خير منها وادعوا لاختكم بالصلاح وراحة النفس والبال |
السلام عليكم ورحمة الله وبركاته
أختى الكريمه الحب والحبيب كل شىء فى هذه الدنيا بقدر الله فلا تحزنى وكونى راضية و شاكرة لله على كل حال أنت فيها أختاه قد مررت بمثل هذه المواقف من الوالد حفظه الله ولم أقنط من رحمة ربي بل أنا الآن أرى نفسى أسعد حالا عندما فوضت الأمر لله ولم يعد يهمنى إلا رضا الله والوالدين حفظهما الله أسأل الله أن يقدر لك مافيه الخير فى الدنيا والآخرة |
الله يصبرك يا رب
الله يسهل امورك يا رب و يكتب اللي فيه الخير ودمتي بخير |
وهل مجرد منعه لكي من سماع الأغاني أصبح احتمال أن يكون ارهابياً وارد !!!؟ بصراحه تعجبت لهذا الأمر إنني لأجدها ميزة رائعة في هذا الشخص فهذا إن دل دل على التزامه وتدينه وبصراحه أجد أنه فعلاً إنسان مميز بدينه وأخلاقه ليس فقط من مجرد عدم سماعه للأغاني إستنتجت ذلك وإنما أيضاً بعد التحري والسؤال عنه فقد وجد والدك أن لا غبار عليه فلما التردد بارك الله فيكي أضيفي إلى ذلك أنكي قد صليتي الاستخارة وأنتي مرتاحه له فتوكلي على بركة الله
وأحب أن أخبرك أمراً وهو أن المتقدم حينما اشترط هذا الشرط كان المقصد منه أنتي ولا يجمل في القول عائلتك وتأكدي ما دام أنه يخشى الله فسيكون رحيم بك وسيكون أيضاً حريصاً على صلة الرحم مع والديكي وإنما شرطه يتعلق بمستقبلكما وحياتكما معاً لا أكثر عاد لا تدلعين خلاص نتريا الأخبار الحلوه |
| الساعة الآن 12:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©