سكن خاص .. أم مع أهل الزوج ؟
 

تقدم لك شخص ما ..

وارتحت له وعلى وشك الموافقة ..

من أهم الأمور التي تطري على بالك وعلى بال أهلك هو :

أين سأسكن ..؟؟
فهل تفضلين سكنا خاصا ..؟؟
أم تودين أن تسكني مع أهل زوجك في بيت واحد ..؟؟
أم أنه لا مانع لديك في أي حال من الأحوال ؟؟

وإذا كنت ترغبين في سكن منفصل ..
فهل ستشرطين عليه هذا الشرط ؟؟





أتمنى المشاركة بآرايكم ..

موضوع رووووووووووووووعه

انا بالنسبة لي طلبت منه اسكن ببيت بروحنا

لاني اعرفه مسيور الحال و بيت اهله مليان و مو في حاجة اننا نسكن معاهم

لكن لو كان فقير و وحيد امه كان غيرت طلبي


تحياتي

انا اخترت السكن المنفصل
اكثر شي ندمت عليه اني ماشترطت على زوجي بيت
هو طيب و

سكن منفصل

انا اخترت السكن المنفصل
اكثر شي ندمت عليه اني ماشترطت على زوجي بيت
صراحه زوجي طيب بس السكن مع اهل الزوج تعب بصراحه
فهل تفضلين سكنا خاصا ..؟؟
طبعا بس الحمد لله الحين عندي سكن منفصل
مشكوره عاى الموضوع

انا زوجي متـــــفهم كثير ويعرف مصلحتنا وين.. من البدايه

فالحمدلله قبل ما اطلب منه هالشي كان هو يسألني عن نوع السكن يعني شقه او فيلا..

يعني مافكر ابدا انه نسكن مع اهله والحمدلله هو قادر على انه يكون له بيت لوحده وكمان اهل زوجي من النوع اللي

اولادهم يسكنون لوحدهم..

وانا برأيي انه اكيد السكن الخاص افضل .. تفاديا لكثيـر من المشاكل والاهم شعور الزوجه بمملكتها الخاصه وكيانها

الخاص بها وبزوجها .. وايضا لتحقيق حلم كان يراود كل فتاه بتكوين عائله واسره مستقله لوحدها,,

واكيـــــد هذا يختلف من شخص لآخر وحسب ظروفهما وقدرتهما على ذلك.. واكيــد اذا كان الحب موجود فالزوجه راح

تتحمــل ظروف زوجها وراح تحاول تساهم انها تســـاعده وتقف بجانبه حتى يتحقق لهما مبتغاهما..

عبورة ..
حناين دبي ..
الفتاة ..
دلع دلال ..
أحبك يا زوجي ..

كلكم اتفقتوا على سكن خاص ..

وأنا أضم صوتي لكم ..
وهذا أكثر شي ندمت إني ماطلبته ..
5 سنوات ..
وأنا مالي كلمة في البيت ..
حتى في تربيتي لبناتي ..
حسسوني إني طالما قاعدة ببيتهم فمالي حق أتكلم ..


أقول للبنات اللي للحين على البر ..
(( ابعد عن الشر وغنيلو ))

انا الصراحه ما عندي مانع لانه اهل و اهل زوجي يصيرون اعيل عمي و طيبييين واايد

الحمد لله ..
الله يخلي لج زوجج وأهل زوجج..
ويبعدكم عن المشاكل والخلافات ..

ماعندي مانع

اذا كان ميسور الحال سكن منفصل افضل

واذا كانوا اهله طيبين واهو على قد حاله ماراح ارفض اني اسكن معاهم



هذي رايي المبدئي
ما ادري اذا صار الصج شلون بيصير الوضع



موضوع مميز بحرينيه
موفقه ان شاء الله

سكن منفصل

كيفي بطة ..
شوبارد ..

شاكرة لكن مروركم والتصويت ..

اكيد منفصلة عنهم لانو حتى لو طيبين ما ينفع مع الايام حتتغير الطيبة الى غيرة وحقد وبعدين ماتاخذي راحتك هذا وانا اصلن بعيده في مدينة ثانية بس بنت عمتي نفس حالتك واخيرا ربي فرج عنها والحمد لله وان شاء الله ربي يعطيكي على قد نيتك

طبعا السكن المنفصل ، حفاظا على الاستقلالية وحرصا على الخصوصية لي ولهم .

نوني ..
بر الأمان ..
البتول ..
حسابات الزمن ..

جزاكم الله خيرا على المرور الكريم ..



نصيحة :
إذا كان الزوج مقتدرا فلا تجلسوا لحظة في بيت أهله ..

والله كنت اتمنى سكن خاص بس الظروف بتجبرنا نسكن مع اهله ويااارب مايتحدد الزواج إلا والظروف تتغير وتتغير الفكره............يااااااااااااااااااااااارب
المشكله لاأنا ولاهو قدرنا نتقبل الوضع بس الله يعين ويصبرنا وربي بصراحه قلبتي مواجعي وأنا احاول اتناسى هالموضوع عشان اتفادى المشاكل

الأميرة الهادئة ..
الله يعينك ويسهل لك أمورك .. ويحنن قلب أهل زوجك عليك ..





نصيحة :
إذا أجبرتك الظروف على العيش مع أهل زوجك .. فلا تظهري بشخصية ضعيفة حتى لا تهضم حقوقك ..

اي بنت تتمني سكن منفصل انا اتمني اني يكون بيت لوحدي مملكتي اعمل فيها اللي اريده بس لو اللي احبه مايقدر خلاص بعيش معه حتي لو بالنار

هو الشرط الوحيد المكتوب في عقد الزواج سكن خاص
وبعد الزواج ام زوجي تشرف لمده 3او4 شهور وتعالو شوفو انواع المشاكل وان احترمها بس هي عققققلها صغير ومشكلجيه بس كويس انها فتره بسيطه وتروح ومهمن كانت ام زوجي وواجب علي احترمها

:22: لويعيد الزمان نفسه كان سكنت وحدي انا جلست عند اهل زوجي 15 سنه كلها مرار والآن انا اتمتع بكامل حريتي لكن الحمدلله على كل حال ولن اكررها مع بناتي اهم شرط بيت مستقل

zozo_shabana
اسم الله عليكم من النار ..
الله يبعدكم عنها إن شاء الله ..

سوسو ..
يا خوفي إذا كان وحيد أمه .. ممكن المشاكل تكبر ..
لأن الأم تشعر بأن هذا الولد ملكها وانك أخذتيه منها ..

KOLK_ABOD ..
على الأقل صرتي أشطر من بعض الناس <<<<<<<< أنا ..
فكرتي في هذا الأمر ..
لا بأس كلها 3 .. 4 .. أشهر في السنة ..
لكن ماذا عن اللي متحملة 12 شهر في السنة ؟؟

عذاري 2006 ..
مابعد الصبر إلا الفرج ..
والحمد لله رب العالمين اللي فرجها عليك ..
أنا أيضا لن أكرر غلطتي مع بناتي ..


جزاكن الله خيرا على المرور والتصويت ..




نصيحة :
إذا قال الخطيب : كلها كم شهر ونخرج في سكن خاص .. فقولي له سانتظر حتى تتحسن أحوالك وتوفر سكنا ثم نتزوج ..

انا مافي عندي مانع سواء في بيت اهله أو في بيت لحالي


مع اني وقت الملكه شرطت بسكن لحالي



بس اهل زوجي طيبين كثيير وأهم معانا عشرهـ عمر وان شاء الله مافي شي بيني وبينهم


بس اذا صار عندي اولاد اكيد بتضايق لازم بيت لحالي


هموووم

انا براي السكن الخاص افضل تجنبا للمشاكل والخلافات ولراحة كلا الطرفين

في مثل بيقول

إبعد حبه تزيد محبة :)

السلام عليكم

سكن منفصل ثم منفصل تم منفصل ثم منفصل
صدقيني اختي ايش ما كانو اهل زوجك طيبين او قرايبما راح ترتاحين ابد ابسط شي بلبسك او اذا اشتهيتي اكله معينه ما راح تدخلين المطبخ تسويين اللي ببالك بااللذات سنوات الزواج الاولى بتصيع عليك المتعه الحقيقة بالحرية والاستقلال و الخصوصية

صدقيني انا مو شريره احرضك على زوجك خلي البيت الخاص من اولويات الزواج تراهو اهم من المهر والجهاز اذا كانت ظروف زوجك سيئه .
راح تكونين سعيده بمملكتك اللي انت اثثتيها و اخترتي كل قطعه فيه و بتحسين انك فخوره بنفسك و بزوجك قدام كل اللي يزورك يباركلك

انا اقولك هالكلام عن تجربه كنت ما اقدر حتى استقبل ضيوفي بخصوصية بس الحين الوضع تحسن وصرت لحالي بس بعد ماراحت ايام العسل
الله يوفقك و يسعدك

هموووم ..
كرازون ..
صن أوف مي ..
جزاكن الله خيرا ..
فعلا .. العيش معهم يولد الخلافات وحتى لو كانوا غاية في الطيبة ..


ميني ماوس ..
أشكرك على النصيحة ..
لكن .. خلالالالالالالالالالاص ..
راحت علينا ..
صار لي 5 سنين عايشة معاهم في هم وضيق ..






نصيحة :
إذا أجبرتك الظروف على السكن مع اهل زوجك .. فضعي حدودا منذ البداية بأن تربية ابنائك مسؤوليتك .. أنت وحدك ..

بعد التجربة غلطانه كل وحده ترضى تعيش مع أهل زوجها حتى لو كانوا طيبين لا بد تحصل أمور تبقى في النفوس وأن سكتت الزوجة فقدت شخصيتها وراحتها وثقتها في نفسها وأن تكلمت كثرت المشاكل التي قد تؤثر بينها وبين زوجها ولازم تتذكر اللي ما زالت على البر أن هذا عمر وفيه اولاد أن شاء الله وفيه تربية وفيه ناس يزورون أهل الزوج في اوقات لاتكون هي مستعده فيها اولاترغب برؤية احد ومع ذلك تضطر للمجامله وقد تقوم هي بخدمتهم ... ولاتنسون اخوات الزوج وغيرتهم وتدخلاتهم حتى مع ابنائك ,,, ياحبي لك يابحرينيه دائما تضربين على الوتر الحساس .. ماشاء عليك واعجبتني كثير نصائحك اللي من قلب ..

صحيح افضل بيت خاص

لكن ماراح اشترط عليه


يعني ماراح ارد الرجال عشان بيت

وانا راح اخذ ولد عمي واهله مره كويسين

موضوعك جدا رائع

الظاهر بتسكونون مع وحوش

صحبح لازم المشاكل لكن اعتبري اللي في البيت

مثل اهلك...لاتاخذين كلشي بحساسيه

صراحه ذكرتوني بوحده

اهي وخواتها كلهم مشترطين بيت خاص

ولما خطبوا لأخوهم شرطوا

على خطيبة اخوهم إنها تسكن مع امهم

ولما سألوهم الناس ليش ماطلع اخوهم

ليش اشترطوا عليها السكن مع امهم

وهم البنات طالبين سكن خاص

قالوا امنا

[الظاهر امهم منزله من السماء

طيب نفس الحكايه ازواجهم ماعندهم امهات

وخاصة إذا كان الولد وحيد امه

وفيه مثل
"حب لأخيك ماتحب لنفسك"

تخيلوا إذا كبرتوا في السن

وعيالكم كلهم طالعين

اربي واتعب يوم جاء الوقت اللي احتاجهم فيه يطلعون كلهم

اقل شي يجلس واحد عندي]

رائي الخاص تقبلوه بصدر رحب

مع فائق حبي واحترامي

لأرائكم جميعا

ملاك الغربة ..
رأيك برايي تماما ..

نجد فارس ..
أولا : اشكر لك صراحتك ..
ثانيا : كانك وجهت الكلام لنا .. وهل ذكرت أحدانا أن زوجة أخيها ستبقى في بيت أهلها ؟؟
أنا شخصيا لما أراد أخي أن يخطب نصحته نصيحة من القلب أن يبحث له عن سكن خارجي لراحة زوجته ..
مع أني لم أكن أعرف الخطيبة .. ولم تكن لي أي علاقة بها .. ولكني تمنيت لها الخير ..






نصيحة:
إذا اجبرتك الظروف أن تعيشي في بيت أهل زوجك .. فحاولي أن يكون لك مدخل خاص و مطبخ خاص قدر الامكان..

سكن منفصل .... بكل تاكيد

بصراحة أخترت الخيار الثاني : أرغب في العيش مع أهل زوجي في منزل واحد ..

انا متزوجة وأعيش حاليا مع أهل زوجي بشقة منفصلة وبنتقل لبيتنا بالكثير بعد سنة

والله أتضايق لما أفكر باليوم اللي بطلع فيه من بيت أهل زوجي كيف بعيش لحالي ؟

والسبب اني مرتاااحة مرة مع أهل زوجي لدرجة ما تتصوروها

أم زوجي ماشاء الله عليها تحب أولادها مرة وودها يكونو على طول حواليها

وهي الصراحة مرة حبوبة وطيبة وأحبها وماقدر على بعادها ...

حياتي أليمة ..
تشوكلت ..
شقرا السعودية ..
أم خالد ..
أشكركن على المرور العطر وعلى التصويت ..



النتيجة الآن تفوق واضح للسكن المنفصل ..









نصيحة :
السكن المنفصل من حقك ..فلا تتنازلي عن حقك إذا كان زوجك مقتدرا .. لأن النتيجة في النهاية خلافات بينك وبينه...

سكن منفصل وليس بعيد جدآ عن اهله ومعرفتي تمامآ بوجود اخوته ومو مقصرين مع اهله لو كان وحيد امه وابوه هنا بغير رائي


ومشكور غاليتي على أثارت هالموضوع لان أجد كثير من المشاكل تبدآ من السكن