|
خطيبي شاف وجهي ولسه ماتملكنا
السلام عليكم ورحمة الله وبركاته الموضوع ما يحتاج هذره :15: بدخل فيه على طول :30: الموضوع ومافيه اني كنت معزومه عند اخت خطيبي وجالسين سوالف وشاي وقهوه (( حريم)) :25: المهم والا دقايق وخطيبي اقتحم الصاله وهو جاي منا لباب وما يدري بوجودي :( وضل متجمد وانا متجمده ويسبل فيني وانا مسبله فيه :24: تقول مثل توم وجيري لما يتجمدون في الماي البارد :23: وبعدها من ذاك اليوم وهو من يشوفني يصد وجهه احمر مثل الطماطه :o وبدا التساؤل والوساوس تلعب فيني :29: :rolleyes: هل هذا خجل او اني ماعجبته او او او او او او :rolleyes: واتفاجأ انه وافق تكون الملكة في الوقت اللي اكون مستعده فيه:29: :29: شسالفه ليش؟؟ ما ادري وش معنى هذا انقذوني فسروا تصرفه هذا وقراره ليش واول كان مستعجل بنات شباب وش رايكم؟؟ بنجن انقذوني:23: |
معشوقة سوسو ..
أتركي عنك الدلع ..:18: أكيد عارفة قصده .. الأخ متوله وعشقان ..:17: يكفي وجه الطماطة ..:o هذا أكبر دليل .. وهو ماقال في الوقت اللي يناسبك إلا لأنه يحبك ويبغيك تكوني مرتاحة ..:22: خلاص الحين الكلمة كلمتك .. حددي الملكة بسرعة خلينا نفرح فيك..:14: وبالتوفيق.. |
بحرينه ولكن
اشكر مرورك ياقلبي بس اللي فاجاني انه المفروض يستعجل لما يشوفني اذا عجبته مو يقول الوقت اللي يريحها غريب رده واماتوقعته وقمت اوسوس مشكوره حبيبتي |
لانزيد على كلام الأستاذه بحرينيه ولكن ومبروك مقدما
|
اقتباس:
اقوووووووووووول بلا دلع والف الف الف مبروك الله يتمم لكم على خير شكرا اختي المشرفة بحرينية ولكن اخوكم هلال العالم |
اشكر مروركم هلال العالم والفتى الوسيم
يعني اللي احسه دلع بنات الحمدالله انه مو وسواس |
إسأليه
أنا أيضا مع الأخت بحرينية ولكن
أقول لك شيء إسأليه لماذا غيرت رأيك ، ألم تكن مستعجل على الزواج هل هناك ما حدث في عملك:25: :25: لن تستطيع أن تأخذ إجازة؟؟؟:25: :25: هل حدث مني مكروه :25: هكذا سألت وبدلع ومن طريقة رده يمكن تعرفي.؟:18: |
قهوة مغلية اشكر مرورك حبيبتي بس للاسف انا استحي اكلمه مباشرة :o وان كلمت اخته فشله :o فشلون اعرف عشان اتاكد لو رسلت رساله عادي او ما يجوز لان ماملكنا:25: عموما اشكرك حبيبتي:d |
شيلي عنج هل وسواس....رجال لو ما يبيج ما قال خل هي تحدد
يالله توكلي ربي يسعدكم ويجمعكم على خير ان شاءلله |
يلااااااااااااااااا روحي قولي لهم يملجون
صدقيني هذا وضع طبيعي انه لما يشوفج يتجمد انا مره صادني هالموقف اني كنت انخش عشان مايشوفني خطيبي قبل الملجه وللاسف وانا طالعه من المطبخ وهو من الصاله اصطدمنا ببعض وانا دفعته من جنبي وشردت وهو فاتح عيونه عالاخير من الفشله هع هع والحين الحمدلله كل مانتذكر هالموقف نضحك ع عمرنا ان كنا نستحي والحين لاااااا |
و انتي شو اللي وداج بيتهم!!!!!!!!!!!!!!!!!!
الله يوفقج و يسعدج و تتزوجون قريب.. |
ههههههههه
الله يسعدج يا سوسو |
اقتباس:
العنوان غريب !! ولا أنا بتهيالي :d الأفضل تسألي أخته مباااشرة .. وتستفسري لغاية متى ممكن تأجلي ؟؟ وشوفي ساعتها الردّ .. وحلليه ! الله ييسر لك أمرك يااارب ،، |
بحور الصمت
ان شاء الله ابشري الوسواس بشيله اشكر مرروك يالغاليه;) al3ion اشك مرورك يالغاليه والله يديم عليك السعادة مع زوجك وعقبال ما اتذكر الموقف انا وياه ونموت ضحك على عمرنا لان تدرين فعلا الموقف يضحك:17: برالامان اللي وداني بيتهم اخته تتوقعين خطة (( امزح)) اشكر مرورك حبيبتي:d 3thoooooooob جعل دووم هالضحكه اشكر مرورك:d حسابات الزمن اعترفي موضوعي اجذبك هذا الغرض الاساسي:) وحلك حلوا وان شاء الله لما ارجع من العمل بسأل اخته هالسؤال اشكر مرورك:22: |
انتبهي لاترسليله ولاتسألين اخته
واحنا يالبنات معروفين بالوسواس وبعدين لو ماعجبتيه كان فسخ الخطبه هذا زواج مو لعبه الله يوفقنا ويسخرلنا ويبعد عنا الوسواس |
نجد فارس اشكر مرورك يالغاليه وتدرين ان الحمدالله امس كلمت اخته:27: وسوالف وضحك ونسيت الموضوع لان في موضوع ثاني شدنا:d وبصراحة صدقتي احنا البنات وسواس:( واحنا اللي نجيبه لنفسنا:( اشكر مرورك حبيبتي:d |
الله يوفقك اختي الرجل ولهان لو احمر وجهه وقال لك اي وقت الملكه انت حددي ...................
|
مبروك
لماذا التردد والحيرة وفقك الله وجمع بينكم على خير |
ظلم الناس
انحرجت من كلامك معقوله يكون ولهان وهذا ردة فعله والله خطيبي عجيب ويبغالي ادرسه زين عشان اعرفه زين مخطوبين كلام لسه ما اعرف اي شي الا اشياء سطحيه اشكر مرورك ام ميريام الله يبارك فيك حبيبتي وتدرين انا وودي استنى قبل لا املك بمده لاني مجربه من اول وهذي ثاني مره فما ابغى استعجل وان شاء الله ربي يكتب اللي فيه الخير شاكره مرورك حبيبتي |
| الساعة الآن 02:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©