منتدى عالم الأسرة والمجتمع - كوابيس أمي ..حتى في منامها أنا شاغلة بالها ..لاحول ولاقوة إلا بالله

منتدى عالم الأسرة والمجتمع (http://www.66n.com/forums/index.php)

- المطلقات والأرامل والمتأخرات (http://www.66n.com/forums/forumdisplay.php?f=36)

كوابيس أمي ..حتى في منامها أنا شاغلة بالها ..لاحول ولاقوة إلا بالله

السلام عليكم ورحمة الله وبركاته ..

أخباركم جميعا ..

تعالوا أقولكم السالفة ..

والله انا اللي يشوفني هالايام يعرف اني قوية ومتماسكة ..الحمد لله ..وما أبين أي ضعف أو انكسار مثل قبل ..وهذا من فضل ربي سبحانه ..

حتى اني افتقدت الانكسار ..في دعاؤي ..وانتو عارفين ان من أهم اسباب اجابة الدعا ان يقف العبد بين يدي ربه يدعوه بذل وتمسكن ..

بس الحمد لله من يومين ركبت سطح البيت وكان المطر .... ودعيت وبكيت ..

والظاهر امي حست ان كل ماجا مطر ..ارررررررركض أنا فوق السطح ..

وأكيد هي عارفة اني اروح ادعي ربي لأن الدعاء وقت نزول المطر مستجاب ..

أشوف نظرات الرحمة في عيونها لي ..واقول في نفسي ..الله كريم يايما ورحيم بحالنا ..وبيعوضني وبيفرح قلبج ..

لاحظت عليها هالايام كثير تحلم ان في ناس يتقدمون لي ..

اليوم دخلت علي الصبح وانا توني فاتحة عيوني وتناظرني ..

تقول لي امس ماقدرت أنام قمت من النوم مفزوووووعة ..على صوتج في الحلم تصارخين ..

كأنها شافت ان فيه ناس تقدموا لي ..وانهم سلوا عن الولد وماانمدح ..واني تضايقت وقعدت أصرخ أناديها ..

وقامت من النوم مفزوعة ..يابعد عمري ..

والله عورني قلبي عليها ..مسكينة مريضة ..وحيلها مهدود ..ومانصدق نشوفها تنام وترتاح ..أجيها أنا في النوم ..وأفززها من عز نومها ..

المسكينه شايلة همي ..

زوجت اخواني واخواتي ومابقى غيري ..

أنا أحس نفسي صايرة متقبلة وضعي الحمد لله ..متوكلة على ربي وأدعيه ليل نهار ..ومتفاءلة وعارفة أن ربي مايحرم عبده من خير ..

بس ماأقدر أكلم أمي في هالمواضيع ..أستحي أجيب طاري الزواج عندها ..أبي أقولها اصبري ..بس ..مابي أحسسها اني ملهوفه على الزواج ..عشان ماتحاتيني بزيادة ..أبي أوصل لها قناعة أن أنا مايهمني الموضوع

ماعرفت شقولها ..

قلت لها : خير ان شاء الله ..بس انتي لا تشيلين هم ..

كثير تسرح فيني ..شايلة همي بزيادة .ياربي ارزقني وأفرحها يارب ..

وارزق كل خواتي ..ونفرح أهلنا يارب

لاحول ولاقوة إلا بالله ..

ياااهلااا بالغايبين :25:

أنتِ الوحيدة الآن ..
وهذه والله نعمة كبيرة ..
ما شاء الله .. لا قوة إلا بالله !

الله يكون في عون أمي ع الشلة اللي عندهااا
<< لما وصلها الدور .. وقفhttp://www.66n.com/forums/images/icons/icon59.gif

الله يشفيها ياااااارب ويفرّحها فيكِ عاااااجلا
وويسّر لكِ الطيب عماااا قريب ،،

السلام عليكم ورحمة الله وبركاته

وفقك الله ويسر أمرك وحفظ لك أمك وأطال عمرها حتى تراك عروسا قريبا إن شاء الله وترى أبنائك.

نعم ، تفاءلي بالخير وتجديه .

رزقكم الله بأحسن مما تأملون وأكمل مما تتمنون .

أسعدكم الله.

الله يفرحها فيك إن شاء الله

والله الأمهات كلهم كذا حتى أمي صايرة تبغانا نوافق على أي واحد يجي

بس تبي تفرح فينا

يا رب يا كريم تفرجها علينا يارب

بأزواج صالحين يسعدونا ونسعدهم

طبيعي أن تأتى الإنسان الأحلام وتتكرر حينما يشغله أمر ما

وإن شاء الله نقول خير ، خبريها أختي أن هناك رب ليس غافل

عن عباده وأنه خلقهم وكفلهم وكفل رزقهم وهو بهم أرحم من

أنفسهم وأن ماتعيشنه ليس إلا لحكمة أرادها الله سبحانه وقدر

كل شئ بحينه ، طمنى قلبها أختى وسوف ترتاح

الله يسعد قبلك وقلبها بشوفة عيالك ويرزقك من حيث لاتحتسبين

هذا قلب أم حبيبتي
كثري من الدعاءلك وإليها
والله يرزقك الزوج الصالح و يشفي والدتك
يطول في عمرها ونشوف اولاد أولادك

مساكين الامهات.....شالين همنا والله

الله يرزقك بالرجل الصالح يا رب

يحقق احلام امك

أم محمد ..واحشتني والله ..شخبارج يالغالية ..
اي والله انا اخر وحدة ..سبحان الله خواتي ماتعسرت امور زواجهم مثلي ..الحمد لله ..
الله يفرح أمج بج ..ويكون زواجج فاتحة خير لخواتج ياااررب..

********************

الأخ سنون منون ..
الله يجزاك الخير على الدعاء ويعطيك مبتغاك ..اللهم اااامين

*******************
االحائرة :
جزاج الله خير على دعواتج ولك مثلها يارب
******************

الأخ الكبير :
الله يجزاك الجنة ..كلامك سليم ..الله يصبرنا .. ويعوضنا
شرفني مرورك ..وأسعدني دعاؤك ..
***************

على الأثير:
هذ احنا ندعي يالغالية والله كريم ..
الله يرزقج بفوق ماتتمنين ..ياااااااارب

************

بحور الصمت:
امين وياج يارب

الله يوفقك يارب
ويشافي امك ويعافيها
ويحقق لها كل اللي تتمناه

الله يرزقك بالزوج الصالح و يشفي والدتك

لله يرزقك بالرجل الصالح يا رب

ياقلبي عليها شايله همك
الله يسعدهم الامهات
فرج الله عنك ورزقك بالزوج الصالح

الله يرزقك الزوج الصالح اللي يفرح قلب امك ويفرحك

والله هالأمهات عجايب الله يحفظهم..

لي تزوجت البنت بجت .. ولا ما تزوجت هم بجت و شالت الهم بعد..

حتى لو نحن مستانسين و راضين لازم أحد غيرنا يشيل الهم.. و ما في أقرب من الأم اللي تشيل هم عيالها حتى لو صاروا أمهات و أبوه..

الله يعين أمج .. حاولي تبينين لها إنج راضيه و إنه كل شي قسمه و نصيب ..

قوليلها ربي أخرني خيره من عنده .. و كل تأخيره فيها خيره ان شاء الله..

و الله يشفيها و يريح بالها و يطمنها عليج.. و ربي يرزقج و خواتي و أنا و ياكم بالزوج الصالح عاجلا غير آجل يا كريم..

الحلم الدافي :
جزاج الله خير على الدعوة ..الله يسمع منج ..ويعطيج مثل ماتتمنين ..

أم خالد
عروس بالاسم
الحب والحبيب
حبيبة الفهد

الله يجزيكم خير على مروركم ودعواتكم ..

اللهم اااااااااامين

عليكم السلام ورحمة الله وبركاته

ياقلبهـــا الكبيــــر أمـــك

وربي تأثرت بكلامك عنها وطول ماأنا أقرأ أمي على بالي

تخيلي يااعذروها مره أمي قالت لي كلمة ولأووووول مره تتكلم حسيتها بقلبي ليومكم

تضيييق صدري :(

كانت عيونها تعورها وبس تدمّع قامت تدعي وتقول ياربي بس لما أشوف غالية عروس وأشوفها بعيوني

قبل انعمي :( :( :(

علشان كذا أنا أقولك الأمهات من كبر قلوبهم وحنانها تشوفينها قلقانه مره عليك حتى لو أنتِ مابينتي لها

تحس فيك ومتكدر خاطرها علشانك يالبي قلوبهم كلهم

يااااالله إن شاءالله ياربي يفرجها من عنده ونفّرح قلوبهم ونجيب بنات ونسميهم عليهم

تفائلي ربي معنـــا يااعذروها

اختي الكريمه ................اعذروها

تأخرنا في الرد ... .......ضريبة الإشراف ,,

اولا اللهم آمين ان يشفي لك الوالد ه ويحفظها بحفظه

ثانيا .... لما لاتتناقشي معها وتفتحي قلبك بنقاش ودي لكي ترتاح ولا تشعريها بانك متضايقه من مسألة الزواج

لإنها تفكر فيك وتريد ان تعلم ما بداخلك لكي تشاركك بمزيج من خواطرها ... ودمتي في حفظه

اللله يفرح قلب امي ويفرح قلبك ويرزقك ماتتمني يااعذروها .. انتي وباقي البنات

يارب ياكريم يفرح قلب امك فيك
واياك وجميع البنات

هذا حال الأمهات..

مساكين الصراحة أحزن عليها أكثر مما أحزن على نفسي.. تخيلي تربي بنتك 27 سنة وكنت تتوقعي له وتشوفيها وهي تكبر قدام عينك وما تقدري تخففي ألمها ولا تقدمي ولا تأخري مكتوفة اليدين ؟! الله يعين قلبها.

أسأل الله تعالى أن يفرح قلب أمك فيكي وتراكِ أحلى عروس في ليلة عرسك :)

الله يطول بعمر والدتك ويعطيها الصحة والعافية وتشوفك عروس ياااااااااااارب

أسأل الله العظيم أن يطيل بعمرها وان تراكِ عروسا وتفرح بكِ قريبا برحمته وبكرمه

تفااائلي عزيزتي

واحسني الظن واكثري من الدعاااء ولا تنسينا معاج

واكثري من الإستغفار وإن شاااء الله الفرج قريب

بر الأمان ..غالية ..

الله يفرح مهاتكم بكم ..ويشوفونكم أحل عرايس ياااااااااااااااااارب

الأخ الوزاري :
جزاك الله خير ..الله لايحرمنا من دعواتك وتواصلك ..ويطول بعمرك وتشوف ريتاج أحل عروس ..

هذا هو قلب الام الطاهر

لا توجد كلمة يمكن ان تصف حنانها و محبتها و جمال روحها

حفظ الله والدتك اختاه لتراك عروسا اجمل من القمر عند اكتماله

الله يفرحها فيك قريب ويعافيها ويطول بعمرها

حبيبتي حاولي ما تبيني قدامها شي وإنك مبسوطة بحياتك وهذا الموضوع مو شاغلك

الله يفرحها فيييييييييييييك يااااااارب ويوفقك ويرزقك بالزوج الصالح
صراحة انا أشوف لا المتزوجة مبسوطه (ودائما تتشكى )ولا أشوف الي ماتزوجت مبسوطه
وهذي حال الدنيا
الله يفرج هموم المسلمين ياااااااااااااااااااااااااااااااااارب