|
كيف تتعامل مع العنيد ؟؟
سلام عليكم ورحمة الله وبركاتة
اخواني واخواتي الكرام حبيت انكم تفيدوني في الموضوع وسؤالي كيف تستطيع ان تتعامل مع العنيد ؟؟ يعني واحد راسه يابس ويحب يسوي اللي براسه ويمشي كلامه عليك اشلون تتعامل معاه وتفهمه غلطته واذا قلت له شي يقولك انت مو واثق فيني |
لكي تقهري العنيد يجب عليك أن تكوني أكثر عنادا منه
|
انا عندي نفس المشكلة و يا ليت بقية الاعضاء يردون علينا
|
بالطيبه وطريقة تنبيهه بالكلمه الطيبه عن طريق مزح
يعني مزاااح وطعن رمااح اما ان عاااااااااندتي فهو يعاند وفي الاخير الى اين---------------- الى طريق مسدوود مترووس بالهوشات والبكسااات يعني كلمه الطيبه والين وقليل من المسايره مع الممزح بتبين الغلطه عن طريق المزح---- سلااااااااااااااام مايهزك |
وعليكم السلام ورحمه الله وبركاته
بالصبر اولا واتوكل على الله راح يمشى كل شى تانى شى داريه عامليه كطفل وحسسيه بثقه وانك معاه وكلامه صح شوى شوى راح يلين بإذن الله واتحملى وابلعى شوى شوى راح تتعدل الامور لاكن مو تتركيه يعمل البحر طحينه لاانتبهى كلميه بلين وبرفق على الاشياء الى تضايقك واختارى الوقت المناسب والله يعينك الله يعطيك العافيه لك فائق احترامى |
اخواني واخواتي الكرام
لكم جزيل الشكر على نصائحكم الرائعه بس الله يسلمكم المشكله مادري اشلون اشرحه لكم انا بكتب اللي عندي وانشالله تفهمون المقصود وتحلون لي المشكله الله يسلمكم عندي صديق متزوج من 5 شهور وهو اللي يعاني من هالمشكله وانا حبيت اطرح الموضوع في هالمنتدى الرائع حتى الجميع يستفيد اذا عنده مثل هالمشكله بداية السالفه زوجته عنيده ماتسمع الكلام تحب اهيه اللي تسيطر على الوضع يعني دائما تحاول تمشي كلامها واذا عاتبها زوجها تزعل منه وتقوله انت مو واثق فيني وانت ماتحبني والمسكين رفيجي مو عارف شيسوي وعندي سؤال محير صديقي ووده يعرف اذا هو غلطان وعلى على حق صديقي له حق ان يطلب من زوجته باسورد ايميلها ولا لاء يعني يبيزوجته تعطيه الباسورد بس البنت الله يهديها تعاند وموراضيه خلت الريال يشك ان في شي بالسالفه (( ليش موراضيه تعطيه الباسورد)) واذا قالها ليش موراضيه تعطيني الباسورد تقوله ( انت مو واثق فيني) يقوله زين ليش تقوله ابي خصوصيه وانت اناني تبي تملك كل شي وصديقي متضايق ليش زوجته تكسر كلمته ليش لما طلب منها هالشي رفضت وهو الحين مايكلمها ويفكر ان ينفصل من الضغط اللي عايش فيه بسبه زوجته الله يهديها واتمنى تعطوني رايكم اشلون انصح صديقي ويحل مشكلته واكون شاكر لكم اخوكم \ دكتور باد |
ماشالله المشاهدات وصلت 60 ومحد شارك بالموضوع !!
|
ليش ماعنده ثقه فيها ؟؟
انا لو مكانها وماابي ياخذ الباسورد افتح ايميلي والماسنجر واخليه يقعد عدالي وانا قاعده على النت واتصفح عادي .. العناد في شي ثاني بس احس في شي اسمه خصوصيه بالرغم من انه زوجها ..اوكي اذا يبيها تعطيه باسوردها قول لصديقك في البدايه يعطي مرته باسورد ايميله وشوف شو بيقول لك ...اتوقع يقول لا .. يعني هو له الحق ان باسورد زوجته يكون عنده وهي لا .. عذرا يعني بس احس المشكلة صارت من لا شيء لانه ايميلها لها الحق في الاحتفاظ في خصوصيتها .. هذا رأيي الشخصي وعذرا ماحسيت اني حليت المشكلة ..بس هي مسالة ثقه بين الزوجين .. ..يعني هو ما تزوج زوجته الا وهو واثق من تصرفاتها وتربيتها فليش هاللف والدوران ؟؟ |
بالبداية أخوي دكتور باد العناد لا يعالج بالعناد ولكن موعناد المرأة للرجل بالعكس أخي من وجهة نظري الخاصة
المرأة العنيدة لابد أن يكون الرجل أعند منها حتى يستطيع أن يمسك بزمام الأمور فيما بعد أنا لا أنفي حق المرأة في إبداء الرأي والنقاش أبدا لكن لا بد لها بالمقابل من احترام الرجل وليس من الاحترام العناد وتكبير الرأس هذه البداية أما بالنسبة لمشكلة صديقك فبرأي ليس من حقه أن يطلب منها الباسورد الخاص بإيميلها لازم يخليها هي تعطيه إياه باللين وبالحب مثلا ممكن هو يعطيها الباسورد خاصته فممكن هي من هالمبادرة تعطيه أو خليهن يعملوا أيميل خاص فيهن هم الأثنين يراسلوا بعض فيه يمكن في بإيميلها رسائل من صديقاتها ماتحب أحد يقرأها يمكن فيه صور لهن أو أحاديث خاصة ومو شرط ترى إذا البنت رفضت تعطي الرقم تكون مخبية شي ليش هو قبل مايخطبها ماسأل عليها وعلى أهلها وعرف شو أخلاقها الثقة ثم الثقة ثم الثقة هي أساس العلاقة الزوجية إذا من الأن لقاها مخبية شي قال أكيد في إن إذا بكرا بعد الزواج إذا وصلها مسج على جوالها من رقم غريب أو صار أي موقف ظاهره ممكن يشك شو رح يعمل أخي الفاضل دكتور باد عناد خطيبة صديقك يعالج باللين والصرامة بالعناد والمسايرة نعم شد وجذب حتى يتفاهموا ويستقروا آسفة على اللخبطة بس ياليت تكون فهمت ما أقصده |
للاسف انا من الاسخاص العنيدين وما اتنازل الا اذا فيه مصلحة .. (( اعترف :21: )) ...
انا من رايي يعطيها ايميله والباسوورد .... ويتكلم معاها بهدووووء ... والله كنت اتمنى افيدك لكن انا كمان عنيدة ... :29: بس ترى لو انا مكانها ما اعاند لانه موضوع عادي وتافه ... |
اقتباس:
شاكر لج اختي على المشاركه وتبين الصج رفيجي معطيها الباسورد ماله وهو مايبي الباسورد عشان شاك فيها بالعكس يقولي واثق فيها بس المشكله ليش كسرت بكلامه ورفضت طلبه والمعروف ان الزواج روح التعاون والمحبه والتفاهم بين الطرفين وما اظن ان في خصوصيه بينهم |
اقتباس:
اختي الغاليه شاكر لج على المشاركة الصراحه صديقي من زمان معطيها الباسورد ماله وهو واثق فيها وماعمره فكر بشي غلط بس المشكله مسئله عناد بينهم وتفكير صديقي ام اهوه ماقصر معاها بشي ليش تعامله بهالطريقه على الاقل المفروض تحترم كلامه ومعروف ان الريال لما يطلب من الزوجه شغله وترد عليه بالرفض بهالحاله شراح يكون مقف الزوج من زوجته <<< هذي مشكلة صديقي |
اقتباس:
شاكر لج اختي على المشاركه وترى صديقي معطيها الباسورد ماله من زمان ومن غير ما اهي تطلب منه وكلمها بالطيب مانفع عاندت اكثر واذا عصب عليها ازعلت وقامت تبرر مواقفها تحاول تغلط زوجها وتكون اهيه على حق ويقولها يابنت الحلال والله السالفه تافها ومايبيلها كل هالعناد وانا مابي الباسورد صدقيني ماراح ادخل ايميلج انا ابيه الباسورد بس لانج كسرتي كلمتي لما طلبت منج الباسورد ..... وصديقي المسكين الحين قام يمشي ويكلم نفسه بسبه عناد زوجته بكل شي واللي يكسر الخاطر صج ان السالفه صارلها اكثر من اسبوع وبفتره الاهواش والزعل اللي بينهم صديقي خذاني معاه عشان يدور لها هديه حلوه حق عيد ميلاد زوجته ولما رد البيتعطها الهديه وهو مستانس ونسو الزعل وطاح الحطب بس لسلحسن ماخذ بخاطره منها ليش كسرت كلمته ولما ردت فتح لها الموضوع بكل هدوء عصبت وتضايقت وتقوله غير الموضوع انت ليش تعاند تبي الباسورد مالي وماراح اعطيك الباسورد |
انا على ماأظن اقول وقفي معاه يعني عاند بشي انت وافقه الرأيي وشوي شوي بس يشوفك موافقه الرأي معاه بتغير الله يهدي الجميع
|
اسف مافهمت شي من اللي كتبته يالغالي
على العموم شاكر لك على المشاركة |
بما أن صديقك عطاها الباسورد ماله هيك رح يكون ماعليه قصور أبدا إذن
أنصحه باتخاذ موقف منها يعني يعاندها ويصمم على رأيه طبعا من غير ظلم صدقني أنا كنت عنيدة مع زوجي أيام الخطوبة بس موقفين تلاته منه عرفت طبعه وصرت مثل مايبي أكيد الوحدة فينا ماتريد إلا رضى زوجها وسعادته معاها ومثل ماقلت لك أخي في الرد الأول لابد من اتخاذ موقف من صديقك اتجاه زوجته حتى يستطيع أن يملك زمام الأمور فيما بعد بس الأفضل ينتظر عنادة أكبر من الباسورد يعني مو مستاهلة الشغلة إنو يزعلوا من بعض بسبب هالشي الصغير يعني بمستقبل الأيام لما تعاند على شي فعلا بيأثر على الحياة بينهم لازم يتخذ الموقف بس هالشي مابيمنع أنو يجبرها على احترامه واحترام كلمته حتى لو ماعجيتها وإلا فين تضحية المرأة ؟؟؟؟؟؟ آسفة على الإطالة بس أتمنى إني ماكون ثقلت وأفدت |
بما أن صديقك عطاها الباسورد ماله هيك رح يكون ماعليه قصور أبدا إذن
أنصحه باتخاذ موقف منها يعني يعاندها ويصمم على رأيه طبعا من غير ظلم صدقني أنا كنت عنيدة مع زوجي أيام الخطوبة بس موقفين تلاته منه عرفت طبعه وصرت مثل مايبي أكيد الوحدة فينا ماتريد إلا رضى زوجها وسعادته معاها ومثل ماقلت لك أخي في الرد الأول لابد من اتخاذ موقف من صديقك اتجاه زوجته حتى يستطيع أن يملك زمام الأمور فيما بعد بس الأفضل ينتظر عنادة أكبر من الباسورد يعني مو مستاهلة الشغلة إنو يزعلوا من بعض بسبب هالشي الصغير يعني بمستقبل الأيام لما تعاند على شي فعلا بيأثر على الحياة بينهم لازم يتخذ الموقف بس هالشي مابيمنع أنو يجبرها على احترامه واحترام كلمته حتى لو ماعجيتها وإلا فين تضحية المرأة ؟؟؟؟؟؟ آسفة على الإطالة بس أتمنى إني ماكون ثقلت وأفدت |
أختي انتي كفيتي ووفيتي
يعطيج العافية على المساعده والنصائح وانشالله اخبر صديقي ويحل مشكلته |
السلام عليكم ورحمه الله وبركاته
الله يهديه اش دخله فى باسوردها الا اذا هو شاكك فى حاجه معينه او فعلا هو مو واثق فيها لو طلب انها تفتح ايميلها قدامه يمكن تنبلع لاكن باسوردها ليش عاد مالها خصوصيه واسرار هذا راى والله اعلم بصواب الله يعين وتنحل المشكله وخليه يفكر فى فكره عدله بدل الطلاق وخرابيط الشيطان هذى الله يعطيك العافيه لك فائق احترامى |
مسامحه على هالكلام اللي باقوله, بس هدا الرجال ماعنده سالفه. يعتي ليش يسأل زوجته عن شيء يخصها, يمكن اختها او صديقتها اتطرش مسجات خاصة للبنات وطبعن احراج كثير ادا الرجل شافة خصوصا ادا كان زوجها لان مادا سيفكر في اختها او صديقتها ادا شاف الايميل؟؟, ويعتبر هدا من خصوصياتها, وادا فكر انه ينفصل عنها يعني هو الخسران لان المرأه هدي عاقله, انا زوجي عمره ماسألني, في بعض الاحيان اتضايق من كثر الثقه أريد ان احس انه يتجسس علي او يتابعني , أو حتى يفتح محفظتي, , دائما اقول له عادي افتح شنطتي , يقول لا , يمكن فيه اشيائك الخاصة النسائيه سيكون احراج لك ادا شفتها, .. انظر اليه و الدمعه في عيني من كثر تأثري بكلامه, اصبحت احترمه واحبه اكثر وأكثر.. كم انا محظوظه بهدا الرجل.
|
بالنسبة لمسألة الباسوورد فأرى أنه لا مانع من أن تعطي الزوجه لزوجها الباسوورد ولكن أن تطلب منه المثل فالمسألة هنا ليست مسألة عناد وإنما هي مدى الثقة التي يعطيها الزوج لزوجته
|
اقتباس:
شاكر لك اخوي على المشاركة بس اخوي معقوله ان في اسرار وخصوصيه بين الزوج وزوجته؟؟ |
dr.bad
في كتاب اسمه كيف تتعامل مع رجال سيئو الطباع ....... جميل هو كتاب انجليزي مترجم بالعربي .. في مكتبة جرير بالسعودية لو تحصل عليه حتلاقي المضمون في كتاب ثاني اسمه المبتزون عاطفيا بمعنى كيف الناس العنييدين يبتزوك عاطفيا الولهان |
اقتباس:
شاكر لج اختي على المشاركة يعني افهم من كلامج ان صديقي هو الغلطان بس اختي انتي قلتي ان في اسرار بين الزوجه وصديقاتها او اختها بس معقوله الحين البنات يطرشون خصوصياتهم بالانترنت وانتي عارفه هالايام زادت سرقه اليميلات من الهكرز يعني بتصير فضيحه كبيره بسبه النت وما اظن ان في اسرار بالنت اذا البنت تبي تكلم صديقتها او اختها ترى في الجوال موجود او يروحون عند بعض يتقابلون ويقولون اسرار بعض مو لي هالدرجه عاد يقلون اسرا بعض بالنت صح ولا لاء وصديقي يقول السالفه مو سالفه الباسورد ا هو متضايق ليش ردت كلمته لما طلب منها |
اقتباس:
شاكر لك اختي على المشاركة |
اقتباس:
شاكر لك اخوي الولهان على المشاركة بس ما اظن المسئله توصل ان يشتري الكتاب عشان يعرف اشلون يتعامل معا زوجته صديقي يبي يحاول يوصل المعلومه حق زوجته ان اللي قاده تسوي غلط بس هذي المشكله لان زوجته راسها يابس |
بصراحة انا مع الاخت Esmahan
مب شرط اسرار عائلية..يمكن اشياء ومنتجات خاصة بالحريم مب لازم يعرف زوجها كل شي..في اشياء خاصة ومعلومات خاصة بين البنات.......وبعدين يمكن كانت بتعطيه بس لما شافت الحاحه واصراره غيرت رايها .. يمكن تغار ما تباه يشوف ايميلات ربيعاتها...ومثل ما قلتلك يمكن اشياء خاصة........انت حاول تقنعه وتهدي الموضوع لانه ما يستاهل.... |
السلام عليكم
اخي انا ماني شايفه ان السالفه فيها عناد الامر طبيعي ...... انا مره زوجي شافني وانا ادخل الباسورد حقتي و قالي انه عرفها رحت على طول غيرتها مو معنى كذا اني عنيده او لعابه مخبية شي عن زوجي بس السالفه سالفة خصوصيه كل صديقاتي على ماسنجري و نسولف بامور نسائيه احيانا مو من حق زوجي يتدخل فيها ............. مع احترامي لصديقك ما عنده سالفه يتضايق و يكبر الموضوع ترا الحياة الزوجية فيها اشياء اهو و اعظم من النت . هذا و هو توه 5 شهور من اولها مو ورتاح و يبي ينفصل ........ قول لصديقك يعقل و ينسى الموضوع و يتصرف ما كنه شي صاير ولا يلح كثير على سالفة البسورد لا تصير شغلهم الشاغل و بعدين مع الاياام و العشره الطيبه راح يعرف كل شي عنها و يمكن هي تقوله تعال ندخل نت سوا ............ الله يصلح حال صديقك و يهديله زوجته ............. |
اقتباس:
شاكر لج اختي على المشاركة والنصائح |
اقتباس:
شاكر لج اختي على المشاركه الطيبه وكلامج صح 100% |
| الساعة الآن 09:27 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©