|
رأيكم يهمني جداً .. فلا تبخلوا علي لاهنتم .. (خاصة الفتيات)
بسم الله الرحمن الرحيم ..
السلام عليكم ورحمة الله وبركاته .. مساكم الله بكل خير أعزائي .. وكبداية حبيت أهنيكم على هالمنتدى الرائع فعلاً .. ندخل في الموضوع ..:) أنا ولله الحمد تملكت قبل إسبوع بالضبط .. وناوي خلال الايام الجاية ازور خطيبتي (زوجتي ) ومحتار وش آخذ لها هدية ... أنا ناوي آخذ لها ساعة من ماركة حلوة وتكون مناسبة كأول هدية وفعلاً رحت السوق ولفيت ولقيت لي كم ساعة حلوة لكن المشكلة إني ماأعرف أذواق البنات في الساعات ابد .. وأخاف آخذ لها شي مايعجبها وتكون بداية محبطة لي .. علشان كذا بغيت منكم وخاصة بنات المنتدى ياليت ورجاء خاص تعطوني رأيكم في أفضل نوع وشكل للساعة وهل هناك ماركة معينة تنصحوني فيها ؟؟ وهل الساعات النسائية الصغيرة حلوة أم إنها صارت موضة قديمة مثل ماذكر لي صاحب أحد المحلات .. وإذا أي أحد عنده نوع معين ياليت يكتب إسم الساعة هنا .. الله يعطيكم العافية .. وجزاكم الله كل خير مقدماً .. ودعواتكم لي .. :) |
فيه ساعة من ماركة فندي الحين مرة دارجة سير عريض ومكتوب فيها حروف الماركة
وفيه قوتشي - كارتير - كريستيان ديور شوبارد >>بس مرة غالية مبروك والله يوفقك |
في ساعة ماركه اجنر وساعاتها رووووووعه بتخلي خطيبتك تنهبل عليها مو بس تعجبها
لانها نعومه وبنفس الوقت راقيه واسعارها حلوه يمنع ذكر اسماء محلات |
ساعة فندي حلوه وعندي بس ما انصحك فيها لان تختلف على حسب الاذواق
انصحك وبشددددده في ساعة نينا ريتشي الي نزلت اخر شي وهذي هي صورتها http://www.creativewatch.co.uk/nina-...22-1-large.jpg فيه منها فضي ومنها ذهبي..الماس وبدون الماس انت اسألها هي وش تحب تلبس الذهب الابيض ولا الاصفر..وعليها اشتري الساعه بالتوفيق |
...خذ لها ساعة تقليد الماركات يعني تقليد درجة أولى وشغل نظيف..وطبعا هذي الساعات مورخيصة لانهاموديلات جديدة وماينعرف الاصلي من المقلد ...
لان ساعات الماركة سعر خيااال على الفاضي وبسرعة ينمل منها وتبي تغير ...وما اوصيك العلبة الحلوة والتغليف الاحلى وبطاقة فيها كلام من القلب وتصير احلى هدية ...موفق... |
وعليكم السلام ورحمة الله وبركاته
أخي عليك بملاحظة ما تلبسه خطيبتك من أنواع الساعات طبعا ستشتري لها ماركة , لكن أقصد هل تحب الساعة المصنوعة من الجلد أم الساعة المصنوعة من المعدن ؟ هل تناسب يدها الساعة ذات الحجم الكبير إلى حد ما أم الساعة الصغيرة والرقيقة ؟ ما هي الألوان التي تلبسها ؟ حتى تجلب لها ساعة ذات لون مختلف عن الألوان التي لديها ( إذا كانت الساعة ملونة ) هذا ما لدي .. وألف مبرووووووووووووك :14: أسعدك الله وإياها |
|
http://luxury.china.com/zh_cn/shechi...3562114800.jpg
شو رايك كمااااااااااان اتجنن.... شكلي موظفه في باريس غاليري |
|
http://www.bnwatch.com/catalog/images/0604592.jpg
مين أدو ياناس مين أدو الحلو بو شامه على خدو:25: ... ساعات موفادو في منها تشكيلات ثانية تجنن طقم رجالي نسائي ازا حابب تطقم مع المدام:26: |
والله مدري وش أقول بصراحة .. أخجلتوني بهالردود الطيبة .. الله يسعدكم ويحلي أيامكم جميعاً بدون إستثناء ..
أختي حرم فلان فلاني .. شكر خاص لك على الصور الرووعه والله أنا إحترت من جد :) أكثر ساعة أعجبتني Fendi روعه من جد وأيضاً كريستيان ديور رايقة من جد .. بس عندي سؤال صغير .. أنا ماأقدر أسألها عن أي نوع تفضل لأن الهدية راح تكون مثل المفاجأة .. علشان كذا معليش تحملوني شوي :) هل الساعات الصغيرة الرقيقة افضل أم الساعات الكبيرة والمتوسطة الحجم بغض النظر عن الماركة .. ووش الأحلى والأفضل والدارج عندكم يالبنات الجلد أم السير المعدن .. ؟؟ شاكر لكم تفاعلكم السريع والله يقدرني على رد جميلكم لي وجزاكم الله كل خير ...:) |
بصراحة الموضة ألحين الساعات الكبيرة بس يعتمد على اليد
يعني إذا إيد خطيبتك ضعيفة إشتر شي ناعم وإذا شوي إيدها عريضة إشتر الساعات العريضة...وأنا أنصحك تشتري معدن لأنه أنيق وبتحتاج تلبسه في عزايم بعد الزواج بدال ما تشتري ساعة ثانية بس الجلد عملي ينفع للدوام وكل يوم وأعتقد الساعات الفضية موجودة في كل الماركات وأحلى لونها يمشي مع كل شي بس إذا حبيت ذهبية أنصحك بأجنور |
الموضة اللي دارجة هالايام الكبيرة والمتوسطة لو تلاحظ ان كل ماركة الكوليكشن الجديد جايين كلهم كبار....وبعدين لا تحتار وايد اي هدية منك بتكون غالية وكبيرة (بإذن الله)في عينها صدقني.....بس اهم شي تهتم كيف تكون شكل الهدية(من ناحية التغليف والأخراج) وكيف تهديها(شغل مخك وحركاتك)....
|
في فيرزاتشي مره رايقه تحصلها با.........
يمنع ذكر اسماء المحلات |
خد معاك اختك او امك
|
اقتباس:
هاااااااي فعلا حلوووووة ... اما بالنسبة للحجم فشوف كيف ايد خطيبيتك ... اذا نحيفة خذ لك متوسطو او صغيرة واذا ايدها عريضة خذ لك شي كبير وبالتوفيق |
| الساعة الآن 10:52 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©