|
ابغا رأيكم في عريس لأختي
السلام عليكم
بأدخل في الموضوع على طول اخوتي كما تعلمون اختي الأكبر مني عمرها 39 سنه ولم تتزوج بعد اليوم زميلتها في العمل تسألها هل هي متزوجه ام لا ثم عرضت عليها الزواج من صديق زوجها الرجل عمره 45 سنه لبناني متجنس من زمااااااااااااااااااااان ومطلق وعنده طفلين والعيله معروفه مارأيكم اختي تخوفت من اهلي انهم يرفضوا لأنه متجنس قلت لها صلي واستخيري ثلاث ايام اذا ارتحتي افتحي الموضوع لأخواتي الكبار اذا في موافقه افتحي الموضوع مع امي واخواني ايش رأيكم ويارب يرزق جميع بنات المسلمين ازواج صالحين ويرزق الشباب زوجات صالحات اللهم ماسألناك اياه الا اعفافا لنا واعفافا لهم |
عمرها 39 سنة ...!
توافق وهي مغمضة اقل شي تحصل لها ولد ولا بنت يرعاها اخر عمرها . رغم اني غير مقتنع باللبناني بس حالتها تستدعي ان اهلها يوافقون بدون تردد . |
اختي الكريمه ام سعود
اسعد الله مسائك بكل خير اريد ان اسألك هل رضيتم بدينه وخلقه وحسن سيرته ,,, هل لكم معرفه مسبقه عن اخلاق الشخص,, هلا عرفتم ولو نوعا ما ؟ عن سبب طلاقه ؟؟ لإنها الرأى في المسائل الزوجيه يجب ان يُعطى من استشار بإمانه وانتي غاليه علينا ,, في حالة الإجابه سوف نتواصل معك اختي ؟؟ ولي عوده معك ,, ام سعود |
وفقها الله
بما أنه يحمل الجنسية أي أطفالها سيحملون نفس جنسيتها وبما أنها مقتنعة فلتستخير وتتوكل على الله .. هناك الكثير من بنات بلادي من هن متزوجات من رجال من الوطن العربي ( وليس من الخليج طبعا ) أتمنى لها كل الخير |
انا من رأيي تتوكل على الله وتوافق اذا كان رجل دين وخلوق
|
اهم شيء اسالو
عن دينه وخلقه وحسن سيرته اذا طلع صاحب دين تتوكل على الله والله يوفقه ويسعدها |
توافق وهي مغمضة اقل شي تحصل لها ولد ولا بنت يرعاها اخر عمرها .
رغم اني غير مقتنع باللبناني بس حالتها تستدعي ان اهلها يوافقون بدون تردد _________- الله يصلحك اخويaft وليش توافق وهي مغمضه ناقصه يد ورجل عندنا مبدأ خليك في بيت ابوكِ اعز واكرم اختي ماتزوجت من ذيك السنين كله عشان ماجا المناسب ومومهم انها تجيب ولد او بنت ايش فايدتهم اذا كانوا من غير اب محترم اوكفئ يساعد في التربيه الأب هو الأساس واذا على كلامك انهم يرعونها كم بقي من عمرها الين تكبرهم ويرعونها الله الهادي والحافظ اعرف وحده تزوجت واحد يتعاطى مخدرات واحد من اخوانها قال لها وهي رفضت قالت مو مهم اهم شي اجيب اطفال وهذي هي جابت اطفال مثل ماتبغا وشوف التعذيب اللي هي وبناتها عايشين فيه ......الله لايبلنا عموما اخوي اشكرك على ردك السريع والمتحمس والله يوفقك وينور بصيرتك ويرزقك الزوجه الصالحه |
اخي ابو ريتاج عسانا من ننحرم من اخوتك
كلامك صحيح وعين العقل مبدأيا اختي قالت لها (اهم شيء الموبيقات ) وقالت لها اكيد لأ وانا نفسي مارح اعرض لك الرجل المهم دحين احنا موعارفين شيء عنه ومومتأكدين من شيء اهم شيء المبدأ عندنا قبل لانعرض الفكره على امي واخوي وهو هي نفسها موافقه على انه متجنس عموما انا بأخليها تسأل زميلتها عن سبب طلاقه . على فكره بحكم عمل اختي المختلط زوج صديقتها قد شاف اختي وهو اللي عرض اختي لصديقتها وقالها ايش رايك نزوج فلانه لفلان ولي عوده اخي حتى ازودك بس مبدأيا ايش رأيك بأنه متجنس ومن( اهل الحجاز )واحنا من (اهل الجنوب) وربي يسعدك ويريح بالك ويفرج همك وينولك مرادك ويسخرلك |
اختي العزيزه (الفتاة) كلامك صحيح ولكن المبدأ بحكم العادات القبليه عندنا هي اللي تحكمنا
وربي يسعدك ويفرج همك وينولك مرادك اختي الحبيبه( شوبارد) الغاليه الله يكتب الخيره الطيبه وان شاء الله خير وربي يسعدك ويفرج همك وينولك مرادك اختي (ريفان) العزيزه اكيد هذا اهم شيء وهذا الي نبحث عنه وان شاء الله خير وربي يسعدك ويفرج همك وينولك مرادك |
اعلم ان ابناء القبائل من الصعب بل من المستحيل تزويج الغريب عنهم .
ولكن عادة اذا ماقتربت البنت من سن الاربعين فالأولى تزويجها بالرجل الصالح حتى وان كان غريبا . اعلم ان الامر صعب علينا كقبيليين ولكن ماذا تفعل ببنتك وانت ترى الشيب بدأ يغزو رأسها ؟؟ هل ستصل سن اليأس بدون ابناء ؟؟ هل ستموت وحيدة ؟؟ الجواب صعب جدا ... اعلم مدى صعوبته ولكن لا بد من تقديم التنازلات في هذه الحالة نظرا لنها استثنائية . لو كانت البنت صغيرة لكنت اول المعترضين على زواجها من غير قبيلي او اجنبي ولكن بهذا العمر اعتقد انه من المفترض تزويجها ولحاق بقية العمر . |
روح الغالي اريد ان اسئلك اسئله بسيطه : من متى وهو متجنس .. يعني كم سنه .؟ عايلته وشلون معروفه ..؟ ينتسب لاحد القبائل مثلا كم اعمار الطفلين ..؟ هو يدري ان زوج صديقت وصل الخبر لكم ... يعني يدري ان عند اختك خبر انه يبيها ..؟ زوج صديقت اخت يعرفه زين ....؟ |
ما خاب من استخار..
إذا جاءكم من ترضون دينه فزوجوه.. إذا ارتاحت له .. و الأهل وافقوا .. ليش لا .. الله يوفقها و يعوضها خير .. و يسعدها في الدنيا و الآخره.. |
السلام عليكم ورحمة الله
مثل ماقالوا بعض الإخوة والأخوات إن كان ذا خلق ودين فتتوكل على الله والله يوفقها .. وما يضر كونه لبناني .. المهم مسلم يخاف الله. وفقها الله لكل خير وأسعدها. |
السلام عليكم و رحمة الله و بركاته
الغالية أم سعود من رأيي أنه بعد السؤال عنه و عن أخلاقه و مدى التزامه بالدين, تصلي أختك صلاة الاستخارة, و ان شاء الله ما تخيب, أنا صرت كل ما تقدم واحد حتى لو لم يعجبني أصلي الاستخارة و أتوكل على الله و الحمد لله بعد كم يوم يروح الخاطب لحال سبيله:d بسبب ليس لي يد فيه, على الأقل ما يكون عندي تأنيب ضمير بعد ذلك:11: الخير فيما اختاره الله حبيبتي ممكن الله استجاب لدعواتك في الحرمين:) عقبال عندك عزيزتي |
اذا ترضون دينه وخلقه وبعد هالايام مب كفايه لازم اتكون عندكم معلومات كافيه عنه .... وهي لازم تستمر بالاستخارة اذا الله كتبلها نصيب بتاخذه واذ مافي نصيب خير لها مب احسن من أنها تزوج و آخرتها يطلقها (بعيد الشر) على الأقل تعيش بقية عمرها معززة ومكرمة في بيت ابوها ولا يقدر يقولها كلمة ولا تتطلق أو يبهدلها وتندم باقي عمرها....اسألو عنه كثير وخلها على الاستخارة ورب العالمين راح ينور عليها....العيب مش في العمر العيب اذا وصلنا هالعمر وما عرفنا نختار صح... وبالتوفيق ان شاء الله أخ aft أظل في بيت ابويه آمر وأنهي فيه ولا اتزوج واحد يفكر انه يهيني في يوم... الحمدالله اللي ما عرسن مازلن على قيد الحياه عايشات ومرتاحات وناجحات ايضا وربي راح يعوضهن في الجنة (عالأقل أحسن من الدنيا بمليوووووووووووووووووووووووووووووووووون مرة) |
ما خاب من استشار ولا ندم من استخار
|
انا رايي تصلي الإستخارة
وتوافق إذا كان ذا خلق ودين فهذا هو الأهم أما الجنسية فهي كماليات الزواج وربي يجعل لها الخيرة فيه بشرينا عنها يا الغالية وربي يرزقج الزوج الصالح بالقريب العاجل |
إذا كان صاحب دين وخلق وتقبلون به للزواج من بنتكم ( لأنه متجنس )
توكلو على الله وزوجوه ولكن يجب التأكد من دينه وخلقه ومحافظته على الصلاة . وايضا فيه موضوع مهم وهو طريقة تفكيره وضرورة التقارب الثقافي بينكم وبين هذا الرجل لأن التقارب الثقافي مهم جدا ولا ما نع عندي من التفصيل في هذا الموضوع إن شئتي . تحياتي وفي حفظ الله |
ماشاء الله الكل ماقصر وما اعتقد رايي بيغير شئ ..
اتمنى لاختك التوفيق من كل قلبي والله يرزقها باللي تتمناه وعقبال مانسمع خبر خطبتك يا ام سعود :) |
الأعضاء ماقصروا بس حبيت أدعي لأختك ربي ييسر أمرها ويدلها على الطريق اللي فيه الخير لها
ويرزقك ِ إنت ِ وأنا وكل مسلم ومسلمــة يــــــارب |
السلام عليكم ورحمة الله
مثل ماقالوا بعض الإخوة والأخوات إن كان ذا خلق ودين فتتوكل على الله والله يوفقها .. وما يضر كونه لبناني .. المهم مسلم يخاف الله. وفقها الله لكل خير وأسعدها مثل ماقلت سنون ومنون |
الله يوفقها
يااااااااارب |
السلام عليكم ورحمة الله وبركاتة
ما شاء الله اخواتى ما قصرو فى الرد ربنا يوفقها للى فية الخير فى الدين والدنيا |
الاستخاره هي الجواب ..
|
الله يوفقها لماهو خير لها
|
لو كنتُ مكانها ورأيتُ فيه الكفؤ سأقبل فوراً .. ولا أخال أهلي يرفضون مطلقاً .. مع أننا نتنفّس " القبليّة " .. لكن الآن الوضع اختلف كثيراً فحولنا الكثير من العائلات التي ترضى بمثل هذا الزواج ! بل لا أرى فيه مشكلة من الأسااااس ! المشكلة الحقيقيّة تكمن فيما لو خلتْ هويّته من سحر الحروف " س ع و د ي " :29: الله يغيّر الحااال !! الله ييسّرلها ياااارب ،، |
طبعا الاخوان والاخوات ما قصروا ما شاء الله
حبيبتي ام سعود الله يرزقها الزوج الصالح وييسر ليها امورها ان شاء الله بنسمع الخبر الحلو عن قريب ربنا يسعدك ويرزقك ويفرجها عليكي وعلينا يارب |
أختي بصراحه لتستخر وتتوكل على الله وربنا يكتب لها اللي فيه الخير
خاصة أن سنها كبير فإن كان اامتقدم لا يوجد عليه أي غبار ولديه الجنسية فلا خوف من المستقبل على الأبناء بالتوفيق عزيزتي |
اقتباس:
عادات وتقاليد بالية وكأننا نعيش عصور الجاهلية أتساءل .. ألم يذيب الإسلام كل الفوارق ويجمعنا إخوة متحابين ؟ إلى متى سنرفع شعارات العنصرية؟ ويا ترى .. متى ستخبو نيران القبلية ؟ كم من فتاة ذهبت ضحية لتلك النعرات .. وهاهي الآن تعاني الأمرين .. الوحدة والعنوسة سيسأل عنها وليها يوم القيامة .. (( كلكم راع وكلكم مسئول عن رعيته )) .. فبماذا سيجيب ربه ؟ أختي الكريمة روح الغالي : يقول الرسول صلى الله عليه وسلم : (( إذا أتاكم من ترضون دينه وخلقه فزوجوه )) ولم يشترط أن يكون من قبيلتكم !! إياكم إياكم أن تفرطوا فيه دون مسوغ شرعي ، وإني أحذركم مما حذر منه الرسول صلوات ربي وسلامه عليه : (إذا خطب إليكم من ترضون دينه وخلقه فزوجوه إلا تفعلوا تكن فتنة في الأرض وفساد عريض) رواه الترمذي. دعو عنكم العصبيات .. دعوها فإنها منتنة |
اشكركم احبتي واخوتي على مرورك واهتمامكم ودعواتكم لها
واعتذر عن تأخير ردي اخي ساري بصراحه اسئلتك كلها ليس لدي جواب لها في الوقت الحاظر لأن اختي العزيزه توقفت عن الإستفسار من زميلتها حينما قالت لها انه متجنس ولكن في حالة الموافقه المبدأيه على انه متجنس اكيد بنسأل هذي الأسئله وربي يسعدك ويفرج همك وينولك مرادك اختي بر الأمان والنعم بالله وان شاء الله خير وربي يسعدك ويفرج همك وينولك مرادك ويرزقك الزوج الصالح اخي سنون ومنون ان شاء الله خير يارب وربي يسعدك ويفرج همك وينولك مرادك ويرزقك الزوجه الصالحه اختي ام يسرى الغاليه اكيد صلاة الإستخاره مارح ننساها ان شاء الله والله كريم وعقبالك ان شاء الله بالقريب العاجل ويارب يفرج همك وينولك مرادك ويرزقك الزوج الصالح اختي حرم فلان الفلاني كلامك عين العقل يالغاليه وان شاء الله خير ويارب يرزقك الزوج الصالح ويفرج همك وينولك مرادك اخي ابو ساري بارك الله فيك وان شاء الله خير وربي يسعدك ويفرج همك وينولك مرادك اختي (بنت علي) ان شاء الله خير وربي يسعدك ويفرج همك وينولك مرادك ويرزقك الزوج الصالح اخي الذي لم تلده امي (أبوعبدالله) كلامك عين العقل الله يحفظك ويحميك وياليت توضح لي اكثر عن قصدك وربي يسعدك ويفرج همك وينولك مرادك ويسخرلك كبريائي الغاليه آمين يارب وعقبالك ان شاء الله ربي يسعدك ويفرج همك وينولك مرادك ويرزقك الزوج الصالح اختي غاليه الغاليه آمين يارب وتسلمي على مرورك وربي يسعدك ويفرج همك وينولك مرادك ويرزقك الزوج الصالح اختي أميره محمد تسلمي على مرورك وربي يسعدك ويفرج همك وينولك مرادك ويرزقك الزوج الصالح كلي شعور آمين يارب وعقبالك ان شاء الله وكل متمني وربي يسعدك ويفرج همك وينولك مرادك شيراز تسلم على مرورك وان شاء الله خير وربي يسعدك ويفرج همك وينولك مرادك اختي توفي بحفظك الله وربي يسعدك ويفرج همك وينولك مرادك ويرزقك الزوج الصالح بحور الصمت آمين يارب وعقبالك ان شاء الله وربي يسعدك ويفرج همك وينولك مرادك حسابات الزمن الغاليه آمين يارب الله يكتب الخيره الطيبه وعقبالك ان شاء الله وربي يسعدك ويفرج همك وينولك مرادك ويرزقك الزوج الصالح بوبو العسل آمين يارب وعقبالك ان شاء الله وربي يسعدك ويفرج همك وينولك مرادك ويرزقك الزوج الصالح دلع ودلع الغاليه ان شاء الله خير وربي يسعدك ويفرج همك وينولك مرادك ويرزقك الزوج الصالح اخي شاطئ المحبه كلامك عين العقل واله يكتب الخيره الطيبه وربي يسعدك ويفرج همك وينولك مرادك ___________--- احبتي طبعا انا قلت لأختي صلي واستخيري ثلاث ايام وبعيد كلمي اخواتي هذا الكلام امس المهم البارح بالليل فتحت الموضوع اختي مع وحده من خواتي وامي<<<<أعرفها ماتحب تفكر كثير تبغا تنهي الموضوع امي على طول من قالت اختي متجنس .......... قالت امي :لأ وانقطع الحوار لسبب ما ورجعنا مره ثانيه فتحنا امي رجعت في كلامها قالت لها انت ايش رايك؟ قالت اختي انا من اول ابغا ابن بلدي وابن ديرتي لأن هو اللي يقدرني المهم كلنا جلسنا نفهمها ونوعيها خلينا نشوفه ونسأل عنه اذا ماارتحتي مع السلامه انا قلت لها : شوفي انا اهم شي رجل يخاف الله فيك يقدرك اما اي شي ثاني انا مايهمني ولايزيد ولاينقص عندي المهم : قامت اختي تكلم اختي الكبيره على التلفون المتزوجه وحكت لها كذا كذا دخل عليهم زوج اختي في الخط وقالها لمين هذا العريس ايوه تزوجي وريحينا منك<<<<<هو اسلوبه كذا الله يهديه قالت اختي لأ هذا العريس لبنتك فلانه قال : لألألأ بنتي تاخذ ولد الأصل المأصل ، لالمين العريس ومن هو قالت اختي له انت مالك دخل انا جالسه اكلم اختي. المهم اختي قالت هذي اولها انا ماعندي استعداد كل مره يجيني كلام مثل كذا ورفعة ضغط وسكرنا الموضع على ان اختي تنتظر زميلتها تتصل عليها وترد لها خبر واذا كان تعرف عنه اخبار . وان شاءالله خير واكيد بأرد لكم خبر اي جديد وربي يسعدكم ويريح بالكم |
أختي عمرها 39عام وش تنتظر عليها أن تبادر بالزواج والله يوفقك
|
| الساعة الآن 05:39 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©