|
ماهو شعورك عند زواج من كنتٍ تتمنين الزواج منه
سلااااااااااااااااااااااام
كل وحده منكن تكتب شعورها؟ اذا انت حاطه عينك على واحد لانك تحسين انه مناسب لك وتنتظرين انه يتقدم لك؟ وش صار؟ ؟؟؟ ؟؟ ؟ سمعت بزواجه هالاسبوع او اليوم؟ عادي او تنقهرين اووش بتسوين؟ |
اللهم لك الحمد ماقد حسيت بهالشعور أبدا لأني ماحطيت عيني على أحد
لكن تخيلت الوضع أكيد بحزن وبيضيق صدري |
تسلمين للمرور حبيبتي
شوبارد بصراحه انا احس انه من جد يضيق الصدر بس اقول بالعكس اشوى انه ماصار لي ونصير ماناسب لبعض بعدين؟ |
عادي كل شى قسمه ونصيب
|
بصراحه هو انا ما بككككككونش حطه عينى عليه يعنى لو اجوز عادى لانى مابحبوش
ولكن بذهب الى غرفتى وانا فى حيره والقى بجسدى على شريك حياتى وهو( سريرى) واذهب لاحزانى واقول لنفسى وبكل غموض ما سبب دموعك يا جميله هل كنتى تحبيه؟ ويجب صدقى صوتى انت لم تحبى حتى هذه الحظه اى فتا ام ام ام !!!!!!!!! لماذا كل هذا الحزن ؟ عرفيييييييييييييييييييييييييييييييين لماذا ! لانى هذب مره اخرى لمخيلتى واختار فتا اخر يكون يستاهل ذاك الجمال الربانى (دون عمليات تجميل) والروح الذى دائما متفئله واقول لنفسى ما رأيك ان تتخذى هذا الرجل يشركك احلامك ويشاركنى ولكن هل ياأحلامى هتتحقق هذه المره؟ مشكوره اختى على الموضوع يارب يكون عجبك ردى |
الزواج قسمة ونصيب
ماصار لي هالموقف بس أكيد فيه بنات ينقهرون |
بصراحه أنا صا رت لي قصه
كنا في أحد الإستراحات وكنت أنا و أمي عند الباب الفاصل بين الرجال والنساء أكلم أبوي ثم جاء شخص للمغسله ألي أمام الباب وقام يغسل أنا فكرته واحد من خوالي لأنه نفس الشكل من الخلف بعد ما راح سألت أمي أبوي مين هذا ؟ قال فلان ولد خالي فلان أنا أجتمعت عندي الآن سيرة الولد وأخلاقه ألي أبوي يمدحه فيها وشكله ونظرات أمه لي في المناسبات فكنت متأكده أنه بيصير شيء ........ ومن غير مقدمااااات ......... جانا كرت دعوه لزواجه ،، بصراحه تضااااااايقت بقووووة وكنت أفكر ليه ما جاني أنا !! و ألي زادني ضيقه وقهر هالسنه عرفت أنه خاطبني ورفضه أبوي للأسف كان انساااان شيء من ناحية التعليم والوظيفه والدين والخلق وكل هذا بشهادة أبوي الحمد لله على كل حااال |
الحمدلله ماصار اني حطيت عيني على احد وطار من يدي نفس مايقولون
بس ساعات اجوف ( اشوف) او اسمع عن شخص يتحلي بصفات تتمنها كل عروس فوقتها اتمني ان يكون شريك حياتي يتحلي بهذه الصفات بغض النظر كان هو او غيرهــــــــ ... |
ضيقتي صدري ياعبير الرياض
الله يرزقك بأفضل من ولد خالك الحمدلله مانحطيت في هالموقف بس لو عجبني شخص مأحاول ارسم خيالات عشان ماأنصدم وافير النظرات والحركات على كيفي |
الزواج قسمة ونصيب
والواحد ماياخذ الا نصيبه في هالدنيا واللي كاتبه رب العالمين هو اللي بيصير وتحياااااااااااتي |
الحب كله وحده
اكيد انه قسمة ونصيب بس خلينا نشارك اللي كذا ...؟ |
المصريه
ردك كثييييييير ابهجني تسلمين حبيبتي.... |
عبير الرياض
انا مثلك بس يوم تقدم انا بعد الاستخاره ماارتحت؟؟ الله يعوضنا خيرا منه...قولي ااااااااااااااااااااااااامين |
عروس ولكن
ياكثرها هذه.. شكرا لمرورك |
نجد فارس
والله انك صادقه دمتي بخير |
قموووورة
والله انك صادقه بس البنات تجينا طنات؟؟؟ |
يااااارب ماحد يذوقها لأننا حنا يالبنوتات رهيفات احساس :25: المهم أنا مريت بهالتجربة كان ولد خالتي متكلم مع أمه عني ويبغى يخطبني ,, وفعلا خالتي( أمه ) سألت وحدة من خالاتي اللي هي قريييبة لي مرة وقرروا يعلمون أمي ويفاتحونها بالموضوع وفعلا كلموها ,وانا مستانسة :22: لأني كنت أحب خالتي هذي مرة وإبنها على ماأسمع من خواته إنه يميـــل لي .. .... وقبل ماتاصل الخطبة لأبوي تفركــــــــــــــــــــشـت ... وشلون ماأدري ؟؟ وبعد فترة بسيطة سمعت انه بيتزوج بنت عمه ........ أنا الصراحة انقهرت قهر:29: ليش كذا يلعب فيني ويلعب بمشاعري والحمدلله على كل شيء ..... ربي رزقني زوج يمكنه أحسن من ولد خالتي .. الله يخليه لي ويرزقني بره ...آمـــــين |
يووووووووووووه الحمدلله
مشاكل الانتظار الحمدلله خيره يمكن مايناسبك الله يخليي زوجك لك |
في هذة الدنيا ماكل مايتمناه المرء يدركه مهما يكن حتى ولو كنا مالكي الاموال والجمال والسعادة ولن يحصل لك شيئا وتناله الاماكتبه الله لك علينا بالقناعة فالقناعة كنز لايفنى دمتي غاليتي |
شكرا لمرورك حبيبتي لورااا
واكيد ماتقولين بس بني ادم طماع والايه تقول"وعسى ان تحبوا شيئا وهو شر لكم وعسى ان تكرهو شيئا وهو خير لكم" بس الانسان مايفكر |
انا حصلت معى نفس الشى
مرة واحد اجى و خطبنى و جلست معه للشوفة الشرعية و عجبنى و بدأت افكر فيه و بعدين ابووى رفضه لانه من بلد غير بلدنا. المهم بعد حوالى شهر صديقتى المقربة الى قالتلى ان واحد اتقدم لها و حكتلى على مواصفاته و اكتشفت انه هو الرجال الى تقدملى و بعدين اتخطبو و هى كانت كل يوم تحكيلى عن كل شى بيقوله و شو جاب لها هدايا و انا بعد ما تمشى كنت اقعد ابكى كثير و اتزوجوا و يومها بعد ما رجعت من العرس بكيت كثير لاخر الليل. بس و حسيت انه نصيب و دعيت ان الله يرزقنى برجال افضل منه. بعدها بشهرين اتقدملى خطيبى و اتخطبنا و فعلا حسيت انه رجال و بقيت اضحك على زمان و حسيت ان خطيبى افضل من زوج صديقتى بالف مرة. |
أختي أحلى الأمنيات ، أتوقع إنه الآية خاطئة
أرجو تعديلها والايه تقول"وعسى ان تحبوا شيئا وهو شر لكم وعسى ان تكرهو شيئا وهو خير لكم" و جزاك الله خير و معذرة لتطفلي |
الله يوفقه يارب
وأكيد اذا مب نصيبي بيكون نصيبي من شخص ثاني هو خير علي بس صدق بتضايق شوي يسلمووو ^_^ |
الصراحة شعور قوي جدا شعور كانه احد ضربك كف فجاة او كانه احد حاط عليك مويا باردة فجاة
ههههههههه علشان انا جربت هالشعور وان شاء الله كلكم ما تجربوه يارب وكل اللي احبهم يارب وانتوا من اللي احبهم في الله |
ازعل لكن بعد فترة بسيطة انسى لان اللي ما يبغاني ما ابغاه
|
| الساعة الآن 05:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©