الحقووووووو على صديقتي تكفووووووون
 

السلام عليكم ...

اخواني واخواتي الاعضاء والعضوات ارجو المشاركه في حل مشكلة صديقتي ولكم من الله الأجر ومنها الشكر ..

صديقتي متزوجه ومو مقصره مع زوجها بشيء المشكله في لبس زوجها بالبيت ....
هي عندها شغاله في البيت اندونيسيه وصديقتي من النو ع الحريص ومفتحه عيونها وماتخلي الشغاله تختلط بالزوج او تجي عنده بس زوجها الله يهديه ماتصدقون وش يسوي يلبس هاف بس في البيت ورايح جاي قدام الشغاله وكلمته صديقتي قالت مايجوز اللي تسويه البس اللي تبيه داخل غرفة النوم وقال لها : ((كبري راسك ولاتصيري موسوسه انا احب اخذ راحتي في بيتي ما ابي قيود وانتي لاتفكرين اتركي الامور عادي ومن ناحية الشغاله خليها تخاف مني وتعمل حساب وانتي بوسوستك وافكارك تفتحي عيونها بغيرتك انسي الموضوع )) هذا كلامه نصاً لها مثل ما اخبرتني وطلبت انزل مشكلتها بالمنتدى لعلها تجد حلاً وهي تقرأ ردودكم ..
ارجو من الجميع طرح حل لهذه المشكله التي تؤرقها وتخاف تسكت ويصير مالا يحمد عقباه وتخاف تتكلم ويطفش الرجال منها ومن وساوسها ؟؟؟؟؟؟

ننتظر حلولكم جزيتم خيراً

تسفر الشغاله وترتاح

هي تأخذ راحتها وهو كمان

هي قربت الزيت من النار وش تنتظر بعد!

أول شئ تعلم الشغالة إنه مجرد ما يكون زوجها بالبيت

تدخل الشغالة لغرفتها

ثاني شئ ، قولي لزوجك ( مايجوز ) تمشي كذة قدام ( إمرأة ) أو حتى رجل

لإنها عورة ، إذا كان قصدك إنه يلبس مثل مافهمت ( فوق الركبة ) ؟؟؟؟

الشئ الآخر ، الرجل ترى بطبعه ( مثل ما أتوقع و أتصور ) ينبسط إذا حس إنك تغاري عليه

أو إنه بيفهمها بالصورة هذه ، فكلميه و فهميه إنه المسألة مو مسألة غيرة

و اظهري عدم مبالاتك أمامه ، و نفس الوقت تعاملي مع الشغالة إنت

و خليها قد ماتقدري ، يكون لها غرفة أو المطبخ بس ماتخرج منه إذا كان زوجك بالبيت

و بالأخير أتمنى إنك تحاولي الإستغناء عن الشغالة قدر المستطاع

فعلا المفروض قبل مجئ الزوج وصاحبتك تعرف وقت جيته تخليها تدخل غرفتها تكوي أو تسوي لها شغلة ثانية

وإذا تقدر تستغني عنها وتسفرها يكون افضل لها وله

اشكرك على الرد بس صديقتي ماتقدرتستغني عن الشغاله لانها موظفه وعندها اطفال صغار يعني استحاله تقدرتستغني عنها

اشكرك على ردك وفعلا زوج صديقتي مثل ما انت فهمت يلبس هاف بس يعني فوق الركبه ويمشي في البيت وعلى فكره صديقتي ساكنه بشقه صغيره ولابد من مرور الشغاله ومرور الزوج من غرفته للمجلس وبذلك سوف يمر من المطبخ اتمنى تكونوا فهمتوا قصدي .... ننتظر حلولكم جزيتم خيرا

صديقتي ساكنه بشقه والغرف جنب بعض والمطبخ متوسط من البيت .....

ياليت تقدرتستغني عن الشغاله بس من جد المسكينه مضطره لها لانها موظفه وعندها اطفال صغار

مافيه حل الا انها تخلي الشغاله في غرفه خاصه للكوي مثلا..

الله يكون بعونها

وعليكم السلام ورحمه الله وبركاته

والله الرجال من حقه ياخد راحته فى بيته

انتى خلى الشغاله تشتغل فى الوقت الى زوجك مهو فيه ولاخلصت تدخل غرفتها ولاتطلع منها الا اذا ناديتوها


والله يعينك ويعيننا على العزول المريح المتعب

الله يعطيك العافيه

لك فائق احترامى

آآآآآآآه بس آآآآآآآآه على الاندنوسيات


تراهم علل ( مقروصين منهم ):29:


مو بس الاندنوسيات الا حتى الشغالات مايتأمن عليهم


شوفي اذا على اولادها خليها توديهم بيت اهلها او بيت اهل زوجها .. واذا على شغل البيت ترتبه وتتعب بس ماتخرب


بيتها بيدها من سبب شغاله


الله يعينها


هموووم

يعطيكم العافيه على تفاعلكم ومازالت المشكله قائمه تبحث عن حلول ؟؟؟؟؟

إختي اذا ه مطره للشغاله مثل ماقلتي
وصعب عزلها وكمان زوجها متمسك برأيه
اذا باقيلها الشغاله شوي وتسافر تجيب بعدها وحده كبيره بالسن يعني مو مره مافيها حيل بس يعني في الأربعين مثل
بما ان اولادها صغار وبيتها شقه
وتحاول تقنع زوجها ولو كانت كبيره كمان مايجوز يلبس كذا قدام إمرأه غريبه اجنبيه عنه..تجيبله اشرطه أو كتيبات عن هالموضوع.
وتفتح عينها عشر مرات اكثر من كذا لأن الخدامه لو حست بغيرتها والله لتزيد من ناحيتها مو من ناحية زوجها
الله يعينك اختي
صدق الي قال..... يامن شراله من حلاله عله.

تنبه على الشغالة تنبيه صارم
طول ما الزوج في البيت,, ما تطلع من غرفتها نهائي
وان اضطرت صديقتك لها في امر ضروري فلتقم به بنفسها,,, اقصد صديقتك

عفواً دلوعه ويش دخل المطبخ وسط أو نص

بمجرد موعد قدوم زوجها حالاً تقفل عليها وتكون هي خلاص جهزت كل شي

وبعدين تقوم هي بدورها تطبخ وتصلخ بدون الخادمه أصلاً لايفترض أن ا لخادمه تطبخ لي ولعيالي

ولا إنتهى كل شي وجا زوجها ينام تقوم الخادمه تنظف اللي بعدها

بس لاصارت موظفها ويش يضمن لها إنه مايتسلل للخادمه وقت دوامها

وبعدين ترى إن كثرتها مع زوجها بتدخل الافكار السيئه له يعني يمكن يخطط وينفذ

باب يجيك منه ريح سده واستريح
لرفح الحرج عنك وعن زوجك .......... سفري الشغالة
لكن بعد ان تفهمي زوجك ان ذلك بسبب ظهور عورته امام الشغالة وهو امر محرم
الله يوفق الجميع لما يرضي الله

اشكرك لمرورك اختي واتوقع ابوطبيع مايخلي طبعه حتى لو جابت كبيره بالسن

مشكوره اختي لطرحك لوجهة نظرك بس ماتشوفين ان هذا متعب لها نفسيا بتجلس بس مراقبه الشغاله طلعت ماطلعت

اقصد المطبخ متوسط من البيت يعني اذا اراد الزوج الذهاب الى اي مكان بالبيت لابد من المرور بالمطبخ يعني تشوفه الشغاله وهو مار ...

خليها تسفر الشغاله اريح لها واحســـــــــــن ...ترى الشغالات يموتون على هالمناظر

خليها تشتغل في بيتها بدون شغاله اريح لقلبها وستر لزوجها ..عشان ماتغريه الشغاله ويسوي الحرام