|
اللي عقدوا القران والمتزوجين.....عطوني رأيكم بصراحه
السلام عليكم ورحمة الله
وش أخباركم ؟ بصراحه ودي أخذ رأي اللي ملكو على حريمهم والمتزوجين عن شي واحد والله شاغل بالي من 4أيام بقوه وش رأيك بخطيبتك{زوجتك}لو وافقت تطلع معاك لمكان عام ,,,,كوفي او مطعم او سوق وطبعا اقصد السعوديين لأن اغلب عاداتنا الشي هذا مايصير عندها.................. فهمتوني!!!!!!!!!!!!!!!!!!! يعني هو اللي طلبني ومملكين من سنتين وواثقه فيه بس بصراحه نفسي أعرف نظرتكم يالرجال للحركه هذي على فكره من اول ماملكنا وهو يلمحلي انه يبي هالشي وان أغلب الشباب يسونوها وهو فاااااااهم جدا بس متردده..................بالأمانه اكتبو رأيكم بصدق ونظرتكم بصراحه حتى البنات اللي تطلع مع خطيبها تقول لي عن إحساسها بليييييييييز بإنتظاركم |
مرحبا حبيبتي
للاسف انا مش من السعودية او دول الخليج بس حبيت اسلم عليكي واقلك إن شاء الله الاعضاء يفيدوكي بس عارفة احنا عنا عادي جدا المعقود قرانهم يطلعو بالعكس كتير بتصير عادي مش حرام ومافيها شي اهم شي الثقة في خطيبك وانو المكان الي ياخدك عليه عام مطعم او البحر او زي هيك بلاش يعني اماكن مغلقة اصل عنا فيه حركة كتير يعملوها يقلها تعالي اوريكي الشقة تعتنا وعاد يستفرد فيها:d بس الحمدلله ماتوصل لدرجة الدخلة يعني بالنهاية الطلعة مع الخطيب مش حرام وعنا عادي شرط انو ماتكون لوقت متاخر انا كنت اطلع مع خطيبي اقصى حد للساعة 10 او 10 ونص وكان يوصلني لباب البيت ويدخلني للبيت وبعدين يرجع يروح يعني حبيبتي هادا مش حرام بالدين بس كل بلد وتقاليدها والدين بيقول انو ازا العرف والعادات والتقاليد لا تتعارض مع الدين فوقتها لازم الالتزام بها اعتقد ان لهدرجة عندكو معروف انو ممنوع ومش منيح وممكن تادي لمشاكل بينك وبينو ونظرة مش منيحة بلاش منها ولو خطيبك عقليتو متفتحة ومايامن بهالاشي ومش حيعتبر انو انت مش منيحة فاطعلي معو انت ادرى بيه الله يوفقك |
انا ما جربتها بس زوجي ايام الملكه طلب مني هذا الشي واستاذنت اهلي بس ما وافقوا وهو احترم رايهم بس تعرفي انا ما الومك لانه لكم سنتين مملكين كثير مره يعني اكيد حابين تغيروا..
اتمنى من الاعضاء اللي جربوا يفيدوكي اكثر.. |
أنا مأشوف فيها شي لأنو خلاص هو زوجي
وأكيد أنا فاهمه ايش حدود العلاقه وعلى فكره أنا سعوديه وعادي كنت أطلع مع زوجي مطاعم وكوفي شوب الله يسعدك أختي |
أنتي وزوجك على حسب كلامك أنه يغلط ويجرح ولو تطلعين معه تكون اشارة منك انه يتمادى في حركاته واسلوبه حنا يالرجال لابد ننقرص عشان نعرف ان هذي البنت الي ماعطيناها وقتنا او محترمناها لابد انا نحترمها وانتي يجي دورك بالررررررررررررفض حتى لو تقوليله مابغى مالي خلق في البيت أحسن أو خايفه خايفه تكفي اليين يمشي ويوزن اسلوبه واذا اخذتك العواطف تذكري انها حياة والله يقدر ويكتب لنا ولك الخير والجميع ان شاء الله
|
انا عن نفسي اماراتيه
وهالشي ممنوع يصير عندنا خخخ بس انا وخطيبي كسرنا القاعده لانه ولد خالتي ووالعايلتين وايد مقربتين ابوي سمح لي اطلع معاه واروح لين دبي(للعلم انا من بوظبي) ويمكن انا طلعت معاه فوق العشرين مررره والله الشعور حلو كان الكل كان يلومني من البنات وانا كنت متردده بس شفت مردودها وايد حلو ع علاقتنا...وقمنا نتذكر هالطلعات الحلوه سويها من باب التغيير |
والله زوجتي تقول حرام عليك ماكلمتني ولا تطلعنا مع بعض كل يوم نسمع فلان يكلم او يطلع مع مليكته
والله زوجتي تنقهر وترمي اللوم علي وانتي تكلمينه وهو اللي طلبك اطلعي مع بين صلاه المغرب والعشا عشان الوقت قصير |
مستحيل أجازف لو كانت الثقه مالها حدود بيننا اذا صرت ببيت الزوجيه هذاك الوقت لو يبيني أروح معه للمريخ
مو لمطعم أروح من دون تردد لأني صرت شريكه حياته رسمي أمام الناس... |
عفوا للمشاركه فأنا مو مجربه يعني مامر علي الموقف شخصيا
ولاكني من السعوديه وبكلمك من الوضع الغالب بمجتمعنا.. الرجل عندنا امره عجيب يحب الي تقوله لا وتتمنع عن مطالبه الي تكون فيها جرئه زياده رغم انه هو الي طالب ويتحايل عليها بعد... طبعا ترفض بطريقه ذوق وإحترام مو بقوه ... يمكن لأنهم يقيسون على جرأتها من هالناحيه هل عندها استعداد أو لا .. وتبغي رأيي لاتطلعي معه لوحدك افضل مادري لكن اشوف ان سنتين بينكم كفيله لتعودكم على بعض فممكن يصير شي لاسمح الله تكوني انتي الملامه الأولى والأخيره اذا اللح عليكي بالموضوع حاولي ترفضي بطريقه متدرجه ماتزعله بكل مره يكرر طلبه ..مره قولي خايفه ومره مو مرتاحه للفكره وفهميه ان المسأله مافيها عدم ثقه .. وبالآخر بحال شفتي بدأيتنفر او يضايق بجد مو يتصنع الزعل قوليله بطرح الموضوع على الأهل وفهميه كمان انك متوقعه انهم رح يرفضون عشان لا يتفآجأ وحطيها على أهلك انهم رضيو بس مع وجود احد معكم صدقيني هو من نفسه اما بيقتنع بالرأي او بينسى يمكن مل من الوضع بينكم لما تتقابلو ببيت اهلك حاولي انتي تغيري الإسلوب والروتين الي متعود عليه منك بكل مقابله هذا ما أراه والله يكتبلك الي فيه الخير لاكن هندي استفسار بشأن رد اخوي الفتى الوسيم لكي "أنتي وزوجك على حسب كلامك أنه يغلط ويجرح ولو تطلعين معه تكون اشارة منك انه يتمادى في حركاته واسلوبه " اذا قصده انه اساسا جريء معك ونتي ببيت اهلك فمن باب اولى ونتو لوحدكم خذي بالك انا ما اخوفك ..بس طبيعا تفكير شباب مجتمعنا تجبرنا ان نحسبها لقدام شوي قبل اي خطوه الله ييسرلك ويتتم عليكم زواجكم عن قريب ان شاء الله |
انا لست خليجية
وهالشي عندنا كتير عادي بعد عقد القران لانها زوجته شرعا ومش حرام انا بطلع مع خطيبي وعندي ثقة كاملة فيه اصلا لو ماكنت بثق فيه كيف كنت اقبل اتزوجه المهم انتي شوفي نظرة الناس وطبيعة زوجك يمكن هو يكون انسان متفتح ومتحظر ولا يعتبر هذا الشي عيبا اتمنالك كل السعادة |
مشكورين ماقصرتو والله نفسيتي متوتره حيل موعارفه حتى وشلون ارد بس الله يفرجها وان شاءالله بعد ماأصلي ارجع اقرأ كلامكم مره ثانيه,,,,,,,,,الله ييسر للجميع
|
صباح الخير يالأميره الهادئه
أنا بصراحه مسجله من زمان بالمنتدى وهذي أول مشاركه لي بس أنا متابعه داااائمه اهذ المنتدى الرائع .. شوفي حبيبتي بخصوص مشكلتك فأنا مريت بنفس الموقف بحكم إني مثلك مملكه وصارلي سنه وخطيبي طلب مني نفس الطلب وأكثر من مره بس أنا أرفض بس آخر مره طالب مني أطلع معاه جابها بطريقه جد مررره وكان مصر لأقصى درجه بس أنا رفضت في البدايه بإسلوب بعدين لما حسيته مصر مره أصريت زياده على موقفي وأنا بيني وبين نفسي بصراحه خفت لا يصير مشكله بس بعد اصريت في النهايه تفاجأت من ردة فعله ..! تصوري قام يضحك وكان مرررره مستانس مني وأنا على بالي إنه بيزعل .. أثاري السالفه يبغى يختبرني وبس .. والله هالشباب إحترنا فيهم أتمنى إني أكون أفدتك بتجربتي .. وإنتي لك الحكم |
انصحك .. حاولى تمنعين فى البدايه واذا شفتيه مصر قولى له بأخذ اخوي معاي منها تمشون اخوكي ومنها يصير حارس لك ..
بصراحه انا اشوف مدام انكم عاقدين .. المفروض متفاهمين انه مايصير شي حاليــا كلشي يصير بعد الزواج وفترة سنتين عقد جدا صعبه .. لانه تبعث فى النفس الملل والتوتر .. وتجيب المشــاكل .. الله يســاعدك عيوني .. |
ليه الطلعه ممنوعه ؟؟؟؟
او راح يصير شي يعني ؟؟؟ انا ترى مو فاهمه أهي طلعه سوق او مطعم .. عاديه جدا اما اذا طلعه فيها شي .. يعني يصير كل شي قبل الزواج لا طبعا انا اطلع مكان عام مع خطيبي ( مملكه) اطلع سوق ومطعم عادي ولا فيها اي شي .. بس الثقه بيننا انه مايصير اي شي قبل الزواج .. لانه أهو مايحب هاذا الشي يصير قبل الزواج .. على قولته( ماني صغير حتى اتهور) خواتي الي تزوجو قبل نفس الشي كانو يطلعو بس ولا وحده منهم صار لها شي قبل الزواج .. ولا حتى انعدمت الثقه ولا تغيرت نظرتهم .. لانه قريتنا والي حولنا هم كذا الامر معروف وماهو غريب واذا انا فاهمه غلط فهوني الصحيح هموووم |
* هذا زوجك وانتي حلال عليه.
* الله يوفقك. |
اخوي بعد ماتملك
ازعجته زوجته تقول اعزمني في أي مكان خلنا نطلع مع بعض:d في البداية متعجب من جراءتها بس رفض يقول مابغاك تطلعين معاي الى بعد الزواج قالت على الاقل كل يوم تعال في بيتنا <<< غريبة هالانسانة واخوي عادي ماأخذ فكرة عنها سيئة ولاشي بالعكس يقول شكلها ميتةفيني والحين تزوجو وماشالله ماشين انا لو بمكانك ارفض في البداية بعدين اذا قرب الزوج يعني شهر او شهرين اطلع معه طلعة حلووووووووة عشان تصير ذكرى لاتفوتين هالايام احلى ايام عمرك لكن انتبهي تتمادين ومافيه حاجة اسمها يختبرني ولالا هذا زوج وحلال |
انا اماراتيه بس مو متزوجة
بس بقولج عن خبرات صديقاتي والله عاداتنا ماتسمح لنا نطلع بس في عوايل عادي وعوايل لا وفي منهم يقوووووولون مافي احلى من طلعات فترة الملجة ويقولون تقوي علاقتج بالزوج يعني تقريبا على هذي الايام وااايدين مالجين يطلعون مع بعض وبراي هذا شي حلو عشان تتعودين عليه خاصة اذا كنتي من النوع الخجول ربي يوفقج وان شاء الله اني افدتج لو شوي اختج نبووووووووووض |
بسم الله الرحمن الرحيم
السلام عليكم ورحمة الله وبركاته أختي العزيزة أنا سالت زوجي وسألت بعض اخواني المتزوجين وكمان الغير متزوجين فقالوا أحنا يالرجال نختبر المرأة إن وافقت تخرج مع خطيبها حتى لو كانت مكتوب كتابها فغالبا لانثق فيها لأن التي تخرج معي سيجعلنا نشك فيها حتى ولو بعد الزواج نصيحتي لك من قلب أخت تخاف عليك من الرجال ومن اختباراتهم لاتخرجين معه أبدا و بدل ما يختبرك اعكسي عليه الأمر اختبريه انت وقولي له هل تسمح لأختك بالخروج مع خطيبها وكمان قولي له لاحقين على الخروج مع بعض بعد الزواج واذا خرجنا مع بعض الحين اش خلينا لبعد الزواج وهذا مو كلامي كلام رجال من مجتمعنا السعودي وسالت زوجي لو نفس الحركة صارت معنا قبل الدخلة ووافقت انا اني اخرج معه تدرين ماذا قال قال ماراح تحلين لي وراح تنعدم ثقتي فيك اتمنى ما أكون طولت عليك واتمنى اني أفتدك بما فيه خيرٌ لك وأخيرا استخيري الله مرتين وثلاث وعشر والسلام عليكم ورحمة الله وبركاته |
عااااااااااااااااااادي جدا واصلا ما اتوقع ايصير تقوليله لا على طلب مثل هاذ لانه زوجكوواجب طاعته واحترامه خصوصا انه ما طلب منك شي غلط
|
اسال الله لكما التوفيق وان يجمع بينكما ..لكن استغرب من قولك انكما عاقدين القران من سنتين ؟فلما لم يدخل بعضكم على الاخر(الزواج)...وانصحك نصيحه ان اذا اصر على الخروج معكِ ان يكون بحضره احد محارمك وان استصعب عليك ذلك ان يكون في مكان عام عام عام عام عام |
ابغى اقول لك شي واحد بس........
انتي عارفة ان زوجك ......صح. خلاص .... لا تعليق |
بجد صعبه اطلع فيها اصلاً الأهل ماراح يسمحون
التلفون وبطريق احد الأخوات ويالله يالله وبعد الزواج تتدلل اوديها للهند لو تبي |
همممم . . من ورى أهلج إختي لا ؟ حتى ولو عقد قرانكم ذوقياً واحتراماً لهم × حتى شكلج جدامه ما يكون حلو بعد مدة :30: !! ولكن إذا الأهل وافقوا تمنعي شوي في البداية .. بعدين روحي :d !! و إذا تحسين إن العلاقة بيكون فيها تمادي ( غير مرغوب فيه في الوقت الحالي ;) ) ، حددي المكان اللي بتروحين له عساس يكون فيه ناس مثل الكوفي أو منتزه عام . تحياتي لج إختج : خلك إيجـــــــابي ! |
تسلمون على الردود والله يعافيكم......................................
بصراحه كل شي خرب علينا لاشفته برا ولا في البيت أسأل الله ان يفرجها وأن يصبر قلبي وقلبه..................... بحاجه ماسه لدعواتكم |
ما دام سارت ملكه خلاص عايدي تخرجيمعاه وتكلمي طبعا وانك تخرجي مع خطيبك احسااااااااااااااااااااس ما ينوصف وطول ما انتي واثقه فيه خلاص
|
حبيبتي..هذا الشي مررررره عاااااااااااااااااااادي
لأنك زوجته شرعا..أنا كنت أطلع مع زوجي وقت الملكه مع إن ملكتي 4شهور..وبرضى أهلي.. بس أنا ضد إن يصير شي في وقت الملكه(فاهمه وش أقصد).. بس الطلعه بالعكس..لأن الرجال يزهقون من جو البيت وإستأذني أهلك..وروحو مكان عام.. وبعدين سنتين ترى مشوار..وصدقيني يمكن يبي يغير جو..وتغيير الجو ينمي أشياء كثيره وحلوه بينكم..والله يوفقك.. |
عــــــــــــــــــــــادي مافيها شي
|
انا سعووديه...
والحمدلله اهلي عادي مايقولو شي.... ماطلعت معه الا بعد شهرين من كتب الكتاب..وكلها كانت طلعة مطعم..وللحين ماعدناها مدري ليش ..:) مع اني مرررررررره انبسسطت..يعني تغيير جوووووووو |
اكيد راح تنبسطي فيها
بس نصيحتي لاتطلعين خليه يجي في البيت اخاف يصير الي انتي خايفه منه والرجال مايملك نفسه بكلمتين حلوات يجيب خبرك إلا إذا كان مصر على الطلعه ومجتمعك يتقبل الفكره اطلعي بس يكون مكان عام ولاتطولين وطمنينا عليك |
انا سعودية ولو مكانك عادي مافيها شي على الاقل تكون ذكرى حلوة لبعد الزواج
واختي الكبيرة طلعت مع زوجها مرة وحدة مافيها شي دامك واثقة فيه ومكان عام ليش لا الله يوفقك اختي |
من راي..
عادي..وبالعكس حلو التغير بس لازم حارس صغير وياكم(يعني واحد من الاطفال) : ) الله يوفقج |
ما انصحك تطلعين معاه في فترة الملكة مع انه زوجك شرعا
لاحقة على الطلعة معاه كلها كم شهر واطلعي على طيفك لا تتتعذرين او هو يتعذر بأنه لازم يطلع معاك في هالفترة حتى تتعودوا على بعض لان فترة الملكة فيها مخاطر كثيرون هم الللي اطلعوا في فترة الملكة ووقع المحذور وسمعت عن بنات كانوا حوامل في ليلة الزفاف وهناك من يمل من البنت في هالفترة ويتركها لانه زوجها عى الورق ولم يكلف نفسه بالمهر او اقامة حفل الزفاف بل قد يماطل ويزيد فترة الملكة ويؤخر الزفاف وسمعت ايضا بمن حصل لهن ذلك( الرجال شنو خسران محصل اللي يشبع حاجته وعايش اعزوبي في نفس الوقت) وقد تحصل مشاكل في هذه الفترة ويحدث الطلاق والطلاق اسهل في هذه الفترة لان الرجال لم يدفع اي التزامات مادية ولم يجهز السكن ولم يقيم حفل الزفاف انصحك انك ماااااااااااااااااااااااا تطلعين معاه لاحقة عليه |
| الساعة الآن 02:08 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©