|
ياربي وش دخل عنوستي بعملي
السلام عليكم
ربما انا اكتب موضوعي من قبيل الفضفضه اخواني اخياتي وانا في عملي حصل مني تقصير بسيط جداً لا تتصوروا مدى تفاهة الامر وعاتبتني الادارية عليه وانا معها قلبا وقالبا فيه لكن ما جعلني اتالم انها نكأت الجرح من خلال حديثنا قالت لي (احمدي ربك انتي بنت ما وراك شي لا وراك زوج ولا عيال ولا خالة ) الحمدلله حمدا يليق بجلاله وعظمته وكثير نعمته اتحسدينني على قلة حظي !! وش دخل عنوستي بعملي .. لماذا تأبى الزميلات والرئيسات الا ان تدس كل واحدة منهن انفها بحياتنا الخاصه يسابقن الوقت اثناء توقيع المباشره .. كم عندك من ولد ؟؟ بل لماذا بمجرد علمها انك عزباء تركل عليك المهام والعمل (فانتي فاضيه ما وراك شيء) وكل تقصير او تغيب عن العمل لا يجدن له تبرير (فانتي فاضية ما وراك شي ) انتي عزيزتي آلة عزباء بلا مشاكل |
هذا تصور عام اختاه في مجتمعاتنا (اللطيفة) ان الفتاة الغير متزوجة لس لديها مسؤوليات لذا فعليها ان تعمل اكثر من غيرها
و لا يعلمون اننا ايضا لدينا مسؤوليات من نوع اخر مع الاخوة الصغار و مع والدينا و و ليس لنا سوى ان نفوض امرنا الى الله تعالى .. و لو كانت غير ادارية لناقشتها بالموضوع لتفهم ان لدي مسؤولياتي و بالتالي اذا اخطأت فعليها المسامحة . لأنني ايضا انســــان لا عليك منها اختي .. حالي قدر المستطاع ان تتجاهلي من يتجاهل شعورك من الغرباء ! و حاولي قدر المستطاع الا تخطئي في عملك ! لك ودي |
عاااااااااااااادي حتى عندنا في الجامعه نفس الشئ :21:
البنات يعايرووون بعض لو ماذكرنا ما خلصنا الواجبات .. (( ايش وراكي؟.. :18: تقدري تخلصي بسرعه )) ... الله يرزقك حبيبتي بالزوج الصالح |
اقتباس:
كل ماكلفتني بعمل تقولها لي واحيانا تعطيني عمل ماهو عملي وعذرها انت بنت ماوراك شغل! قلت لها مرة ادعي ربك تفقدين زوجك عشان تحمدين ربك مايكون وراك زوج ولابيت! قالت نعم؟ قلت اشوفك ماسكة علي احمدي ربك انت بنت انت بنت كسرتي خاطري يااختي شكلك عايشة هم الله يفرج عليك << قلبت عليها ومن بعدها ماعادت هالكلمة والله انا اول اذا احد ضايقني اسكت ويضيق صدري واشيل بخاطري الحين صار لي لسااااااان ويستاهلون واول ماارد احس براحة كبيرة وسعي صدرك ولاأحد يهمك وان شاءالله ربي بيرزقك |
اختي دعي الكلاب تنبح والقافله تسير
اهمشي ركزي على عملكي واكثري من الدعاء في هذه الأيام لكي ولي وللبنات على فكره البنات دياما حسودات ما عليج منهم دايما قولي اللهم رد كيدهم في نحرهم |
الحمد لله والشكر على نعمة العقل
لا يهمونك بشيء أختي ريماله وإذا كثرة عليك من هالكلام عليك بكلام شوبادر << قوووي بس عشان تفتكين منها ومن ثرثرتها الفاضيه الله يوفقك ويسعدك |
لا حول ولاقوة الا بالله
والله اني عاجزه عن التعبير ودي ابكي من القهر لكن الله اكبر عسى ان يفرج لك ويرزقك الرجل الصالح آمـــــــــــــــــــــــــيــــــــــــــــــــــ ـــــــــــن |
السلام عليكم ورحمة الله وبركاتة
اختى لا عليكى من كلاهمهافى ناس كدة الله يهديها تدور على جرج الانسان وتضايقة بية المهم مش تخلى كلامها يضايقك خليكى قوية |
مرحبا خياتي
الوفيه لوالديها ارحتيني بكلامك خصوصا (حالي قدر المستطاع ان تتجاهلي من يتجاهل شعورك من الغرباء ) ادام ربي لك الخير كبورتنااا ... امين واياكي شوبارد اخيتي في المنتدى كثيرا كثيرا ظروفنا تتشابه اكذب عليك لو قلت اني ما توقعت ردك واحساسك وانك مجربه وشايفه اللي اشوفه اسعدني الله واياك وزي ما قالت (الوفيه لوالديها) هذي اداريه ولو برد عليها رد ما يرضيها ستثأر مني و ادائي الوظيفي هو من سيرضيها night2005 اللهم امين الله يسعدك عبير الرياض - والله الحمدلله وعساك سالمه |
ترا مايقصدون شي بالكلمه هم قصدهم انكم مرفهين ومدلعين ببيت اهلكم ماوراكم غثا؟؟؟؟؟؟؟؟؟؟؟ عادة البنت اذا حلوة وتسوى ومش متزوجه يتوقع الجميه ان رفض الزواج منها..........ما يجي ببالها انها ميته ع الزواج بس ما حصل لها.
|
الله يرزقك الزوج الصالح وجميع بنات المسلمين ااااااامين
|
حبيبتي ما عليكي منهم ترى ما وراهم سالفة ويحسبون البنت مستانسه إنها بعدها ما عرست أقول طنشي ولا تاخذين في خاطرج ان شاء الله ربي بيرزقج الزوج الصالح وبتفتكين من حشرتهم :d
|
شو يعني فاضية..... وراك حقوق وعبادات وواجبات تجاه ربك......عندك والدين تهتمين فيهم وتبرينهم..... عندك اخوان واخوات تشاركينهم همومهم وافراحهم.....عندك قرايب لازم تزوريهم وتصلينهم...... عندك اصدقاء لازم تتواصلين معاهم وتجاملينهم في افراحهم وشكواهم.... انتي نفسك لك حياتك الخاصة لازم تلبين متطلباتها.....هذول الناس كلهم مالهم وجود واقول فاضية بعد....الوحدة فينا مب شرط يكون عندها زوج علشان تنشغل.... في امور كثيرة تشغل الواحد بدون سابق انذار ما دخل الزواج فيه........ ولا خير في الوظيفة اللي بتشغلني عن ما ذكرت.....
اختي ما يهمج كلامها انتي ادي وظيفتك على أكمل وجه عشان ماتسمعين هالتفاهات من ناس ما تستاهل الكرسي اللي هم عليه....حبيبتي انتي لازم توقفينها عند حدها(ما اقولك اعملي مشكلة لا) احيانا بالحكمة والعقل تقدرين توصلين الأمر انك ماتحبين هالشي ينقال مرة ثانية(لأنها اليوم قالتها بينك وبينها بكرة قدام الناس انتي فكري وحكمي عقلج |
انا انصحك تصبري عليها وترددي دائما قوله تعالى (وجعلنا من بين ايديهم سدا ومن خلفهم سدا فاغشيناهم فهم لا يبصرون )
|
مرحبا
أختي ( فتنة ) مشاعرك جداً نبيلة ..حافظي على لآلئ عينك الغالية اسأل الله أن لا تنتثر إلا من خشية الله sheraz هي أصلا أرادت أن تنتصر علي بالنقاش لذا بدأت بالتجريح وربما هي أجادت وأصابت الهدف فحسبي الله ونعم الوكيل أسعدك الله أختي أختي (ومضة فرح ) أبدا لا ننكر أننا نتمنى الزواج بس ما وصلت لدرجة الموت عليه ما زال بإمكاننا أن نتنفس ونأكل ونشرب وننام ونعمل ونعبد الله ونشكره على ما هدانا أولا وأخيرا أسعدك الله (rozem222 ) أمين ويرزقك من الخير ما تتمنين دلع ودلع أسعدك الله يارب اللهم آمين حرم فلان فلاني أول شيء الله يخلي لك فلان الفلاني ويقر عيينك بغواليك هي قالتها في وسط غرفة المعلمات لا اعلم إذا سمعوها بس في وحده جنبي وحضرت كل كلمة حتى أنها رأت دمعتي ولما حسيت أنها ممكن تنهمر دموعي وتفضحني طلعت من الغرفة المهم بحاول أطبق نصيحتك رفه اثابك الله اللهم امين |
أعتقد انه الموضوع فيه حساسيه زياده فقط من ناحيتكم ..
ترى الكلمه عاديه ومافيها شي ودارجه للجميع مو بس الغير متزوجات .. يعني قالت شعندج شنو وراج لا هذي ولاهذيك قصدها يعني مالك أي عذر ممكن تتعذرين فيه وماقالت وهي قااصده انك عانس فلا توسوسون .. ورزقنا وإياكم بالزواج المبارك |
أنا أواجه هذي المشكلة أيضا في عملي ,, فالمتزوجة يراعونها لأنه لديها بيت وزوج وأبناء أم الغير متزوجة يوكلون لها مهام أكثر لأنها فاضية :( أتفق تماما مع حرم فلان الفلاني ,, أليس على أبداننا حق!!! أم يعتقدون أننا آلات تعمل فقط لأن ليس لديها مسؤوليات ( حسب وجهة نظرهم طبعا ) لماذا يقع علينا الاختيار للمهمات الصعبة :29: .. وتترك المتزوجة لأنها فقط متزوجة ,, فنحن نعمل نفس العمل ومسؤوليات العمل يجب أن تتساوى يتعبني هذا الموضوع كثيرا ,, وخصوصا حين تنطق به حمقاء ( انت فاضية ) |
اختي الكريمه ريماال
اسعد الله اوقاتك بكل خير لو اردنا ان نتابع هالكلام والله نتعب ,,, م ,, ولا تنسي انها تبغى تبين لكِ انها متزوجه وعندها مسؤليات والى آخر القائمه وهي والله ماعندها شئ لكن تبي تحرك...والخصران يقطع المصران صدق والله بعض الكلام يقول لراعيه اتركني بسلام ............. اختي طنشي وعيشي حياتك بسعاده انشاء الله واتفق مع رد الإخت حرم فلان الفلاني ............ الله يصبركم ويعوض صبركم خيرا انشاءالله ,, |
عليكم السلام ورحمة الله وبركاته
يااالله أكرههــــــــــا هالكلمة :( وياكثر ماتنقال لي ومن معلمة وحدة معي رفعت ضغطــــي من كثر ماتقولها للأسف أنا ماأعرف أرد عليها من الصدمـة تطير مني الكلمات بس يبان على وجهي مرة قالتها لي من ضيقتي ماقلت إلا كلمة وحدة في قلبي مش قدامها يعني حسبــــــــي الله ونعم الوكيـل من بكره جت عندي وقالت لي اعتذر منك ياغالية حسيت اني جرحتك وانا والله مش قصدي !! قلت لها حصل خير ومن بعدها ماأحب أحط عيني بعينها تدخل مكتبي وتطلع وأنا ماألتفت عليها نهائيا ً علشان كذا أرتحت يعني ريحي بالك صعبة بنخلي الناس يراعون أحساسنا إذا كانوا هم مايحسون بغيرهم مبسوطة عند زوجها وكل سواليفها عن بناتها وش بلبسهم ومن وين بشتري لهم شلون بتحس بإنسانة وحيدة ماعندها شي مشترك معها خليها على ربك هو أرحــم من أنفسنا بنا وقولي : اللهـــم لاتذرني فردا وأنت خير الوارثين |
ربنا يعوض بافضل
|
أنا طلبت نقل إلى مدينتي عشان أقرب لي من قطع المسافات يومياً
تدرين وش قالوا لي : أنتي ما وراك مسؤليات وش عندك ؟؟ يعني حرام أرتاح من الطريق والمشورة اليومية ؟؟ . . . . . إلى ربي المشتكى . . . . . بنان |
يا الله انا لو اشتكيت من طول وقت الدوام يقال لي--->>
وراكي ايه انت لا وراكي عيل ولا زوج علشان تأكليه! يعني احنا مش بشر احنا كمان وبنتعب ولابداننا عليها حق لا عليكي منها وخليكي في عملك الله يرزقنا جميعا الازواج الصالحين |
السلام عليكم
:p وربي ضحكت ثاري مو بس انا المحسوده على فضاوتها (ند فرسان ) اوعدك المرة الثانيه ما اوسوس :o (الفتاة ) نعم هن حمقاوات .. اسعدكِ الله (الوزاري ) اللهم امين .. اسعدك الله (الغاليه ) اللهـــم لاتذرني فردا وأنت خير الوارثين .. اللهم امين ( ام مريام ) اللهم امين .. اسعدكِ الله ( بنان ) نعم لله وحده المشتكى والله لما كنت اروح للقريه 250 كلم كنا نطلع ونصف وملابسنا بالشنطة نشتغل ببيت اهلنا ونخدم اخواننا والبيت كبير وما في شغالة والنوم العميق مؤجل لنهاية الاسبوع وقد نحظى به وقد نرتبط بعمل او طلعة والمتزوجه تطلع في الباص وزوجها مسوي لها الشاي بالنعناع عشان البرد :d (ما شاء الله لا قوة الا بالله) واحيانا يزل لسانها وتقول انا متعشيه في المطعم الفلاني بيتها صغير وعندها طفلين بس وشغاله وسالفتها دائما مسؤلياتها ومشاكلها بنان الله ييسر لك تقريبك لمدينتك ويصلح لك شأنك كله (بوبو80) الله يرزقك من الخير ما تحبين .. امين |
عادي ياماسمعناااا منه كثيرررررر لا ويقولون لي هاذي يامااحلاها من ايام لا مسؤولية ولا شي وابتسم انا << وأنا بقلبي أقول يازين هالمسؤولية>> :)
وبالنهاية مافيه احد راضي بحاله .. |
زهور متعطشه
اشكرك اختي واسئل الله وحده ان يرزقنا الرضى والستر والعافيه |
السلام عليكم
أخيتي ريمال أحمدي الله حمدا طيبا مباركا و لا يهمك مما يقولون ....... أوا تعرفين المثل (يا داير يا لاقي ) المعنى منه من عير بالشئ أتاه ..لا أقصد الشماتة .. و لكن ستندم مستقبلا و ربما ستتمنى لو تطلب منك السماح لذلك أخيتي خذي الأمر بروح رياضية و لا تهتمي بما قالت فهو لن ينقصك فهناك أمور أصعب و أشق للتعيير أسأل الله أن يرزقك بالشاب الصالح و أن يسر قلبك أخية |
الله يرزقك ياأختي الكريمة بالزوج الصالح اللي يسعدك وينور حياتك وبعدين ياأختي لاتضيقين خاطرك بكلام الناس التافه أنا قبل ماأتزوج قالولي نفس الكلام لما تزوجت وما حملت قاعدين يقولون لي نفس الشي (ماوراك عيال ولاهم )ونصيحتي لك خلي الخلق للخالق وثقي إن الله راح ياخذ لك حقك من كل من آذاك .
والله يرزق جميع البنات بالأزواج الصالحين . |
اي وحده هنا بالمنتدى او خارجه تقول يا حظكم لانكم ما تزوجتو والزواج كابوس بنسبه لها
بسرعه تطلق وترجع بيت اهلها وتنام لين تشبع ولا يكون وراها شي حتى لو عندها دست عيال والله عيب وش يفكرونا ليش اي وحده متزوجه زوجها يشنقها بحبل كل يوم واحنى الي الوحده منا باقي يكبسونها مخلل في بيت ابوها ماحد طالع فينا يكفي حتى مشككين في شرفنا لان ماحد تزوجنا عيب والله عيب بسئل كل متزوجه لو انتي صارلك الي صارنا وجلستي وش بيكون شعورك الي بتقول الزواج مو كل شي بقولها الا كل شي يكفي على الاقل ما تطلع لنا سمعه سئيه زي الي حملها بعضنا من الغمز والمز يكفينا محترمات ونطعن يكفي يكفي استحو على انفسكم |
مرحباً ريمال .. كثيراً ما كانت الزميلات سواءً من هنا أو الخارج .. يلمحنَ إلى ذلك .. لكنهنّ يبدينه بطريقة ناااعمة ! وغالباً ما يكون ردّي عليهنّ : ( مو عشانكم متزوجات يعني لزماً تكونوا أكثر استقرار وراحة نفسيّة فـ عطااااء) أما مديرتي فكانت قمّة في لطفها معي .. وأمّا المشرفة .. فضاقت بأعذاري التي تراها واااهية :29: فغادرتُ العملَ ككلّ ! مافي أحلى من ( القرار في البيت ) بس لو نسلم من الأهل !! فضفضة آخر الليل http://www.66n.com/forums/images/icons/icon59.gif أوفرها تحية ،، |
اختي على قدم وساق
اسئل الله العلي القدير ان يستجيب دعاءك ويرزقك من الخير ما تحبين والحمدلله رب العاليمن ام غزوان الله يخليكِ ويستجيب دعاءك ويصلح لي ولك الحال |
ام مزنه
الله يزقك مزنه واخوانها يا ام مزنه هل وصل بهم الحد الى ان يلاك الشرف بفم قذر والله حزنتيني هل اتصور ان هناك من يلمزني بشرفي !!! حسبي الله ونعم الوكيل صحيح سمعت انهم يقولو عن اهلي انهم ما يزوجون احد وما يبون احد وكنت ارد ليس كل احد جدير بي صحيح سمعت انهم يقولو عن امي امها لا تريد من سبق له الزواج امي تقول رايي انا سئلت كثيرا هل هناك احد بذاته تريدينه قلت اريد من تنطبق عليه شروطي المتواضعه لكن تصل للشرف لا اعلم والله يستر اختي ان كان هذا ما اصابك فاخلف الله عليك مصابك وعوضك خير منه وربما سيكون آثارا لك ونصر من الله موفقه اخيتي |
اشكرك اختي حسابات الزمن
واسئل الله لي ولك القرار والسكينه لكن اختي لن افكر ابدا ابدا ان اترك عملي باي حال من الاحوال ربما اغير مكانه ولكن اتركه مستحيل ان عملت لن اسلم من تطفل الناس على خصوصيتي وان بقيت لن اسلم كذلك بالعكس ساجد نفسي متفرغه تماما لثرثرتهم اختي انصحك بالعودة للعمل ان كان هذا سبب تركك له كلام الاهل اجد له مبرر فهم قلقين وناصحين لي لكن الغرباء فقط يريدون تقنص الجراح واعادة ادمائها موفقه باذن الله |
لا تجعلي كلامهم هذا يؤثر عليك من اي ناحية وصدقيني هن عندما يقولن هذا لا يقصدن الاساءة ولكنها عدم شعور بحساسية الاخر ولا تنسي اننا في هذا السن نصبح اكثر حساسية من هذه المواضيع انا اعمل وكثيرا ما اقصر بامور لا تضر العمل ولا يهمني ما سيقوله الغير بل انني لا اعير ما يقولونه هما الثقة بالنفس مفتاح النجاح بهذه النقطة كوني واثقة بنفسك وثمني ايجابياتك دائما ولن يصبح هذا الكلام يؤثر عليك تحياتي |
اقتباس:
|
اااه يا اختي ريمال اليوم رحت عند حرمه ماعرفها رحت مع اختي عشان تزينها بالحناء والله لما عرفت اني مو متزوجه طالعت فيني بنظره غريبه مستنكره وبعدها جلست تسئلني ليش ايش السبب قولي لا تستحين
حسيت ودي الغرفه والبيت والشارع والحي الي انا فيه ينشق ويبلعني لا حولا ولا قوة الا بالله حسبي الله ونعم الوكيل |
(احمدي ربك انتي بنت ما وراك شي لا وراك زوج ولا عيال ولا خالة )
كلمة طبيعية هي ما تقصد تعايرك حتى احنا في الجامعه يقولوا احمد ربك ماوراك زوجه ولا عيال ايش عندك |
السلام عليكم
بيور سول اختي الفاضله اشكرك على كلماتك الدافئة اعلم المتزوجة وغير المتزوجة تجيد في حين وتقصر في حين اخر كلاهما مخلوقتيين بشريتين :d اعلم ان لدينا حساسية من هذا الموضوع واعلم انها تزداد مع تاخرنا فهذا طبيعي والا وصمنا بالبلادة انا اتحدث عن اقحام موضوع خاص في نقد عملي man2oosheh وانا كذلك اوافق على ما وافقتي عليه واشكرك على المرور ام مزنه نعم حسبي الله ونعم الوكيل :d ام مزنه ابشرك مو بس احنا عوانس شوفي شاطيء الذكريات يعاني مثلنا :d وفقك الله شاطئ الذكريات بعد انتو الرجال محسودين مثلنا :d انتم الرجال تشتاقون لحياة العزوبيه ونحن نخشى البقاء بدون ولي او زوج هناك فرق ولكن :d اي والله ( احمد ربك ماوراك زوجه ولا عيال ايش عندك) احمد ربك انت عانس :d عذرا اخي انا امازحك لكن الان وعيت انه حتى الرجال في مقتبل ا لعمر يشار عليهم مثلنا تماما باصبع (هذا لم يتزوج بعد ):o تساوت الرؤوس :d موفق اخي الفاضل |
لاتتضايقين اختي والله بشكل مستمر اسمع مثل الكلام هذا وش وراك انتي بنت من جد طفشت من كثر ما يقولونه لي في العمل بس وش اسوي فيهم طنشي احسن لك ...
والله يوفقك. |
نجود 9999
الله يوفقك يارب ويعوضني وايااك |
عااااااادي ياقلبي وسعي صدرك ياكثر ماسمعنا هالكلمه "فاضيه ماوراك لازوج ولاعيال" من قال اني فاضيه مدري ؟؟ يعني مايشغل بهالدنيا كلها الا الزواج ولا الباقي عادي حاطه رجل على رجل؟؟ شئ يقهر ويستغربون لاقلتي انشغلت ولامافضيت الحمدلله صارت عندي مناعه من هالكلمه من كثر مااسمعها ولا لاشافوك مبسوطه وكاشخه قالو ايييه فاضيه تكشخين ماعندك شئ وش حادكم طيب :29: كان قعدتي عند اهلك وصرتي فاضيه مثلي ذكرتيني بسالفه صارت لي تدل على سطحية تفكير بعض الناس العمل عطوني ترقيه ومنصب وقبل سألوني انتي مخطوبه؟؟ يبون وحده بنوته :15: متفرغه للمنصب الجديد >> غاسلين ايدهم اني اتزوج مايدرون ان الله كريم طيب ان شالله بتزوج ليش ضامنين اني افضى لكم على طول :29: الله لايشغلنا الا بطاعته ياااااااارب ويرزقنا ازواج صالحين عاجلا غير آجل |
| الساعة الآن 10:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©