|
الي موعد ولادتها شهرابريل2007 تدخل بسرعة
مراااااااااااااااحب
http://www.3roos.com/forums/images/smilies/G_hand1.gif بعد ما عرفت اني حامل وان شاءالله ولادتي راح تكون في ابريل 2007 حبيت كل وحدة موعدها معاي نشارك في السوالف وفي الافكار ونتناقش في الكل الامور الصغيرة والكبيرة والله يقومنا بالسلامة كلنا بإذن الله انتظركم http://www.3roos.com/forums/images/smilies/G_hand1.gif |
أريج الرياحين الله يتمم لك أختي أنا ولادتي بطفلي الأول كانت بأبريل 2004 والطفل الثاني ان شاء الله ابريل 2007
يعني لي تجربتين مع ابريل... اللي تامرين فيه انا حاضره وفي الخدمه.... |
مااااشاااء الله تبااارك الله
على البركه مقدماً أريج الرياحيين ماشاء الله عليكي ما دريتي بحملك الا متأخر هالكثر ؟؟؟ اقوول ، انا لسى بأول دربي ، وباذن الله ولادتي باغسطس،، بس مادري شي عن تجهيزات النفاس،، وحابه استعين بخبرتكم يالله معاااكم ولو ان ولادتي عقبكم ;) |
saapna81اشكرك على الرد وانشا الله ربي يتمم لك على خير ومادامش ولدتي بابريل حبيت اسالش عن الجو ويش كان؟ بارد ؟ لاني محتارة اخاف آخد ملابس شتوي ويجيني الصيف بسرعه
وبعد حبيت اسالش عن الولاده متعبه تكون في جو ابريل ولا شلون ؟مع شكري الجزيل |
مرحبا بيج اختي4 u وبالنسبه ليي لا ترا كنت عارف من اول ما حملت بس توني خطر ابالي اني اتناقش ويا الحوامل وشدعوا توني داريه لا حبيبتي هذا شي ما ينخش وبعدين الله يتمم لك على خير وهي اول تجربه لش بالحمل؟ لاني انا اول مرة ليي وتاخرت سنتين على ما الله اذن وخبرين احين لش كم حبيتي ؟الله يثبت لج ويتمم على خير
|
أختي الغاليه أريج الرياحين حيا الله
الجو ياعمري في عام 2004 كان صيف بصراحه انا أحب الصيف وأكره الشتاء في 2007 والله مايندرى على هالصقيع اللي عندنا متى بيخلص ونرتاح... بالنسبه لولادتي الأولى كانت قيصيريه والحمدلله ماكانت متعبه كانت مريحه.. والصيف يساعد على الأقل لما تستحمين ماتجيك انفلونزا وقت النفاس... وانا ظليت سنه الى ماربي كتب وحملت بالأول..الله يتمم لك على خير... متى تاريخ ولادتك التقريبي... وأي سؤال يخطر على بالك اسألي ومن عيوني أجاوبك باللي أعرفه... |
اختي اريج الرياحين
طبعا مو انا الحامل :) زوجتي طبعا وراح ان شاء الله تولد في ابريل بغيتي اي مساعده حاضرين اخلي زوجتي تكتب لج وتقول لج عن الجو رايح يكون ربيعي حلو يعني مو بارد واي استفسار حاضرين |
أنا تاريخ ولادتي 4 مارس 2007
هل تتوقعون بيكون فصل الشتاء أو راح وخف البرد تكفون تساعودني وتردون علي حتى أعرف أرتب وأجهز أغراضي وملابسي.... أسفه على المداخله ... |
هلا بيج ريم والله يتمم لج على خير وبالنسبه لشهر مار بيكون نهاية الشتاء
يعني خدي كم بدله للشتاة وشهر ابريل بيكون ربيعي يعني كم طويل بس موب صوف وطبعا مايو احنا في الصيف يعني لازم انشكل انا ولادتي 12ابريل وقاعده اجهز فتلاقيني مشكله شتوي ربيعي صيفي وحاضرين لج يالريم واي شي لا تترددين اسالي وترا الربع ما يقصرون بيردون عليج وعسى ربي يردنا كلنا يالحوامل بالسلامة قولي آمين. |
هلا باهل السعودية
ومشكورة اخت saapna81على النصايح وتسلمين يالغالية وعن ولادتي بتكون في 12 ابريل وربنا اعلم وبانسبة للقيصريه خبريني عنها ويش اسباب اللجوء لهي العملية؟ والله ييسر علينا يارب |
اخوي الهشمي اشكرك انت مع زوجتك على المداخلة وتسلم على المعلومة والله يرزقكم بالذرية الصالحة
|
اختي اريج الرياحين
وموعد ولادتي كتير قريب على موعد ولادتك انا موعدي في 14 ابريل 2007 يعني بيناتنا يومين بس الجو عنا عادة في هيك وقت بيكون ربيعي بس لبس دافي شوي ... بس مو شتوي |
اهلين ياصبايا
انا موعد ولادتي 17 ابريل 2007 وحبيت اشارككم وهذي اول ولادة لي فياريت تفيدوني بخبراتكم شكرا مراعاه عدم ذكر الدول ،،،، بارك الله بيك ،،،، ام اثير |
وهلا بيش يا ام عبد الله وتسلمين يارب على مداخلتك والله يسهل علي عليك يارب
|
اهلين باحلى دلع وحياش الله
وكما قالوا الاخوات ان في ابريل يكون الجو ربيعي يعني مقتنيات البيبي بتكون متنوعه بين ربيعي وصيفي واي استفسار حاضرين والله يسهل عليك يارب |
أحلى دلع أنا وأنت بنفس المنطقه ونفس يوم الولاده سبحان الله...
أختي أريج الرياحين بالنسبه للقيصريه جفاف المشيمه وتكلسها والأهم ان ابني يعاني من حاله تسمى طبيا spina bifda اي الشق الشوكي او عدم اكتمال الفقرات القطنيه بالظهر نتيجه لنقص الفوليك اسد بالجسم.. والحمد لله على مارزق الواهب وعلى فكره في المنتدى الطبي راح تلقين مشاركات لي طبيه ومن ضمنها حاله ابني وتوضيح شامل لها اذا حبيتي الأستفاده والأطلاع وفيه ملفات باسمي عن الولاده الطبيعيه والقيصريه ممكن تساعدك.. واي سؤال احنا حاضرين وفي خدمه الطيبين أمثالك.... |
saapna81ما قصرتي وتشكرين وانشاء الله بلقي عليهم نظرة وربي يتمم لك بخير في حملتك هذه
|
العفو حبيبتي عقبال لما نفرح بسلامتك وسلامه البيبي...
ياترى كيف استعداداتك النفسيه لأستقبال أول مولود... وماهو الأسم في حال كان ولد أو بنت.... الله يتمم لك على خير.... |
saapna81 مشكوره على تواصلك وصرت اول صديقه ليي اب هالمنتدى والله يتمم لينا على خير وبانسبة ليي
قالو ليي فيني بنت بس الاسم للحين ما تحدد لاني انا ابي اسم وزوجي يبي اسم انا ابي دانـــــــــــــــــة وزوجي يبي زينــــــــــــــب وما يندرا على ايش نستقر في نظرش اي اسم احلى؟ وانتي كمان خبريني عن جنس مولودك وايش ناويه تسمينه ؟وايش اسم مولودك الاول عشان اسميك بيه يا ام...... ما ادري ايش!:) اما بالنسبة لاستعدادي النفسي فربك سبحان الله يهيئ الانسان لمراحل جديده فتلاقين تعودت على السهر لاني اتعب من ظهري ومن الام وحركة النوته ابطني وقومي كل كم ساعه واخل بيت الخلاء لتبول عزج الله فيعني بس مسالة الانتظار هي الا تاعبتني والاحلام احلام النوم وحلام اليقضة مرات احلم اني ارضعها ومرات احلم اني اسبحها ومرات احلم بالولاده انتي بعد خبريني عن استعدادش النفسي والمادي ؟ شريتين اغراض المولود انا الحين قاعده اجهز وما باقي ليي الا شي بسيط وتكتمل اغراض البيبي بس كتبت وايد لا اصدع راسش وانا في انتظار تجاوبك معاي . |
مولدي الأول محمد والثاني ولد ان شاء الله بس مابعدفكرنا جديا بالأسم...
بصراحه دانه من الأسماء اللي أميل لها تحسينها نعومه ودلع...اذا أبو العروس بيوافق سميها دانه... الأستعداد النفسي الحمدلله بس احاتي ولدي لما أخليه عند الوالده وقت الولاده لأنه متعلق فيني كثير ومبسوط يبي صغيرون والله يعين اخاف المحبه تنقلب غيره على راسي... السهر والأرق والالام الظهر والأضلاع وحوضه المعده حدث ولاحرج والحمام تكرمين من اول الحمل الى اخره قصته قصه قولي الله يصلحهم على كثر ماتعبونا وهلكونا بحملهم ويعينا على تربيتهم... أغراض المولود الى الآن ماجهزتها قلت عالثامن أجهزها بيني وبينك نزله السوق تصدع الراس ومتعبه خصوصا اذا تشترين للطفل وانت حامل وحالتك حاله.. الله يبلغك بالعروسه ويقومك بالسلامه... عقبال ماتكتبين لي عن تخرجها من الجامعه... في حفظ الله أختي... |
تسلمين يا ام محمد والله يسهل عليك يارب ويخلي لك محمد وابو محمد وتفرحون بالبطل القادم.ويقدرك ربك على تربيتهم وعقبال ما تشوفينهم متخرجين من اعلى المناصب.
|
اقتباس:
مراعاه عدم ذكر الدول و المدن بارك الله بكم ،،، ام اثير |
ياترى وش تنتظرين بنوته ولا ولد.. هل هذه ولادتك الأولى.... الله يقومك بالسلامه..
|
مرحباااااااا اختي ام محمد والله لك وحشة وينك ياختي جعل ما شر افتقدتك من يومين شخبارك وشخبار الحمل معاك انا صادني التهاب اللثة ووجع باسناني اسم الله عليك بسبب سن العقل ولهيت بحالي المهم ما اطول عليك اختي ولا تطولين الغيبه الله يقومك بالسلامة
كمان ريم شخبارك مع الحمل؟ |
احلى دلع كيفك وكيف الحمل وتجهيزات المولود معاكم؟
|
سلامتك يالغاليه ماتشوفين شر ان شاء الله شفتي هالصغار شو يسوو فينا تمرضين وماتقدرين تاخذين
علاج لأنك حامل الله يعين ويقومك بالسلامه... |
والله يااختي موعد ولادتي ب30مارس
ادعولي اول ولادة لي |
انا بعد اربع شهور بتكون والدتي ان شالله
ماانفع اكون معكم:26: |
هلاااااااا وغلا بريفاااان وحياش الله واحنا حاضرين لك باي وقت في اي شي نقدر نفيدك بيه والله يقومك بالسلااااااااامة . وهي اول حمله لك ومتى موعد الولاده؟
|
اختي ام ثائر حياش الله ويانا والله يسهل عليك وتقومي بالسلامة؟ ويش جنس المولود عرفتي وكيف تجهيزاتك النفسيه والمعنويه؟
|
هلا اختي ام محمد الله يحيك والشر ما يجيك ان شاء الله ولك الف تحية .
|
هلا بك يالغلا
هذا ثاني حمل لي ولان بنهاية الشهر الخامس بس مادري شنو الخوف الى فيني بيذبحنى ياليت عندكم حال له |
اختي ريفااان هلا فيك واسعد الله مساك عزيزتي لما الخوف خلي كل شي على الله
والله هو الحافظ الحفيظ واقري كل يوم سورة الفاتحه 10 مرات تحفظش وتحفظ الجنين واقري سورة مريم لانها تسهل الولادة وكلي تمر وشربي ماء كثير والله يسهل عليك ياااااارب |
الله يعينك على
بس انتى الة فتحتي لي باب بنتى مو راضيه تتقبل سالفة الحمل واخر شيء طالع فيه من اسبوع تطقق بطنى تقول ابيه يموت مانبي طفل وش الحل معه |
مرحبااااااااا اختي ريفاااان ويش فيها بنتك مو عاجبنه احد يدخل معاه حياتها تخاف ما تدللونها والدلال يروح للمولود الجديد
كم عمره بنتك الله يحفظها؟اني من رايي انك تشاركينها معاك ابكل شي يتعلق بالمولود عشان تتقبل الفكرة صحبيها وياك عشان تشترون حاجيات المولود وخبريها انها بجيها اخ او اخت يسليها حاولي دائما تعززين ثقتها في نفسها وتغرسين بقلبها روح الاخوة ولو اني توني اول حمله ليي وما عندي فكرة بغيرة الاخوان بس انشاء الله افدتك اختي ريااان وكان الله في عونك والله يغرس روح الاخوة والحنان في قلوب ابنائك ويقدرك على تربيتهم ويقومك بالسلامة |
انا موعد ولادتي ان شاء الله بيكون في 4 مارس نفس موعد الاخت ريم الله يعيننا كلنا ويقومنا بالسلامه بس والله متعبه نفسيا جدا لاني في بلاد بعيده عن اهلي متغربه مع زوجي وانا محتاره جدا وماعرف اقرر ارجع اولد في بلادي واسيب زوجي هنا لحاله ست شهور لانه انشاء الله مخلص في شهر سبعه والا اقعد معاه وماحد راح يقدر من اهلي او اهله يجون لنا لانه دراسه والكل مشغول ادعو لي ان الله ييسير لي الي فيه الخير وهذا مولودي الثاني ويارب يكون ولد دعواتكم لانه عندي بنوته الله يحفظها عمرها 4 وللاسف البلاد الي انا فيها ممنوع الكشف عن نوع الجنين وانا محتاره جدا في الملابس ولحد الان ولا جهزت اي شي رغم انه ماعد باقي وقت بس الله ييسير .....وانتي ريفان الله يعينك على بنتك كم عمرها ممكن انتي تشترين لها اعاب وتقولين لها البيبي جابهم لك هديه زي ما اعمل مع بنتي ودايما اقول لها البيبي بيقولك صباح الخير ولا هو بيحبك كثير والا هو صديقك وبتكونوا تلعبوا مع بعض من هذه الاشياء وهي الان فرحانه ومنتظره البيبي الي بتكون تلعب معاه والله يستر ويحفظهم يارب ...... ادعو لي بالولد الصالح يارب
|
مرحباااااااا بيك معانا اختي سمر samar84والله يسهل عليك يارب
وبالنسبة لولادتك في وين بتكون هذا شي قرريه مع ابو العيال اذا كان عنده الامر بسيط انك تتركيه وتردي ديرتك لبينما تولدي ردي ديرتك اسهل واحسن لكل شي من شان النفسيه والاهل يمك وشهادة الميلاد كمان لكن اذا صعب فالله ما يضيع الله معاك وزوجك وتقوميييييييين بالسلامة حفظك الرحمن من كل شر |
بنتى على قولة امي عجوز
على ولادتي ان شالله بكون عمره خمس سنوات كل شيء سويته معه بس محافظه على مكانه بقوه |
اني نور وتاريخ ولاتي بين 15 مارج الى 15 ابريل وياريد لو اعرف شنو نوع الملابس الي راح احضره للولاده شتويه او صيفيه
|
مرحبا ام شموس ويانا والله يقومك بالسلامةومثل ما قلوا ليي الخوات انه الملابس بتكون ربيعي يعني مو صوف \كم طويل يعني قطني اذا كنت بدول نفسنا البحرين او السعودية.واي شي احنا حاضرين غاليتي ام شموسة
|
| الساعة الآن 03:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©