البارحه انخطبت
 

ليش ياختي كنتي بتعطي نفسك فرصه اطول للتفكير
على العموم الله يعوضك بخير منه

ليش السرعة في الرفض
كنت أنتظري شوية حتى تتعرفي عليه
لأنه ما شاء الله متدين

اعقليها وتوكلي اختي ان كان قبولا او رفضا
اعاضك الله

أختي قمر الحجاز ليه مارتحتي له؟


سبق وحدث لي موقف مشابه لكن مواصفاته ماكانت ممتازة كان عادي ووافقت في البداية لأني أبغى أتزوج وبس

لكن بعد الرؤية الشرعية ماقدرت اوافق لكن انا عذري معي مواصفاته كانت اقل من عادية ومارتحت لما شفته

لكن انت ماشفتيه ويوم واحد مايكفي انك تقبلين برجل او ترفضينه

والله انا وصلت مرحلة حاليا أحس لو يجيني واحد ومارتاح له بوافق بوافق وبضغط على نفسيتي

المهم اتزوج ويجيني طفل وبس راحت اعمااااااااااارنا واحنا على حالنا لاحول ولاقوة الا بالله << عاد اذا جا الجد والله مدري يمكن يتغير رأيي


كل ماتذكرت انه بعد اربع شهور بيتغير عمري احس بضيقة بضيقة غير طبيعية والله

ماعليه فضفضت عليك ههههههههه

الله يصبرنا ويرزقنا ويعوضك خير لكن اذا في مجال اعيدي التفكير

عالعموم هذي كتبة الله وربي مقدرك لك من هو زوجك

وموفقة

الحمد لله على كل حال ..

ما أشد فرحي بقراءة العنوان ..

وما أشد عتابي بعد أن كان منك ماكان ..

ما أقول إلا : خير لك وله إن شاء الله.

كان الأولى التروي.

وفقك الله ..


تأملوا رجلا في قلبه نور ومن أطول الناس أعناقا يوم القيامة والملائكة تضع أجنحتها له

رضا بما يصنع ..

هو ذاك المذكور وربي...

لكن الحمد لله والخيرة فيما اختاره الله ..

وليش تلومونها ...يمكن مارتاحت له .

كل شي بالغصب الا الزواج .


ياناس اعرف وحده تقدملها واحد وبالشوفة الشرعية طلعت من الغرفة وراحت فرغت مافي معدتها من القرف .


اذا مارتاحت له ترا الزواج قسمة ونصيب وهو الله يوفقه باللي ترضى فيه وتشوفه احسن واحد .

ياناس لاتعاتبون عليّ والله ماارتحت متضايقة
حتى البكاء بكيت

مانلومك ياقمر ابدا ولاتنسين مقدر ومكتوب كل شي راح يصير لك
بس اقول ياليتك صبرتي شوي
ولايضيق صدرك رزقك جايك جايك
ولاقبلتي فيه وانخطبتي له وربي ماقدر انه مايكون زوجك ماراح تاخذينه
لذلك هوني على نفسك
والله يعوضك

أسأل الله أن يعوضكِ ويعوضه خيرا

والخيرة فيما أختاره الله


(وعسى أن تكرهوا شيئا وهو خير لكم وعسى أن تحبوا شيئا وهو شر لكم والله يعلم وانتم لاتعلمون )

أختنا قمر الحجاز أفتقدناك من فترة 000ألرسول صلى عليه وسلم قا ل (إذا جاءكم من ترضون دينه وخلقه وفي رواية إذا جاءكم من ترضون دينه وامانته فزوجوه , وإلا تفعلوا تكون فتنة في الأرض وفساد كبير أو كما ورد 00الحديث أختي أنت أخطأتي في الرفض بهذه العجلة المفروض تستخيرين ربك وتذهبين لبيت الله الحرام وتدعين الله بقلب صادق وأستخارة موقنة ومن ثم تبتين في الأمر ، (شاب 1، حافظ لكتاب الله 2، طالب علم3 ، مؤذن4) وش بقي ماذا تريدين ؟؟ غريب أمرك أختي الشاب المتدين الخلوق أن أحب زوجته أكرمها ,,وإن لم يحبها لايمكن يظلمها لأنه يخاف الله في زوجته ، عموما فكري زين وأعيدي النظر (الا ) إذا كان الخاطب شكله مقرف مرة وإن كان الشكل لايعيب الرجل إنما الذي يعيب الرجل سلوكه وأخلاقه هذه وجه نظر أخوك في الله يا بنت الحجاز

الله يعوضك خير منه

لكن هل انتي متأكدة انك لا تعرفي لماذا رفضتيه ؟؟

اكيد عارفة ولكن لا تريدي الافصاح

الله يوفقك

ربنا يعوضك خير منة

بنت الحجاز الله يهديك فرحتينا بعنوان الصفحه

ياليت ترجعين تستخيرين أكثر من مائة مره

والله قهررررر

الزواج ماهو لعبه على طول تردين أبيها ولا ما أبيها !!


نصيحه أعيدي التفكير أكثر

سؤال لو سمحتي :

كم عمرك ؟



موفقه

ربنا يكتبلج اللي فيه الخير ويعوضك بالزوج الصالح اللي تتمنينه

عادي كل شي قسمه ونصيب وسبحان الله هذا الإنسان موب مكتوب لج

لا يكون إختي سبب رفضك إنه متدين وخايفه يكون متشدد في كل شئ؟

الله يعوضك خير

الله يعوضك خير

فيه سبب لعدم الراحه
لان مافيه دخان من غير نار

على العموم الانسان الزم ماعليه راحته .. والراحه النفسيه اهم شي بالحياة واذا مب مرتاحه لا تتندمين ..ولا تلومين نفسك
وان شاء الله ... الله بيعوضك خيررررررررررررررررررررررررررررررررررر

والله يرزق بالزوج الصالح

ننتظر معرفة سبب الرفض
فصفاته جميل ان تقبل ولكن ما سبب رفضك

انا اقول هذا الموضوع انتهى والمهم المستقبل
لابد انك تفكريين بعقل وتدرسي الموضوع بتأني وبهدواء لان هذا عمرك كله ولا ترفضي حتى تدرسي الموضوع بالعقل والعاطفه معاً مو العاطفة فقط , لان قولك ما ارتحت وبس اكيد فيه اشياء مضايقتك فيه فلا بد انك تدرسيها بتمعن وتشوفي هل هذا الشي سيئ لهذه الدرجه ام لا
لانك ياختي قد تتشرطين في البدايه وبعد فتره يأتيك واحد اقل من الاول بكثير وتوافقين عليه وتتحسفين على الي رفضتيه

الله يوفقك

الله يعوضك يااختي

لعل في الرفض خير

سبحان الله.... قدر الله وما شاء فعل.....ربي يعوضك خير ان شاء الله

انتي استخرتي وما ارتحتي ..

خلاص لا تتحسفين عليه لو كان فيه مافيه من الصفات ..

اولها كنت بعتب عليج لكن بعد الاستخاره وما أرتحتي خلاص

عسى الله يرزقج أفضل منه .. وعند خير الله خيرا وأبقى

الله يكتب لك الخير وين ما كنتي اخيتي قمر الحجاز

بس المواصفات اللي بخطيبك زينة ومليحة وكل البنات يتمنونه

مؤذن وطالب علم وحافظ للقران

انا لا الومك كونك رفضي الرجل

بس الومك لأنك يمكن تسرعتي في الرد اربع وعشرين ساعة غير كافية

استخيري مرات عديدة واستشري الناس واسالي عنه

على العموم

قدر الله وما شاء فعل

يمكن ربي كاتب لك احسن منه.............. ويمكن ربنا كاتبله من هي احسن منك

كل شيء نصيب ومقدر ومكتوب

الاهم انك ما تندمي على ردك بالرفض مهما صار

والله يسعدك ويرزقك الزوج الصالح

الله بعوضك خيرا
لا حبيتي الزم ماعليك الراحه النفسيه لانها هي دليل الشخص
انا سبق وتقدم لي شخص طول ماهو متقدم ماني مرتاحه وابكي وجلست نص شهر
استخير وابكي واستخير وابكي واحاول اقناع حالي واضغط على نفسيتي حتى ارضى به
لمجرد الزواج وانجاب اولاد المهم لدرجه انا صحتي سأت وتدهور حالي ونفسيتي الله العالم بها
كله عشان ماترحت وابتزوجه بالاخير رفضت والحمد لله ارتحت وتطمنت لاني اخذت وقت كافي وسالت الله واستخرته
لذلك ربي لن يردني والحمد لله على كل حال
خلاص لاتفكرين فيه ولا تلومي فيه ربي جابه وراح يجب غيره باذن الله لكن بالخاطب القادم اعطي نفسك فرصه
واستخيري واستشيري واجلس مع نفسك حتى يكون قرار ارجح الى الصواب.
اسال الله ان يسعدك دنياء واخره

جزاكم الله خيراً جميعاً
البعض أسعدني كلامه
والآخر الله يسامحه
أنا كتبته لتواسوني وتدعوا لي مو تعاتبوني
أجيب عن أسئلتكم
هو مو الأول بل الثالث وماارتحت له مع أن صفاته تعجبني
عمري قبل شهر دخلت 28
استخرت أكثر من مرة ما ارتحت أتزوج غصب

دعواتكم

لعلها خيرة له انشاء الله...و لعلها ثمرة استخارته

أسال الله الكريم ان يرزقي الزوج الصالح و يرزقه الزوجه الصالحه

ماشاء الله عليك ياأخ ساري ..

عندك أسلوب في النصيحة عجيب ..الله لايكثر من امثالك قول امين ..

أختي الغالية :

قدر الله وماشا ءفعل ..لكن حيت أقولج نقطة ..

مرة بنت قالت لشيخ ان كل ماتقدم لها احد تستخير وماترتاح ..

تدرين ايش قال لها : قال لها لاتستخيرين المرة الجاية !!

عزيزتي أحيانا نفسر الخوف من لمستقبل والقلق على انه عدم راحة ..

عموما ..الله كريم ويرزقج باللي اخير منه مليووووووون مرة ..

قدر الله وماشاء سبحانه فعل ..

أسأل الله لك زوجا خيرا منه ..

اللهم ااااااااااااامين

يا أختي....لا تشيلين هم
المقدر والمكتوب هو اللي بيصير...
أهم شيء إنك تكوني مرتاحة....و رزقك بيجيك
الله يرزقك بالزوج الصالح عاجلاً غير آجل....

الله يوفقك يارب وانشالله يجيك الشخص اللي ترتاجين له واخلاقه ولا اجمل منها ويرزقنا يارب...

شاب صالح حافظ للقرآن ومؤذن مسجد وطالب علم
ورددت عليه بدون تردد أو استخاره

يا للإسف

اتفق معاك اخ ساري بنصف ماقلته واختلف بالنصف الاخر

عزيزي الارواح مننها ما يتفق ومنها ما يختلف

كل شخصيه تريد شخصيه توفقها في الاهواء سواء الرجل او المرأه
فهناك البنات اللاتي يرفضن "المطوع" وهناك الرجال من يرفض المتدينه
يا اخي لانريد ان نرغم قتاه تعيش حياة "المطاوعه" وهي اللتي تربت لاكثر من عشرين سنه على حياة الانفتاح طبعا الا اذا هي كانت راغبه بتلك الحياه وتسعى لها
اخي اذا انت كثير التدين بطبيعة الحال لن تفكر الا بالمتدينه
واذا كان هناك خاطب قليل التدين سوف يبحث عمن توافق هواه وافكاره

والله الموفق واسأل الله ان يعف ويستر على جميع بنات المسلمين