|
العباءه المخصره ... حطمتني من جد
السلام عليكم ورحمة الله وبركاته
مساء الخير للجميع ما أدري من وين أبدا ... لاني من جد متحطم .. الله يعين على هالحظ انا خطبت قبل فتره خطبه رسميه راحت انا والوالد وأخوي وخطبنا ..وافقو وكنت مبسوووووط لدرجه ماتتصورن فرحت فرحه غير طبيعيه لاني أخيراً راح أستقر وأكون أسره ويجيني بزارين أدلعهم وأدلع أمهم جلست أفكر وين القصر ونوعية الاثاث وكنت ناوي .. أملك بسرع وقت .. بصراحه عشت أيام حلوه كنت أقوم لدوام بدري دوامي 8 انا اصحى من الفجر .. وكنت مرتاح نفسياً حتى الدوام صار كله ضحك بضحك ويمر بسرعه . اكيد بتتسألون وين المشكله الحين ..؟؟ طيب طبعاً اهل البنت نعرفهم ولكن مب ذيك المعرفه الشامله .. قبل لانخطب منهم سألنا عنهم طلعوا اجواد وناس محترمين وسألنا عن الاشياء الظاهره عن البنت طلع مافيها كلام بس بعد الخطبه بفتره .. جانا خبر أكيد ان البنت تلبس العباءه المخصره .. وانا من قبل لاخطب حتى وانا في ايام سن المراهقه أكره اللي تلبس هالعباءه وكنت من النوع اللي ينقد على البنت اللي تلبس هالعباءه .. يمكن البعض يقول انك متشدد وحالتك حاله .. بالعكس انا مب متشددد بس ماعتقد فيه رجال يرضى ان شريكة حياته تلبس مخصرررر بصراحه ضاق صدري .. وتحطمت من قلب حتى أني كرهت الزواج .. ولعنة هالحظ اللي مب راضي يقوم لو مره .. بصراحه انا الحين محتار ؟؟ كيف أرفضهم بعد ماعطوني البنت ؟ وكيف أتعذر لهم .. من جد موقف صعب وشايل همه .. انا حياتي أغلبها شقا .. بس مثل صعوبة هالموقف ماقد مر علي محتار من جد محتار .. محتار بين كرهي للعباءه المخصره .. ومحتار كيف أرد بكلمتي بعد ماعطوني ؟؟ أدري أنها غلطتي .. لاني تسرعت وخطبت .. بس ماتوقعت هالشي راح يصير ويمكن لاني حاجتي لزواج جعلتني متسرع أخواني أخواتي الاعضااااااااااااااااااااااء .. محتاج رأي كل واحد فيكم الله يجزاكم الف الف خير وش الحل بالضبط .. أنتظركم رجل |
أخوي مالومك على ضيقتك
لكن لاتنهي خطبة وراحة وتفكير بزواج من بنت ناس صالحين وتعرف عنهم الخير الكثير عشان عباية بس! ياما بنات عبايات متسترة وماتدري عن خفاياهم المهم النية طبعا انا مادافع عن هذه العباية الحمدالله ماقد لبستها. بس على فكرة اخوي فيه فرق بين عباية الكتف والعباية المخصرة لكن انا اعرف بنات يبلسونها ولاحظت الافكار المختلفة بينهم. تبي نصيحتي خل والدتك تكلم والدتها وتقول شرط ولدنا انه يبغى لبسها في العباية ساتر ومحتشم اذا البنت وافقت الحمدالله منها ترتاح انك كسبت اجر فيها وانها اهتدت على يدك ومنها انك تفرح لأنها حققت لك ماتريد وأهم شي تصلي الإستخارة والله يوفقك ويكتب لك الخير |
لا ياأخوي لا لا لا تتسرع
والله أنا مثلك ماأحب لبس عباية الكتف المخصرة لكن وربي فيه بعضهم بالكلام الحلو والنصيحة الطيبة راح تتأثر وتتغير لكن تترك بنتهم عشان عباية والله قووويه.. أنت خل الوالده تكلم أمها وتفهما بطريقة محترمة وماتجرح وإن شاءالله إن البنت راح تستجيب ويمكن أفضل مماتتوقع. ملاحظة : ترى مو كل من تلبس عباية مخصرة فهي غير ملتزمة وربي إني شاهدت بنات يلبسون عباية كتف ومخصرة لكن صلاة الليل ماتتركها وصلاة الضحى مواظبه عليها بس ينقصها بعض الوعي والنصيحة فأنت حاول ياأخي وماراح تخسر شئ.. أختك : أنين الزمان |
تقدر في فترة الملكه تأثر عليها وتقنعها.. في هدي الفتره أكيد حتسمع منك
|
الحل بكل بساطه ان تطلب منها ذلك بنفسك بعد الملكه..
|
بتقدر بعد ما تملك اول هدية تقدمها لها عباية على ذوقك وتكون مو مخصرة
وبالكلام الحلو وشوي شوي بتقدر تبعدها عن العباية المخصرة اما بسبب عباية تفض الخطبة مش معقول الله يوفقك ويوفقها |
بتكون زوجتك انت لازم تقولها او يمكن اذا خبرتها الحين بتغبر المخصر الى عبايه مستوره
|
اقتباس:
مراحب اختي شوبارد والله يجزاك خير أختي شوبارد انا ترا منظر على ان اللي تلبس عباءه مخصره ماضيها اسود بالعكس بس انا أنسان لي الظاهر .. انتي لو تقدم لك رجال سمعتي ان اخلاق ودين ومحترم اكيد راح توفقين عليه .. لان الظاهر لك صفات حلوه وانا الظاهر لي انها تلبس عباءه مخصره وأنا أكره .. هالنوع من العباءه .. من زماااااااااااان وصح كلامك مب من كل لبس عباءه متحمشه ....... متحشمه وعاقله .. بس الواحد بالامور هذي .. له الظاهر .. فقط .. عشان يحكم .. والظاهر لي انها تلبس عباءه مخصر .. وانا من بعد ماسمعت هالخبر تبدلت فرحتي الى حزن وقهر .. نصيحتك عين العقل .. بس ماضنيت أني بقتنع مثل ماقلتي صلاة الاستخاره مهمه الله يجزاك خير ويوفقك ويرضى عليك |
الله يتمم لك بخير
انا لااؤؤيد من قال والدتك تكلم والدتها لان المساله قد تتحول لعناد بينكم بعد عدة جلسات معها بين لها انك تغار عليها واني نظرتي لمن تلبس تلك العباءه انها غير محتشمه وغير محافظه ولا تصرح انك تعلم انها تلبسها وصدقني مع الايام ستقتنع برايك تدريجيا وموفق ان شالله |
الله يهديها ويهدي كل بنت تلبس عباءة ضيقة
ويختار لك ما فيه الخير التي تلبس عباءة ضيقة ليس معناه انها سيئة معناه ان امها متساهلة معاها والعيب يرجع للام التي مهمتها توجيه بناتها كيف يلبسون .. |
اقتباس:
لا يا ختي مب قوووويه حنا ناس لنا غيرررررررررره .. ومن ماله غيره كـــ الخنزير .. كيف احاول ؟؟ وش اقول أقولهم اذا بنتكم تبيني خلوها ماتلبس عباءه مخصره .. يمكن تتكرها فتره .. بس راح ترجع لها بعد فتره لانها متعوده عليها .. وانا متخوف من هالحين لاني مابي المشكل تصير بعد الزواج .. مادام الدعوه خطبه يمدينا نبتعد بدون طلاق ومشاكل الله يجزاك خير أختي والله يكتب الله فيه الخير |
.. رجل طيب ومتسامح.. <<
اذا انت بقرارات نفسك.. ماراح ترضى ابدا عن لبس العباية المخصره وما راح تتنازل.. رأيي انك تشرط عليهم من الان..ممكن تقول لأخوها بطريقة وديه.. انا ما أرضى وتعطيهم من كلام الغيره وانك تخاف عليها ..عشان مايفهمون انك متعصب ومتشدد بارآئك..ويحق لك تشرط اللي تبي.. وإذا انت ممكن تتنازل او تقتنع اذا هي اقنعتك برايها..فانتظر لبعد الملكه وتفاهموا.. بس نصيحة.. إذا انت مصر على رايك ..وكانت هي من النوع العنيد والمصر..راح تكون مشاكل.. لذلك من الان اشرط عليها..وشوف راح تتنازل او لا.. بعدين موقفك هذا راح يوضح لك إذا هي بنت يهمها مصلحها ومستقبلها ..وتوافق على شرطك..أو انها غير مباليه وراح ترفض عشان عباية ومايجوز شرعا لبسها.. ربي يوفقكم ويكتب اللي فيه الخير.. |
اخوي انا اوافق اختي فيافي في عدم التحدث امك لأمها
لكن اخوي الموضوع جدا سهل وبسيط مادامكم مقتنعين في بعض من اول وهي حبتك كلمه شوي من هنا ومن هنا لمح لها بكل هدوء ومن غير تعصب اهديلها الهديه عبايا قولها حبيبتي اخاف عليك من عيون الناس انت جوهرتي وانت لؤلؤتي وانت وحاول تقنعها وبالسياسه بتوافق وتغير عباياتها ولاتستعجل ولاتتسرع وبعدها تندم مادامها بنت ناس ومحترمه ومتربيه لاتخاف عليها وبيني وبينك يعني مين هم اللي يقولوا عنها انها تلبس عبايه على الخصر المفروض تسدها بوجهم ولاتسمح لهم انهم يتكلموا عنها قولهم بكيفي ان شاء الله تطلع عريانه انا واثق فيها وتأكد ماحد بيتكلم عليها بعد كذا لما يشوفك سماع يطلعوا كلام ماله داعي ويخلوها تنقص بعينك وهي المسكينه ماهي داريه انت ليش متغير دائما خليك واثق بزوجتك ولاتسمح لأحد يقول عنها شي وتأكد انها بتتغير للأحسن بحسن استماعك وتوجيهك وحنيتك وعطفك عليها وثقتك فيها حتقول هي زوجي طيب وحنون عليه ومادام هذا اللي مضايقه اتغير عشانه المهم ارضيه توكل على الله اخوي وكلمها بيوم حافل بالضحك والسواليف والدلع والرومنسيه وبعدها قولها حبيبتي ابغاك في موضوع مضايقني شوي بس لاتزعلي وافتح معاها الموضوع بقصه صغيره بس انتبه لاتقول لها قالوا وقالوا كأنك موداري قولها حبيبتي اليوم دخلت محل كذا وكذا ولقيت اثنين متزوجين عقبالنا ياحبيبتي نطلع مع بعض ونتقضى بس في شي لفت انتباهي غصب عني تصدقي ولاماتصدقي الحرمه لابسه عبايا مخصره وتفاصيل جسمها باينه وتعوذت من الشيطان وبعدت عنهم خساره كل الناس اخذت ذنبهم ايش ربي محملها هي ناقصه ذنوب انت ايش رايك يافلانه مواحلا البنت تكون عبايتها واسعه شوي ومايبان منها شي وهكذا شوف رأيها . واكيد بتعلق شوي او انها تسكت من نفسها بتحس وبعدها بفتره حاول تعرف مقاس عبايتها وروح اشتري لها وحده فخمه من القماش الغالي وغلفه تغليفه حلوه وارسله لها ويارب يألف بين قلوبكم ويريح بالك ويسخرلك الزوجه الصالحه |
اخوي ان شاء الله ما في مشكله
انت تعرف ان الحياة هي شراكه بين الاثنين ويجب الاتفاق على الكبيرة قبل الصغيره وما فيها شيء لوا نت قلت لها اما العباءه واما ان ننفصل وهذا خيار عادي واذا البنت رايديتك اكيد بتمشي معك على الحلوه والمره وربنا يوفق بينكم |
أخ رجل طيب ومتسامح .. أرى أنك غير متسامح ..أحم أحم .. أسفة .. أنا سوف أكون قاسية بعض السيئ معك .. أنا أقرأ ردودك .. وأرى أنك قد إتخذت قرارك مسبقاً .. وأنك تنتظر رد من أحد أعضاء المنتدى الكرام يشجعك على قرار أنت غير قادر على إتخاذه .. يقولك يالله .. أتركها .. سوي كذا كذا كذا .. وأنت معاك الحق ..و روح دور على واحدة ثانية .. هل يمكنني أن أطرح عليك سؤال؟ لماذا لم تفكر في أن تكون كمال هدايتها (والكمال له وحده) على يديك وتكسب فيها ثواب وتدخل بها الجنة .. يعني أليس لديك القدرة وقوة الإقناع؟ ألن تقدر على التأثير عليها؟ وبعدين .. إذا كان ماضيها أسود .. على ما ذكرت .. يعني أنت عمرك ما سويت كبائر؟؟؟ وأنواع الكبائر كثيرة .. مش بالضرورة يكون النظر الحرام؟ عمرك ما كذبت؟ عمرك ما غلطت أبداً أبداً؟؟ إذا كنت أنت ملاك .. فليس لك في بنات أدم شيئ .. مش كده ولا إيه رأيك؟؟ مفيش حد كاااامل .. يعني هي عندها كل الصفات الحلوة التي ذكرتها وتتراجع ..؟؟!! الواحد بيمسك في الناس ذوي الأصل والأخلاق والدين بيديه وأسنانه .. مفيش مشكلة لو كان في شيئ من النقصان قابل للتغيير .. أنا رأي الشخصي .. أن ترجع عن "إحساسك القديم الآن" لأن فيه شيئ من العناد .. وصلي إستخارة من جديد بخصوص هذا الموضوع .. وأنظر للشعور الذي سوف تجده بعد الإستخارة . وعموماً .. على راحتك طبعاً.. عايز تتركها .. أتركها الآن .. علشان البنت ما تتعلق فيك أكثر .. "حتى لو ما كنتوا شفتوا بعض .. كفاية فرحتها بالخطوبة".. والله يقدم ما فيه الخير .. |
قولهم وريح بالك
عشان لاتلوم نفسك عقب اذا صارت عليها مشاكل وعوار راس |
نصيحه اخوي لا تنهي الموضوع بدون محاوله على الأقل
صدقني رح تندم غير كذا الناس وش بيقولون عليك انسحب عشان عبايه ماهو قد الكلمه وحتى لو انهيت الموضوع بدون ما يعرفون السبب نفس الكلام بينقال وقد تتكون هالفكره عنك وغيرهم رح يتحذر منك مثل ما انت تسأل عن البنت وأهلها انت بعد ينسإل عنك.. انت وصلهم الشي الي يضايقك بإسلوب حلو يرغبهم فيك مو ينفرهم ممكن تترك المهمه على الوالده وهي تتصرف مع امها او معها هي بنفسها يعني اذا شافتها مره تدقها كذا بطريقه لطيفه ان العبايه المحتشمه افضل ..ترى الحريم يفهمون بعض اكثر. وبكذا اذا ما اعجبهم طلبك يكون الرفض جاي منهم مو منك والعيبه مو منك بالعكس سبب جدا مقنع مما يوضح غيرتك كرجل بشريكتك لاكن مو مقنع انك تتركهم فجأه بلا إحم ولا دستور على الأقل احترم مشاعر البنت قبل أهلها الأهم هنا ان تختار الطريقه والإسلوب الي توصلها لهم تكون حكيمه ولبقه والله يتمملك على خير ويرزقك خيرها يارب |
مع كلام الاخت شوبارد
الا انه تكلم امك امها كلمها انت واقنعها بطريقتك واذا تحبك مو بس تلبس عباية راس الا بتلبس الراس والقازات معها |
انتم لسى ماتملكتوا صح ؟
اجل الافضل ان امك تكلم امها << مافيها شي اذا طلبت هالشرط الان ورفضوه وفكرتوا تفكون الخطبه الافضل يكون قبل ماتتملكون انا اشوف ان مافيها شي لو امك تكلم امها وتقول لها ان ولدي مايحب العبايه الملفته وخصوصا في الاسواق وخلال هالفتره لازم تستخير وانت اذا كلمتها تقول لها وجهة نظرك وصدقني هي دام انها وافقت عليك راح تتنازل عن هالعبايه بسهوله طبعا مع الاقناع والاسلوب الحلو لكن لاتخلي هالمشكله الصغيره تكون سبب كبير لك وماتدري يمكن فيك شي مااعجبها لكنها تقول بعدين بحاول معه يغيره عالعموم الف مبروك والله يكتب لك اللي فيه الخير |
لا ترجع في كلامك ولاشي انت لمن تخطب البنت حاول معاها كلمها اقنعها انك ما تحب هادي النوعيه من العبي وهي ان شاء الله حتقدر موقفك
|
أخي رجل طيب ومتسامح
أنا معك ولا ألوومك أا الا في شيء واحد لماذا لم تسأل عن البنت نفسها بشكل دقيق مادام ذلك يهمك لايكفي السؤال عن الأهل أنت سشتتزوج البنت لا أهلها أرى أن تسأل بنفسك عن عبائتها لتتأكد وبعدين كم عمرها ؟؟ إذا صغيره تكون بس تحب التجربه أما إذا كانت كبيره وتلبس هالعباية فهي عن اقتناااع وبعدين هل رأيتها وارتحت لها وهل تتوقع أنها من النوع العندي إذا كانت مثلك طيبة ومتسامحه ودخلت قلبك وارتحت لها ربما تتغير للأفضل وتكون هدايتها على يدك أسأل الله الحكمه والسداد في هذا الأمر وفقك الله وجعل زوجتك من أهل الستر والحشمه |
اقتباس:
بوضوخ شي واحد للاخت .. من يقولك اني قلت ماضيها اسود ؟؟ ياليت ترجعين لردي عشان تتأكدين حبيت اوضح للاخت ولي عوده لجميع الردود خاصة هالرد رجل |
الأخ الفاضل عليك بالإستخارة والدعاء لك ولها وحاول تقنع البنت بعد الملكة بعباية الراس لكن ,,, بأسلوب حسن وبعيد عن التعصب والأوامر وإن شاء الله البنت بتقتنع لكن إلزم الدعاء والإستغفار والله ييسر أمرك وأمرها |
اقتباس:
أختي أنا ودي أعالج الوضع قبل الملكه .. اخاف أملك بعدين تصير مشاكل مالها حد ومانتفق والرجال عادي لو طلق يقدر يكمل حياته بس البنت اسم مطلقه ربما يبعدها عن الزواج مشكوره اختي على مروورك |
اقتباس:
أختي أنا ودي أعالج الوضع قبل الملكه .. اخاف أملك بعدين تصير مشاكل مالها حد ومانتفق والرجال عادي لو طلق يقدر يكمل حياته بس البنت اسم مطلقه ربما يبعدها عن الزواج مشكوره اختي على مروورك |
اسأل الله لك الخيره في امرك...والاخوان ما قصرو بمحاوله مساعدتك لكن احب ان اضيف ...طالما ان العائله ذات منبع طيب فسوف تنبت نبته طيبه بأذن الله تعالى ... ولااعتقد ان لبس العباءه المخصره انه يترتب عليه فسخ خطبه ...ولاتنسى انها في فتره مراهقه يمر بها الرجال والنساء ...فكثير من الصالحات العابدات تزوجن رجالا غير متدينين بالكليه ومع الوقت تغيرو واهتدواء... وقبل ات تقدم على شياء معين بسبب تلك العباءه ارجو ان توصل وجهت نظرك لولي امراها بعدم قبولك للبس العباءه المخصره.. حتى يوصل رسالتك لها حتى تكونوا على بينه من امركما قبل عقد النكاح ... وجه نظر تحتمل الصواب والخطاء |
دامك حابب أنك تعرف وجهة نظرها بعباية الراس قبل الملكة فممكن وحدة من خواتك تكلمها بالموضوع ,,, وتحاول تعرف وجهة نظرها لكن أهم شيء الأسلوووووووووووووووووووووووب يعني خلها تفتح معها السالفة عادي جدا الله يوفقكم |
أخوي ، أنا قبل الزواج كانت زميلتي تسمع أغاني و عباية مخصرة ووووو إلخ
لكن بداخلها قلب أبيض ناصع ، و تقول لي نفسي أتزوج واحد يعينني على نفسي و و الله لا أترك العباية هذه و بألتزم وووو إلخ بس هي كانت تلبس العباية المخصرة ، عشان عناد بزوجة أخوها زوجة أخوها الله يهديها كانت تقول لزوجها خلي أخواتك يلبسوا عباية عالراس مثلي و غيره من كلام النسوان المهم زميلتي تزوجت واحد ملتزم و أخلاق ماشاء الله عليه و الله إنه بفترة الملكة و كلها 4 أشهر و تغيرت و عن قناعة بعد و ماشاء الله كان عنده أسلوب رائع و ألحين بعد الزواج تحاول تأثر بأخواتها فأحيانا المظهر ما يدل على الباطن و أسألنا إحنا البنات أعرف بنات كثير عباية عالراس لكن و الله و للأسف شوهوا سمعة الملتزمات و أعرف بنات عباية مخصرة ، لكن بحاجة إلى كلمة وحدة و تكون أحسن مني و منك فلا تتعجل و أستخير كمان و ماكان اللين في شئ إلا زانه |
يا اخوي انت الرجال والقوامة بايدك .... يعني تقدر تبين لها انك ما تبغيها تلبس هذه العبايه ......ما في انسان كامل الكمال لله عزوجل...يمكن اتكون البنت في منتهى الدين والأدب والأخلاق بس هذا عيبها.....طول بالك بس اللي اوله شرط ااخره نور.... والدنيا مانتهت الله يهديك...... انا معاك انك ماتحب هالعباه انت قادر انك تقول هالشي.....
|
اقتباس:
يعني كيف يكون كمال هدايتها.......وش اللي حاده يعني....ايش اللي جابره علشان يبتلي بوحده تربت على شي معين من اكثر من 20 سنه هي تربت على هالشي ..مااقولك مستحيل لكن صعب جدا انها تقتنع......واذا اقتنعت فراح تكون قناعه مؤقته.... يعني باختصار ليش يحط نفسه في هالمعادله الصعبه......لانه احتمال اقتناعها من عدمه مش اكيد لذالك نصيحتي لك اخوي.....غض نظر عن هالموضوع.....وبصراحه بصراحه ..اذا اهلها راضين انها تلبس كذا....فايش تتوقع طريقة التربيه اللي تربتها هالبنت انا مااشكك فيها والعياذ بالله.....بس مااتصور انه فيه اخ او اب عاقل في الدنيا يقبل انه معالم جسم بنته او اخته تظهر للجميع....خلك واقعي اذا تبي تريح راسك دورلك على وحده من ثوبك من طبعك......وعمرك لاتحط في بالك انه اللي تحط عبايتها على راسها متخلفه ..بالعكس هذا يدل على طريقة التربيه اللي تربتها هالبنت بغض النظر على تصرفاتها بعدين....المهم ومثل ماذكرت انت الظاهر يطمن القلب فعلى الغالب الباطن يكون كذا.......والله يوفقك يارب |
اولا عجبني سردك لبداية القصه ممتعة حقيقه .. لكن الموضوع لو كنت في مكانك لتضايقت مثلك لكن لابد من اخذ وعطى في الموضوع يعني هناك بيئات تكون لا تهتم بالموضوع وتعتقد انه اللي تسويه صحيح
فلو تبلغ الاهل ويقومون بدوورهم بهذا الشكل ويحلون الاشكال بدلا عنك واذا رفضت فالامر الان في يديك .. |
لا يكن حكمك من الظاهر فقط فكثيراً من الفتيات من يصطنعن الالتزام ولا علاقة لهم بذلك وبما أنك قد سألت عن الفتاة وأهلها وكانت النتيجه إيجابية ولله الحمد ولا يوجد سوى مشكلة العباءة فأرى أن تشترط عليهم بعدم لبسها فإن وافقوا كان هذا جيد وإن رفضت حينها لا ألومك على قرارك بتركها
|
السلام عليكم
يبدو انك ما حبيتها لذا مو مستعد تكسبها بالود والمناصحة |
انا ردي بعيد كل البعد عن الموضوع
اتمنى كل بنت تلبس مثل هالعباه تحسب حسابها لمثل هذا الموقف ممكن تنخطبين وبمجرد ما يكتشف يتركك ويدور غيرك في رأيي هذا الجزاء المناسب للي تلبسها و متعمده تفتن خلق الله تتزوج واحد من اللي فتنتهم احسن لها لكن لو هي عاده تعودت عليها لا ...انتظر الين تملك وكلمها بالعقل ...على اساس انك تكره هالعبايه وتحتقر لابستها ولا تحسسها انك تدري...بس مو من اول جلسه بينكم...بعد ما تعلقها فيك وتخليها تحبك وانت تتعلق كمان ...المسأله مو لعب على بعض...المسأله بناء بيت ومستقبل...وعموما رد فيافي نجد لا قبله ولا بعده |
يااا ساتر عليكم ..
يعني الحين انت تبي الحل ..و لا تبينا نقولك انفصل عنها؟!! تشاورنا ولا تعلمنا ؟!! أنا أشوف الموضوع جدا بسيط .. و ما تنعد مشكله أبدا .. و أخوي المترو رأيك (اسمحلي) .. جدا متشدد .. و أعتقد أخوي رجل طيب (و متسامح) تعجبه هالردود!! لكن أقولك .. ترا فيه بنات ما يعرفون إنه هالنوعيه من العبايات غير مشروعه .. يعني ليست مسألة اقتناع.. خاصه إذا كانت توها صغيره .. تشوف البنات اللي بمجتمعها يلبسون .. لبست مثلهم .. و يمكن ما في أحد لامها على لبس هالعبايه قبل .. و يمكن تكون سألت شخص تظن هي إنه دينه قوي.. قالها عادي ما في إشكاليه.. يعني يا خوووووووووي ... جد لها مليوووون عذر... و بعدين خلاص يعني .. هالإنسانه ما تتغير!! ؟ إذا الحديد لاااااان .. يعني إهي مارح تغير رايها ؟!! شوف ياخوي إذا انت واثق من نفسك .. إنك تقدر تنصح .. و نصيحتك لها أثر طيب .. مو عيب تنصح.. بالعكس شوف كم من الأجر رح تكسب فيها ... يمكن البنت ما تدري عن مشروعية هالعبايه.. و شوف ياخوي.. تراها ممكن تكون إشاعه.. أو أحد يبي يخرب بينكم .. أنا أشوف إنك رجال طيب و متسامح .. يعني فيك الخير ما شاء الله.. و تقدر تنصحها و تغيرها للأحسن بإذن الله.. بارك الله فيكم |
أولاً
أنا لن ألومك على رد فعلك ورفضك لمثل هذه العباءة كونك رجل غيور ولك قلب يقض .... هذا أضنني أحسبه لك لا عليك .... ثم كلام بعض الأخوات قله الوعي هذا ُبحسب عمرها وأنت به أعرف فلا اضنها ستكون في الجامعه أو موظفة وليس لديها علة التحريم .... ولكن ولازلت أؤكد ربما هي تلبسها على الكتف وهذه منتشره أكثر وربما لكونها عمليه والأهم إذا كانت تلبس الطرحه أطول فهي قد لاترى مشكله في ذلك .... لن أقول لك أتركها وأيضاً لن أقول لك إبقى عليها .... أضننا جميعاً قرأنا مشكلة أحد الأخوان الذي وصلت به أموره مع زوجته للطلاق بسبب عباءة الكتف والعناد وماجر من مشكلات وأنها تطاوع في كل شيء إلا هذه .... بداية أي قصة من قصص الكره هو العناد ... لن أقول دعه شرطاً للإستمرار فليس من العقل مطلقاً أن ترتبط حياتك بلباس ولكن حاول بطريقة ما الوصول إليها وأثق أن رجلاً مثلك قادر .... وصل إليها بطريقه ما عن طريق أختك أو شخص مقرب منكما أنك ترغب أن تغير حجابها ليس لأجلك لكن لأن لها رباً يرضيه ذلك وأنت تريد أن تبدأ حياتك كذالك وليس لأن تفكيرك يفرض عليك ذالك ... وإن كنت أعرف كثيرات بقناعه تامه هي غيرتها ولم تنتظر أن ُيذكرها أحد وللتذكير والصحبه دور .... وفقك الله وأنار بصيرتك .... ولاتجعل هذا الأمر ينكد فرحتك ولاتنسى " إذا جاءكم فاسقٍ بنبأ فتبينوا" .... أنار الله بصيرتك وأتمنى لك بصدق السعادة |
على فكرة الاخوات اللي يقولون يقدر يقنعها بعد الزواج او غيره..
صدقوني صعب جدا جدااا بتقول انا متعودة في بيت اهلي وانت تزوجتني وانت عارف وكقصة واقعية.. اخوي خطب ببنت وقلت له ان عبايتها متبرجة كثييييييير ضاق وزعل لكن كان متمسك فيها .. بعد الملكة وطلعو مكان وشاف لبسها بغى ينجن وقال لها.. تدرون وش كان ردها.. انا احب اطلع لأي مكان كاشخة وماتعودت اكون قروية وقديمة وانت خطبتني وعارف اني كذا ومتعودة عليه ومابغى اغيره! قال ممكن لما نسافر تسوين كذا بس حتى بدون تبرج قالت بعد تبغاني البس عباية لما نسافر!! يقول والله ماقدرت امشي معها حاس اني امشي مع وحدة صايعة ورجعها لبيت اهلها وكلم ابوها قال انا ابغاها عباتها ساترة اذا موافقة على كلامي استمرينا ولاخلاص ننفصل.. دق ابوها بكرة قال البنت رافضة تقول ماقدر متعودة على كذا وطلقها أخوي.. والحمدالله الحين تزوج وربي رزقه عيال يعني المفروض كل شي يتم الاتفاق عليه قبل الملكة لازم.. هذا رأيي والله يكتب لك الخير |
أتفق مع ردود .. "بر الأمان" و t3b2006 |
اقتباس:
بعدين اختي بر الامان غيرتي على محارمي صار اسمها تشدد الله يسامحك بس......... والله يااختي بر بكل صراحه وبفم مليااااااااااااااااااااان اللي تلبس عبايه مخصره مااقدر احترمها.....يعني وحده ملصقه العبايه بجسمها وباين كل جزء من جسمها وتمشي في مركز تجاري وكل الناس ياكلونها بعيونهم..واخر شي تبيني احترمها او احسن الظن فيها..تخسى وتعقب هي واهلها اللي ماعرفوا يربون بناتهم على ابسط اموور الاخلاق والعفه يااخي اللي تلبس عبايه مخصره وجسمها باين وتثير الشباب هي تطبق ((كاسيات عاريات))) وهذا مانهى عنه الحبيب صلى الله عليه وسلم اختي بر الامان ورب العزه وبكل اسف وبكل اسف اقولك اني لست شابا ملتزما بالعكس اربي السكسوكه واطيل ثوبي ((واكرر للاسف)) وعسى الله ان يهديني ولكن هذي نظرة شاب غافل عن طاعة الله اسمه المتروو........عمرك لاتربطين الغيره بالتشدد الديني او القبلي....هذي النفس الانسانيه ترفض كل ماهو خارج عن البديهه والبديهه تقوووووووول لماذا تلبس البنت عباءه مخصره؟؟؟؟؟؟ يعني ليه ايش السبب الرئيسي اللي يدعوها تخلي الشباب يشوفون كل معالم جسمها وكانها عاريه حرام عليكي والله انه بنطلون الجينز ارحم من العبايه المخصره.... طبعا انتي جاوبتي على هالسؤال ....وللاسف كانت اجابتك جدا سطحيه...وقلتي حسب مو مكتوب فوووووووق مش من عندي هالكلام يعني: انه ولدت وشافت اللي جنبها يلبسون كذا!!!! اذا المحيط وووووووووووووووووووووسخ.....وتربت بهالمحيط الفاسد.............!!!! اذا ممالانقاش فيه 18 او 20 سنه او اكثر من محيط فاسد بعمره ماغير فيها شي..الا من رحم ربي (القله فقط وسالفة اخو شوبارد اكبر دليل) وتبين هالمسكين صاحبنا يغير فيها..............!!!!!!!!!1 الله يسامحك بس من جد اختي بر الامان وبكل اسف انتي ثاني انسانه في هالمنتدى انصدم في طريقة تفكيرها بعد ماكنت معجب كثير وخاصه بردودك لما تنصحين الاخوه والاخوات....ولكن للاسف بامور بسيطه مايختلفون عليها اثنين اراكي ترين الخطأ ....ولم تكتفين بالصمت بل رحتي تدافعين عنه..... انا اؤمن في اختلاف وجهات النظر واحترم هذا الشي...........ززالا في اموووووووووووووور مثل هذي فلست بحاجه اني اجادل فيها...... واذا كانت صفة متشدد تطلق علي لهذا السبب...فانا اكبر متشدد ولي الفخر |
أنا مع كلام الأخت شوبارد حرفيا
|
| الساعة الآن 04:05 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©