آآآآآآآآآآآآآه من ابوي اللي دافني بالحيا
 

السلام عليكم ورحمة الله وبركاته والله اني منحرجه اني اشكي لكم بس والله مالي من بعد الله الا انتم نفسيتي منهاره وفي الحظيظ وعلشان كذا انقطعت فتره عنكم بسبب مشاكلي مع اهلي ايه اهلي اللي هم سبب عذابي وبالاخص ابوي الله يسامحه بعد ماقررت اني اطلب الطلاق بناء على رأي الهيئه الاستشاريه بمنتدانا الرائع رحت لابوي وطلبت منه انه يخلصني من اللي اسمه زوجي مثل ما شربكني فيه وكان رده مثل ماتوقعت طبعا بالرفض وقال لي اصبري عليه انتي اقوى من كذا وبعدين انتي طول هالسنين صابره وش بيضرك لاصبرتي عليه الحين مسيره بيموت وبترتاحين منه قلت له يا يبه صدقني انا بموت قبله اذا عشت معه من قهري وهمي والالامي اليوميه قال ماعليك شر ان شاء الله انتي جبل مايهده ريح قلت له يبه انا كل يوم اموت الف مره باليوم ومو بس انا حتي عيالي قال لي لاتكبرين السالفه وقومي تعوذي من ابليس قمت وبوست راسه ويده وطحت عند رجوله ابوسها بس علشان يخلصني منه كل ذا مانفع ولا جاب لي نتيجه معه قلت له عيشتي معه حرام حراااااااااااااااااااااام وذا راي اهل الدين والمشايخ قال من يقول انتي عايشه معه انتي بجناحك وهو بجناحه ماتدرون عن بعض اعتبري نفسك مطلقه ووريته رد المشايخ على حالات مثل حالتي مع انه اقل من حالتي بواجد بس ما فيه فايده قلبه مايلين علي ولايحن على بنته مع اني باره فيه وما طلبت الطلاق طول هالسنين علشانه مابي ازعله لكن خلاص فاض بي الكيل وماوعيت بنفسي الا وانا في المستشفى جاني انهيار عصبي من ابوي ورده علي ماتوقعت انه يرضى علي اعيش معه وحتى ولو عيشتي معه بالحرام ولو مايعاشرني بس مجرد وجودي معه حرام لانه ديوث بشهادة الكل وخاصه المشايخ والله اني منهااااااااااااااااااااااره واسمحوا لي على الاطاله ادري اني غربلتكم بمشاكلي وهمومي اللي ماتنتهي الا بطلعة روحي والله يجزاكم الف خير على وقفتكم معيعرفتوا ليه انا دايم اقول انكم اقرب لي من اهلي والله يحفظكم يارب

عزيزتي أكثري من الإستغفاااار والدعااااااء

أسأل الله لكِ الفرج القريب

ربنا يفرج همك باذن الله ان شاء الله نسمع منك كل اخبار الهنا و السعادة باذن الله تعالى

لاحول ولا قوة الا بالله العلى العظيم

لا حولا ولا قوة الا بالله

الله يفرج همك ويصلح بالك ويكفيك شر زوجك عليك بدعاء لله فهو أرحم الرحمين

فرج الله همك يا اختي .. بصراحة كلما اقرأ لك أتألم جدا و أقول في نفسي ليتني قريبة لأقدم لك أي مساعدة

أختي .. ان كان هذا رأي المشايخ ... اذا ... افعلي مثلما اقترحت اختنا سر القلم ...

و اهتمي صحتك يا غالية ... فلن يستمر الظلم إن طلبت الحل من القضاة او محارمك غير والدك ...

لا وحول ولا قوة إلا بالله ...

هذا حلم ام علم !! ادعو الله تعالى ان يكسيك بالصبر

ما فهمت عليكي أختي الغاليه . . كيف عرفتي إنه ديوث ؟!

أعانكِ الله

فرج الله كربتك ووفقك لما فيه الخير والصلاح

فرج الله همك اختى واعانك الله

فرج الله كربتك و همك واعانك ووفقك لما فيه الخير والصلاح

فرج الله كربتك اختي واعانك على مصيبتك

ام حمودي

والله لا املك لك الا الدعاء الى الباري بان يكشف عنك ويفرج لك ويهدي زوجك ويرزقك بر اولادك

غاليتي عليك بالدعاء باالدعاء باالدعاء لنفسك لزوجك ولذريتك لعل الله ان يهديه ويبدل حياتة وحياتكم الى جنة في ارضة وما ذلك على الله ببعيد
ساادعو الله لك بظهر الغيب باذن الله

حفظك الله

اختي ممكن اعرف باي مجتمع انت عايشة برأيي تترك ابوك بحاله و تشتغلي انت على نفسك انت مو قلت انك قادرة تعيشي نفسك وعيالك خلاص

ارفعي دعوة عليه و طلاقك اكيد مو صعب بعد الي شفتيه منه وانا اعلم ان لا فرق بزواجك او طلاقك بس حماية لعيالك والله بكرة ابنك راح يقتدي بابوه

وشراح يفيدك ابوك بذاك الوقت اذا كنت بالسعودية مو عندكم جماعة الامر بالمعروف والنهي عن المنكر اتصلي عليهم وخلي يخلصوك انت وعيالك من هل شيطان و اذا اجتمعو في بيتك و عرفت انهم يحششون اتصلي على الشرطة واخلصي منه ومن بلاويه

اذا كنت خايفة من مجتمع و كلام الناس فلا تبالي وين المجتمع ووين الناس عنك يوم سوة بيك هل شيطان الي سواه

اختي صدقيني اترك ابوك و اخذي حقك بنفسك وخلصي نفسك وعيالك راح يزعل خلي يزعل يوم او يومين وبعدين بيرضة

لاحول ولا قوة الا بالله العلى العظيم

أكثري من الدعاء و الإستغفار
أعانك الله

الله يجزاكم الف خير كلن باسمه والله يسعدكم وييسر لكم اموركم والله وانااقرا ردودكم غصبن علي دموعي نزلت من كثر ماناا احبكم في الله ومن كثر ماحسيت انكم معي وشايلين همي اكثر من اهلي ونعم الاهل انتوا يااروع اعضاء مدري وش اقول بس احب اقول لاخوي سر القلم ان اخواني هم اكثر من ابوي معارضيين فكرة الطلاق علشان ماينقال عنهم ان اختهم مطلقه مايهمهم الا نفسهم ومكانتهم بين الناس بس اما انا فلاااااااااااااااااااااااااااااا ولا عمر واحد منهم سئلني اذا انا مرتاحه والا لا او ان اللي اسمه زوجي تغير او لا واحب اقول لبودي اللي سئلني كيف دريت انه ديوث يعني واحد يقول لزوجته روحي للشباب يعوضونك عن الحرمان الجنسي ويريحونك ويقول لها بيمشي سوقك وش يكون؟؟؟؟ واللي يقول انا مو مسلم ولااعترف بالله ولا برسوله والعياذ بالله وش يكون ؟؟؟؟ واللي يقول انا يهودي وافتخر وانه مسجل بس مسلم على ورق وش يكون بالله؟؟؟؟ وفي النهايه مااقول الا الله لايبليكم ويستر عليكم دنيا واخره يارب ادعوا تكفووون بظهر غيب لاني ميته احترق من داخل رغم اني اضحك اخفي مشاعري وادفن همومي قدام الناس وبالاخص عيالي والله اعلم وش فيني من هم تعجز الجبال عن شيله

اخوي سر القلم المشكله انهم يدرون ولما قلت لهم يقول لي كذا قالوا لي ذا مو صاحي وعقله مهو عنده ولو هو رجال ماقال هالكلام ولو هو في وعيه ماظن يقوله قلت لهم وربي انه يقوله لي وهو صاحي مو شارب تخيل وش ردهم يلعنونه ويشتمونه بس ويردون يضحكون يقولون ما ينشره عليه لانه مهو بكفو ولابرجال وبعدين يمكن لانه واثق فيك ويعرف اخلاقك وواثق انك مستحيل تسوينها لانك بنت اجوديه وربي قاهريني الاقيها انا منهم والا من اللي اسمه زوجي مامعي الا الله ثم انتم والله يجزاك الف خير على اهتمامك بمشكلتي ووقفتك معي

اوافقك الرأي
والله يعينك على ما ابتلاك به ،،ولك الاجر ان شاءالله

ادعو لك الله ان يفرج همك ويسعدك

تسلمون والله يجزاكم الف خير انا كلمت اكثر من شيخ وكلهم نفس الراي وهو الطلاق وتحريم العيش معه بس وش الفايده دام ابوي والاهل رافضين فكرة الطلاق بسبب هالمجتمع الظالم اللي مايرحم

لا حول ولا قوة الا بالله

الله يفرج همك عاجل غير آجل

اختي ياغاليه الله يفرج همك ....رجعت وقرات ردودك على الاعضاء ووجعني قلبي عليك ....
اللهم لا حول ولا قوة الابك....
اسمعي ياختي اذا تقدري تخرجي من بيتك وتروحي للقاضي لا تتردي...هذا اللي يتكلم عن الله ورسوله بهذا الكلام وكمان يقول انه يهودي ....هذا من غير كلام يفرق بينك وبينه الشرع .....

الله يعينك ياختي ويصرف هذا الفاجر عنك وعن حياتك......

اختك
ام حمودي

يا أختي أصلا طالما نطق بالكلام الذي قلتيه (نسأل الله السلامة ) فهو كافر
ولا يجوز للمسلمة أن تبقى مع زوج كافر
فكيف يرضى أبوك وإخوتك بوجودك تحت رجل كافر؟؟

وأنا أعتقد والله أعلم أن هذا الرجل لن يقول هذا الكلام أمام القاضي فلو قاله لطلقك منه فورا وحكم عليه بالقتل
لأنه مرتد بالقول _ حسب كلامه _ والمرتد يقتل حدا


انصحك بالتالي :

اللجوء إلى الله .. فالله تعالى لن يتركك بين براثن رجل كهذا وما من كربة إلا ومعها الفرج


توجهي لشخص من وجهاء عائلتكم أو قبيلتكم وتحدثي إليه بالأمر وليجمع عددا من الرجال العدول الثقات فيحدثوا والدك واخوتك وينبههم بخطورة الأمر لعل ذلك يشعرهم بالحرج أمام الناس من أن تبقى ابنتهم في كنف رجل مرفوض تماما

اذا كنت موظفة فهذا من تيسير الله عليك ... بادري باجراءات الطلاق واكفي نفسك وابنائك مؤونة الحياة ولا تنتظري
معونة مادية من أحد وبيني ذلك لوالدك واخوتك لعل ذلك يطمئنهم

اكتبي (معروض) وحاولي ايصاله لملكنا الغالي أو ارسلي له برقية عن طريق الهاتف وصدقيني لن يتخلى عنك فهو معروف بمواقفه الانسانية وطيبة قلبه <<< اللهم وفقه وسدد خطاه وأبعد عنه كل سوء>>>

ربما تستبعدين الخيار الأخير ولكني أظنه الأنفع لك بعد اللجوء إلى الله

الله يسمع منكم يارب ويفرجها علي والله يجزاكم الف خير كلن باسمه وسلامة قلبك اختي عتبة البيت وربي ماودي اضيق خاطركم ولااعور قلوبكم بس حدتني ظروفي علشان كذا احاول قد مااقدر مااشكي لكم الا لمن احس اني بنفجر كل ذا علشان مااضايقكم وربي شاهد علي واحب اقول لاختي وحده ونص ان ابوي هو كبير قبيلتنا وهو وجيهها علشان كذا الامور متصعبه مالي غير الله ينصفني وياخذ حقي بالدنيا قبل الاخره ابي اتهنى بشبابي ابي اعيش حياتي حالي حال اي بنت شابه وفي عز شبابها بعد بموووووووووووت قهر يااخواتي ويااخواني توني راجعه من السوق واشوف نظرات الاعجاب من الكل واقسم لكم انه حتى شباب اصغر مني يرقموني لاني ماعلي قصور ومو غرور وربي بس ميته قهر لكن خوفي من ربي وخوفي على سمعتنا وسمعة عيالي تمنعني من اني مجرد افكر باني ادق عليهم او اني اتصرف اي تصرف اندم عليه بعدين بس والله لاتلوموني مقهوره الكل يلتفت لي ومعجب فيني ويقدرني الا ذا اللي اسمه زوجي وبالنسبه اختي وحده ونص للمعونه الماليه مثل ماقلت من قبل انا واعوذ بالله من كلمة انا في خير ومو محتاجه يكفي اني انا اللي اصرف على البيت بالي فيه ومنهم اللي اسمه زوجي وتسلمون لي يارب

أختي الفاضلة ..
تطلقي منه بأي طريقة .. وبعدها أهلك غصبا عنهم راح يستقبلونك بالبيت ..


أسأل الله أن يفرج همك ويعجل فرجك ..

اختي بحرينيه من بيطلقني منه وهو مو راضي ولا ابوي راضي بالطلاق ومستحيل اني اروح للقاضي لاني قبيليه مستحيل اروح محاكم وافضح اهلي ادعوا لي بان الله يخلصني منه باقرب فرصه ويجي الحل من رب العالميين اللهم اجرني بمصيبتي والله يجزاك الف خير اختي

اخوي سر القلم مثل ماقلت لكم مستحيل اروح للمحكمه للاسباب اللي وضحتها من قبل واخوي ساري اللي اسمه زوجي هو عاجز جنسيا وهاجرني من سنين وانا للعلم اصغر منه ب15 سنه وبالنسبه للشرب ايه هو يشرب ليل ونهار وفي البيت بعد واحب اقول لal7olm6 اني مو هامله حجابي وملتزمه واعرف ربي زين والا وحده بمثل ظروفي لو لا خوفها من الله كان من زمان انحرفت بس ماانكر اني احب التكشخ والتزيين انا مهتمه بنفسي برغم كل اللي اعانيه وذا الشي علشاني انا مو علشان الفت النظر لاني ولله الحمد مو محتاجه اني اتزين علشان اكون ملفته واتمنى انكم ماتفسرونه على انه غرور مني لكني اعترف بنعمة ربي علي واللي انااعتبرها نقمه

اقول

مايهمنا جميلة أو غير جميلة

يجب ان نعلم حقيقة واحدة ولاننكرها

( الشاب لايمكن أبدا أن يعتدي على فتاة إلا إذا هي سمحت له بذلك

سواء أكان بطريقة مباشرة منها أو غير مباشرة ، وسواء كانت تقصد أو لاتقصد ذلك )

وحده ملتزمة بحجابها تماما وبالطريقة التي أمرها الله لايمكن أن يرقمها أحد أو يلاحقها

مستحييييييييييييييييييييييييييييل

لايمنع من التكشخ والزينه

ولكن لمن ؟؟

حتى مجرد الصوت وهو صوت لايجب تنعيمه

( فلاتخضعن بالقول فيطمع الذي في قلبه مرض )

( ولايضربن بأرجلهن ليعلم مايخفين من زينتهن )

فيجب إخفاء الزينة منعا للفتنة والفساد

الله يفرج همك جربي معهم القوه اخبريهم انك اذ لم يقفو بجانبك و يطلقونك منه سوف تذهبي للمحكمه بنفسك وتدبري نفسك بنفسك وقوليها بعزيمه واصرار وعندها يخافون من الفضيحه وبرما يلبون طلبك