|
الزواج من اصــــلع....
اخواني اعطوني حل لمشكلتي.. هي مشكلة محيرتني من مدة.. انا انسان عقدت على زوجتي وباقي على زواجي اربعة اشهر.. المشكلة اني لما خطبت طلبت من اهلي اخبار اهل الزوجة اني (((اصـــــــــــلع))).. وبعد اتمام العقد بمدة اكتشفت ان اهلي لم يخبروا زوجتي واهلها بهذا الخبر.. وانا الآن في حيرة من امري..هل اخبر زوجتي بالموضوع؟ أم اترك الامر سرا حتى ليلة الدخلة؟ واذا اردت ان اخبرها ماهي الطريقة المناسبة؟؟؟؟؟
الحقوا على اخوكم... انا في وررررررررررطة.... |
لا الله يخليك
شو تستنى اوعى تتاخر للدخلة وبعدين هي ما شافتك قبل العقد:( وكيف بتستنى اربع اشهر يا الهي ما هدا التفكير:15: اسمع انا اعتقد انها لن تندهش للصلع عادي شي عادي بس ما تخرب وتخبي وبعدين كيف انت بتزورها يعني بنغطي راسك ولا كيف:24: |
السلام عليكم
اخي الفاضل اولا: مبارك عليك ياعريس وربي يتمم عليكم ان شاء الله ويألف بين قلوبكم ثانيا: لاتكدر خاطرك وتشيل هم اذا انت تكلمها لمح لها قولها يافلانها ابغا اقولك شي من اول ........بصراحه انا شعري خفيف شوي لأ لألأ مررره يضايقك شي اذا يضايقك نزرع شعر ورانا شي واكيد هي اذا كانت عاقله وتخاف ربها ومااخذتك الا انك على خلقك ودينك وطيبك واحترامك مارح تخلي موضوع مثل هذا يأثر عليها في اختيار الزوج واكيد الشعر مارح يأثر على السعادتكم وبعدن امزح معاها وقوله مو انا ريحتك من كل يوم ماتمشطي شعري وانا رايح الدوام:d يعني لطف الوضع واكيد هي عاقله وبتتأقلم وبتتكيف ولاتشيل هم ابدا ابدا وربي يسعدك ان شاء الله ويريح بالك |
هدي نفسك ،،، إن شاء الله موضوع بسيط ، و زي ما بنقول ... اللي تخاف منه مش يجي أحسن منه
مشرفتنا الغالية روح الغالي قالت الكلام الصحيح أهم شئ تدريج الخبر مش علشان هو خبر صعب لكن علشان بس صدمة أي خبر ممكن تكون أصعب من الخبر نفسه و ربنا يكتبلك الخير إن شاء الله |
أولا مبارك عليك, الله يتمم على خير
لكن أنصحك أن لا تنتظر يوم الدخلة, ممكن تتفاجأ و تجرحك بردة فعلها, و أكيد هي أحلى ليلة في العمر و مش لازم تترك اي شيء يكدر صفوها اذا كانت البنت عاقلة لن يهمها الأمر لكن نصيحة لك أخبرها بالتدريج بالتوفيق أخي الكريم |
والله جد ورررررررررررررطه
لكن شوف اول شي قبل تعطيها خبر إسألها وجس النبض من بعيد لبعيد في الجوال ( عشان ماترتبك وتكشفك ) :23: قول وش رايك صاحبي مسكين اصلع وخطب وحده بس ماعلمها والحين منحرج منها :25: مايدري وش يسوي وشوف وش تقول :25: إذا قالت عادي وش فيها أصلع مافيها شي ........ خلاص انتهت المشكلة ارتحت واذا زعلت وقالت ليش مايكون معها صريح من البداية ......... :11: فالله يعينك غطي راسك الين ربك يفرجها ، صدقني لو تحبك ماراح تهتم لأمر الصلع تراها مسألة عاديه وانا اخوك الأخلاق اهم شي |
مشي الموضوع طبيعي الى ليلة الدخله وحتى بعد ليلة الدخله وخليها تتعود عليك ولاتكبر الموضوع في نفسك ولا تعطيه اي اهتمام
الرجال عيبه في جيبه واغلب الملوك والرؤساء وكبار القوم صلع .................................... |
اقتباس:
اتفق مع كلام اخوي بس اتخبرها اذا شفت انها تضايقت ولا شي.. مو ااتخليها لين ليلة الدخله حرام والله.. |
سؤال محيرني
كيف بنت تنخطب وتنعقد وما تشوف زوجها ؟؟؟ ولا حتى صورته من حقها تراك يوم الخطبة ..كيف وافقت بدون ما تراك او تراها ؟ !!!1 |
اخي الكريم اظن انت مكبر الموضوع ومعطيه اكتر مما يستحق اكتر البنات يحبو الاصلع وانا واحده منهم مو مهم الشعر اذا الوحده بتحب الشخص اين كان شكله وفقك الله
|
طيب البس شعار مستعار(باروكه) اول ايام الزواج
بعد شهر العسل اكيد بتكون حبتك قلها انا عندي مفاجأه بتقول ايش هي :11: افصخ الباروكه:24: امزح بس اتوقع عادي بعض البنات مايهتمون بالشعر |
إذا إنه البنت مرتاحة ومبسوطة من الزواج منك صدقني ماراح تهتم لهالأمر كثيييير
حتى لو إنه في البداية كانت ردة فعلها غير ماتوقعتها بالأخير إذا كانت فاهمة وعاقلة ماراح تضيع رجل بعقل وبأخلاق علشان شعر !! |
لا أعتقد أنّ الأمر بهذا التعقيد .. هل سأرفض رجلاً كريم السّجايا بسبب الصحراء التي وجدت لها مرتعاً خصباً على رأسه ؟! لا والله ! إن كانت زوجتك عاااقلة .. فلن تهتمّ ! لكن عوّضها بكريم الخُلق ! وثق بنفسك حتّى إن صارحتها .. أشعرها بأنكَ لا تخجل من ذلك ! |
عاااااااااادي اصلا ماله داعي يقولون لها! شفيه الأصلع؟
صديقتي بعد ملكتها بشهرين طلعت مع زوجها لمطعم قالها عندي لك مفاجأة تحبينها هههههههههههههههههههه <<ذكي زوجها قالت وشي شال شماغه وشافت الصلعة تلمع تقول صح تفاجأت بس ضحكت على طريقته وعاااااادي مشت امورهم ماشالله وعندهم عيال الحين.. الصلع ماهو عيب... عااادي جدا ولاتشيل هم ابد.. والزوجة اذا حبت زوجها خلاص تنظر له بأنه كامل مكمل موفق أخوي |
الله يوفقك .. ان شاء الله رح تتقبل .. إذا صارحتها .. من البدايه
أسأل الله لك التوفيق .. |
بنااااااات الأيام هاذي يهتمووووون بالمظهر كثييييير
والشعر صراحة مهم .. ويعطي منظر وخطيبتك لازم تعرف انك أصلع قبل الدخلة .. لازم لازم أنا عندي فكرة حلوه تسويها .. لا تقولها دايركت انك أصلع .. بتنفجع المسكينه :eek: أول شي .. بلاش حكاية الثوب و الشماغ اللي تغطي العيوب و تحلي الواحد :( إذا رحت تزورها إلبس جنز و تي شيرت ... وكااااب (( أهم شي )) :cool: و طبعا رح يبان من تحت الكاب إنو ما في شعر ... وهي رح تلاحظ الشي هذا :11: ويمكن تسأل .. انت محلق ؟؟؟؟!!!!!!!!!! هنا اعترف و قولها الحقيقة واذا ما سألت خليك على هذا النظام ... جنز و تي شيرت .. كل مارحت تزورها :cool: وبعدين هي رح تتعود على شكلك .... و يصير عندها عادي أتمنى تعجبك الفكرة :d |
ممكن تروحلها يوم ببنطلون وتي شيرت زي ما قالت اختنا خلود.
وفيه حل ثاني انك تاخذ مجموعة صور لك بعضها وانت لابس اشماغ وبعضها وانت كاشف راسك وتقعدوا تتفرجوا عالصور الين ما تشوف الصوره اللي انت كاشف راسك فيها ،، وبعدها انتظر ردة فعلها.. بالتوفيق. |
| الساعة الآن 07:17 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©