|
اقرو اللي صار لي واحكموا عليه
سلااام كيفكم اعضاء هالمنتدى الرائع
حبيت اقولكم سالفه صارت لي قبل فتره وللحين احس كل ماتذكر هالسالفه انقهر حابه اسمع رايكم بالسالفه وشنو رايكم بردة فعلي في يوم اهل زوجي دقو علي وقالو لي راح نجيك اليوم الفلاني وراح نتعشى عندك قلت لهم حياكم الله طبعا اول وحده جات اخته المتزوجه واهله الباقي جاو متاخرين شوي وجاو وهم مكشرين طبعا الاخت المتزوجه سالت امها شفيك قالت مافيني شي قالت لها مايصير اكيد في شي صاير طبعا قامت اختها وقالت لها شصاير طبعا ابو زوجي متزوج على ثلاث وام زوجي اهي الاخيره وقبل مايجون لي كانت صايره مشكله بينهم وبين البيت الثاني والاسباب بالمرره ماهي جديده وطبعا صار كلام وشوي اهانات لام زوجي طبعا اخته المتزوجه لما سمعت بالسالفه قالت انا مراح اسكت وراح اروح لهم واسكتهم ومراح نرضى بالي يصير طبعا كل هالشي بصوت عالي وبدون مراعاه لزوجة الاخ وانها جالسه تجهز العشا بغرفة الضيوف اخذت اختها وطلعت وتاخرو شوي وبعدها رجعو ولا كان شي صاير جات الاخت المتزوجه ودقت على زوجها وجالها وراحت ولاحتى كلمة اسفه يازوجة اخوي نفس الشي اهل زوجي الباقي راحو مع السلامه ومشو وبدون ادنى اهتمام بعد ماصار هالشي بصراحه جلست من القهر ابكي وقلت لزوجي وسكت وماقالي شي والاكل طبعا خسرته بعدها دقيت على اخته بعد كم يوم وتكلمت معها تصورو علت صوتها علي وقالت لي المفروض انك تعذرينا ومدري ايش المهم قلنا كلام ومع هذا دقت على زوجي وقالت له تعال ابيك بموضوع طبعا انا قلت له قبلها تصورو تقوله اسلوب زوجتك ماعجبني بس الحمد لله زوجي صار مع الحق بصرااحه بنات شرايكم لو صار هالشي معكم تطبخون عشا من الصباح واخر شي ضيوفك يطلعون ولاكان شي ولاحتى كلمة العذر والسموحه اسفه طولت عليكم بس ابي رايكم تكفووون |
قله ذوق
|
لا تعليق
انا مصدومة من الموقف الا صار الصراحة مو عدله و معاك انت الحق |
تصير دائما وأكثر من كذا المهم ان زوجك معاك ولا يهمك غيره
والزوجه مالها الا الصبر من حركات اهل زوجها |
بصراحه يا اختي ما ابغي اعظم لك المشكله وازيد النار حطب:29:
في النهايه هم اهل زوجك والعراك معهم ما راح يجيب نتيجه غير الخساره اخذيهم على كدهم وصيري اكبر منهم العشا والتتعب خلاص راحو ما راح يعوضهم شي بس صحتك اللي لازم تحافظين عليها والله ولا تسوى تنرفزين اعصابك وتحرقين دمك على ناس ما تحط اهتمام وتقدير لغيرها عاملي الناس على ما هم لا كما تحبين ان يكونو عليه انتي لن تغيري فيهم شئ فهذا ما تربو عليه من صغرهم اي هذا ما نشئوا عليه فالبيئه التي انتي تربيتي فيها بالطبع ليست مثل بيئتهم فقولي الحمد لله انكي تربيتي في اسره علمتكي الاحترام والادب والتقدير اما بالنسبه لهم انتي اوصلتي لهم الفكره ومع ذلك فهموا بالطريقه الخطا تركيهم عنج واكسبي راحتج وراحت زوجك وجامليهم واعطيهم على كدهم انتي الحمد لله حياتج مستقره لا تخليننها تتنكد علشان ناس نكديين وحياتهم نكديه اقول لج شي ترى اهل الزوج دائما يحبون المجاملات سايريهم علشان تسير حياتج واقول لج شي ثاني مره ثانيه لين قالو بيجون لا تطبخين لهم شي لين ما تشوفين اعصابهم هاديه وما عندهم مشكله طلبي لهم عشاء من الخارج :) والله يساعدج ويوفقج تحياتي |
أستغفر الله العظيم حاسه فيج والله وزين منك صبرتي وإن زوجك معك الحمد لله
وعجبني رأي الهشمي أتمنا تنفذيه طلبي لهم عشا من برى أول مايجون البيت ولا تعتبي عليهم مره ثانيه لأن كل مشاكلهم بطيح براسك إنتي والله يعينك |
بصراحة انا مستغربة من موقف الاخوان والاخوات اللي ردوا عليكي
لانو الموقف عادي ... وانا بنظري انو كان لازم تعذريهم خصوصا لو ان هذا الموقف حصل لاول مرة وانتي اصلا علاقتك معهم جيدة راعي مشاعرهم ... وانهم كانوا في خربطة من مشكلة عائلية يعني هم استأذنوا انهم يتعشو عندك... وما زاروكي فجأة وهذا دليل حسن نية لكن لو تكرر هذا الموقف او موقف شبيه يكون قلة ذوق منهم |
حبيبتي معك حق تتضايقي ..
لكن أيضا المفروض تعذريهم .. وتتصرفي بحكمة .. وهي إنك قبل أن يخرجوا من بيتك ترفعين لهم من العشاء ليأخذوها معهم .. وقولي لهم كنت أتمنى أن تبقوا معنا على العشاء لكن إن شاء الله تأتوا مرة أخرى في ظروف أفضل .. |
لا حول ولا قوة إلا بالله..
( وبشر الصابرين.....) |
بصراحة لو أنا في مكانك
والله ولا أهتم عاااادي ويمكن أدخل معهم في المشكلة وتناقش معهم وأهديهم وأترك العشا يولي .. أكيد هم يعتبروك وحدة منهم وفيهم ومنتي غريبة عنهم .. وكانو مرة متضايقين ومالهم نفس للعشا وممكن قبل ما يطلعو تعطيهم العشا ياخذوه ويتعشو في بيتهم .... وكان بدل ما تتصلي تعاتبيهم تتصلي تعزميهم :27: مرة ثانية ويكون تجيبي لهم عشا من برا ...:d وتعاملي معهم دايما بالمجاملات وكوني أحسن منهم وكسبيهم عشان تكسبي زوجك أكثر وتبعدي حالك عن المشاكل .. والله يوفقك عزيزتي أم شموووع ....;) |
بصراحة لو أنا في مكانك
والله ولا أهتم عاااادي الصبر الصبر الصبر |
انا مع كلام بحرينيه ولكن وام عبدالله ... وشقراء السعوديه ......... كلامهم فعلا مزبوط ....لازم تعذريهم هم كانو معصبين ومشيو من عندك زعلانين يعني المشكله اللي صارت سدت نفسهم على الاكل ..والله غالب ان المشكله صدفه صارت يوم العشاء عندك ..كان المفروض تقولييلهم عادي ولا يهمكم والله زعلانه ان المشكله حصلت بيوم العشاء عندي لكن انا اعذركم ما عليه خذو العشاء معكم يمكن تتعشو بعد ما تهدا اعصابكم
|
مشالله عليك ياشقرا سعوديه تفكيرك حلو بس وين اللي يطبقه..
|
اقتباس:
كلام اختي شقرا السعودية هو عين العقل انتي اللحين اختهم لازم تشاركينهم وتحسسينهم انك معهم وقبل كل شي من خبرتك وتعامل زوجك معهم وردود افعاله شاركيهم بناءا عليها. كل الشكرا لاختي شقرا السعودية دمتي بالف خير اخوك هلال العالم |
بصراحة المفروض هاي الموقف ما يصير جدامك وينتظرون لين السهرة تخلص
بس الله يعينج من الحين أهم شئ زوجك ما يتغير عليج |
يا اختي اهل الزوج يسمون حموله
فمن اسمهم حموله وانتي ماعليك سوى الصبر والاحتساب |
والله ياشقرا كلامك يبغاله
واحده اعصابها في الفريزر مو في الثلاجه الله يعيين |
يا ستي
تيك ات ايزي:22: وان شاء اللهتكون اااخر المصايب ما بيسوى:11: :eek: تزعلي :11: وتكشري:( وتحرقي دمك :24: وتوجعي راسك:30: ويطلعلك حب:18: و تأهبي التجاعيد :rolleyes: عشان بنات ما راعوا اقل الاداب العامة واسفة لو كانو اهل زوجك :16: بس مشيها عشان زوجك حبيبتي:25: وخدي مني بوستين وطنشي طنشي طنشي طنشي:d :15: :14: ;) :o :o طيب:o خلص:) طنشتي حبيبتي؟؟؟:d :d اوه.. الحمد لله :15: يلا سلاااااام عليكم :15: :15: بنوتة أمورة:15: :15: |
انا لو مكانك يمكن تحز بنفسي لكن اراعي ظروفهم انهم معصبين ومش شايفين شي قدامهم تخيلي نفسك انت بالموقف
تخيلي اجتك مشكله لا قدر الله وكنتي عندهم ومن اللخمه رحتي طلعتي وحتى بجوز تنسي تقولين لهم مع السلامه يعني الواحد بس يعصب ما يشوف الفضى معلش حبيبتي هدي نفسك بس ترى الحركه العملتيها مو حلوه انك تصلتي تعاتبيهم كان سئلتيهم اول شي شو سار بالمشكله بعدين قلتي لهم بأدب واسلوب مزح انكم خلوتو العشى لي وانا عامله كتير يعني حبيبتي كل شي توقعي من اهل زوجهك هداهم الله واياكي |
الله يسامحهم على شان زوجك كل شي يهون
ولعيونه تحملي اكثر والحياه كذا مرح حلوه ومره شينه والله يعينك |
مشكوووورين على اللي ردو على موضوعي
بس صدقوني والله الشي يقهر وانا اللي قاهرني ماهو الاكل اللي قهرني انه مافي وحده اعتذرت ولاقالت العذر والسموحه يازوجة اخوي يعني اقلها يضعون اعتبار لزوجة اخوهم بس بعد هالموقف حسيت نفسي ان انا ولاشي ومالي اعتبار عالعموم مشكوورين على مروركم |
قلت ذوق
ويدل على عدم الاحترام انت اديتي دورك وزوجك راضي عنك لا تعيريهم اي اهتمام خليك مثل ما انت طيبه ومتسامحه وفي النهايه هم الخسرانين الله يوفقك اختي العزيزه ظلم الناس |
ربنا يصلح بينهم
|
بصراحة باين عليك صعبة ياحليل زوجك الله يصبره ويعينه عليك.
|
انا معك اختي ان الموقف يقهر
بس اكيييد انتي عارفه ضروفهم وماهي جديده بالنسبه لك اخديها بروح رياضيه والمسامح كريييييييييييييييم تحياتي |
هو موقف يضايق الصراحه
بس كان المفروض تعذرينهم خليك سمحه ..الناس عندها ضروف ضايقوك بس كان ماكلمتيها وقلتي خلاص ايش الفايده راحت خليك دائما الاحسن والاطيب عالاقل عشان زوجك |
اي الصراحه كللللش مو عدله المفروض مثل ما هم يقولون لج تقدرين الموقف هم بعد لازم يقدرون تعبج ووقفتج بالمطبخ عشانهم
|
والله يااختي ولا تهتمين ولايهز دمعه من دموعك الغاليه..
ياما وياما اهل زوجي يعاملوني وكأني عدوه وانهم متفضلين علي ويعاملون زوجت حماي(اخو زوجي)احسن معامله وحاطينها فوق راسهم مع انها ماتسويلهم شي ولاتهتم فيهم كثري المهم اهتمي بزوجك ولو تطبخين خروف محشي ويجون يشمون الريحه ويطلعون لاتهتمين واذا ماكلو شي طرشي الاكل بيت اهلك احسنلك وبيشكرونك وبيمدحون طباخك^_^ |
تكبرى وتاخذي غيرها لسى ما عرفتي غيرة الحريم
|
مشكووورين على مروركم وصدقوني كل وحده قالت الموقف عادي والله لو تجربونه تنقهرون اكثر مني
خاصه نوعيتهم انتو ماتعرفونها كثري ناس غير مبالين بمشاعر الاخرين ابداااا عالعموم الف شكر للي وقفو معي |
| الساعة الآن 06:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©