|
و كأنك يا زيد ما غزيت...!!
السلام عليكم و رحمة الله و بركاته
بصراحة اشتقت للمنتدى كثير و اشتقت لأهل المنتدى الطيبين ملكت قبل شهر و كم يوم قبل اسبوع البنت طلبت الطلاق تقول لأمها انها ما تبغاني و بعد المشاورات مع اهلها قالوا لي اعتبر الموضوع منتهي مافي الا تطلق البنت طيب انا ايش ساويت؟!!!!!!! قلت والله ما اطلقها الا لما يرجع لي كل شيء دفعته والا والله طلاق مافي والله مستعد اعلقها لا متزوجة ولا مطلقة ولو بعد خمس سنوات:( واقدر اقول هذي ثاني تجربة فاشلة...بعد الملكة هي و البنت اللي قبلها طلبوا الطلاق بدون سبب هل هذا سحر؟ هل هذا عين؟ والله ما ساويت حاجة غلط للبنت ولا عمري زعلتها جاوبوني ساعدوني لا اله الا الله والحمد لله على كل حال |
موضوعك لا استطيع ان ابدي رايي فيه لانه ما فيه تفاصيل حاول توضح شوي
وعموما عليك بالدعاء والقرب من الله فهو على كل شي قدير |
أخي انتهت حياتي
لا تحزن هذا إبتلاء من ربي لك ليختبرك أتصبر أم تجزع لاتحزن فكل الخير فيما يكتبه لنا ربنا أخي أصبر أصبر أصبر ( فعسى أن تكرهوا شيئا وهو خير لكم وعسى أن تحبوا شيئا وهو شر لكم والله يعلم وأنتم لا تعلمون ) أكثر من الإستغفار والدعاء ولك الحق في أن تطالب بمالك والمهر أخي قد يكون عين أو سحر كل شي جايز فأنصحك بقراءة سورة البقرة والمعوذات وأن تحصن نفسك أو أن تذهب لأحد من المشايخ الموثوق بهم وأسأل ربي لك العوض بالزوجة الصالحة بالقريب العاجل وفقك ربي لمرضاته |
اهلا بعودتك اخي انتهت حياتي ..افتقدناك ..
وبصراحة ازعجني هذا الخبر المؤسف ..لكن الله يعوضك ويصبرك يارجل .. وعندي ملاحظات على الموضوع ..طريقة طرحك كانت متشنجة وحزينة فلم نفهم الموضوع بالظبط ..لماذا طلبت زوجتك الطلاق ؟؟ ولماذا قبل اسبوع بالظبط ؟؟ هل تعتقد ان اسلوبك او ان هناك موضوع لم تذكره اصلا هو السبب ؟؟ ارجو التوضيح ..كما اننا لايمكن ان نجزم بوجود عمل او عين اصابتك الا بعد استنفاذ كل المرئيات ..الله يحفظك |
الله يعينك ياخوي
بس احنا مو فاهمين ايش اللي حصل عشان نقدر نعطيك الحل..... يمكن احد قالها شيء عنك ... صار قبل العقد نظره شرعيه ولا لأ ...يعني شافتك وشفتها....؟؟؟فالقوب جنود مجنده ... اسأل الله لك الفرج والتوفيق اختك ام حمودي |
يا اخواني ويا اخواتي
البنت تقول لأمها الرجل مافيه شيء بس انا ما ابيه والله كلام ما فيا اتكلم اخاف ارتكب جريمة اليوم ايش ناقصني علشان ترفضني البنت هذي واللي قبلها؟! والله انا مثل اي شاب عادي قسماً بالله بديت احس بالنقص والله ما اخفيكم اني بديت افكر بنظرية تقول فلها و لا تتزوج يعني اعيش حياتي والله اعتبر اللي صار تحطيمة ما بعدها تحطيمة.. |
هدي يا أخي أنتهت حياتي
أذكر الله أوما تثق بأن ربي أرحم بك من نفسك اعلم بأنك متضايق جدا ولكن صدقني بأن الخيرة فيما يكتبه ربي حتى لو لم ترى ذلك أمام عينيك وما يدريك لعل تكملة الزواج تكون عاقبتها وخيمة عليك أخي نحن لا نعلم أين الخير ولكنه موجود في قدر ربي لنا ثق بذلك تمام الثقة وثق بنفسك فلو تعلم أمر عمي لهانت عليك مصيبتك عمي والله لو لم يكن عمي وخطبني لوافقت وانا مغمضة العينين من جميل خلقه ودينه كم خطب وكم يمكن فوق العشرين مرة وفي كل مرة يرفض دون أي سبب كلنا رأفنا لحاله كل من في العائلة الأصغر منه قد تزوج حتى قارب الثلاثين لا أقول لك بأنه لم يكره أمر الزواج ولكنه لم ييأس ظل يحاول ويدعو وسبحان من سهل له أمر الزواج ورزق بزوجة ولا أزكيها ولكن نعم الزوجة خلق دين جمال طاعة للربها ولزوجها ربت بيت لم أرى مثلها وحياتهما من أروع ما تكون وكأن ربي عوضة عن ذلك الصبر كله فاصبر ياأخي وثق بنفسك كرر الإستغفار حتى تهدى أتعلم أخي عندما تكون في تلك الحالة وتتوضئ وتصلي يخرج الدعاء من قلبك صادقا تفتح له أبواب السماوات أسأل ربي أن يفرج همك وغمك ويشرح صدرك لما يحب ويرضى |
وعليكم السلام ورحمة الله وبركاته ..
والله فعلا افتقدناك يا اخي الكريم ... وقلت ان شااء الله يكون في غيابك خير ... بالنسبة لمووضوعك حاول تروح لمرقي معرووف بالخير والصدق ... ترقي نفسك .. حاول تبعد عن الاغاني واي شئ ممكن يكون سبب في غضب ربنا .. انا بعدت عن اي شئ ممكن يكون سبب في عدم استجابة الدعاء على سبيل المثال الاغاني ... ودائما شغل سورة البقرة وحافظ على صلواتك كلها حتى الفجر في المسجد .. وادعي ربنا بين الاذان والاقامة ... ووكل امرك لله ... ان شاااء الله بتتزوج كلنا بنتزوج ان شاااء الله وعما قريب باذن الله ... لكن لاتقووول اخربها واعيش حياتي ... لانك لو عشتها بهذي الطريقة راح تكوون مهمووم ... الله يكتب لك اللي فيه الخير ... ويحفظك من كل سوووء ... |
هلا وغلا اخي افتقدناك
الله يعينك يااخي هدي نفسك حاول تعمل مثل ماقالت اختي كبريائي |
اصلا الاسم يعني انك ماحطم
معقولة من ثاني محاولة تطفش خلي بالك طويييييييييييييييييييييييييييييييييييل الحياة كلها مشاكل وهذا اولا واخيرا ابتلاء والمؤمن مبتلى ويمكن انت استخرت الله والخيرة انكم ماتكملوا والحمد لله ما بينكم اولاد ولا تعصب الدنيا ما تستاهل |
الله يصبــرك ويعوضـــك كل خيـــر
|
الدنيا ماتسوى
والحياه امامك حلوة اذا تفاءلت |
والله ماقول غير الله يصبرك ويعجل برزقك
بس معقوله انها كذا من الباب للطاقه ما تبيك ، واهلها موافقينها ؟؟؟ بالغالب ان الأب خاصه او الأخ (ولي الأمر) ما ينصاع للطلاق الا لسبب قووووي ووجيه ،، مش لأن البنت ما ارتاحت لزوجها ؟؟؟ بخاطري اعرف تفاصيل اكثر ، يعني انت كنت تزورهم مابعد الملكه ، كلمتها شي ، حاورتها عرفت اشلون طباعها شي ؟؟؟ ولا خلاص من الملكه بس ؟؟؟؟ مابي اقلب مواجع ، بس بالمره الثانيه على طوووول قولهم الملكه وعقب شهر يكون الزواج ، وانت خليك جاهز من بيت واغراض وكل شي ،، عشان ما يكون التأخير من ناحيتك والله يوفقك ويسدد خطاك |
كل الطرق ما تنفع معها او مع اهلها
انخدعت فيها والله انخدعت يعني اذا بنت ما تبغاني ايش اسوي غير الطلاق؟! في مثل يقوله صاحبي: مالنا في الطيب نصيب و اكتشفت بأنه الجمال يولد الغرور |
اخي الحبيب ..
اصبر وانتظر ..الخطيبة الاولى لم تكن من نصيبك ..وربما هذه ايضا ليست من نصيبك .. صدقني ان فتاتك التي قسمها الله لك ستأتي ولو بعد حين .. ربما لم يقدر الله بينك وبينهن نصيب .. ولاتقلق على نقودك ومالك ..فسوف يعود لك ان شاء الله وآمل ان يكون بالتفاهم الجميل واالاخلاق الحميدة بدون مشاكل مع اهلها او غيرهم ..الشرع يحق لك ان تأخذ نصف المهر اذا طلقتها انت قبل الدخول ..اما اذا اردت المهر كاملا فلابد ان تتنازل هي عنه مقابل الخلع .. ولاتقلق او تفقد ثقتك بنفسك ابدا .. يقولون في المثل لدينا (الخاطب 1000 والعريس واحد ) .. وفقك الله |
وعليكم السلام ورحمة الله وبركاته ..
بالنسبة لمووضوعك حاول تروح لمرقي معرووف بالخير والصدق ... ترقي نفسك .. حاول تبعد عن الاغاني واي شئ ممكن يكون سبب في غضب ربنا .. انا بعدت عن اي شئ ممكن يكون سبب في عدم استجابة الدعاء على سبيل المثال الاغاني ... ودائما شغل سورة البقرة وحافظ على صلواتك كلها حتى الفجر في المسجد .. وادعي ربنا بين الاذان والاقامة ... ووكل امرك لله ... ان شاااء الله بتتزوج كلنا بنتزوج ان شاااء الله وعما قريب باذن الله ... لكن لاتقووول اخربها واعيش حياتي ... لانك لو عشتها بهذي الطريقة راح تكوون مهمووم ... الله يكتب لك اللي فيه الخير ... ويحفظك من كل سوووء ... وأنا اعرف كثير مثلك ... بل سافرو مناطق ثانية ... أصبر وماصبرك الاب الله ... |
أخي في الله لالالالالالالالالالا لاتجعل للشيطان عليك سبيلآ
ألا تعلم بأن المؤمن مبتلى .......وإن الله إذا أحب عبدآ إبتلاه ..... لاتقل مالي في الطيب نصيب ....... يمكن هى مالها في الطيب نصيب..... والذى حدث معك خيرة إن شاء الله ....... <فعسى أن تكرهوا شيئآ وهو خير لكم > أخي فكر شوي أيهما أخف ضررا الإنفصال الأن أو بعد مايجيكم أطفال وتقول لك أنا ما أقدر أستمر معاك....... والأطفال يكونون الضحية... أنا أنصحك طلقها ولا تعلقها وإعمل بأصلك ........و تفائل بالخير تجده....الله يعوضك خير منها وأفضل واحده تسعدك وتهنيك ........ وتجعلك من السعادة تغير إسمك ويصير .........< إبتدت حياتي> وتقبل أطيب التحايا |
هذه من آثار المكالمات قبل الدخله هي تريد اشياء وتحلم بها قبل الزواج وربما لم تجدها معك لهذا اقول يازينها من دخله بدون عرفه بعد الدخله تصبح بالواقع وتترك الاحلام الخرافيه مما سمعته من الفتيات الصغيرات المراهقات... اذا اقول لك .. لا تترك حقك ولو ريال واحد قل ساتزوج غيرها وبعد شهر وهي ستبقى عندكم الى ان استرد مااخذتموه مني ... لا تتغافل عن هذا الامر لاتقل تفاهم وانت لم تتزوج بعد حتى لو عقدت القران قصتك تقهر |
قصتي مو تقهر و بس يا اخ ساري
اعتقد في الأخير راح اتزوج من الخارج لكن الى الآن ما رجع لي شيء من المهر و الذهب و و و الخ...ريال واحد ما اتنازل عنه في تاجر عقارات يقولي اذا الأرض عليها مشاكل ما احد يشتريها و انا قررت اخلي البنت عليها مشاكل حرقت قلبي و ان شاء الله اذوقها من نفس الكأس اهلي قالوا لي نخطب لك اليوم قبل بكره قلت لهم ما عندي مانع وبعد كم يوم اسألهم يقولون لي لا جديد ما لقينا لك بنت الحلال.. وكمان ما اقدر اخطب و على ذمتي هالبنت اللي لسى ما طلقتها والى الآن مو راضين يرجعون لي ريال 75000 الف ريال خسرتها في الملكة ويقولون لي اهل البنت شارينك وانت شاريهم و و و مالنا في الطيب نصيب ولا حول ولا قوة الا بالله |
لاتفرط بحقك مهما يكن ..
الا اذا انت لاقى الفلوس بالشارع يمكن... وتنازل عن بعض مطالبك بالعروس وابحث عن ذات الدين... لان صدقنى بمجرد مايسمعون بخطبتك راح يجونك ويقولون لك طلق... وساعتها راح تقوله فلوسى وخذوا ورقتها والا خلوها عندكم...معلقة... |
خبر مؤسف اخوي.. الله يكون في عونك.. |
نصيحة من باعنا بعناه والبنات ياكثرهم البيوت مليانة مو معقول يا اخي من اول محاولتين تيأس
وين ايمانك بالله معقول تفكر كذا اجل وش تقول بالبنات اللي يتقدمولهم عرسان ولما تصير النظرة الشرعية يتركونهم تتوقع بيفكورا نفس تفكيرك ويقولوا بنعيش حياتنا هذي البنت مو من نصيبك وهي يمكن تندم لانها تركتك بس اقدار والمكتوب على الجبين لازم تشوفه العين بس انصحك ياخوي ماتتنازل عن فلس انت مو جايب فلوسك من التراب ولاتطلقها انت خليها تخلعك هي وبكذا ينرد لك كل فلس ومو لعبة ماتبيك وماتبي ترد لك فلوسك لا تتنااااااااااااااااااااااااااااااااااااااااااااااا اااااااااااااااااااااازل والله وياك وبالتوفيق |
اقتباس:
اذا عافت نفسك الاولى صحيح انك صرت متزوج الحين وكثيرات لا يرغبن بمتزوج وحتى هي ستصبح مطلقه قبل الدخله ... وهذه الاصعب .. لان الناس ستنظر الى الارض انها صارت عليها مشاكل خفيه ... ويتهربون منها .. وصدقني هم المتضررين اكثر منك ( كرت محروق ) .... اخبر اهلك بان يبحثوا لك عن واحده يعرفونها جيدا ويقولون لاهلهم ماحدث وانك عايفهم الحين وتريد الطلاق ولكن تنتظر ان يرجعوا لك فلوسك ... وفلوسك راجعه راجعه بحول الله لو تمرمطهم بالمحاكم ... يااخي والله قهر ادفع 75 الف بحرمه ... ليش انا عايب ... لا واعزب بعد ... لا ووظيفه بعد 30 الف ومن وراها بعد خذ من الناس الوسط والله هذه نصيحه عجوز قالتها لي واسمعها : ( لا تاخذ مدلعه مهما كانت ) فيه بنات اعمارهن 17 وماهن متدلعات وعقولهن اكبر من عقل الثلاثين وهذه عز الطلب / آآآه وانا اخوك لو احصلها وان شاء الله راح احصلها .. دور دور وراح تحصلهن بـ 40 الف بعد ... لاتقول ابي الخرابيط الثانيه ( مثقفه / قمر 14 / طول / وزن متناسق ) ... اقولك :: قل دين وبس والباقي خس انت تبي السعاده والراحه وهي بتوفيق الله فابحث اولا عن الدين فقط واعزم وتوكل على الله .. واترك كلمة شارين رجال اللي تسمعها كثير ( هذه بروتوكولات فقط ) اللي شارين رجال مايطلبون عليه مهر كبير 75 الف 30 الف مهر 25 شقه 10 حفل 10 تمشيه بعد والفزعات من الاصدقاء خلنا نقول 30 ماهو اريح لك واريح لها |
والله يا اخ ساري كلامك اعجبني و خفف عني كثييييييييير
تصدق كل اللي دفعته على حسابي الذهب بس كلفني 15 الف وابوي خسر في الاسهم خسارة جامدة بالملايين يعني خليها على الله يعني اقدر اقولك يا اخ ساري لو ما رجع لي شيء من اللي دفعته اكون خسرت شقى عمري و سهري بالعمل والله ما اكذب عليك آخر مره كنت بالمستشفى كان ضغطي 160 و هذا عمري 21 اجل اذا صرت 30 او 35 كم بيكون؟!!! مالنا الا الصبر و احتساب الاجر و نسيت اقولك يا اخوي اليوم اختي الكبيره لمحت لي تلميح عن السبب الرئيسي اللي جعل البنت تغير رايها و تطلب الطلاق والله يا اخي لو اقولك السبب ما تصدقني السبب انه انا مو من مستواها الدراسي لأنه ابوها بروفيسور بالمدينة و انا موظف ارامكو معايا الثانوية و حسبي الله و نعم الوكيل |
اخي الفاضل
ابدلك الله خيرا منها ولا تجزع من خيره الله بخصوص انك تطالب بحقك كامل فانا اوافقك الراي وهذا حقك الشرعي وانا معك الا تتنازل عنه وان شاء الله ربنا يبدلك الي احسن منها وانا مع الاخ ساري اطلب ذات الدين تربت يداك ونصيحه انتهت حياتي اصدق الله يصدقك |
اقتباس:
كانكم تتكلموا عن سياره فعلا (تحصلها ب30 وتحصلها ب 40) اعوذ بالله من الاستحقار!!! انا سمعت انه فيه تنزيلات في الصيف وبتلقو عليهم خصم 50% ولا كمان اشتر ي وحده وخذ اختها مجانا!!! محد قاله يدفع 75 الف ريال.. هو عارف انه ظروفه صعبه يمد رجوله على قد لحافه ،، لو رجعنا لايام اول كان لقيته دافع المبلغ والابتسامه شاقه الوجه وينه ذاك الوقت؟؟ اخي انتهت حياتي: سامحني ان كنت قاسيه (كلامي فوق) بس اسلوب الاخ ساري استفزني اتخيل انه احد يتكلم عن اختك ويقول ( حصلتها ب 40 ولقيت بنت عمها ب 30!!) كانهم غنم!!.. ارجوك تأكد من سبب عدم رغبة البنت بك ربما صدر منك شيء وانت مو منتبه وعلى نيتك الطيبه وصفاء قلبك الابيض وهي فهمتها غلط اما كلام اختك فهو غير منطقي لانه معقول توها اللي تنتبه انك موظف في ارامكو وهي ابوها بروفيسور! تاكيدي على وجوب معرفة السبب حتى تتفاداه المره المقبله.. اتذكر قصتك لما قلت شفت البنت في مطبخ بيتكم مع الوالده : ) الله يعوضك باللي احسن منها وتستاهلك.. |
نصيحه يا خوي..
انت ما رح تستفيد إذا أخذت و عطيت مع اللي يوافقك بالراي أو يعارضك.. و عيوب الناس .. المفروض تحتفظ فيها لنفسك .. و إن أحد سألك.. لا تكتم الشهاده.. لكن التشهير .. ما أعتقد إنه رح يجيب نتيجه.. بالعكس يأثر عليك إنت أكثر.. لاحظ عصبيتك.. بديت الموضوع هادي و شوف كيف صار حالك الحين .. و لا تنسى اللحظات الحلوه اللي عشتها مع هالإنسانه.. سواء بالكلام أو زيارات.. عالأقل تشفع لها إنك تتغاضى و تصفح و تنهي العلاقه بسلام.. مانت بخسران شي.. بالعكس تكون قمه في التعقل و الذوق .. قولهم شرط الطلاق أن ترجع فلوسك كامله.. و ما أعتقد إنهم مارح يوافقون.. إذا كانوا مصرين على الطلاق.. و 75000 مارح تعجزهم إن هم مصرين و أبوها بروفيسور مثل ما تقول.. و صير إنت الكريم و تجاوز عن الإساءه.. و قل لهم إنتم طيبين و البنت طيبه لكن كل شي قسمه و نصيب.. ماله داعي إنك تنتقم لأنك مارح تكون مرتاح بينك و بين نفسك.. صدقني كلمة مطلقه هي بحد ذاتها عقاب.. و يمكن في سبب ثاني لرفضهم بس كتمويه قالوا لأختك عن الشهاده.. لأنه العقل يقول هي تدري عن مستواك الدراسي مسبقا .. و إنت أكيد ما طقيتهم على إيدهم عشان يزوجونك إياها.. صح؟! و أنا أقول .. دام الناس خلاص ما يبون.. عادي مانت بخسران شي.. طلقها .. بالشرط اللي تبيه.. بهدوء دون محاكم و دون مشاكل.. رح تكبر في نظر غيرهم.. و ما أعتقد المستوى الدراسي يأثر و لا هو بمعيار لرجوله.. بارك الله فيك .. إنت إنسان فاهم و لك تجربه سابقه .. و هذي تجربه ثانية .. لا تعتبرها فشل أو إنه فيك نقص لا سمح الله.. هم الخسرانين .. و انت لازم تكون عندك ملاحظه .. تلاحظ في نفسك عيوبها و تتجنبها .. لا تقول ما فيني عيوب لأنه ما في إنسان كامل.. صح؟! أنا مليانه عيوب .. لكن ما استسلمت لعيوبي أحاول أصلحها و أسأل اللي معاي عن رايهم فيني و شو عيوبي.. و ما يقصرون ما شاء الله.. يمكن عندك سلوك غير مرغوب .. أو أسلوب حوار غير مستحب.. أو عاده مستمر عليها..أو يمكن أهل العروس شافوا لبنتهم شخص ثاني.. و يمكن يمكن .. يكون أحد يريد يؤذيك .. فطلع عليك إشاعه.. .. محد يدري.. أنا أقولك موقف قبل يومين صار لأختي .. قبل العقد بيومين .. طلعوا على خطيبها إشاعه شنيعه جدا.. مخطوبه له من تقريبا 8 شهور و لا أحد تكلم أو طلع عيوب على الرجال.. و قبل العقد بيومين طلعوا فضايح.. لدرجة الأهل كلهم كانوا مصرين إن الزواج ما يتم .. لكن لأن أختي كانت مصره على الزواج منه.. تم الزواج أمس الحمدلله.. لا تتسرع و حكم عقلك .. و لا تتصرف بعصبيه .. و تذكر .. (و الكاظمين الغيظ و العافين عن الناس و الله يحب المحسنين) بارك الله فيك و أسعدك في الدارين |
Crestalla خلاص نغير الكلمه الى ( نجدها ) واتمنى ترسلي لي على البريد مكان التزيلات حتى آآآخذ اثنتان ... الاستحقار في نظرك بس لان همك فلوس ... وتنظرين للناس اللي معهم سيارات وتقولين تشترون سياره غاليه ومراه ماتبيونها ... شايفه اللي حواليك بس وتحسبين الناس مثلهم ... شوف يانتهت حياتي اذا كانوا قريبين منك مره ... حاول تتفاهم معهم ... جب لهم من اهلك الكبار وخلهم يشوفون وش السالفه ووش هم ناوين عليه ... وبعدها راح يقولون لك وش تسوي .. وسواء بعيدين قلهم : ابي اتزوج .... اذا قالوا مافيه الا الطلاق ... قل خلاص ردوا حقي خلال هذا الاسبوع ابي اروح ادور رزقي ... اذا شفتهم يماطلون .. قلهم انتم وتعليمكم ان شاء الله بكره عند القاضي ... راح اطالب بزوجتي ... وهناك العلم والتعلم ...... لاتقرب المثقفه التي ترى نفسها اعلم منك ... الا ان كانت قريبه منك جدا فهي تقدر ( بنت عم بنت خال بنت عمه بنت خاله ...يعني قريبه جدا ) خفف على عمرك وانتبه لصحتك ... خليت ضغطي يرتفع معاك لاحول ولا قوة الا بالله |
لا حول ولا قوة الا بالله ان شاء الله فلوسك بترجع لك
بس ما لا داعي المسخرة وب40 وعلى 30 وغيره في عوائل ماتبي الا الستر وفي عوائل تبيع البنت بيعه وحط في بالك اذا اخدت البنت وعطيتها مهر هذي هدية مو اشتريتها بهالسعر |
اقتباس:
ايش اقول بس... يا بر الأمان كلامك صحيح و مقنع لكن اعتقد انهم بيماطلوا في ترجيع اللي دفعته وبالنسبة لكلامك عن العيوب كل انسان به عيوب لكن والله ما عمري قصرت مع البنت بشيء البنت قلبت 180 درجة مو عارف ليش؟! ما فيا انتظر و يعطلوني صرت انا اللي معلق والله ودي اخطب اليوم قبل بكره و اشكرك على الإفادة الطيبة جداً وانت يا اخوي ساري لا تزعل ولا ينرفع ضغطك ولا حاجة الدنيا ما تستاهل كلنا اهل و اخوان و اخوات بالمنتدى اقولك اخوي..البنت ما تقرب لي بالمره تحبني بشهر و تكرهني بلحظة و تستمر عليها يا ليت اعرف ليش تصدق اصحابي و عيال عمي و خوالي يقولون لا تتزوج الا بعد 7 او 8 سنين ايش رايك؟؟؟ الـلـه الـمـسـتـعـان |
اخوي
انت بعقلك تدفع مهر 75000 فيه احد يدفع المهر هذا الحين يمكن عقوبه لك على اسرافك اقول اخوي حقك خذه منهم غصب عليهم لاتتنازل ولا بريال <<<مقهورررررررره منهم لو تعسكر عند بابهم وتسوي مظاهرات ولاتكررها مره ثانيه وتدفع لاحد المبلغ هذا اذا انت من سعوديه حاليا 40000 ونعمه والي بيكشخ 50 الف |
اقتباس:
بصراحة الكل انقهر |
اقتباس:
حتى لو كان مهر وذهب الناس تدفع 40000 وتشمل الذهب واغراض البنت وحتمال تجهز بعض اغراض الشقه اختى مادفع زوجها لا 30000 ويوم قلت لامي بس ماراح تكفي اغراضها وذهب وتجهيز الشقه قالت امي(( انطمي )) تبين نقوال الرجال عطنا زياده والله بارك ربي فيهن بركة عظيمها شرينا منهن الذهب وملابس اختى وجهزنا اغراض مطبخ كامله مع بعض الكماليات اذا انتم الذهب يكون على الزوج لاتدفع مهر لا 30000 والباقي اشتر فيه ذهب |
ياخوي لايضيق صدرك ان شاء الله ترجع فلوسك وترا ال75000مو كثيرة وفيه ناس يدفعون100000غيرالمؤخر وربي يعوضك باخرى افضل منها ويسعدك0
|
اقتباس:
ماعليك اليوم رايق وراح تروق معي ان شاء الله :d الحب والكره كل البنات كذا ( ملل خفيف / العاده الشهريه / ضيقه بالبيت وهواش قبل لتكلمها انت ) امور بسيطه معليك... شف وانا اخوك ... عمرها صغير وهي بسن المراهقه لانك تقول ان عمرك 21 سنه وهي يمكن اصغر منك ... حاول تتفاهم مع ابوها انت شخصيا ... يبي يشوف رجال قدامه يعرف يتفاهم ... وانت ماشاء الله عليك ماعليك قاصر وقدها وقدود .... البنت اذا شافت تفاهمك مع ابوها وانك ملزم عليها وماتبي الطلاق لو ايش ..... http://www.tadawl.net/vb/images/smilies/marsa44.gif خلك فارس عندها ..http://www.tadawl.net/vb/images/smilies/marsa171.gi http://www.tadawl.net/vb/images/smilies/marsa88.gif قل فلانه زوجتي واحبها ولا راح افرط فيها لو تجمعت الدنيا كلها ... http://www.tadawl.net/vb/images/smilies/marsa106.gif راح تتجنن وتهتز مشاعرها :o http://www.tadawl.net/vb/images/smilies/marsa55.gif خل كلامك موزون بنبرة ثقل وصنعه ورجوله .... بدون شوشره كبيره .. خل زوجتك تحس ان وراها زوج يطالب فيها ويدورها لو خششوها بالمريخ .... مهما قيل لك ... ماعليك خلك قد كلامك ولا تتراجع .... وبعدها اطلع بهدوء واحترام وسلام ... وشف النتايج بعد ماتطلع .... اذا دقت عليك .... اترك الرومانسيه والدلع معاها .... خلك ثقيل ... وقل انتي زوجتي وماراح اطلقك لو وقف ابوك بوجهي فاهمه ... قلها انتي وبس والباقي خس ... وعاد انت ماشاء الله عليك عندك كلام اكبر من اللي عندي واكثر ... شد حيلك الطلاق مرفوض ... |
الخبر الجديد يقول:
امها اليوم كانت عندنا و سلمت الذهب بالكامل و باقي المهر و كمان اليوم ابوي يقولي بنؤجل فكرة زواجك لمدة سنتين يا لخيبة الأمل :( |
ليش خيبه امل يااخي يمكن الوالد يبقاك ترتاح قليلا
يعني مو ضروري سنتين يمكن اقل انت تناقش مع الوالد وشوف وجهه نظره الله يعوضك خير ويسعدك اختك:الحائــــرة |
اقتباس:
خلاص لا تأسف على اللي مضى .. خيره ان شاء الله .. و الحمدلله رجعوا حقك .. لا تشيل في خاطرك .. البنت نصيبها عند واحد ثاني.. و إنت نصيبك مع بنت ثانيه .. ان شاء الله أحسن منها بمليون مره.. و بالنسبه للوالد.. حاول تقنعه يخفف من المده .. سنتين كثير.. ان شاء الله يا رب تلقى بنت الحلال اللي تسعدك و تكون زوجه صالحه بمعنى الكلمه عاجلا غير آجل.. |
الله يعوضك خير يا اخوي والخيره فيما اختاره الله صدقني كله لصالحك ورح تعرف هذا بعد ما تتزوج بأذن الله اهم شي ما تيأس اجعل كل الناس تيأس وانت لاااااااء ما تسمح لليأس معك ابدا
الله يوفقك للخير وبرزقك الزوجه الصالحه عاجلا يارب |
(عسى ان تكرهوا شيئا وهو خيرا لكم )
الصراحة هي الخسرانه مو انت .. وان شاء الله تلقى اللي احسن منها وربي يعوضك .. واذا كان هذا السبب الرئيسي .. فاسمح لي اقولك ان عقلها صغير وهي انسانه تهتم بالمظاهر .. اقول ترى الناس بالاخلاق .. وترى الشغل مو عيب .. لو مهما كان اسمه شغل ولاقعدة بالبيت .. ولاتستعجل على الزواج تراك لاحق عليه .. ووسع بالك وروق ولاتنكد روحك .. فرفش وانسى اللي راح .. |
| الساعة الآن 02:56 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©