|
مشكلة علتني مع زوجتي ..يمكن توصل لإنفصال .. وابغى رايكم يا جماعة ؟؟
الســـــــلام عليكم :
صبحكم الله بالخير جميعا .. ماابغى اطول عليكم بسالفتي ولكن بحاول اختصرها لكم في البداية انا متزوج قبل سنتين تقريبا والحمدالله رزقني الله بمولود وعمره الآن سنه وكل شي تمام لــــــــــــكن عندي مشكله ونا اعاني منها منذ بداية زواجي الى هذا اليوم وذا ما انحلت بصراحه انا ما راح استمر مع زوجي حتى لو جبنا 10 عيال .. الا وهي " الحـيــــــاء" :24: اللي كرهت هالكلمة وكرهت اسمعها من اي واحد من كثر ما حومت كبدي مرتي .. كنت ملاحظ هالموضوع قبل زواجي من خلال مكالماتي لها بعد الملكه (اللي ماكانت تفتح معي اي سالفه مجرد مستمعه , حتى مجاملات ما كانت تجامل) وقتها قلت معليش نصبر :25: البنت اول مره تكلم رجال غريب في حياتاها .....( 4 شهور نفس الموال ولم يتغير شي )........ الخ وبعد كل هذا العناء من المكالمات اللي ما ودي اتذكرها .. تزوجنا :14: وقلنا الحمدالله بنصير نمون على بعض وناخذ راحتنا .... طبعا انا كنت حاجز طياره لماليزيا على طول من ثاني يوم بعد الزواج عشان نفك الميانه ونبدى حياتنا الزوجيه السعيده .. وسافرنا ,,,,,, وخلال السفره ما حصلت اي تغيرات (هي بلحالها وانا بلحالي ما بقى الا وكل واحد يسكن بغرفه بلحاله مع اني كنت احاول اخلق جو من المرح لكن مافي اي استجابه) طبعا حاجز الزوجيه كاسرينه قبل نسافر (عشان محد يعلل سبب الخلاف فيه). والبعض ممكن يقول ان الحرمه ما حبتك ( هذا الكلام غير صحيح لأن المحبه موجوده بين الطرفين) على العموم سافرنا وجينا وراحت الايام وكل يوم اقول بنمارس حياتنا الزوجيه بكل حريه لكن مافي فايده .. وصار لي الآن سنتين وكأني توني منزوج ما اقدر آخذ حريتي مع زوجتي , (عيب تلبس قصير وعيب نتروش وطف النور وحالتنا صعبه). ما أدري ياأخوان ويا خوات هل هذا طبيعي في مجتمعنا السعودي , وتقدرون تشوفون لي حل بصراحه انا مليت ؟ واللي ما عنده حل يكفيني دعاءه لي ............. والله يعطيكم العافيه |
سنتين وطفشت بدري يا بو حميد:d طول بالك الموضوع يبي له صبر اكثر يعني احسبها بالعقل طبعها اللي هو الحياء عاشت عليه خلنا نقول 20 سنة تبيها تغيره في سنتين صدقني صعب يعني انا رجال ما قدرت اشيل الحياء من طبعي في سنتين:d :d اصبر وصابر ورابط على الكلام الجميل وصدقني راح تصير هذه المشكلة بعد فترة بالنسبة لك مجرد ذكرى لا انسى ان اقول اللهم يسر ام اخي وأسعده وأبعد فكرة الانفصال عن خاطره |
طيب وش الاساليب والحاولات اللي بذلتها لنزع حيائها الى الان
ما سمعنا منك شي ؟؟؟؟ ولا طفشت وخلاص ... يا اخي بقولك انه نوعا ما توك في بداية حياتك ثاني شي حاول انت تجرئها حبه حبه بتصرفاتك مو معقول بتعيش طول عمرها مستحيه منك ؟؟؟؟ يعني هذا شي لا يصدق اما من ناحية صمتها فهذا هو طبعها ... اتوقع وصعب تغيره |
السلام عليكم...
اصبر عليها كمان...وحاول بتصرفاتك تزيل خجلها حبة حبة...مثلا..روح السوق واختار لها فستان على ذوقك ومن النوع اللي تريدها تلبسه...وبعد ما تقدمه لها بطريقة رومانسية وحلوة...اطلب منها تلبسه في ليلة معينة...وإن شاء الله ما تخيب ظنك...وإذا ما لبسته لا سمح الله...اعمل نفسك زعلان...بس بالراحة...قول لها..كان نفسي اشوفك وانت بالفستان...لكن الظاهر ذوقي ما عجبك...ومن هالكلام...وشوي شوي إن شاء الله ومع اتباعك النصائح من الأعضاء ومن ابتكاراتك كمان راح يروح الخجل... ابعد فكرة الانفصال عن بالك...هذا مو حل.. الله يوفقكم |
اقتباس:
|
اقتباس:
واذا كان عندك اقتراحات لا تبخلين علينا :rolleyes: ؟؟؟ |
أخي الكريم
أقولك بصراحه أنا الان دخلت السنه الرابعه وأيضا أحس بحياء من زوجي ولكن أتظاهر أني جريئه ,ان محد يهمني :11: ولكن زوجي ولله الحمد والمنه يجاهد ويصبر حتى فك عندي عقدة الحياء بطلباته اللي يطلبها مني وأقوم بتنفيذها وأنا في شدة الحياء لكن مع مرور الوقت أصبحت أكثر ثقه ولله الحمد بفضل الله ثم صبر زوجي علي فأنا ضربت لك هذا المثل لتدرك أن أمثالك كثير وأمثال زوجتك كثير بس عاد أنت اللي بشطارتك تقدر تفك حياها:18: |
استحملها شوية ولا تبعد عنها ولاتخليها على كيفيها
يعني لا تعطيها فرصة لحالها لمجرد انها خجلانة زوجتك محتاجة منك الحاح طويل ومستمر بطريقة حلوة وجريئة مثلا جيب لها اللبس اللي نفسك تلبسه وشجعها تلبسه وذا رجعت ولبست ستايل ما يعجبك قول لها تبدله وتلبس غيره لنه أحلا بكثير عليها .. والظاهر زوجتك ما عندها ثقافة زوجية كافية بهالسوالف.. يبغا لها وقت وترا معظم البنات كذا زي زوجتك وفي بعض البنات يعتقدون ان الزوجة أحلا تكون خجولة ونه الزوج يحب الزوجة الخجولة .. حاول تبين لها العكس ... الله يوفقكم ويخليكم لبعض ويهنيكم ...;) |
لا حرام عليك اخوي والله ما اتتريق ولا شي :(
|
الله يفك اسرك عزيزي احمداوي
|
اقتباس:
الفرس من خيالها وليش تطاوعها ..................... ولعلك تفهم من دون تفصيل |
اعذرني .. صدقني المشكلة فيك انت , لأن الزوجة متى ما رات زوجها متكفل بكل شي
ركنت عليه , لكن لو رأت منك , الحرمان , والبرود , والتجاهل , مع الإحتفاظ بالتعامل بالأخلاق وأنك قد تغيرت بسببها ,سترى التغيير فيها فهي ضمنتك انك لن تفر منها قدر انملة , فلا تحتاج للبذل للسيظرة عليك , فالكثير من النساء تتصنع الحياء , لتشبع رغبات أنثوية داخلها , على حساب شخصية الرجل , خاصة اذا كان طايح عندها , ومؤدي دوره بزيادة على حسابه الخاص , فجرب الطنااااش والإهمال , سترى التغيير |
اخي الفاضل ... اللي يجي بعد مُعنا ه وجهد ...ما في احلا منه ....والشاطر يفهم...وكل ممنوع مرغوب هذا من جانب ومن جانب اخر انك في حاله رغبتك في أقامه العلاقة الحميمة بينكما _وقد تكون رغبتك ان يكون هناك أضاءه_فلا تطلب منها عمل ذلك الى عند بلوغ الشهوة لديها لذروتها فعندها قم بإشعال الاضاءه وعلم انها في ذلك الوقت سوف تكون أسيره بين يديك _اما ان كانت من أصحاب الرغبة الجنسية الضعيفة فالله يعوض عليك- ...كذلك في حال انك تريد الاستحمام معها وهي رافضه فعليك وبطريقه ذكيه ان تدخل عليها إثناء استحمامها كانها مجرد صدفه وجرب اكثر من مره وفي أوقات مختلفة ومتفاوتة حتى ينكسر منها حاجز الحياء من ناحيتك –ابعد أي اداه يمكن ان ستخدمه زوجتك لقفل باب الحمام _ |
اقتباس:
|
اقتباس:
|
اشكر جميع اللي شاركو معي
|
ربنا يسعدكم ويسعدنا و يسعد جميع الازواج....آآمييييين
|
وليه يطنشها يااخو رادع بالعكس انا بنت وفاهمه اللي عليه
" " اخوي احمداوي قد تكون الفتاة فعلا تخاف ان تكون جريئه معك فـ تتهمها من باب من متى انتي جريئه مع الرجال؟ اما اعرف قصص كذا وحده تقول انها كانت تسوي لزوجها الهوايل وفي الاخير طلقها يقول انا مااعيش مع بنت قليله حياء ..! اكيد لك تجارب في السابق !!!! عاد انت بيّن لها ان هالشي عادي بين الزوجين والمفروض مايكون فيه حواجز وبين لها انه يبسطك هـ الشي وريّحها نفسيا من ناحيتك ولاتخلي هـ الاشياء هاجسك فمع مرور الوقت تزول ويزول الحياء الغير مرغوب فيه ان شاء الله |
اقتباس:
على العموم انا حطيت في راسي السنه هذي وراح احاول جميع المحاولات لو ماافادت بعدها لكل حادث حديث |
\\
اخي الكريم 00 ربما ليس خجلاً بقدر ماهو عدم ثقة بالنفس ربما تخجل من جسدها 00 وتخشى الا يعجبك مظهرها 00 \\ اظنها تحتاج للتشجيع بالدرجة الاولى 00 اكثر من الغزل بها وامتداح جسدها لعلها تتجرأ ان تظهره امامك \\ بالتوفيق |
بالاول لازم يكون عندها استعداد للتغير
واذا لا فراح تحتاج مجهود اكبر في سبيل تغير حالها لما تحب واذا هي رافضه الفكره وماتقدمت معاك ولو شوي في سبيل التغير من حالها والتجديد في علاقتها معاك فالله يعينك لانه هذا يعتبر اصرار على عدم التغير حاول معاها بالاضاءه الخفيفه جدا ممكن انها تتشجع شوي .. على ضوء شمعتين بس ويكونو بعاد عن السرير .. ومع الزمن راح تتغير بأذن الله صبراا جميل والله المستعان تحياتي لك |
اهلين اخوي ترى كلنا الحريم كذا بس عليك بالصبر وانت ابدأ بتغيير اللي موعاجبك يعني انزل انت واياها السوق واشتري لها اللي انت يعجبك طبعا اقصد الاشياء اللي تلبسها عندك ،، شيل مفتاح الحمام من الباب (وحده زوجها مسويها فيها:o ) يعني هذي الاشياء ماراح تتغير فيها الا بمساعدتك .. على فكره لا تنسى لما تسوي اللي تبيه لك امدحها واثني عليها عسى الله يوفقكم ويسعدكم .. |
اقتباس:
وبعدين ممكن تنفصل عنها وانتو بينكم طفل ..!! الحين قوم صارحها بـ كل هواجسك وكل الاشياء اللي مضايقتك فيها وراح تشوف وش وجهه نظرها في الموضوع هذا راعي طبعا التوقيت اقصد طبعا الدوره والاسلوب المناسب في مناقشه مثل هـ الموضوع والله يوفقكم ويهنيكم ببـعض |
اخوي الكريم احمداوي
انا من رائي انك تحورها وتكلمها كيف تستحي وصار عندكم طفل واذا لاسمح الله ماتجوبت هددها بشويت كلام يمكن تتحرك (واعذرني على هل كلمه) وحط احتمال الطلاق بلزباله انت عندك عيال حرم يتشتتون اتمنى اشووف حياتكم سعيده سووى مع بعض وتقبل تحياتي اختك في الله ........... |
الحياء شيئ حلو وجميل وصدقني شوف تشتاق له وخاصة اذا خذت عليك وجه اسأل مجرب
|
والله ماقصرتو معي كلكم
ان شالله راح آخذ رأي كل واحد فيكم وانسخه بالجوال كخطوات لعلاج المشكله وراح ابشركم بعون الله اذا انحلت العقده |
اخي كلمها بصراحة امدحها بالاول واظهر حبك لها بعدين قلها انه في اشياء مضايقاك واسالها اذا تحرص على رضاك واذا تحبك وقلها اللي مزعلك <<<<<ونزلها محلات لقمصان النوم خلها تجيب كم واحد جديد وفي حركات واختار معها وقلها تلبس لك الجديد <<<< واذا طفت الضو في نص الموضوع شغله وقلها انا هيك حابب
الله يوفقك وشيل فكرة الانفصال من بالك لانه الواحد لما يكون اسرة يبني بيت ومو سهل هد البيت |
اقتباس:
أخي رادع اتق الله ولا تثقل صحيفة عملك بآثآآم ليس لك طاقة بها . دائما في ردودك تحث على الهجران وهو ثاني طريقة سنها الشرع لتأديب الزوجة . وكذلك انت لم تسمع المشكلة الا من طرف واحد !!! والله سبحانه عاتب داود عليه السلام لأنه لم يسمع من الطرفين . قد تكون زوجته مظلومه وقد تكون غافلة وقد تكون فعلا تستحي ... فهل لك طاقة على دعوة مظلوم او دمعة مقهور ؟؟؟!!!! أنت دائما في ردودك تتجرأ وبدل من ان تكون ناصح تكون من شياطين الانس,,,, فولله لايدخل بين الزوجين بسوء الا شياطين الجن والأنس . تذكر قبل كتابة اي رد واي مشاركه ان من تدافع عنهم في الدنيا ,,,,, و ان الرجال الذي تتكبد عناء تحريضهم على زوجاتهم .لن ينفعوك في يوم الفزع الاكبر,,, ولن يشفعوا لك ولن يبرروا تصرفك ( لكل امرء منهم يومئذ شأن يغنيه ).. وسوف تندم حين لاينفع الندم ولن ينفعك الا عمل صالح او كلمة حق او دعوه من اخت واخ لك في ظهر االغيب,, الرجال الذين تحرضهم وتبرر لهم سوء تصرفهم و تؤلبهم على زوجاتهم وانت لاتعلم حقيقة من المخطئ ومن المتجني لن يحولوا بينك وبين الظلايم في الآخره . فلا تدع حقدك على النساء يعمي بصيرتك ..ولا تعمم السوء على كل او معظم النساء. بسبب خطأ من امرأه واحده تعرضت لك وهي لاتمثل الا نفسها لاتمثل شريحة كبيره من النساء الطيبات. |
| الساعة الآن 10:17 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©