|
انظروا ماذا فعلت أختي
بسم الله الرحمن الرحيم والصلاة والسلام على سيد المرسلين في ليلة غاب عن صفحاتها العواذل وخلت بحمد الله سطورها من شر النوازل قبل سنوات قليلة كان كتب كتاب أختي التي تصغرني بسنين يسيرة وكالمعتاد كانت الوليمة صغيرة وكانت النية ان تقام بعهدها وليمة للفرح كبيرة وفي ليلة كتب الكتاب تجمع لها الأقارب والأحباب ليلهفوا ما على الصحون مما لذ وطاب حيث ان المسألة فرح ولا مكان للعتاب:d وبعد كتب الكتاب وانصراف المأذون وبعد ان لهف المعازيم ما في الصحون:( طلب عريس اختي المصون ان يرى أختي:o ولكي نبتعد عن عيون العواذل رتبنا لقاء في غرفة بعيدة عن المنازل وكنت انا الحارس الشخصي لأختي فطلب عريسها طلباً طبيعياً وقال هلا انقشعت عن وجهي لدقيقة واحدة لأتكلم مع زوجتي:( فانقشعت وعدت بعد 56 ثانية بالتمام والكمال لأتفاجأ به يضحك ويقول لو سمحت وخر عن دربي فأنا أريد ان آخذ زوجتي لبيتي نظرت كالأبله لأختي وسألتها ماذا جرى قالت اتفقنا انا وزوجي ان نقتصر على وليمة كتب الكتاب ونعلنها زواجاً ايضاً وخرج زوج اختي وكلم ابي وأباه وأعلنوا على الملئ ان هذه الوليمة هي وليمة لكتب الكتاب وللفرح وسيأخذ العريس عروسه لبيتهما من هذه الليلة وقام النساء يرقصن ويقلن لي لي لي لي لي لي لي لي لي:d وذهب العريس بالعروسه اذهلني موافقة اختي على اختصار الموضوع لعلمها ان زوجها بدون وظيفة وأن اباه هو الذي تكلفل بتزويجه واذهلني اكثر جرأة عريس اختي على طرح الفكرة التي كنت انوي طرحها بعد كتب كتابي ولكني آثرت السكوت طلباً للسلامة قصة سعيده صح والاسعد انهما الآن لديهما ابنة جميلة ويشطبان فلتهما الجديدة بعد ان فتح الله على زوج اختي وأبوه وبنو فليلتين متجاورتين فبالهناء والعافية يا زوج اختي:19: :D وليت كل الفتيات مثل اختي صحيح |
.
. |
اسلوبك رووووووعه في سرد القصص عزيزي فاغر ..
وبصراحه ونعم الاخت والله عزيزي فاغر ... والله يوفقهم ويرزقك بوحده احسن من اختك ... |
تصدق ايام الملكه كنت اترجى زوجي انه ما يحط عرس
وهو يقول الا بحط .. موب على كيفك:d يعني الرجال انواع البنات انواع ما عمدي مشكله اختصر كل شي بس على طول من يوم الملكه ... احس اني بتخرع ما اعرفه زين ..:27: |
امممممممممم
تبي الصدق :d ماعجبتني الطريقة كل شيء له حلاته معليش يكتفون بالحفله الكتاب:14: ويتزوجون بعد فتره بدون عزيمة وخرابيط والله احسه فشيله قدام ابوي وخواني بيقولون ماصدقت:o لكن تكون ليلة الزواج بنفس ليله الكتاب ومافيه استعداد نفسي قبل ماتنفع :25: هذا رايي وكل شخص له وجهة نظري:) واكثر الله من امثال اختك اذا كان الرجال يرغبون بهذا الفكره |
؟
اخي فاغر... اصبحت اعرف ان الموضوع لك بدون ان اقرأ اسم الكاتب
اسلوبك فكاهي وجميل والله يسعد اختك ويسعد زوجها... هيا وافقت استعجالا بالزواج ام توفيرا على العريس؟؟؟ :d |
حياك اخي ابو باسم وجزاك الله خير أخي وليد موافق موافق موافق موافق :d :d :d :d حياتك أليمه:d كان نفسي زوجتي تقترح هالإقتراح ما كان جلست عشر سنين اقسط البنك:d :d ريفان تصدقين نفس تفكيري قلت لهم مو مشكلة ما فيه فرح بس نخليها الاسبوع الجاي ونسوي عشى صغيرون وبالتوفيق ما وافقوا:( ام عبد الله أحد جاب سيرة (توفيراً على العريس):25: :d |
الله يوفقهم ويسعدهم
لكن من رايي ان الزواج له استعدادات خاصه من كوافيرا ولبس ومقاضي وزواج اختك كان خذوه فغلوه |
ماشالله تبارك الله
ونعم التربيه ووالله اني جسمي يقشعر وانا اقراء الله يسعدهما ويهنيهم ويملا بيتهم ابناء وبنات ماشالله اقتباس:
اضحكتني الله يضحك سنك دائما مواضيعك مميزه تسلم |
اقتباس:
محد جبرها :25: وربنا يسعدها :d |
اخي الكريم والله اختك عقلها بيوزن بلد الله يحفظها ويسعدها مع زوجها يارب
|
الله يوفقهم
|
اقتباس:
حنا ماذبحنا في هالبلد ولا كرهنا الزواجات الا بسبب هالإستعدادات اللي تثقل عالزوج وتضيق عالمرأه وتخليها تاكل هم العرس............ استعدادات و استعدادات وووووووووو ياناس الزوج مايبغى الا لبس نظيف وحليو ويشيل حرمته ويبوسها مهوب يتأمل في فستانها وخرابيطها ولو تسألون اي زوج وشو شكل فستان زوجك يوم عرسك او شكل الكيكه او لون الورد والله ما يدري. العوانس عندنا في تزايد وكل هذا من هالأمور نسينا قول المصطفى صلى الله عليه وسلم ( أعظم النكاح بركه ايسره مؤنه) ياليت زوجتي قالت لي بعد الملكه خذوني فغلوني .... ولاقالت نبي عرس وطقطقه ونبي القصر الفلاني اللي بمبلغ وقدره وكان كل هتمامها العرس وملازيمه ..... احححححححح بس والله يوفق اخت كاتب الموضوع |
\\
فاغر 00 اضحتني من قلب 00 اسلوبك رائع 00 اما الفكرة فقد طلبها زوج اختي منها فـ رفضت اختي طبعاً \\ الف تحية |
ماادري ليه احس ان لو زوجي طالب هـ الشي مني ابستغرب وبيضيق صدري
شلون يعني انا رخيصه لدرجه ياخذني من بيت اهلي بدون طقطقه وفرح انا ماقلت اسوي زواج كبير واصرف فيه نص مليون ! كان زواجي مرتب وعائلي وفي البيت وماصرفنا فيه ولا 50 ألف وكله من الوالد الله يحفظه يعني ماله داعي يتشرط الزوج في الحفله الحفله لي انا وانا اللي سويتها وبعدين اختك وزوجها ضيعّوا حلاوة فترة الملكه ..! يازينها من ايام ايام الشوق والرسايل والنطه عندنا في البيت كل اربعاء هههههههه فاغر من جد ضحكتني بـ انقشعت عنا دقيقه هههههههههه اسلوبك حلو بس الفكره انا ماوافقت عليها |
تعجبني كتاباتك أخي فاغر وعفويتك في سرد القصص
بارك الله فيك وأكثر من أمثال أختك تحياتي لك |
الأهل هنا متفهمين ما شاء الله :22:
ولا همهم عادات وتقاليد وكلام ناس |
الله يهنيهم ويسعدهم ويبعد عنهم الحساد
|
مدري احسها صعبه كني ماصدقت خبر احس لازم استعداد نفسي على الاقل :24: مشالله على اختك ربي يوفقها اخذتها تساهيل وربي سهلها عليها بس ماش الحركه قويه |
اقتباس:
جزاك الله خير وليه يقشعر:d القصة وما فيها ان العروسه للعريس والجري للمتاعيس:d |
corazon جزاك الله خير احمداوي احححححححححح بس كم سنة باقي على الاقساط انا خلصت سبع وباقي ثلاث:( وجزاك الله خير كاره الرياضيات مو معقول ضحكت اخيراً ههههه ضحكة دايمة يا رب وجزاك الله خير سموك سلفر :) مي تو كولد هرررر ومو حكاية رخص وغلا اختي حكاية راحة بال وقناعة وجزاك الله خير ميمي900 جزاك الله خير وحياك الفتاة هو ما ذكرتي فجزاك الله خير خلود حياك الله وجزاك الله خير ريماني مراحب ولا قوية ولا شي :) بس القناعة وينها وجزاكم الله خيراً جميعاً |
| الساعة الآن 02:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©