|
مشروع ابن باز رحمه الله
السلام عليكم ورحمه الله وبركاته
انا بحاله حيره وترد وابي اخذ رائيكم بمشروع ابن باز للتزويج هل اسجل معلوماتي مع العلم انه اهلي لايعلمون بذلك او مااسجل ؟ متررده مادري مرات اقول بسجل لكن اتالم اقول لو يجيني من غير افضل اخاف بعدين يقول سجلتي ومن غير علم اهلك لان تسجيل البيانات يسالك هل اهلك على علم او لا؟ الله يسعدكم ابي رايكم بكل صراحه محتاجته ضرورره والله يجزاكم الف خيرررررر |
السلام عليكم ورحمة الله وبركاته
أختي ويبقى الأمل الفاضلة أنا أعرف وربما أكون مخطئا أن المشروع لتزويج الشباب .. يعني الشاب من يسجل بياناته وليست الفتاة .. ربما كنت مخطئا.. عموما .. لوكانوا أيضا يستقبلون بيانات من فتيات فنصيحتي لك أن تستشيري أحد إخوتك في هذا الأمر وهو من يسجل بياناتك .. واسالوهم إن كان من الضروري علم الوالدين .. أو اتصلي بهم واستفسري بنفسك .. ولا أدري إن كان مشروع تزويج الشباب والفتيات مدرجا في موقع الشيخ ابن باز أم لا على كل هذا هو الموقع أيضا .. ربما تجدين فيه شيئا يخص ذلك. www.binbaz.org.sa اتمنى لك التوفيق والسعادة والعون من الله |
الله يسعدك على الرد
انا دقيت واستفسرت منهم فقال ان الفتيات تسجل فقط بالتلفون ولا تدفع اي مبلغ ولا يشترط علم اهل فقط سالني هل اهلك عندهم علم قلت لا وقال تريدين التسجيل قلت ادق بعد يومين واشوف اذا بسجل واما الشباب يلزم الحضور ودفع قيمه 500 ريال ويسجل واما اخواني انا عارفه ردهم لو قلت لهم راح يرفضون ان يسجلو بياناتي وحتى لواستشرتهم بيسون لي سالفه مااادري؟؟ اكرر شكري لك |
سبق واتصلت عليهم.. واسم قسمهم وحدة التوفيق
وتحطين بيناتك ومواصفاتك عند موظف بدون مقابل.. ومن فترة بسيطة اتصلت ووضعت بيانات ثنيتن من صديقاتي بس ماحطيت اسمي ماقدرت انطق اسمي ولااقول مواصفاتي بصراحة! قال الموظف اذا جا احد مناسب كيف نعطيكم خبر؟ لازم يكون تواصل بينا وبينكم << هنا صارت مشكلة كلنا بنات وصعبة نعطيه ارقام الجوالات! قلت خلاص مابين فترة وفترة نتصل .. كل بنت اعطاها رقم ملف وقال اذا اتصلتو قولي اسم الملف واقولك جا احد مناسب ولالا بس تبغين الصراحة قمة الإحراج لأنك تقولين مواصفانك بدقة ولرجل!! والله كنت محرجة جدا وانا اقول مواصفات صديقاتي.. لكني اتصلت لأنهم كانو بلحظات شديدة وضعيفة جدا وحبيت اساعدهم وهم اللي طلبو مني وبدون مايعرفون اهلهم على فكرة حتى الخاطب مايدري انك جاية عن طريقهم.. كأنهم سمعو فيك ومدحوك وأعطوه رقمك وأي استفسار انا حاضرة.. |
إختي : ما تقديرن تكلمين الوالدة بس ؟ لازم الإثنين ؟!! تحياتي لج ، إختج : خلك إيجــــــــابي ! |
شوباااارد
الله يريحيك برضى الرحمن انتي تقولين على فكرة حتى الخاطب مايدري انك جاية عن طريقهم.. كأنهم سمعو فيك ومدحوك وأعطوه رقمك كيف مايدري انتي سالتيهم عن هالنقطه اكيد؟؟؟؟سمعو فيني من وين وكيف؟ نفسي ادري معلومات اكثر؟ طيب اذا مايخبرونه اني متصله ومسجله ليه ياخذون مواصفاتي ؟؟ليه ماكيتفون بالرقم والسن؟ لاني متخوفه يقول جيتي من طريقهم واهلي مستحيل يوافقون لو اقولهم سجلو لي بياناتي ولا عندي اي صديقه ثقه يعني لازم انا اسجل حالي ولا راح اعلم اي انسان الله يسعدك ويفرج همك يااااااارب خلك ايجابي ماقدر ابداا اخبر امي اح تعلم كل البيت وراح يرفضون ويسون لي سالفه مشكوره على المرورك والله يجزاك الف خيرررررررررر |
اول مره اسمع عن المشروع >> مو عايشه بالدنيا بذل الاسباب مطلوب لكن صدقيني مافي مشروع ناجح ومضمون الا مشروع مع الله لارسوم ولااحراج ولاشئ الله يسخرلنا ازواج صالحين ويمن علينا بفضله عاجلا غير آجل ويوفقك وييسر لك امورك |
اقتباس:
قلت له احراج عند الرجال لما يعرف ان البنت من عندكم تعرف تفكير رجالنا قال احنا نقوله ان احنا نعرف ناس طيبين ونمدحهم وكأن وحدة من حريمنا وشافتها وسوت فيهاخير وقالت عنها بدون ماتدري البنت <<والله هذا كلامه بس قالي اذا اهل البنت قالو من وين انت جاي؟ راح يقول من المشروع اكيد!! الا في حالة انك انت الآن اعطيتني اسم معين ..مثلا عطينا اسمك نحطه بملف صديقاتك عشان اذا انخطبو نقول جايين من شوبارد مثلا فهمتي علي؟ بس احتياطا اختي كلمي واستفسري يمكن تغير عندهم شي بس والله هذا اللي صار معانا.. وكل نقطة انت خايفة منها قولي له لأنه مرة متعاون الله يجزاه خير ان كانه هو بعد نفس الشخص او تغير مادري موفقة اختي |
اختي ويبقى الامل حسب علمي ان فيه باحثات اجتماعيات عندهم .. تحط البنت والرجل مواصفاتهم والمطلوب ويسجلونها بورقه عندهم ... اذا وجد للبنت ماتطلبه او قريب من مواصفاتها ... تقوم الباحثه الاجتماعيه بزياره للبيت او اتصال << ماني متاكد بالضبط ) ... ثم هي تقوم بالتفاهم مع الام ... واعتقد انها ماتخبرها بشي انه تعرفك ( سريه تامه ) يعني تقعد تسولف مع الام ثم شوي شوي تقوم تبي تعرف عن بناتكم معلومات ( وهي عندها كل شي من الاول ) بس هذه الظاهر طريقتهم بالتعرف ... ثم بعدين تروح منهم وتتصل بعد مده على الام وتخبرها ان عندها واحد ... كذا وككذا والباحثات الاجتماعيات مهمتهن تقريب الافكار والمعوقات اللي تواجه الشباب من بعض اولياء الامور المتشددين بافكار معينه ( مستوى دراسي / مهور / كبر سن .... وتبصيرهن باعباء الحياة الكلام اللي فوق لست متاكد منه 100 % لكن بالاتصال عليهم ممكن تعرفين اكثر |
ريماني
جزاك الله الف خير اكيد اذا ربي مايسر مراح يتم لكن مايمنع اننا نفعل بالاسباب. شوبارد اشكرك من الاعماق على التعاون وربي ريحتي قلقلي ومعليش بزعجك بكثره الاسئله الله يعينك ماافهمت عليك لما قلتي: الا في حالة انك انت الآن اعطيتني اسم معين ..مثلا عطينا اسمك نحطه بملف صديقاتك عشان اذا انخطبو نقول جايين من شوبارد مثلا فهمتي علي؟ كيف مافهمت؟؟<= متقفل التفكير من القلق ياخوفي اهلي يسالونه يقولون من وين جيت يقول من المشروع اكيد بيشكون اهلي لازم يسالون والله ماادري اناا دقيت عليه قبل يومين واستسفرت كان مره محترم ومتفهم قال تبين تسجلين قلت لا بستسفر فقط واذا بسجل ادق عليك بعد كم يوم ساري.. الله يسعدك على تواصلك والله اذا فيها باحثه اهلي اعرفهم راح يشكون بالوووضع اهلي وادرى فيهم الله يعين عموما انا اتصلت قبل يومين ماقال فيه باحثه لكن برجع ادق واستسفرر ومشكور ربي يجزاك الف خيرر |
مشروع حلو ... توكلي على الله ان كنت تجرؤين
ياليت ألاقي أحد يتصل بدلاً عني .. لأني مره كلمت شيخ له مشروع زواج لكن تفشلت وما خدمني بأي شيئ للأسف . . . . . . بنان |
اسعدني مرورك
انا خايفه من العواقب فقط لاغير وخايفه اهلي يدرون ليه ماتتصلي انتي انا اتصلت فقط استفسر وعادي جداا محترما الى اخر درجه لو كنت صديقتك لكن اتصلت بدلا عنكي وسجلتك عموما الله يكتب الي فيه خيررر |
ويبقى الامل
ممكن اعرف كم عمرك؟ وذلك ممكن تكوني قد استعجلتي على الزواج والايام امامك . فانصحك بتريث والله يفرجه عليك. وعليك بالدعاء الخالص لوجه الله. |
مابي معلمه
عمري 27 والاشهر القادمه سادخل ب28 والله مادري الى الان وانا متردده عموما جزاك الله االف خير على المرور |
اقتباس:
راح يسألك من وين طيب يقولهم؟ انت اختاري اسم وحدة تعرفينها ويكتبون اسمها فهمتي علي؟ يقولون والله عرفنا ويبقى الامل من فلانة الفلاني <<< كذا قالي الموظف بس اختي الاحتياط واجي تأكدي واسألي الموظف والله يوفقك انا اشجعك على هذي الخطوة |
شوبارد
الله يسعدك يارب دنيا واخره ويرزقك فهمت عليك انا بدق وبجرب والله يوفق اكرر شكري لك |
مشروووع أبن باز واللي يرد على اتصالات النساء رجااااااااال !!!!!!!!!!!!!!!!!!!!!!!!
غريب هالمشروع .. المفروض يوظفون بنات بالمشروع .. عشان يردون على طلبات البنات ؟؟ أما يرد رجال لا وبعد البنت تقوله مواصفاتها وأسمها طولها وزنها ورقم جوالها هذي قمة الوقاحه .. الله يوفقكم ويستر عليكم |
أنا ماعرف عن المشروع
بس يااارب يوفقكِ ويسهل أموركِ ويرزقك بالزوج الصالح في القريب العاجل وانا من رأي أخوي رجل طيب ومتسامح المفروض تكون فيه نساء لنه مهما كان لا يجوز أبدا وصف المرأة للرجل فكيف بأن توصف نفسها وبلسانها للرجل وم رايي صلي الإستخارة قبل لتقدمين لهذا الشي وفقكِ ربي لكل خير |
رجل طيب ومتسامح
مفروووض يكون نساء وانا على بالي الي بترد حرمه وعشن كذا ترددت كيف بوصف نفسي للرجال قمه الاحرااج عشان كذا للحين متردده شكرا لمرورك. الذئبه... اناا مازلت استخيرر ومازالت الحيرره فييه ومحرررجه جداا ماعرف اتكلم بطلاقه مع رجال شكلي بنسى هذا الموضوووع خوفتيني يوم قلتي لايجوز اسال شيخ ولا كييف؟ اذا متاكده من الفتوى عطيني هي الله يجزاك الف خيرر الله يسعدك ودعواتك |
السلام عليكم و رحمة الله و بركاته
انا ارى انك تحطين بياناتك على انها بيانات احدى صديقاتك هذا اولا اما ثانيا اذا اتي من تقبلون دينه و خلقه و ابلغ اهلك انه اتى عن طريق هذا المشروع فوضحي لهم انه قد يكون احدى صديقاتك من وضعت بيناتك في هذا المشروع وداعة الله |
اختى ويبقي الأمل
الأفضل لو تحدثى الوالده بالموضوع ولو بالتلميح أو المزح ربما هى تستطيع ان تتكلم مع أحد اخوانك ويكون التسجيل عن طريقه ولا شئ بذلك الحمد لله لاحرام ولا عيب ، ربي يكتب لك الخير ويوفقك للزوج الصالح ويرزقك بالأبناء الصالحين ولك تقديري واحترامي |
عليكم السلام ورحمه الله وبركاته
سباطي.... اهلي اعرفهم لن يصدقوني عموما جزاك الله الف خير. الكبير............. جزاك الله الف خير واسعدك ربي بالدارين على رايك تكلمت مع امي واهلي سابقا بشتى الطرق ولم يقتنعو بايت طريقه فمبالك لو اتكلم عن هذا المشروع اصلا هم مايقبلون بسهوله اي شخص جا بطريقه عاديه فكيف بهذا عموما اكرر شكري لك |
يا ساااااااااتر ..
مهمه عسكريه مو زواج .. و الله تعذيب نفسي.. بلا زواج بلا مغثه .. انت ليش معقده نفسج.. اصبري شوي.. . . . . . . أمزح أمزح... يعني هذا اللي يسمونه الأخذ بالأسباب؟!! و الله حلو المشروع ... قبل فتره كان في البحرين .. و الحين في السعوديه .. و ان شاء الله قريب عندنا :d و الله أقرا و أطالع وراي عن يشوفني أحد :d حبيبتي و يبقى .. إذا إنت مرتاحه للمشروع .. اتصلي و قولي للموظف .. أبي أكلم بنت مو رجال !! و بالمره .. امدحي المشروع و أثني عليهم و قوليلهم : عن ابن مسعود رضي الله عنه قال: قال رسول الله صلى الله عليه و سلم: " لا تباشر المرأة المرأة، فتصفها لزوجها كأنه ينظر إليها" متفق عليه. --------------- و من الحكمة في هذا النهي الخشية من الافتتان بالموصوفة - كتاب رياض الصالحين فما بالك بأن تصف المرأه نفسها لرجل؟!!!! بارك الله فيكِ و أسعدكِ.. |
ألم تستفسري عن الباحثات عندهم ..؟ |
بر الامان...
اهلا بك من مده لم ارى اي رد لك اي والله مهمه عسكريه ههههه عموماا استسفرت اكثر عن المشروع ولا يوجد عندهم نساء وتقريبا بنسى الموضوع واكنسله والله كريم يارب يرزقنا بالقريب العاجل. اسعدني مرورك يالغاليه. ساري... اسعدك ربي على تواصلك لايوجد غير موظف واحد رجل بخصوص هذا الموضوع وزي ماقلت بنسى الموضوع صعب جدا اوصف نفسي لرجال ومتخوفه مستقبلا من نظره الرجال لي وبنفس الوقت ماقدر اقول لاي انسان يتصل ويسجل معلوماتي. الله كريم لعله خيرر. جزاك الله الف خير لمرورك. |
معقوووووووووووووووولة وصلنا لها المرحلة
ماقدامنا غير انه احنا ندور على زوج لنا شي محزن والله |
اقتباس:
مادري هل لان الناس ماعاد همها إلا نفسها شنو فيها لو سعت امراة لتزويج احدى قريباتها اللهم أغننا بفضلك عمن سواك اللهم أغننا بفضلك عمن سواك اللهم أغننا بفضلك عمن سواك |
| الساعة الآن 05:50 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©