|
ماذا أتكلم مع خطيبتي ليلة الملكة
سلام عليكم... يوم كتب الكتاب على خطيبتي إن شاء الله بعد حوالي عشر أيام :) ... أنا إلى الآن كل كلامي معاها رسمي, وبعض الأحيان إني اشتقت لك أو واحشتني.. بس أنا ما شفتها من سنة :( في الملكة, بعد كتب الكتاب باجلس معاها وبيكونون أهلي -وممكن أمها- معانا, وصراحة أنا محتار في أيش نتكلم, يعني أكيد بأمدح شكلها.. وإني اشتقت لها, بس ويعدين ;) أرجوكم يا أخوان ويا أخوات أعطوني مواضيع حلوة كذا :o |
اذا معك اهلك خليك رسمي واذاطلعوا خليك عفوي00
|
عاادي اخوي خذ راحتك
امدحها قل ماشاءالله تهبلين صايره قمر احلى من اول الله لايحرمني منك ووإلخ واذا هلك عندك قل كيف حالك؟ شنو سويتي بدراستك او طالع فيها وتبسم ربي يبارك لكم ويبارك عليكم ويجمع بينكم في خير |
كوب كابتشينو امل وتفاؤل . . . ألف شكر على مروركم... أنتظر من البقية التعليق... أرجوكم :11: |
صعب اقولك لاني مو متزوج بس افضل الكلام يطلع لحاله وقتها .......... |
خليك طبيعي تماماً ...
سؤال .. ثم كلمة مدح ذات تلميح ... وفعلاً .. بتكون رسمي شوي مع ضحك شويه .. لما بيكون معاك حد لكن لما بتكونا لوحدكم ..بتصور بتكون عفوي كثييير ممتاز ولا تتصنع .. وقول لها من الكلام الحلو ..<<تراها راح تفرح كثييير وشووووف ترى هالمواقف هي بتلولد الكلام يعني ممكن بنقولك كلام ..ولما يجي الواقع ..بتصير غييير ويمكن يحصل لك مقالب من حد فتصور أي شي ههههههههههههههههههههههه الله يوفقك يارب ويجمع بينكم بخير اللهم آمين أتك ريووما |
أم نيزار<<< سلامات ترين لي رغبة في البنت, ما أبغاها تطفش نرين تبطل بعدين :(
|
اقتباس:
الظاهر أختنا في الله فتاحية وردة كل ردودها مزح × مزح :25: |
الله شاهالطله الحلوة
الحمد الله والله اني اشكر ربي ليل نهار ان الله اختارج لي زوجه من بين كل البنات الا ياحياتي شخبار دراستك ان شاء الله امورك ماشيه عاد تصدقين قبل ايام دراستي صارلي كيت وكيت وكيت قولها عن مواقف الدراسة ومساطر المدرسين والمطامر فوق الطوف ...... وبعد عن لحظة انتظارك لرداها لموافقتك شلون كانت وشنو كان شعورك يوم وافقت.... وبعدين بجي السوالف ماعليك شيء يجر شيء لين يسمع الجيران كركرتكم وضحكم ويدخل عليكم ابوها ماتحس ياولدي انك مصختها وشرايك تطلع وانا ابوك :) |
أخت مشاعل... الله يوفقك, ويبارك فيك, ويهدي لك زوجك (;
|
عندك عشرة ايام احفظ لكم كم بيت شعر
احفظها عن ظهر قلب عشان لاتلخبط واقلب الجلسه خلها مضارب الباديه ههههههههههههه |
حلم... ترى أنا طالب, وعندي إختبارات نهائية بالجامعة
يعني, ما عندك غير أبيات الشعر... أخوك ما هو فاضي بس مشكور على المرور والرد :) |
ياهلا والله بعريسنا....:d
أسأل الله ان يألف بين قلوبكم وييسر أمر زواجكم شوف اخوي الكلام يجيب بعضه لكن ممكن تسألها عن الدراسه وكيف طريقة دراستك؟ متى تذاكري وانا امتحاناتي تبدأ كذا وعندي كم ماده عندي بحث عن.....<<<واحكي لها عن البحوث اتحداك ماعندك مواقف مع البحوث والله انها تفقع القلب احكي لها عن المقالب وشارك اخوانها وكأنك توجه السؤال لهم جميعا وممكن اذا كان الأبو موجود اسأله في اختصاصه يعني اذا كان عسكري ...قوله كيف ياعمي حياتكم ايام العسكريه وانتقل لأخوانها يعني بأختصار موشرط الكلام بينك وبينها لأ خلي الكلام للجميع لأن هي بتكون مبسوطه وهي تشوفك تسولف وبتعجب فيك وخلي الحكي مع الجميع طبعا هي بتكون ساكته ومستمعه لك ولأهلها بس اهم شي بعد نهاية الجلسه او في دقائق اهلها يخرجوا ويرجعوا لك انت استغل الفرصه وقولها كلمه حلوه على السريع ارسل لها بوسه على الهواء اذا جات تقدم لك شيء المس يدها بأطراف اصابعك... وخلي عيونك بعيونها...مع ابتسامه حب وانت طالع تودعهم ( وتودعها قولها بصوت خفيف .. وعيونك بعيونها ....وانت مسلم عليها... انا اسعد واحد لأنك زوجتي..انتبهي على نفسك حبيبتي توصي شيء ....مع السلامه) ويارب يسعدكم ويريح بالكم ويألف بين قلوبكم |
الله يجزاك ألف خير مشرفتنا... ما تدرين قد ايش كلامك هذا ساعدني
ألف شكر |
اسمع كلام قلبك وعقلك واختار الصح
|
..................
ارجوا التزام الجديه في مساعدة الأعضاء |
| الساعة الآن 05:17 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©