|
زوجي لايكلمني !!!
السلام عليكم والرحمة هذا اول موضوع لي يالمنتدى وهي مشكله صغيرة صراحه بس مأرقتني انا بنت عمري 21 تقدم لي كثيـــــــــــــــــــر في في الفترة مابين17الى 21قريب وبعيد المهم بالاخير تقدم لي واحد اول سنة لي بالجامعه ورفضته ونطرني على الرغم من الرفض وسبب رفضي اني ماابي اتزوج قبل اختي الكبيرة وثانيا لتفرغ للدراســــــــــــــــه وراح ودز اخوه الكبير عشان ياخذ اختي الكبيرة وهي على قدر ان لم يكل اقل من المتوسط من الجمال فوافق ابوي على طول وهي ماصدقت :) الله يوفقها وبكذي يكون ماحد قدامه يرده ان ياخذني !!! وتقدم مرة ثانيه ورفضته للدارسة هذا الكلام ثاني سنه لي بالجامعه هني تعومس الرجال !!! المهم راح يضبط نفسه عند اختي تقولون خادم لاختي موحماها بس عشان (الكلام لك ياجارة!!!) وكل ماجاني خطاب تعلم اختي حمواتها وتصدف ساعات يكون موجود طبعا وجهه يقط الوان ويتعومس وتغير المعاملة مع اختي(يعني بالله شسوي اكتب لوحه على بيتنا ممنوع الخطاب) عشان حضرتك !! لان ابوي اصلا ماعطاه كلمه قال له البنت تبي تخلص دراستها المهم مرت الايام وصرت على اعتاب التخرج الا ويتقدم مرة ثالثه هالمرة ماعندي عذر (الرجال على فكرة طيب وملتزم ووظيفته زينه وعمره23 ) المهم وافقت.... وتمت الملكه:14: وبعد الملكه لاحس ولاخبر وماطلب تلفوني ابداا ادري انه عنده وصورتي بعد لان اخته تعرفني بس ماطلب انه يكلمني مثل اي وحده من صديقاتي او الناس الفاهمه يعني انا جامعيه وملتزمه ومثقفه والحمد الله على قدر كبييييييييييييييير من الجمال ماامدح نفسي بس جد الواحد يتعجب منه معقوله كل هالمحاولات والعفسه وحالتك حاله ويوم تملكتك حتى مسج ماكو!! لا والمشكله انه متخانق مع ولد عمه عشانه تقدم لي وهو يدري انه نفسه فيني انا اقول يمكن يكون انتقام اني لعوزته او جننته شوي قبل اخذه بس مو عذر هذا حرام عليه انا الحين امر باحلى ايام عمري ايام الملكه وصارلي 6شهور مملكه حتى عيدش مبارك مافيه شسالفه!!!!!!!!!!!!!!!!!!!!!!!!!!!!!! او يمكن حياء منه بس مااظن معقوله في شباب توصل فيهم درجة الحياء ان مايكلم زوجته!! وعرسي بعد شهرين !!! وانا ماعرف عنه شيء غير سوالف اختي عنه من جد انا متضايقه واشوف صديقاتي وجماعتنا يكلمون راياجيلهم بالملكه وانا على وجهه تصدقون اني حتى كرهته !!!! المشكله ان عندي تصور مو شيء صراحه بس والله احس انه صح اذا نكح الحب فسد :( فقبل هالشيء خلنا نعيش الحبــــــــــــــــــــــ وايامه قبل العرس وهمومه !!!!!:( عندي تساؤل اخير اخواني الرجال هل فعلا انتم تتضايقون اذا ردكم احد وتحسون ان اهانه لكم ولكرامتكم او عادي؟؟؟؟ شكرااا وتكفوووووووووووووووووون ابي ردود تشفي تساؤلاتي !!!!!!!!! |
فعلاً أمره غريب... لم لا تطلبين من أختك أو زوجها سؤاله؟
الحب لا يفسد بالزواج، بل هو يعتمد على المجهود الذي يبذله الطرفان لجعله أكبر و أكبر مع الأيام. |
الله يوفقك يامشاعل
ويسعدك ويريح بالك بس دخلت بدعيلك لكن سالفة خطيبك مادري شنو قصده يمكن هذا اسلوبهم مايكلمون ايام الخطبة او يمكن مستحي منك خايف من ردت فعلك |
الله يجزاك خير على الرد
بس استحي والله اقول لاختي او زوجها فشله مااادري اناا ابي اعرف شنو ممكن يكون سبب امتناعه عن محادثتي وابي المبادره منه هو مو انا أخاف من شيء في بالي (احد ملهيه غيري ) يعني وحده ماادري هذي كله تصورات يلبسها لي ابليس ولكني بالفعل متعجبه من تصرفه!!!! |
هلا اختي
والله صراااحة مرة غريبة تصرفه هذا انه ما يكلمك .. اصلا ضروري ضروري يكلمك ايام الملكه على الاقل تاخذون على بعض قبل الزواج مو بس كذا خبط لزق.. هذا اولاً ثانياً .. اعتقد انه فكرته يمكن سمع من الشباب انه افضل ما يكلم زوجته ايام الملكه عشان اول ايام الزواج تطلع حلوة و فيها لهفة و اشتياق اكثر (( هذا اللي اسمعه من البعض اللي ما يكلمون بعض ايام الملكة)) بس بالنسبة لي انا اشوف هالشي اكبر خطأ لان كيف تتعود عليه البنت .. صراحة غريبة يعني حتى الشرع محللها ليه معقد السالفة!! وانتي ماشاءالله عليك صبرتي عليه كل هالمدة... انا من رايي تفضفضين لاختك واختك تقول لزوجها انه يفهمه انه ما يصير يسوي كذا بهالفترة لان لازم يصير فيه تآلف ورحمة بينكم قبل يوم الزواج عشان على الاقل تهون عليكم شوي.. هذا اقتراحي .. والله يووووفقك اختي ويحقق كل شي تتمنيه يارب.. |
يمكن خايف من ردة الفعـــل بالرفض له يكلمكـ والا انا متأكد انه متلهف على الامــر هذا بس ماعنده جراءه يطلب او انه خجووول ولا يعرف وش يقول لكـ اذا تكلم بعضهم يقعد على كيف الحال وشلونكـ ليله كله يمكن هو من النوع هذا المشكله صعبه انها تبدأ منك وتكلمينه بس عندي اقتراح صغير اعتقد بيكون في شيء في بيت الزوجيـــه من اختياركـ الا اذا هو اللي بيأثث حتى غرفة النوم فرصــه مسج من موبايلك او رساله في ورقه عن طريق اختكـ منكـ تأخذين رأيه في اختياركـ حتى لو ماكان في اثاث البيت ان شاء الله في تجهيزكـ |
تسلمين حبيبتي اما تالا على ردك الرائع بس والله انا متعجبه مثلك !!
حتى انا والله احس اني كرهته ونادمه على اني اخترته هو من بينهم كلهم ..... |
بسم الله
اختي الرجال راسة يابس وخصصوصا انك رديتيه كم مررررررة وبعدين اتني ملكة يعني زوجتة اذا كان عندك رقم جوالة ارسلي له مسج حلو من جوالك او جوال اختك وانتظري 5دقايق وحينسئ الماضي ويرد عليك انتظر ردك |
اطلبي من أختك أن تسأله بشكل غير مباشر. مثلاً تسأله عن أخبارك و كأنها تتوقع منه أن يعرف أخبارك أكثر منها. و عندها ممكن يفتح الموضوع.
إذا انتظرك كل هذه السنين فلا أعتقد أنه مشغول بشخص آخر!!! ألا يتكلم مع والدك أو يبارك له في العيد على الأقل ؟ |
فرصــه مسج من موبايلك او رساله في ورقه عن طريق اختكـ
منكـ تأخذين رأيه في اختياركـ حتى لو ماكان في اثاث البيت ان شاء الله في تجهيزكـ من جدك تتكلم انا وحده من عايله محافظه يعني اذا مابادر الزوج والا اقعد وبعد من ناحيه ثانيه انا احس بالخجــــــــــــــــــــــل للمبادرة هو اولى فيها واشكرك/ش معاني المر على هذا الرد الطيب اتمنى والله يكون خجل مو ناتقام او شيء ثاني!!!! وجزاكم الله الف خير وبانتظار البقيه |
الزوجه المسلمه
نعم لا حرام يدق على ابوي وخواني ويبارك لهم في الاعياد وشهر رمضان بس انا ساحب علي !!! |
صاحبة السمو حبيبتي
اقتباس:
حبيبتي في عرفنا البنت ماتبادر ابداااااااااا وفعلا انا مع هالشيء المفروض هو يبادر وشاكرتلش حسن التشريف والرد |
والله ما ادري وش اقولك
بس ليش ما ترسلي له رسائل وخلي اختك تقول لزوجها يلمح له والله يجمع بينكم بالخير... بس بصراحة استغربت ردك له سابقا بالرغم من معرفتك بأنه يبغاك وبقوة الله يوفقكم |
اختي انا اشوف مافيه الا انه اختك تقول لاخوه و اخوه يكلمه بس بطريقة انه ليه هو مقصر معك و من هالكلام و على الاقل هديه لها ,,, الخ بس اهم شي انه ما تبين اختك لزوجها انك انتي صارحتيها,, كأنها جايه من اختك..
والله يوفقك يارب ,, واتوقع انه مستحي منك و خجول .. وانتي اعذريه لا تقولين اكرهه!! مو زوجك لازم تتعذرين له ,, والله يوفقك يارب .. |
اقتباس:
أختك في الله |
غلا 2005 تسلمين على ردش حبيبتي انا رديته اول مرة عشان اختي والمرة والثانيه عشان الدراسة والثالثة وافقت !!
ام تالا غلاتي انتي تسلمين على ردودك والاهتمام فتحي الباب تسلمين على هالردود الاربعه :) فزعه ردود الله يرضى عليش ......لاهنتي ولك جزيييييييييييييييييل الشكر بس في شيء انا ماذكرته ربما لانه خاص جداا بس بقوله بعد ماشفت الردود كلها تقووووووول كلمي اختك !!!!!!!!!!!!!!!!!!!!!!!!!!!!!!!! اختي الله يرضى لي عليكم وحده في عالم ثاني مالها مال الناس وغير عن خواتي كلهم اشك انهم مبدلين سراير الببيبي اول ماولدت امي فيها وبدلوها في هذي !!! يجوز والله لهول مااشوف منها !!!!!!!!!!!!!!!!!!!!!!!!!! لانها بصراحه تغير مني كثييييييييييييييييييييييير من ناحية اشياء واااجد مااقدر اذكره وانا والله العظيم احاول اقرب منها بس اخلاقها تنفرني ومصايبها الي ماتنتهي !!! وبالاخير ربي جمعنا ببيت واحد !!!!!!!!!!! المهم ان العلاقة مع اختي مو ذاك الزود يعني رسميه نوعا ما سوالف سطحيه وانتهت السالفه !!! غير اختي ابي حل ابي تفسير ليش مايبي يكلمني ....... الله يكون في عو ني وعون الجميع |
فتحي الباب
ردك رااااااااااااااااااااااااااااااااااااااااااااااااا اااااااااااااااااائع لكن مقفل لان العلاقة بيني وبين اختي رسميه الله يهديها .... والله كلماتك حييييييل حلوة وكان فعلا بتنفعني لكن شسوي اذا كان باب اختي مسكر يافتحي الباب اللهم افتح باب قلبه لي يارب |
اسفه حصل معي خربطه بالنت لو احد المشرفين يمسح التكرار
|
طيب معناها حدا من اخوانك الشباب يحاكيه على أساس أنو عم يحاكيه حكي شباب بين بعض. ممكن يقول مثلا كنت أسأل أختي عن أخبارك فقالت أنكم لا تتكلمون....
ممكن؟ و لا كمان اخوانك تبدلوا بالمستشفى؟:d |
اختي الحبيبة لما لاتحادثي والدتك وتدعيها تتصل وتتفاهم معه وتعرف السبب حينها لن تتدخل اختك
بالموضوع وسيكون بينكم انتم الثلاثة واعتقد والله اعلم سبب عدم اتصاله انه خائف من ردة فعلك خصوصا بعد رفضك المتكرر له.. لذا توكلي على الله وحادثي والدتك ولتتصل من هاتفك اولا لنعرف هل سيرد عليك ام لا؟ اذا لم يرد فلتتصل والدتك من هاتف المنزل الله يسعدك وبشرينا عنك أختك حائزة |
اهلا اهلا اختي الزوجه المسلمه
لالا ابشرش خواني ماتبدلوا ولله الحمد :) بس تدري هم كبار يعني في اواخر/ نص الثالاثينات يعني استحي اقولهم اقول يافلان ليش زوجي مايكلمني هااااااا (من جد قويه في عرفنا ) من ناحيتي احس بالخجل الشديد.... |
الحبيبة حائزة ردك مشرف بحق...
لكن ظروف عرفنا مملة !! يتحتم عليها الصمت الى حين اشارات الزوج بالانطلاق !!! مداري عاد وين !! وانا اخجل من امي ايضاااا ادري عليت كبدكم بسالفة الخجل لكن شسوي سؤالي ياجماعة ليش رافض هو او بالاحرى شنو يمنعه ؟ شيء يحير والله ادعولي لان مابقى على الزواج الا شهرين يالهوتي :( |
حبيبتي مشاعل جزاك الله خيرا لكن مثل ما قالت Muslim wife
بصراحه كمان حلها معقول او ممكن تكلمين امك قولي لها ابي اعرفه قبل الزواج اعرف طباعه اخلاقه محتاجه اخذ عليه مو طب لزق مثل ما يقولون وهي خليها تقوله بطريقتها ممكن مره ترد عليه بس تيصل وهي تنتهز الفرصه وممكن تعمل نفسها انها بدها تحكي معها بالنسبه لمهر لغرفه نوم لشقتك يعني كذا موضوع وخليها تقوله شو يا ابني مو ناوي تتعرف على البنت قبل العرس على الاقل خذو على بعض ومن هالحكي يعني لازم احد بصراحه يتدخل لانه بصراااااااااااااااحه موضوع يقهر والموضوع مئرقك كثير كل ردودك في المواضيع تدل على ان الموضوع مئرقك (كشفتك):d الله يعينك حبيبتي وطمنينا عليك |
غاليتي اتركي عنك الخجل فإما ان تتشجعي او تصمتي مع قهرك..
ايهما تريدي؟ اعزمي امرك وتوكلي على ربك واخرجي صدقة وحدثي امك فالوقت يمضي والله يسعدك أختك حائزة |
اقتباس:
بصراحه عن تجربه - احس فعلا ليلة الدخله مايكون لها طعم في حالة السوالف والكلام الكثير اللي ماله داعي لانه يجر الى سوالف وحركات مالها داعي تحصل اثناء الملكه فا تجي ليلة الدخله يحس كأنج واحد من الشباب مو زوجته طبعا هذا رأيي ويمثلني انا فقط - لاحد يعترض علي رجاءا |
حبيبتي مشاعل إذا ما كلمج ليش ما تكلمينه؟؟!
وبعدها بتعرفين السبب الله يوفقج يا رب |
المرأه الي أخطبها وترفضني أكرههااااااااااا
من تكون حتى ترفضني فا اتوقع زوجك نفس ااااااااالشي |
يمكن عاداتهم كذا
اخوه كلم اختك في فترة الملكه .؟؟؟؟ احس لو من البدايه انتم قلتوا له ماعندنا مانع انك تكلمها كان افضل من الحين بعد مامرت 4 شهور تقولون له - صارت صعبه والا لا طيب سؤال ثاني --- مين اللي حدد يوم الزواج وهو كيف تواصله مع اهلك ؟ يقول لهم والله لقيت غرفة نوم حلوة وغيره عالعموم فيه غيرك نفس حالتك وتزوجوا انا من ناحيتي لما تملكت - هو ماطلب انه يكلمني بس قال بنجي انا واهلي - بعد الملكه بيوم قمت اصيييييييح - وحلفت اني ماادخل عليه الا لما يكلمني خخخخخ وقلت لامي تقول لاخوي يقول له - وارسل له رقمي ههههه وبس مالله كتب نصيبب الله يهديه ويكلمك خلي اختك تسولف عليه عنك كثير يمكن يحن ويكلمك على الاقل يروح خوف وهم الزواج موفقه حبيبتي |
أختي
كثيرا من الأزواج بسبب المكالمات ينفصلون بعد الملكة لنشوء خلافات واختلافات ، ولأنه يريدك ومتعلق فيك فهو يخشى أن يحدث لاسمح الله اختلاف ترفضينه بعده خصوصا وأنك لم توافقي عليه بالسهل ، قد تقولين على الأقل مسج فأقول أنه يفكر بذلك لكنه يعرف أن المسج سيكون بداية للمكالمات لذلك حتى المسج يتحاشاه 00 لاتشغلى بالك وأعلمى أن 80 % من الأزواج لم يكلموا زوجاتهم بعد الملكة ،ربي يوفقك ويكتب لكم السعادة ويبعد عنكم كيد الشيطان ولك التقدير والاحترام |
حبيبتي مشاعل ،، كلمتي إختج ؟!! إختي ، قوليلها تقول لريلها عساس يحرك الريال من تحت لتحت ، قبل العرس على الأقل في هالشهرين تتعارفون بس ؟ عفكرة إختي : إحتمال يكون خطيبج مستحي ما يعرف من وين يبدا ، أو احتمال ثاني " و إن شاء الله لا :d " إن التعارف قبل العرس منقود عندهم !! :30: نحن عندنا بالإمارات جبايل جي مع إن العوايل متفتحة :23: لكن خلاص استوت عادة عندهم !! :29: جربي هالطريقة كلمي إختج و الله يوفقج .:22: تحياتي لج ، إختج : خلك إيجـــــــــابي ! |
بصراحة الأعضاء كفوا ووفوا عطوك كذا اقتراح شوفي اللي يناسبك منهم وسوّيه .. وإن شاء الله خير ..
طمنينا عليك حبيبتي إذا جد معاك أي جديد .. موفقة . |
انا عضو جديد في المنتدى وصراحه المنتدى اكثر من رائع من افضل المنتديات ......... صعبه كثير تكلمينه او حتى ترسليله مسج انتي ماتعرفين الرجل ممكن يتضايق من الحركه وهذا الاكيد بيقول ايش ها الجرئه واذا ماحكى الان بيحكي بعد الزواج .......... انا اختي كانت متملكه سنه ووالله مارفع سماعه التلفون عليهاوبعد ماتزوجت سالته ليه ماتكلم كان يقول ماله داعي مع ان اخوه متزوج اختي وايام الملكه كان يكلمها نصيحتي لك المبادره تكون من عنده واذا مابادر لاتبادر علشان بعد الزواج ما تحسب عليك |
اقتباس:
ودمت بحفظ الرحمن |
اقتباس:
|
الرجل لا يهينه رفض المراه اذا كان السبب لا يخصه بمعنى ( لا يعيبه ) يعنى العروسه لو رفضت لانه قبيح او فقير او او او...........................؟ هذه الاسباب تزعج العريس وتحزنه اما ما غير ذلك فاظن انه لا يضر احد ولكنه يحطم احلامه لانه كان يحلم بتلك السيده ان تكون زوجته ولم يكن ما يحلم به وبالنسبه لى فان خطيبتى تقدمت لها مرتان الاولى والدها قال صغيره ولسه بتدرس وتقدمت بعدها بعامين وما رفض والحمد لله تمت الخطبه وادعولى بالتوفيق وربنا يتمم لنا بخير
نسيت اقولك ليا صديق سعودى ونتحدث انا وهوا كالاخوات يقولى انه لما تمت الملكه بينه وبين زوجته ما كلمها ولا زارها الا لما دخل بيها واعتقد انه شئ عادى عند بعض الرجال لديكم فى السعوديه . وبالنسبه لسؤالك عن خجل الرجال فربما يغلب خجل النساء احيانا ويصبح الرجل اشد حياء من الفتاه البكر . اما بالنسبه لانك بداتى تكرهيه فدعينى اوبخك على ما تقولى كيف تكرهى رجل فعل كل هذا من اجلك دون ان تسمعى منه مبرره واعتقد انه فعل اشياء ليفوز بك يجب ان تكونى فخوره بيها بين قرينات من النساء وقولك بان ايام الملكه هيا المفروض تكون اسعد ايام حياتك اعتقد ان ده مش حقيقى ولا تحزنى على فوات هذه الايام فربما يدخر لك زواجك اياما اسعد واسعد باذن الله ولكن فى بيتكم السعيد الله يتمه عليكم بخير بارك الله لكما وبارك عليكما وجمع بينكم فى خير الله يتمملكم بخير وياريت تكبرى عقلك يا اختى الفاضله |
اقتباس:
لا عادي اخوي انا ارحب بكل الاراء وفعلا عندك وجهة نظر اتمنى تكون هذي وجهة نظره هو بعد مايكون شيء ثاني..... بس انا وحدة عندها فوبيا ليلة الدخلة فماابي اصير نفس وحده من صديقاتي اجبرها زوجها من اول ليلة صارخت وصيحت وعطاها سطارات وبقسات ...لانها ماتعودت عليه قبل ولا عرفته او كلمته والثانيه كانت ليلة من اورع مايكون لانها مكلمته ومتفقين على كل شيء.... الجيل هذا غير صدقني... والكلام الكثير اللي ماله داعي انا اعترض على هالكلمتين لان ياخوي اذا كان زوج وزوجته كلامهم ماله داعي اجل الكلام الي له داعي بين من ومن؟؟؟؟؟ لها اياجابيات صدقني بس انتوا مو حاسين فيها بسبب العرف وماشابه وعيب وجرأه وهذا الكلام الي ماله داعي !! موفق اخوي ويجزاك الله الخير الكثير |
سوووو امي تشكرين حبيبتي على الرد المستحيل عندنا عرف يمنع الشيء هذا وفعلا انا معاه لان بصريح العباره فشله !!
تخيلي : ترن ترن ترن خطيبي : الووو مشاعل : مرحبا خطبيبي: منو معاي زوجتك مشاعل !!!!!!!!!! خطيبي :شعندج داقه !! مشاعل :والله بتعرف عليك؟ خطيبي :اقول ضفي وجهك وانت طالق مشاعل : شكراا يازوجي العزيز !!!!! والله يعين!! |
صوت المشاعر امبييييه ردك حييييل يخوف تهقا هو الحين كارهني !!
بس انا والله مارفضته لعيب فيه بس قلت عشان اختي الكبيرة اولا ودراستي ثانيا يعني مو لعيب فيه والله معقوله ماتعذرون البنات لازم توافق حرام هذا زواج ولازم البنت تفكر عدل مو بس من ناحيته بل من ناحيتها هي ظروفها تسمح اولا :( |
اقتباس:
من ناحية يكلمني هذا شيء بيده هو واهل العروس مالهم شغل..... التواصل بس في المناسبات فقط يعني مافي والله ياعمي شريت لبنتك خوش سرير ولا اثث لها هذيك الشقه الي تماام لا مافيه هالاشياء تعتبر مفاجأه للبنت في ليلة الدخله !!! اذا ماكلمته طبعا اما العرس فطبعا هو الي حدده وبمزاجه !! وتسلمين على ردك الحلو والله يعين الجميع |
اقتباس:
مشاء الله والله ردك رائع ومقنع فعلا كبيـــــــــــــــــــــــــــر ماادري شأكتب صراحه حفظك الرحمن |
| الساعة الآن 04:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©