|
كيف أنساه ؟؟وكيف أنتقم؟؟تعبت
السلام عليكم ورحمة الله وبركاته
أخواني وأخواتي أعضاء هذا المنتدى ماأدري وش أقول بس الله يصبرني أقسم بالله تعبت و لاأتوقع أتحمل أكثر مدري ليه تضبط من جهه وتخرب من جهات اللي يقرون مواضيعي أكيد يعرفون أنا مملكه من سوء حظي من 3سنين والحبيب تعبني هلكني والله العظيم ياجماعه خرب أشياء حلوه بداخلي صرت أكره نفسي وأتمنى أكرهه أتمنى أكرهه تصوروا مايتصل ولايراسل إلا بعد ماأطلب المشكله والله أني حبيته بإخلاص وعمري ماتركته أقسم بالله جرررحني ورجع لي بعد ماجرحني ليته أعتذر لي لا والله ماكأنه سوى لي شي وتدرون المصيبه وين.؟؟؟؟؟؟؟؟؟؟؟؟؟؟؟؟؟؟؟ أنه يحبني ومتأكده من هالشي مثل ماني أحبه يحبني بجد والذي نفسي بيده لما درى أني أنخطبت طبعا قبل مايكلم أهلي أنهبببل وهدد أهله لو أخذ غيره بيذبح نفسه,,,,,,,وراح للي خطبوني وقال لهم ابعدو عن بنت{..........}طبعا بيننا قرابه وطبعا أنا كنت أعرف أنه يحبني ووافقت عليه هو بس معلومه............ إذا كان بيننا أي مكالمه أو أتصال أو رساله قبل الملكه لأنه مايجوز أولا وعادتنا ماتسمح المهم ملكنا وتعلقنا ببعض أكثر السنه الأولى والثانيه بدت المشاكل لأنه تعب من السحر الله .............. أقسم لكم سنه وأنا أبكي عليه وقفت معاه رغم انه خلاني صدقوني هو يتألم وأنا أبكي لألمه ولاأنام الليل من خوفي عليه والحمد لله تعافى وتوقعت بيعوضني لكن للأسف ماتغير الا شي بسيط ورجع يطنش...توصل أحيانا أنه يسد الخط بوجهي... وتحملت عشان ظروف مر فيها بالبيت وصبرت ورجعت انا اللي أكلم وكان صدق بمكالمتنا يأنب نفسه انه مقصر معي ويوعدني يعوضني وزارني قريب لأننا نادرا مانشوف بعض لأني بمدينه وهو بمدينه بعيد عني والله ماتتخيلون وشلون يحبني بس يجفى داايم أنا اللي ذبحني أنه يحبني ,,,ليه يعاملني كذا؟؟؟؟؟؟؟؟؟؟؟؟؟؟؟؟؟ المهم أنا تعبت وبصراحه صرت أتمنى أكرهه؟ وتبون الجد أبي أنتقم منه لأني ماقصرت معه بس قولو لي وشلون أكرهه لاتفكرون عشان أطلب الطلاق,,لا أبدا بس عشان أعيش حياتي عادي لأنه بجد قهرني وغيرني أنا نفسيتي ماتتحمل أي شي شين وهو يعرفني بس الظاهر أنه يتعمد يغيرني ويبيني أخلي قلبي قلب رجال...مثل قلبه القاسي وأنا والله طبيعتي من يوم أنا صغيره ماأتحمل أحد يجرحني ودي أنساه واكرهه ودي أعيش وأنا مرتاحه حرام عليه يعذبني لاتقولون كلميه راسليه ...كلمته راسلته فهمته مارضي يفهم,,, تعبني الله يصلحه دلوني على طريقه تخليني أنساه على فكره حتى جوال ماعندي تصوروا؟؟؟ لأنه بليله قهرني وكسرت الشريحه ورميتها ولاعاد ابي الجوال الله لايرده ماأدري وش هالحب اللي بقلبه بس والله والله والله ماعمره جرحني بكلمه أو رفع صوته من يوم عرفته كل جروحه اللي بقلبي من أفعاله!!بس بالكلام أبدا مايغلط.........على فكره أنا ارسلت له رساله اليوم من جوال أخوي كتبت فيها(((حبيبي........انا لازلت أحبك بس تأكد انك تركت بصمات بقلبي ماتريح ولاتروووح أبدآ..توقعت انك بتعوضني وأنا عمري ماقصرت معك بشي الله يسامحك ,,استودعك الله))) حييييييررررررني ساعدوني والله تعبانه وأعذروني طولت بس من القهر ودموعي هي اللي تكتب موأنا....................... الله يصبرني ويصلحه ويسخرقلبه لي ويجعل حبه بقلبي مثل اللي لي بقلبه لاأكثر ولاأقل...ياااارب |
يا عمري يالاميره
كل هذا فيج والله ما اعرف شو اقولج اواسي نفسي ولا اواسيج حبيبتي انتي تأكدتي 100% انه خطيبج صار صاحي من السحر! |
حبيبتي الاميره الهادئه هدي نفسك بما انه بحبك وعمل الي عمله علشان يأخذك اكيد كل هذا من السحر الله يسهل امورك لكن خفي عليه وما تبعتي مسجات ولا اتصلات ابدا اهم شي اعصابك ما تخلي هالسالفه تخرب حبكم لبعض كوني اقوى من الموقف و خلي يضل متابع مع الشيخ يقرأ عليه وان شاء الله بعد ما تتتزوجون بسير خير تحياتي لك وطمنينا عليكي
|
حبيبتي هدي نفسج وان شاء الله يرجع نفس قبل واحسن بعد .. باختصار بقولج صديقتي تزوجت ولد خالتها
وكان يموت عليها لدرجة انها ما كملت الثانويه وتزوجته وتخيلي فشهر العسل اكتشفت انه مسحور والعياذ بالله .. والمسكينه كانت وااايد تعاني وكانت دوم تشتكيلي .. تخيلي كان لما يشوفها يشوف صورة وحده قبيحه .. وهي ماشاء الله جمالها خلاااب .. ولما يقرب يلمسها يحس كأنه يلمس نار .. واشياء واايد المهم هو بدا يتعالج عند مطوع كليوم يروح يقرا عليه وانا وصيتها انهم لازم يقرو سورة البقرة كل ليله .. مرت سنه وهم على هاذي الحال وبعد سنه الحمدلله تشافى وهي حملت وجابو بنت قمر .. فنصيحتي لج حاولي تتماسكي وتشغلي نفسج بأشياء ثانيه وما اوصيج بسورة البقرة واذا تقدري خليه هو بعد يقراها .. وترا انا خطيبي ( زوجي) جنني هالايام هو وااايد عصبي وتصدقي قبل لا يخطبني يقول لأهله ابي وحده دلوعه وانا معروفه فالعايله من صغري مدلعه لأني وحيدة ابوي الله يرحمه .. والحين مرت سنه على خطوبتنا .. بدا يقولي انا ما احب الدلع اكره الي يدلع علي .. وانا اقوله بدلع وبدلع وبدلع كيفي بدلع .. ودوم نتهاوش وفالاخير قمت شريت كتابين: الكتاب الاول : كيف يلبي زوجك طلباتك <<<<< خخخخ :) الكتاب الثاني : مزاج زوجك المتقلب <<< هو مزاجي واايد المهم بديت اقرا وبصراحه في اشيا ما كنت افكر فيها وبديت استفيد .. نصيحتي لج ليش ما تجربين تقرين كتب تغيرين اسلوبج معاه سبحان الله يمكن يتغير |
اتوقع هذا دواه التطنيش
طنشيه و هو بيجيكي |
الله يسامحه ان شاء الله ويشفيه لك ويسخره لك بإذن الله
خلي املك بالله قوي وان شاء الله ربي مايخيب ظنك واذا كان فيه خير لك راح تتزوجيه وينصلح حاله وعسى ان تكرهوه شي وهو خير لكم حسبي الله على كل ساحر وساحرة انا ياجماعة في بيتنا ونعاني هذا الشي مع الوالد الله يفرج عنه وعن كل واحد يعاني من السحر مالنا الى الدعاء وحسبي الله ونعم الوكيل عليهم |
عليك بكثرة الاستغفار
و كثرة قراءة القرآن و عسى الله يوفقك و يوفق زوجك الى ما يحبه و يرضاه .. انا اتوقع لو تعجلون الزواج يكون احسن .. فترة الملكه 3 سنوات فترة طويله و ممله جدا" و قد يصاب فيها كلا الطرفين بالفتور و الملل .. |
انصحك اما تتزوجون او تبعدون عن بعض
لان المتزوجين بعد ثلاث سنوات يملون من بعض فما بالك اذا كانت ملكه مدتها ثلاث سنوات!!!!! |
أخواني لاتربطون سالفة السحر والله هوطيب منه ان شاءالله وبأذن الله مايرجع له
بس تعببت تعببت والله يفرجها |
اعزمميه عندكم بالبيت
وقومي بواجبك تجاه مثل أول أيام الملكة ومن ثم صارحيه واستفسري منه بنفسك وانت وشطارتك بتعرفين الرجال وش فيه الشئ الثاني فترة الملكه طويلة جدا ولو عجلتم بالزواج لكان أفضل موفقة أختي |
كان الله في عونك وفرج كربك
ماعندي شيء أقولك إلا الدعاء سهل الله أمرك |
أحسن شئ تقرأين قرآن كل يوم و تدعي ربنا انه يهديه
الله يشفيه |
سمو الذات الذات مشكوره بس المشكله ماأقدر أعزمه لأنه بمنطقه ثانيه وظروفه ماتسمح
والزواج لو بيدي ويده كان من زماااااااااااااان بس حسبي الله ونعم الوكيل مشكورين على الدعوات بس ماقلتو وشلون أنساه |
حبيبتي الأميرة الهادئة
تعجبيني ما شاء الله عليك بهدؤءك ورزانة عقلك وكتاباك كلها متزنة الله يبارك فيك اختي الرجال ما يحب المرة اللي تلاحقه وتتطلب منه لو كلام ولا تلفونات ولا اتركيه في حاله ...........هو المفروض اللي يكسب ودك ويطلب رضاك انتي ما تعطينه فرصة طنشيه لو سنة كاملة لاتتصلين عليه لما يتصل هو اهتمي بنفسك بحياتك ادرسي اخذي دورات توظفي ابني ذاتك وحياتك لا يقعد هو محور تفكيرك ............غلط لو زوجة غلط اشلون بعد لو بس مملوج عليكم لاتزعلين نفسك بسبب تقصيره بالتواصل معاك خلاص انتي له وهو لك ومتى ما صار الأرتباط بيصير لا تنكدين على نفسك وعليه ..........اسعدي نفسك وعيشي حياتك ......... ترى الزواج والارتباط مو كله رومنسية اشياء كثيرة في الحياة تدعوا للسعادة فلنسعد انفسنا وبطريقة غير مباشرة يسعد الأخرين بسعادتنا الله يوفقك ويسعدك . |
لا تقولون طنشيه ترى والله صعبه خاصه اذا تحبه
اسألوني انا ! كيف اتطنش روحها ! اموره فعلا الملكه زادت عن الحد وهذي الجفوه تصير اذا طالت الملكه اعتقد انه الحاجز بينكم هو نفسه الحاجز بين زواجكم قصدي مثلا اذا كان المأخر زواجكم الماده فتأكدي انه ضيقه وعدم مواجهته لج هو عدم قدرته على الحصول على الماده لازم تتوصلين لسبب عدم زواجكم للحين! |
حبيبتي متملكين والرجال طيب ومافيه الا العافيه وماتزوجتو للأن أمركم غريب بصراحه أما يكون من النوع اللي
لازم يحصل على شي وإذا حصله ما يهمه مات لحد ماحصلتيله ويوم حصلتيه صار يعذب فيك حبيبتي هذا حياة مولعبه وللي هذا أوله ينعاف تاليه ومحد متعذب غيرك أما تتزوجون ولا بلا منه التعذيب وبعدين ترا عمرك أنت اللي يضيع وماراح تنالين من هذا الموضوع الا وجع القلب حبيبتي قولي له يابيض ياسود وقلبك هذا اللي متعبك ومخليك تتعذبين دوسي عليه وأتخذي قرار صارم فكري ولاتخلين عواطفك تلعب فيك الحب مو كل شي في الحياة خليك قويه في أتخاذ قراراتك تحياتي لك |
اميره فدييييت روحج والله توني شفت موضوعج ياقلبي
حبيبتي لاتضايقين عمرج ابد انا مريت بفترة خطوبه كانت بها مطباات كبيره آلمتني جرحتني عذبتني صدقيني هالفتره لازم يكون بها هالشي وانا زوجي بفترة الخطبه كان اكثر التطنيش من صوبه وكنت اعاني واطلب اتصالاته وحنانه وشوقه وكنت احس بطلبي مذله لي ولمشاعري بس صدقيني الرجال تفكيرهم مختلف تماما يمكن خطيبج من النوع الكتوم اللي الكلمه تطلع منه بالغصب ترى في وايد ناس من هالنوع حبيبي لاتشغلين تفكيرج وخليها ع ربج طنشيه ساعات وخليه هو اللي يتصل حتى لو مااتصل شهر خليج قويه واستغلي وقتج وتفكيرج مع اهلج لانج بالاخير بتعيشين معاه وبتتركينهم ف لاتضيعين وقتج بالرومنسيات اللي اغلب الرجال مايفهمونها او يطنشونها بالاحرى وابتسمي للحياه ...^_^ لان الحياه حلوه معاه او بدونه <<< صدقيني |
اقتباس:
الاميرة الهادئه .. لا دقين عليه اقطعى اتصالك فيه نهائي .. اسبوع بس وصدقيني بيجيك زحف على لاقدام .. هه حلوة على لاقدام ذي ,, اي يا اختييالغاليه .. انسيه .. فترة اقري كتب ..صدقيني خطيبي كذا كان .. وقمت اطنشه ابد مادق ولا اسأل .. وصار هو الى يدق كل يوم مايستغنى مايسمع صوتي .. احم احم ,, قولو مشاء الله شو بقولك بعد .. .اقري كتب ,, ادرسي .. توظفى .. يعني بالاحرى غيري روتين حياتج بحيث انج تنشغلين عنه . موفقه يالغاليه .. وان شاء الله يحنن قلبه لج يااارب . |
انا خطبه3سنين وطفشت اجل كيف ملكه
لاتكرهينه ولاتحاولين حتى كل الي سواه علشان يخطبك دليل على حبه الكبير لك بس يمكن مايقدر او مايعرف يعبرلك انتي اصبري ثم اصبري ثم اصبري وعليك بالدعاء والدعاء والدعاء وبس تتزوجين بتضحكين على عمرك والله يوفقنا ويوفق المسلمين اجمعين امممممممممممممممم ممكن سؤال داخل عرض السؤال شوي كم فرق بينكم في العمر |
نووور ....عذوووووب.....العيون.....نمله حاطه مناكير......
عاجزه عن شكركم الله يوفقكم ويسعدكم مدري وش أقول بس ان شاءالله ربكم يفرجها ويرزقني الصبر........ الأخت روح الغالي وييييييييينك فقدت ردك |
حبيبتي الفرق.........................................3شهو ر لسى عمري وعمره 23يعني هو أكبر مني ليش هالسؤال؟
|
أختى الفاضلة : الأميرة الهادئة
بداية أبعث سلامى لك من مصر ثم : أولا : أسأل الله لنا و لك التوفيق و السداد . ثانيا : أختى الكريمة أذكرك بنعمة الله عليكى فقد رزقت زوجا تحبينه و يحبك ( و هى نعمة كبيرة ) ثالثا: أرى أختى أن تنتبهى لأمر هام و هو أن النعم فى هذه الدنيا منغصة (فمثلا : أى امرأة تتمنى زوجا ثم ترزق بزوج لا يحبها أو لا يحسن معاشرتها و إن رزقت بذلك الزوج قد يكون لا يبنجب و إن أنجبت قد تريد بنتا أو ولدا و إن رزقت ما تريد من البنين مثلا قد يكون سيء الخلق ,,,,,,,و هكذا ) رابعا : وصيتى لك أن تحمدى الله على نعمه الكثيرة عليكى و ، تملئ قلبك بطاعة الله و تنشغلى بالعمل الصالح ( لأن من شغل بشيء عن الله عذب به ) و لاتنسينى من دعواتك الصالحة |
أخت الأميرة والله كل إلي ردوا كفوا ووفوا ولكن بزيد نقاط أمكن توضح لك شوية أشياء مع الرغم أنه باين عليك تجاه زوجك العصبية وأنك راسمه لحياتك شي مع زوجك ورمانسية وأنصدمتي يوم كان العكس وأتوقع أنك تعبرين عن أحاسيسك ومشاعرك تجاه زوجك بدوافع غير طبيعيه وبدون أي شي يكبح أو بخفف من حدة ذا الشي فاوش إلي صار أمتلى وتشبع زوجك من هذه الناحية إلي هي الناحية العاطفية وضمن في حين أنك تطلبين المزيد وهذا شي طبيعي يعني ضمن دامه مملك وغير كذا أمكنه قال والله هذي مثلا ماتسمع ولاتشوف فيني دام كذا خلني أثقل عليها عشان أحسسها بقوة الشخصية وأحسسها أن الكلام الحلو عندنا يالرجال في أوقات محددة ماهو في كل وقت مثل البنات ودام أن الموضوع كذا خلني بس مرة وحده أتفرغ لأمور الزواج وألملم حالي هذاااااااااا أنا أقولك تفكير الرجال ولاهو بكلهم بعد فما بالك إذا كان زوجك من النوع إلى ذكروا الأخوات الهادي وماتطلع منه كلمه بس الأكيد الأكيد ونصيحه تلذذي بتعذيبه في فترة الملكة وحسي فيه من دون هو مايحس يكون جاوبتي على تجاهله وهي تعتبر ردة فعل طبيعية من الزوجه تجاه الزوج والعكس كذلك ورسالتك الأخيرة إلي أرسلتيها له يبيلها أسبوع من التطنيش وبعد كذا يبان المفعول يا أبيض يا أسود صعب أنك تنسينه وأنتي تفكرين فيه لابد أنك تنهمكين في أي شغله والله يوفقك أتمنى أكون أفدتك وبالتوفيق للجميع
|
ياحبيبة قلبي انت
تبغي تجربتي وبيني وبينك احتويه احتويه احتويه بحبك بحنان بعطفك لاتعصبي ولاتنتقمي ابدا عمر العلاقه بين الزوجين انتقام هي (موده ورحمه) توددي له ، وارحميه اصبري عليه وبنفس الوقت اعطيه فرصه يعيش حر طليق يعني لاتفكري ابدا تعاتبيه ليش مااتصلت وينك ماكلمتني..... انت اتصلي عليه في اليوم مره اما في الصباح او اي وقت المهم تضمني وتتوقعي انه فاضي وسلمي عليه كيفك حبيبي مشتاقتلك افتقدتك كيف صحتك كيف الدوام تبغى شيء حبيبي مع السلامه حبيت اسلم عليكمثل كذا ماتاخذ المكالمه اكثر من 10 دقائق وهذا هو المطلوب ولو اقل افضل وحاولي لاترسلي رسائل كثير ثاني يوم ارسلي رساله(كيفك ياحلو وحشتني كيف عيونك كيف اذنك كيف بطنك كيف قلبك حبيت اسلم عليك حبيبي يادبدوبي ) وبس هذي الرساله تكفي اليوم من غير مكالمه ثالث يوم ارسلي رساله (حصنتك بلا اله الا الله ياسيدي انا عارفه انك مشغول وما حبيت ازعجك عشان كذا رسلت لك الرساله انتبه على نفسك يانور عيني..)رابع يوم لاتتصلي ولاترسلي اذا ماتصل ارسلي رساله بعدها بيوم ارسلي رساله غزليه وتشوفي بعدها بيتصل وحتى لو مااتصل هو في داخله مبسوط منك وبنفس الوقت مشتاقلك اهم شيء حبيبتي خذيها نصيحه مني اذا انت اتصلتي لاتطولي في المكالمه يعني سلامات وتحيات ومع السلامه ...لأننا مانعرف هو فاضي ولا لأ هو رايق ولالأ لكن هو اذا اتصل تأكدي انه رايق وحابب يتكلم وتشوفي انه يجلس بالساعات يتكلم ويحكي حتى مايعطيك فرصه تحكي من كثر ماهو مشتاق يحكي لك ويسولف حبيبتي مادام متأكده انه يحبك وانتتحبيه ليش خايفه اكثر مايخوف واللي يقلق البنت انها ماهي متأكده من حبه...صح ولا انا غلطانا.....تراني مجربه وعارفه وعايشه تجربه طيب حتقولي انا ايش اعمل بهذا الوقت بأقولك املي وقتك ونظمي نفسك ورتبي جدولك 1_وقت النت...نقول 3 ساعات 2_وقت تعلمي الطبخ ....خذي طبخه في المنتدى واعمليها ...عارفه كم تجلسي يادوب 3ساعات من طبخ واستحمام بعدها 3_اطلعي امشي واتريضي ......ترا الرياضه تنفس عن الإكتئاب والضيق وتجدد نشاطك 4_خصصي لك وقت في الليل ساعه قيام ليل وقرأة قرآن<<<مااجملها من ساعه تعطي راحه نفسيه 5_علاقات اجتماعيه زيارات نصيحه خذيها مني ...لما تجي تنامي لاتجلسي تهوجسي (مايحبي مايبغاني لو كان يبغاني كان كلمني لو لو وتجلسي تبكي على المخده<<<<تراني عايشه هذا الجو تصحين ثاني يوم مكتئبه ومكشره ومالك خلق بأحد لكن لاجيتي تنامي افتكري كلاماته الحلوه ومواقفكم الحلوه فكري في مستقبلكم الحلو وفكري كيف تسعديه تصحي ثاني يوم وانت منتعشه ولاتنسي صلاة الإستخاره صلاة الأستخاره كل ماحسيتي بضيقه قومي صلي واستخيري والله بإذن الواحد الأحد بتحسي براحه وطمأنينه بأختصار ياقلبي: 1_التفائل بالخير 2_ملي وقت الفراغ 3_التودد ولكن بحدود يعني لاتخنقيه وتلاحقيه 4_صلاة الإستخاره 5_اعطيه الحريه 6_الدعاء الدعاء الدعاء واخيرا : ربي يسعدكم ويألف بين قلوبكم ويلم شملكم على خير ويكفيكم شر الحاسدين وشر شياطين الجن والأنس ويارب يجعل بينكم موده ورحمه ويريح بالكم ويسخرلكم ويجعلكم قرة عين لبعضكم |
يا حبيبتي يا أميرة ،،، و الله بقالي فترة بحاول أدور على مواضيعك علشان أطمن عليك
هدي نفسك و هدي أعصابك علشان تقدري تتصرفي بطريقه أحكم و تاخدي قرارات هادية سؤالي لك :: انت متأكده من إنه تعافى من السحر ؟؟؟؟؟ و إذا كان تعافى ما تشكيش إنه ممكن يكون وقع تحت طائلة السحر مرة تانية صدقيني ما دام هو كويس و بالطريقة اللي بتقولي عليها دي و بيحبك الحب ده فحاولي تحصنوا أنفسكم بالدعاء و بالقرآن ... و إنت اجتهدي جداً جداً بالدعاء و بقراءة سورة البقرة صدقيني هتفك كربك و همك بإذن الله تعالى و بصراحة مشرفتنا الغالية روح الغالي كفت و وفت و طمنينا عليك |
زعلتيني كتييير
مش عارفة شواقلك بس تأكدي من انو السحر بطل موجود وحاولي تبعدي عنو فترة يمكن يعرف قيمتك مش عارفة جد شواقلك زعلانة كتير انا الله يفرجها عليكي يارب امين اقري سورة البقرة كل يوم وادعي الله وسدقيني ماراح يخذلك بالله عليكي احلفك بالله تقريها من اليوم ازا ماعندك عذر شرعي الله يفرجها عليكو خبريني بالتطورات |
عفارم عليك’الفتى الوسيم ’سون اوف مي’ملك شادي’
يعجز القلب عن شكركم والله نصائحكم فادتني كثير ودعواتكم هي ماأتمناه...مشكوووورين الله يوفقكم دنيا واخره ويعطيكم ماتمنون........................................... ...... |
اقتباس:
روح الغالي الله يوفقك ويسعدك ويخليك لي تصدقين والله العظيم بدون مجامله أعتبرك كأخت لي وبالفعل كل اللي ذكرتيه يصير لي بالذات سالفة التفكير قبل النوم والله ذبحت أهلي أصحى ثاني يوم والأخلاق مصفره بس ان شاءالله أسوي اللي نصحتوني فيه وأهم شي تدعون لي الله لايحزمني وقفتكم معاي والله خففت شي كثير بدخلي وأطلب منك يالغاليه إغلاق موضوعي وبإذن الله أعطيكم أخبار ازين منها يااااااارب |
اختي الكريمة ادعو الله ان ييسر امورك ويسعد قلبك ويهدي خطيبك
|
اقتباس:
تم إغلاق الموضوع بناء على طلب صاحبة المضوع ونيابة عن جميع الأعضاء نسأل الله لك التوفيق والسداد وراحة البال والفرج القريب ونسأل الله ان يألف بين قلوبكم |
| الساعة الآن 09:24 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©