|
مو هنا المشكلة ... المشكلة هنا !!!
بسم الله الرحمن الرحيم
السلام عليكم ورحمة الله وبركاته قبل سنة تزوجت كان عمري وقتها قريب من 24 مو هنا المشكلة !! وعشت حياتي مع زوجتي في بيت كأي بيت سعيد وتحيطه الموده والمحبة والرحمه ولله الحمد مو هنا المشكلة !! يعد ثلاث أشهر من زواجي حملت زوجتي مو هنا المشكلة !! وقبل أقل من شهر تقريبا رزقني الله بمولود ولله الحمد ومو هنا المشكلة !! -------------- -------------- المشكلة ياناس إني في الفترة هذي حالتي مو طبيعية طبعا من المعروف أن الزوجة في فترة النفاس تكون بعيده عن زوجها ( يعني في بيت أهلها ) مر أسبوعين كوقت طبيعي لكن من خلال الأسبوع الثالث فقدت أشياء كثيرة بدأت الأفكار تلعب في راسي أصبحت أفكر في التعرف على بنت !!! أصبحت كثير التفكير في هذا الموضوع تمر أيام ودي أبكي من اللي أنا فيه ما ابغى حياتي تضيع وتصير بيني وبين زوجتي مشاكل حاولت أبعد التفكير هذا عني بس ما اقدر يعني لازم ارجع وأفكر فيه طبعا تهيأت الفرص لكن أحمد الله عز وجل إني إنسان ماعندي جرأه أكمل طريقي الخاطئ كلمت بنت وعرضت علي سهره مقابل مبلغ مالي ( والله ادري انه حرام - واخاف من ربي يعاقبني بأنه يقبض روحي عندها ) هذي ماغابت عن بالي طبعا اتصلت على زوجتي وكلمتها قلت انا فيني شي مو طبيعي لما قالت ايش فيك قلت اني افكر اتعرف على بنت وانا من ايام افكر بهذا وحبيت اعلمك وش اسوي - ابغى حل !! قالت انت ايش تبغى بالضبط - تبغى حقك بالفراش لو اقدر ماامتنعت عنك قلت انا مدري وش ابغى بس افكار توديني وتجيبني !! ابي منكم الحل ياجماعه انقذوني الله يوفقكم |
خاف الله انت متزوج وتقول هذا الكلام
ايش نقول نحن العزاب الله يسامحك |
مشكور اخوي على النصيحه
بس صدقني حالتي اصعب من حالة العزوبي لاني فاقد شي جربته وعشته والعزوبي لا الله يعطيك العافيه وانا كتبت هذا الموضوع ابغاكم توقفون معي مو تعاتبوني وتلوموني انا ادري اني مخطئ علشان كذا فضفضت لكم وابغى الحل |
|
روح جيب زوجتك وهذا من حقك 100 %
صدقني بس تجي البيت مع ولي العهد راح تروح التفكير بهل امور انا بس مستغربة شلون زوجتك ما جت جري لما كلت لها هل كلام |
حاول طرد هذه الأفكار الباليه من رأسك
فمجرد تفكيرك في هذه الأمور تجرك لفعل ما يغضب ربك أستعذ من الشيطان الذي بدأ يتغلغل فيك ويستحوذ أفكارك حتى تقنع نفسك بالحرام تذكــــــــــــــــــــــــر المقوله المشهوره (دقه بدقه ولو زاد لزاد السقا ) وهذا المثل قيل في رجل بائع للذهب جائته امرأه حسناء ذات بياض فما تمالك نفسه والشيطان وأمسك بيدها ليلبسها الأسواره لكنه تذكر زوجته بينما زوجته في المنزل تنتظر من يسقيهم بالماء ففتحت للسقا الباب وحاول الأمساك بيدها المهم تذكر أنك لن ترضى ذلك لزوجتك إذا غلبك الشيطان كلم زوجتك أقضي أوقات طويله معها استمتع بها إذا غالبتك الشهوه فذلك لا يمنعك أشغل أو قات فراغك بالمفيد وأجعل الله نصب عينيك هداك الله وأصلح حالك |
لازم زوجتك تجي عندك
لان النفاس اسبوعين والزوجه تمارس حياتها طبيعي الا الجماع طبعا وتلاقي طرق معها لكي ترتاح والله يبعد عنك وساوس الشياطين |
الله واكبر
الاخوات والله ما قصرو بس الحل الوحيد هو انك تجيب زوجتك واستمتع بها ...... بدون .....طبعا فهمت ربنا يبعد عنك الشيطان |
اقتباس:
فرب عزوبي أخوف لله من ألف متزوج |
مشاء الله عليك .. عندك روح ريـــاضيه انك تصارح زوجتك ,,
اما زوجتك .. بـــاردة .. اسمح لى اقول عنها بــاردة .. ماتحس ورببي لو انا اجي لزوجي .. ركض طيران هواء .. مثل المجنونه ,, اسوي الى يبااه بس انه يفكر فى وحدة ثانيه ذي مصيبه ,, اخووي الحل عندي وانا اختك ,, روح لزوجتك .. اول شي اعزمها بمطعم وقول لهها ,, وش الدافع الى خلاك تسوي كذا .. لانه اكيد مأخذه على خاطرة من كلمتك انك تبي تتعرف على بنت .. وقول لها ..بوديش بيت اهلش .. جهزي اغراضج وردي البيت .. بكرة الصباح تكوني موجودة .. ولا ليش الصباح ..الليله .. اخذها مو لازم النفاس 40 يوم .. عادي يصير نص .. بس نصيح روح جيب زوجتك واقطع اتصالك بهالفتاه الملعونه .. الى تجرك نحو الرذيله ,, الله يغفر لنا ولكم ان شاء الله .. مسامحه على كثرة الهذره . |
أخي
ليس لي ما أقوله سوى ... أتهديها خيانة بعد أن رأت الموت بولادتها لولي عهدك الذي سيحمل اسمك ؟؟؟؟؟؟ فكر و لو للحظة بمعاناتها ثم حاسبها عليها بمصاحبتك لانثى بالحرام ... |
أخي الكريم ادري انه شعور صعب وجدا وجربته مع زوجي لكن اقول لك شي اول شي اذا جاك الوسواس قوم شغل سوره البقره بالبيت لانه في حديث عن الرسول بمامعناه اذا قرأت البقره في بيت طرد الشيطان منه وروح جيب زوجتك وحتى لو هي نفاس على الاقل تحس بحنانها وهي بقربك واقول لك شي انت قلت لزوجتك هذا الحكي لكن لو فعلت هذا وكتشفته فلا اشك بأنها سوف تقف مكتوفه الايدي يعني ( العين بالعين والسن بالسن والبادي اظلم)والا وش رايك؟؟؟؟؟؟
اهم شي كله اسبوع اشغل نفسك فيه بالزيارات الاقارب تصدق وصوم واكثر كل ما يرضي الله لانك بأعمالك لن تجعل لشيطان سبيلا وفقك الله وطمنا عليك اخي |
وين صاحب المشكله؟؟؟؟
اكتفيت من ردود الاخوان ولا عاده "في راسك حب يبي ينطحن" قول لنا على ايش استقريت اتق الله يارجل وروح جيب زوجتك وخل عينك تقر بها "وبولي عهدك" |
إذا إنه من ذاق عرف والعزوبي غير المتزوج بنظرك !!!!
خلك مثل ماكنت قبل زواجك وإصبــــــر لليوم اللي ترجع فيه زوجتك لبيتك الله يحفظك ويحفظنــــــــــا من كل شر |
ماشاء الله عليكم
انتم وش فيكم شبيتوا فيني نار هذي كلها افكار يعني ماصار شي وان شاء الله ما يصير ============= من خلال الردود رد لأخونا رادع يقول ... ليس لها علاقة بعزوبي أو متزوج وانا اقول هناك فرق واكبر شي يدل على الفرق هو عقوبة الزاني المحصن وغير المحصن لو كانت مثل بعض لقلنا ليس هناك فرق ولهذا ثلاثة لايكلمهم الله ولايزكيهم ولهم عذاب أليم أشيمط زاني = يعني الرجل الكبير في السن الذي في رأسه شيب ومن ناحية خوف من الله - أنا اتفق معك بس لاتنسى هناك من بزمن الرسول صلى الله عليه وسلم قد فعلوا الزنا ( لا احد يظن إني استبيح اعذار ) بس النساء فتنة والرجل بطبيعته يعشق النساء ======== ======== من ناحية ما اقدّر ظروفها - انا مقدّر ظروفها بس الحاله صعبه ما يحس فيها إلا اللي مجربها - ادري اني جاف في تصرفي ! ولكن ... ======== ======== من ناحية لازم الزوجة ترجع انا قلت لها مو لازم 40 يوم كامله خلاص يكفي انا محتاجك قالت في ايش طبعا ابعدت عن بالها الجماع لانه مستحيل وقلت محتاج لقربك وصارحتها قلت انا ممكن انحرف بأي لحظة يعني اكلم وحده قالت لا انت تضايقني كذا واصبر كلها اسبوعين تقريبا وبس قلت وش اسوي والله - انت ما تبين ترجعين الحين وإلى الآن - مع اني صرت انام اوقات وافرفر بالسياره اوقات كله علشان اقضي الوقت وجزاكم الله خير |
أخي أنت رجل ولك كلمة على زوجتك روح عندها لبيت أهلها وجيبها شائت أم أبت وأنت زبط البيت بالورد والشموع والأجواء الرومانسية صدقني أول مارح تدخل البيت وتلاقي هاي الأجواء رح تنسى إنك جبتها غصب عنها ولاتتأخر عن هذا العمل أبدا فالشيطان شاطر وفي لحظة تضعف النفس فروح ياأخي وجيب زوجتك والله يوفقك بينكم وجعل ابنكما ذرية صالحة وعقبال ماتخاويه ودمت بحفظ الرحمن تحياتي |
اتعوذ من ابليس يا اخوي
كلها وساوس من الشيطان خلى الاسبوع يصير بنظرك سنة يا خوي احرص على التقرب لله والدعاء في صلاتك وزوجتك حلالك كلها كم اسبوع وتصير لك عروس من اول ويديد الله يهنيك ويحفظك من الحرام |
الله يثبتك على عقلك ولا تسوي شي تندم عليه ... الله يخلي لك المدام والبيبي وتعيشوا في وئام
|
هي تبغى تقعد عند أهلها عشان لارجعت ترجع لك زي العروسة صدقني وبعدين صراحة أخشى إنها شالت في قلبها من الحكاية المهببة اللي قلتها لها عن مواعدتك لبنت الحرام فحاول تمسح الصورة السيئة اللي حطيتها في بالها والله يهديك .....
|
سحان الله نفس وضعي تقريبا ايام نفاس زوجتي ...
افكار وهواجيس اعوذبالله .. ونصيحه ياعزيزي .. اصبر اسبوع وبتحس بطعم الصبر وصدقني بتكون احلى من ليلة الدخله .. just wait |
اسأل الله لك الثبات وعليك باحتساب الاجر...وهل ترض ياخي الكريم انك لو كنت مسافرا فتره طويله عن زوجتك ان تفكر هي بالتعرف على رجل اخر _ ولو كانت تحبك _ لاطفاء رغبتها الجنسيه وشوقها لتك الغلاقه اتصور انك سوف تقول لالالالالالالالالالا.... وان كان الشيطان يسول لك ان تقترف محرما لشغفا فيك للعلاقه الجنسيه وهي موجوده لدى اهلها اطلع بها واتجه لا حد الفنادق الفخمه واخرج ما في راسك من شهو ه ... ونصيحه لك ولي انتبه من الوحده في جلوسك انتبه ان يستفرد بك(شوشو)الشيطان ... |
آخر أخباري :
البارح كلمتها وكنا نسولف ( كل سواليفها عن الطفل ) طبعا كدت أن أقطع كلامها بقول : أنا أبغى كلام لي مو عن طفلي بس ماحبيت أفشلها وفاتحتها عن عودتها للبيت بوقت قالت لو كان عندنا بيت لوحدنا رجعت لك ( لأن أنا وزوجتي ساكنين في شقه بمنزل أهلي ) وفضفضت لها عن اللي بقلبي وقالت أنا عارفه أنت تبغى إيش تبغاني وتبغى ولدك عندك قلت أكيد زوجتي وطفلي إذا ما اريدهم ..أريد مين ؟؟!! وبعدين سألتني سؤال : أنت لو تكلم بنت وش تبي منها ؟ قلت مدري .. أنا قلت لك أنا أبغى حاجه بس مدري وش هي بالضبط ؟ المهم طلبت مني أن أنهي الإتصال لأنها ماتقدر تكمل المكالمه وانهيت الاتصال ونمت بعدها مباشره وإلى الآن ما كلمنا بعض وعلى فكره أنا بعيد عن زوجتي 250 كيلو لأني أعمل في الرياض ( معلم ).. وكل يوم جمعه اجي للرياض وارجع الاربعاء لها من يوم بدأت السنة الدراسيه بس لما ولدت وارجع اكون لوحدي ويكون عندي رغبه ازورها كل وقت بس يكون عندهم حريم وضيوف ومدري ايش ولا اقدر اشوفها واجلس معها ... والحمدلله بديت خطوه أولى مسحت من جوالي رقم بنتين !!!! والله يصبرني والله يجزاكم خير |
أول شي أخوي
مبروك ما جاك وجعله يتربى بعزك الله يخليه لك.....ويخليك له ثانيا : انا أمر بضروف مثلك غير كذا إني عزوبي والله العظيم أن أكثر دعائي هالأيام (اللهم أن أردت بعبادك فتنة فاقبظني إليك غير مفتون) فتن فتن والله الواحد بعض الأحيان يحسد الأعمى على عماه والله العظيم إني ما أحب إذا جلست مع أخوياي أنهم يجيبون طاري الحريم ...مع إنها سوالف مطاوعة لكن والله أن نفسيتي تعبانة ودي أتزوج ودي أكلم بنت بالحلال ودي أحسن أن فيه وحدة تسأل علي ودي أحس أن فيه وحدة تغمرني بمشاعرها طبعا كل هالتفكير مهو للجنس فقط لكن للكلام والسواليف والضحك ووالمزح وللمداعبة وكذلك للجنس أحس إني بنفجر خلااااااااااااااص واللي يزيد الطيب بله إني أدري أن أقرب وقت أقدر أخطب فيه هو عقب ستة شهور على الأقل إذا ما كان أكثر بعني وش يصبرني إلى عقب ستة شهور <<<<<<<طبعا ستة شهور تفائلا ولا يمكن سنة ولا سنتين لا وقبل يومين رحت للسوق وجت وحدة بنت قالت لي : نايس تو ميت يو....طبعا تغازل<<<<<<<<<<من وين جتني هالمصيبة بعد لا وتجيك وحدة في هالمنتدى تقول أن من المستحيل إنها تلقى رجال ما قد كلم بنات<<<طيب على الأقل قولي يعض الرجال يكمون بنات .........لكن مستحيل يا رجال خلها على الله والحمد لله إني مني راعي بنات ولا كان علوم والله أن الواحد هالأيام جالس على جمر يعني المغريات كل مالها تسهل ..... والزواج كل ماله يصعب يعني ما يمنع الواحد هالأيام من الوقوع بالمحرمات إلا توفيق الله له لا غير أعذرني طلعت عن الموضوع لكن أنت على الأقل عندك بنت تكلمها بالحلال وإذا ما جتلك هاليومين فأقصى مدى عقب اسبوع أو اسبوعين<<<<يعني بالعربي أحمد ربك لكن حنا وش نقول اللي أقرب مدة نكلم فيها بنات عقب ستة شهر آآآآآآآآآآآآآآآه أنا أدري أنك بتقول : طيب أنا وش دخلني أقولك : أنظر إلى مصيبة غيرك تهون عليك مصيبتك نسيت أقولك لا تنس أن زوجاتك من الحور العين ينتظرونك فلا تفشلهم تكفى أخيرا الله يخليلك زوجتك يا رب ويبعدك عن الحرام يبارك لك بولدك شكرا |
أخوي (زوج في المستقبل) حتى المطاوعة يسولفون في الحريم؟؟؟!!!وأنا اللي حاسدة حريم المطاوعة
الله يفرج همك أنت وأخونا (أنا كذا) |
اقتباس:
ألذ حاجة يسولفون فيها الرجال هي النساء وألذ حاجة يسولفون فيها النساء هي الرجال طبعا سواليف المطاوعة ما راح تتعدى حدود الأدب ....لكن تبقى سواليف عن النساء |
و الله تعجبت جد من الكلام هكذا فكرت فى نفسك يا اخى و لم تفكر فى زوجتك التى لا حيلة لها بدل مراعتها فى ظروفها و تعبه يكون تفكيرك فى نفسك اغلب النساء تمر باكتئاب بعد الولادة و تحتاج لحنان و كلمات حلوة بعد التجربة المتعبة التى مرت بها فلابد انت تتفهم الموقف و لا تفكر فى نفسك الحل ان تحضر زوجتك الى المنزل والله يبعد عنك زلة الشيطان
|
السلام عليكم،
إن كان من الصعب احضارها إلى بيتك الآن فهل باستطاعتك البيات في بيت أهل زوجتك أيام العطلة؟ أو على الأقل أن تقضي النهار كاملاً عندهم. أخبرها بذلك مسبقاً حتى لا يستقبلوا ضيوفهم في ذلك اليوم. فرج الله همك يا أخي زوج في المستقبل و ثبتك على طاعته و رزقك بالزوجة الصالحة بأسرع وقت. |
الله يكون في عونك اخوي زوج في المستقبل
والله انا قايله ابليس شاطر تصدق انا قبل زواجي كنت اعرف وحده وهي طبعا تزوجت تصدق الايام هذي وصلتني منها رساله يعني المصائب والمغريات كثيره وابشركم يا جماعه خلاص شلت الافكار من راسي وانا في تحدي مع نفسي على الصمود والانتظار حُفت الجنة بالمكاره ... وحُفت النار بالشهوات والله يجزاكم خير ويوفقكم لما فيه الخير والصلاح |
اخوي
شو هذه الحركات انت مش اول واحد تفارقه زوجته لمدة 3 اسابيع او اكثر شو تبي ؟؟؟؟؟؟؟؟؟؟؟؟؟؟ زوجتك جابت لك ولد وانت تكافئها با التفكير بغيرها 40 يوم وتجعلها مشكلة الحقيقة هنا المشكلة |
تخيل انك زنيت مع وحده وخلصت, رحت البيت وحطيت راسك على المخده , وانك نمت و ما صحيت ! شلون بتواجه ربك ؟ بتقول حق ربك أنا معذور ! زوجتي بنفاس! هاذا الشيطان لقاله مدخل يدخلك منه يا ذكي :)وحاول أنك تخلي هذي الفتره فتره تحب فيها زوجتك و تولهه عليها أكثر وتلاقيها بشوق أكثر لما ترجعلك.
|
بسم الله الرحمن الرحيم.........
رسالة الى زوجي العزيز ووالد طفلي............ لقد حملت هذا الطفل الرائع في بطني تسع شهور.......... عانيت فيها من ثقل الحمل......... وتعب المسير........ وزيادة وزن ...... وتغير شكلي........ واصبحت منتفخة......... انتظر لحظة ولادتي.......... لارى طفلي ليشاركنا عالمنا.......... ولكي اتخلص من هذا الجسد......... لكي ارجع لك عروسا........ زوجي العزيز......... هذه لحظة الولادة........... انها لحظات مؤلمة مميته........ يكاد الالم يقتلني......... ولكن عزائ الوحيد....... ان بعد هذا العناء سيرى ابننا . ثمرة حبنا النور......... زوجي العزيز......... ها انا بعد الولادة....منهارة القوى ...... سعيدة بطفلي ولكن خائفة....... خائفة من هذه المسؤولية الجديدة هل سأكون اهلا لها؟؟؟؟؟؟؟ زوجي العزيز....... انا سعيدة....... بدأت اتعامل مع طفلي جيدا... ولكن ارهقتني زيارات الاقارب والاصدقاء.......... زوجي العزيز.......... هاهي الايام تمر..... وطفلك يسهرني ليلا........ والاقارب لا يكفون عن زياراتي في كافة الاوقات خاصة وقت راحتي......... ولكن ما يؤلمني اكثر هو غيابك عني........ واشتياقي لك........ بدأت اتملل من هذا الوضع....... ولكن الصبر جميل......... زوجي العزيز....... الحمدالله بدأت الامور تهدأ....... انتظر متى تنتهي مدة النفاس....... كي ارجع لك عروسا......... لقد اشتريت ثوبا جديد.... وطلبت من اختي ان تشتري لي عطرا جديدا......... واخي وعدني.... ان يسطحبني للمزينة لاصصف شعري وانقش الحناء.......... اعدك ان اكون جميلة........ ولكن طبعا بعد ان يسمح لي ولدك الشقي ببعض الوقت......... زوجي العزيز.......... بقي من الوقت اسبوع............ فهلا انتظرتني بشغف كما انتظرك؟؟؟؟؟؟ وابشرك ........ طفلك لديه ابتسامتك الساحرة...... واتوقع ان يكون تقي يخاف الله كوالده........ ************************* اخي الكريم موضوع اثار بوحي... وجعلني اخطو لك هذه الرسالة.......... والتي قد تصف حالة زوجتك في هذه الايام...... كان الله في عون الجميع........ ولك مني كل التحية |
ماشاء الله عليك يا حديث العهد... كلام جميل...
عموما أخوي أنا كذا.. باين عليك قدها ماشاء الله.. أصبر... هانت... وخليك بيننا في المنتدى... لغاية ما ترجع زوجتك وطفلك الجميل .... الله يوفقك ويبعد عنك الحرام :) |
اقتباس:
ايوووه..هذا الكلاام ولا بلااااش :22: والله يحفظك ان شاء الله ويبعدك عن الحرام وبنات الحراام ..آآمين ياارب.. |
لن اقول لك حرام او حلال
لكن تذكر الامراض الجنسية المنقولة من زهري وسيلان الايدز وعلى فكرة ممكن ينتقل المرض من مرة واحدة فقط وليس شرط من عدة مرات .. وما ادراك ان تكون تلك الفتاة مصابة ام لا ؟ هل تعلم الغيب |
مرحبا...
الحمدلله على سلامةزوجتك وابنك...ويتربى بعزك يا رب... فترة النفاس صعبة بالنسبة للرجل والمرأة...لكن ما عليك سوى الصبر وتمنيت نفسك ب......بعد شفاء زوجتك بإذن الله...بس بإمكانك حاليا إنك تستمتع معها بما شئت ماعدا الجماع الفعلي...اعتبر معها الدورة ومطولة شوي، لأن الجماع في هالفترة يضر جرح الولادة..اعمل اللي تريده...وخبرها إنك محتاج لها وما تقدر على بعدها عنك .. أكثر من الصيام فهو دواء رائع لهذه المشكلة...وتقرب لله طبعا، إقرأ القرآن كثيرا...اشغل نفسك مع البيبي، حاول تزور زوجتك كل يوم وتجلس معاها...وأهم شي اطلب منها ترجع معك البيت لأن بوجودها بالبيت راح تروح عنك كل الأفكار الشيطانية، وبصراحة عجبتني حركة الاعتراف لزوجتك بالرغم من إنها أكيد تأثرت بشدة...لكن إنك تعترف لها أحسن من إنك تزيد الخطأ.. الله يوفقكم ويسعدكم |
حديث العهد......رسالة جميلة جدا ومؤثرة...مو عارفة ليش وأنا أقرأها حسيت نفسي راح أبكي...
راح أخزنها عندي واستخدمها في وقت الحاجة:d :15: ألف ألف شكر إلك |
جيب روجتك وإذا كنت محرج من أهلها قولوا نروج السوق وروحوا البيت واقعد معاها وفرغ عواطفك بالضم والقبل وان لم تكن طاهره كمل شغلك برا ويخف اللي فيك واتق الله وعليك بالصيام فإنه وجاء
|
طيب انا عندي لك حل مجرب
ويمكن ترتاح نوعا ما اختى لما ولدت بطفلها الاول كان لما يزورها زوجها بيت اهلي تقولي ان زوجها يسوى من برا .. وانت افهمها هو يكون ارتاح وعفته هي عن التفكير بالحرام قد يكون حل ... والا مافي مجال الا الصبر .... لا حرمك ربي الاجر |
أفاا زوجتك حبيبتك في الله لا تسوي فيها كذا...
اقتباس:
الغصة تخنقني كلاام مؤثر جداااا وفعلا هذا هو الحااصل...ربي يجزيك وأحبتك بالسعادة كلها في الدارين... أخي الكريم في الله"انا كذا" لي رجاااااء إقرا رسالة أختي "حديث العهد" بتمعن وكأنها من زوجتك حبيبتك في الله....بإذن الواحد الأحد بتتراجع عن أي حرااام وعن أي فعل مشين ممكن يجرح مشاعر الغالية....ولا تنسى تكثر من الإستغفار والصلاة على الحبيب صلوات الله وسلامه عليه وعلى آله وصحبه وسلم والإستعاذة من الشيطان اللعين... ربي يديم المحبة الصادقة بينكم ويسعدكم ببعض ويبعد عنكم نزغ الشيطان ويجمعكم على طاعة الرحمن والإنتهاج بنهج الحبيب صلوات الله وسلامه عليه وعلى آله وصحبه وسلم تسليما كثيرا... |
هـــــــــــــانت أخوي ما بقى شي !! http://www.66n.com/forums/images/icons/icon9.gif تحمل شوي !! أسبوع في مقابل العمر كله :22: . . شد حيلك ؟ << داش امتحان الريال :d تحياتي لك ، إختك : خلك إيجــــــــــابي ! |
| الساعة الآن 10:09 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©