|
متى أطلع من هالسجن؟
زميلاتي ينتظرون نهاية الدوام بلهفة
يبون يشوفون اعيالهم وازواجهم وقبل الوقت بربع ساعة يستعدون للخروج اما انا احس بضيق اذا قرب نهاية الدوام واخر وحدة تطلع ولولا اخوي اهو اللي يوصلني كان ما طلعت ادخل غرفة اللي اشبهها بالسجن احس اني مخنووووووووووووووووووووقة ما توقعت ان هذي راح تصير حياتي ملييييت وزهقت من الدوام الى هالغرفة طلعاتي قليلة محد فاضي لي واستحي بل احس اني ضيفة ثقيلة اذا طلعت مع أخوي وزوجته ما ألومهم يبون الخصوصية وغالبا زوجة اخي تلتزم الصمت ولا تتكلم اذا خرجت معهم لاي مكان حتى لو كان للسوق لقضاء حوائجي حتى االبيت نفسه غير مسموح لي بالتحرك به الا بغرفتي كل ما طلعت شفت اخوي وزوجته قاعدين مع بعض انسحب واجلس بغرفتي ما احب اضايقهم لانهم يبون الجلوس مع بعض وسوالف خاصة اخوي مو مقصر بس تعرفون الشباب ما يقعدون من الدوام الى الديوانية واذا رجع يقعد معاي نص ساعة وباقي الوقت يقضيه مع زوجته في الغرفة صرت اكره الرجوع للبيت ومجرد اشوف غرفتي احس برغبة بالبكاااء احس مخنووووقة كل وسائل قضاء الفراغ حولي ( الانترنت - التلفزيون - الكتب - المجلات - ) والناحية الدينية مو مقصرة ( صلاة القيام القرآن والاستماع للاشرطة) لكن النفسية زفت مالي خلق شي احس غرفتي ماهي الا سجن يسألوني زميلاتي لما يشفوني اداوم وانا مريضة يقولون ليش ما تغيبين انتي مريضة اقول اغيب؟؟؟؟ ما احب الغياب لان الدوام هو المكان الوحيد الي اغير فيه جو واذا غبت يصير اليوم طويل ويضيق خلقي اكثر لما تصير اجازات متعودة لما ارجع من الدوام انام الظهر ولما استيقظ اقعد ساعة على الفراش مالي رغبة بأني اسوي شي اغلب الاحيان اقعد اصيح لما تنشف دموعي لان وراي يوم ثاني اعيشه خواتي ما اشوفهم الا في عطلة نهاية الاسبوع ما اقدر ازورهم الايام العادية لان ما عندهم وقت من الدوام ينامون الظهر بعدين تقعد مع زوجها او تطلع معاه او تنزل لبيت حمولتها زهقت وملييت |
ياحياتي انتي صدقيني مو انتي بس اللي كذا
انا مثل حالتك لكني عايشه مع اهلي واطلع للمكان اللي ابيه لكن مع ميييييييييييين مااحد فاضي لي .. كل واحد وله اهتماماته ومايفكر الا بنفسه ماادري اقول لك اذا عندك هوايه سويها ارسمي - اكتبي - سوي العاب ..... اي شي انتي تتقنينه فكري في اي شي حتى لو كان تافه وسويه لاتحقرينه ولاتحطين في بالك انك كئيبه وطفشانه لانك طول عمرك بتكونين كذا اطلعي من الانغلاق اللي انتي فيه روحي المكتبه اشتري كتب وقصص ونصبحه مني ابعدي عن هالقسم لانه بصراحه هو اللي جاب لي كآبه وزادت الحساسيه اللي فيني من المواضيع اللي اقراها .. مع احترامي للجميع ابحثي عن مواقع فيها صور مضحكه او مواقف حلوة وهذي نقطه مهمممه مره لازم تجربينها |
اقتباس:
صدقيني لما كنت عايشة مع اهلي كنت سعيدة مع اني ما تزوجت ولا حسيت بهالشعور بس ما جربتي العيشة في بيت زوجة الاخ صعبة ومملة |
اكيد انها صعبه ومحرجه مره
طيب حاولي انك تجلسين معهم وتسولفين وتضحكين عشان هم يصيرون يدورون عليك طيب وين اهلك ليه ماترجعين لهم ؟؟؟ الله يااارب يكون بعونك |
عليك بكثرة الدعاء 00وعليك بكثرة الاستغفار من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب وقال تعالى في سورة نوح-فقلت استغفروا ربكم انه كان غفار يرسل السماء عليكم مدرارا ويمددكم بأموال وبنين 0- عليك بكثر الصدقة 00والصلاة في اخر الليل 00وعليك بقراءة سورة البقرة بشكل يومي وسوف ترين اثرها العظيم على نفسيتك 000هنلك مشروع ابن باز لتزويج الرجال والنساء تقدمي بواسطته ففيه رجال مخلصون ويعملون بطريقة سرية فربما زواجك قد يكون بواسطتهم 000أو اتصلي على خاطبة معروفة بالخير وبلغيها برغبتك في الزواج وأجعلى أخوك يقوم بالمهمة والبحث والتحري عن الزوج القادم والله يوفقك ويستر عليك ويعوضك خيرا وصبرا جميلا 0
|
لله يفرج همك يارب ويسعدك بالدارين
حاولي تسولفين مع زوجه اخوك لو اخوك مو موجود عادي ونسي عمرررك حاولي تكسبين رضاهاا واذا ترغبين ليه ماتسجلين بمشروع ابن باز للتزويج؟ او تبحثين عن خاطبه لكن خاطبه ماتبغى فلوس وفيه كثيرررر لان الي تبي فلوس غرضها غالبا مادي لكن الي تخطب غرضها رضا الله فقط واالله يوفقك دنياء واخره ويرزق الجميع |
كان الله بعونك أخية
هذا نصيبنا :( |
الزمي الدعاء فهو سلوة المهموم وفرج المكروب
وحاولي ان تشغلي وقتك سجلي في دورات لغة او كمبيوتر أو مارسي هوايات تحبينها كالتطريز والكتابة اقرأي كل ماهم ممتع من كتب تعود عليك بالفائدة واسئلي مجرب عن القراءة فلا أكثر من الكتاب يكون صديقا وقت الضيق رزقك الله بالزوج الصالح وفرج همك لكن نصيحة أخيرة تذكري ان الله دائما معك وأنه سيعوضك صبرك خيرا ولكن لا تفقدي الامل ولا تيأسي دمت بخير |
غاليتي
كان الله في عونكِ وأشعر بإحساسكِ ولكن من رأى مصيبة غيره هانت عليه مصيبته غاليتي أنتِ والحمدلله تعملين ولكِ أهل محبين تستطيعين شراء ما تريدين وتخرجين إلى أي مكان ولكن غيركِ الكثيييييييييير لا عمل لا خروج لا أهل متفاهمين هم حقا في سجن مظلم ثم إنكِ ماشاء الله عليكِ محافظة على دينكِ وهذا أغلى شيء وهذه أجمل هدية من الرحمن بأن ثبتكِ على طريقه فالكثير ممن تتخبط في الأهواء لاتعرف طريقا ولا سبيلا عزيزتي اصبري اصبري اصبري وألحي في الدعاااء واكثري من الإستغفاااار وأبشري بالفرج القريب أسأل ربي لك ولنا الزوج الصالح بالقريب العاجل أرق تحية لكِ دمتِ بألف ود |
يا حبيبتي ،،، ربنا يفرج همك و يفك كربك و يرزقك بكل ما تتمني
الأخت الأمل المتفائل اقترحت حاجات حلوة حاولي تشغلي بيها وقت الفراغ اللي عندك من بعد الدوام كمان كانت الأخت الذئبة اقترحت في موضوع ليها بزيارة الأيتام و الجلوس معهم و مشاركتهم حياتهم و فعلاً و الله هتجدي فيهم السلوى و الخروج من اللي انت فيه و طبعاً مش هوصيك بكثرة الاستغفار ربنا يفرج همك إن شاء الله عاجلاً غير آجل |
فعلا وضعك صعب غاليتي الليدي
أنا إذا زرت خواني في بيوتهم ما احب نطول عندهم ولو اقترحوا عليَّ المبيت تلاقيني أرفض بحجة إن النوم ما يجيني برا غرفتي الله يخلي لنا والدينا غاليتي الليدي .. مالك إلا الصبر .. فكري بعافيتك .. بالنعم الكثيرة من حولك والزواج نعمه من النعم التي حرمنا منها ولدينا الكثير غيرها أتذكر الشيخ عائض القرني .. يقول فيما معنى كلامه إن إبن آدم عنده 95 % من النعم الموجوده والتي أنعم الله بها عليه لكنه يفكر ويحزن ويشيل هم للــ 5% من النعم اللي ناقصته أو كما قال حفظة الله .. المهم حبيبتي تقدرين تقللين من أوقات وجودك في البيت مثلا في المساء إدخلي جمعيات ... سجلي في دورات حتى يكتب الله لك النصيب ... أسأل الله لك التوفيق والزوج الصالح اللي يحطك فوووق راسه عااااااااااااحلاً غير آجل . . . . . . اختك / بنان |
حوالي اشغلي نفسك بوظيفة دوامين
اوظيفة في المساء الله يفرج عليك |
الله يفرجها عليك ويطمّــن قلبك ياليدي
ماباليد حيلة وأنا أختك لو بأيدينا ماكان هذا حالنا وأخذنا اللي نبــــي مالك إلا ربك ياليدي اشكي له همك وتضرعي له كل ليلة إبكي بين يديه وإدعيه بدعوات صاااادقة من كل قلبك وبإذن واحد أحد راح يعطيك إن ماكان اليوم بكره ولو ماكان بكره بعده راح تتزوجين بإذن الله باللي يرضيك وربي مايضيع أحــــــــــد الله يكون في عونك وعوننا علشان ترتاحين شوي تذكرينا هنا في القسم كلنا نفس الإحساس والمشاعر والهم والألم ومن نظر لغيره هانت عليه مصيبته الله يرزقنا وإياك يـــــــارب . |
غاليتي الحبيبة
الله يكون بعونج ويرزقج بولد الحلال اللي يصونج إن شاء الله بس إنتي وكلي أمرج لربج الله يفرج همج أنا مثلا والله للحييين ماحصلت على وظيفة اللهم مجرد تطوع في مدرسه والحمدلله أحاول اشغل نفسي وصدقيني وإن شاء الله ربج بيفرجها عليج بس عليج بالصبر لان الصبر مفتاح الفرج |
شاااكرة لكم مروركم
وكل ما اقترحتموه اعمل به انا لم اترك طريقة من طرق الزواج الا وعملتها السجن هذا خلاني حتى مواقع الزواج ادخلها جربت اللجان والخطابات بلا فااااااااائدة احس الباب يغلق بوجهي وكل ما اصلي صلاة استخارة لا يتم الزواج ووسائل وقت الفراغ كثيرة واعمل بها لكن النفسية ؟؟؟؟؟؟ما تخليني ارغب بشيء قدمت تنازلات في سبيل الفكاك من هالسجن وزواجي لكن سبحان الله كل شي مغلق بوجهي بطريقة عجيبة وبالنسبة للجلوس مع زوجة اخي انا صايرة اراجوز بس اضغط على نفسي واضحكها علشان اصير خفيفة دم ومهما عملت ستظل ترغب بالفكاك مني فالبيت مملكتها الخاصة ولا تريد احد مشاركتها بس نصيحة لكل من فاتها القطااار اقبلي بالزواج ولا تتشرطين لان هذا راح يكون مصيرك غرفة في بيت الاخ غرفة اشبهه بالسجن الله لا يوصلكم لهذه المرحلة والله الموووت ارحم |
كان الله في عونك ..... وفرج الله همك ورزقك الزوج الصالح الذي تقر عينك به والذرية الصالحة البارين بك ..
سؤال أختي وين أهلك الوالد والوالدة ؟؟ |
الله يعينك اختي,,,
ليس حالي ببعيد عن حالك,, سوى أني جربت الحرية خمس سنوات وفجأة أجدني محاطه بأسوار سجن الأهل,, اعيش لوحدي مع طفليَّ وشغالتي فقط بجوار اهلي,,, لم استطع التأقلم في المجتمع الخارجي من همز ولمز ونظرات لامعنى لها!! حتى اخواني وزوجاتهم عندما اقضي بعض الأيام عندهم للترفيه عن أطفالي أشعر بتمتات وهمهمات!! فأنسحب عائده لعالمي الصغير,, أمسي هو يومي هو غدي.. لاجديد سوى أطفال زغب اسأل الله أن يعوضني الله بهم خيرا,, فرج الله همك ,, |
ياحبيبتي ياليدي سوفت.................
وترى زي ماقالت حالتي صعبة اطلعي لفي في كل المنتديات لا تطولين هنا .... وحاولي تسجلين العصر في تحفيظ القران او تدرسين اي شي......... اولا انتي الحمدلله عندك راتب تقدرين تستأجرين باص والاماكن هذي معظمها فيها باصات بأسعار رمزيه.. ثانيا راح تزيد دائرة معارفك...اجلسي سولفي وتعرفي على الناس.. ثالثا ممكن عن هالطريق تشوفك وحدة تخطبك لولدها او اخوها...وهذي الطريقة في نظري افضل طريقة واحسن من النت او الخطابات.... |
ولرب نازلة يضيق بها الفتى ،،، ذرعاً وعند الله منها المخرج
ضاااااااقت فلما أغلقت حلقاااتها ،،،، فرجت وكنت اظنها لا تفرج |
أنا رجل وأعيش نفس حالتج .. دوام بيت.. بيت دوام .. وعندي اهل واخوان وأخوات ..واصدقاء كثر .. بس صرت احس بالملل فماقمت اطلع الكل مشغول مع زوجته وشغله مابي ازعجهم وهو المفروض اني ازعجهم اليين مايصير حالتي مثلهم بس استحي ازعجهم ..
وكل مره اسويلي شي جديد أمارسه كل مره امارس هواية جديده .. حتى أخرها الشخابيط على الورق .. والحمدلله لولا اني شاب ملتزم وأعرف ربي حق المعرفة لكنت في حالة يرثى لها .. اقتباس:
لا يغلب عسرين يسر يعني لابد من يسر قادم بالطريق .. انا اعرف انه سيأتي علي وقت تتغير فيه الحالةو ولا انتظر حتى لا أمل الانتظار بل اعيش يومي وأحمدي ربج انتي موظفه على الاقل وعندج انت نت وتلفزيون وكتب ومجلات .. وماشاءالله تسمعين اشرطة اسلامية وعندج جانب ايماني مشرق .. صدقيني هي فترة وراح تزول بس تبي صبر ومثل ما قلت لج انتي افضل من حال كثيرات هنيه نفس حالتج بالضبط زائد انهم بلا وظيفة ولا وسائل تسلية ولا حتى جانب ايماني .. |
اختي ليدي سوفت...الله يعينج...بس ليش ما تشغلين نفسج وتتعلمين السواقة.. وتشترين لج سيارة.. وتقومين بزيارات لاهلج وصديقاتج...واذا مختنقة من غرفتج اللي اشبه بالسجن على قولتج..ليش ما تغيرين من ديكورها وتفرشينها وبالتالي تكسرين الروتين اللي في حياتج وبتحبين غرفتج اكثر لانج بتنشغلين في التعديلات اللي بتسوينها...انا عندي صديقة نفس حالتج ملانة من حياتها والروتين اللي هي عايشة فيه...والحين واااايد فرحانة بانشغالها بصبغ غرفتها واختيار الالوان اللي تساعد على التجدد والتفاؤل..واشتركت في نادي رياضي للفتيات..والحين ما تحس بالفراغ...وصدقيني هذا شي له تاثير كبير على نفسيتج...الله يكون في عونج حبيبتي...
|
حبيبتي الله يرزقك بولد الحلال اللي يبعد الطفش عن قلبك ويسعد أيامك بس على فكره ترى حتى حنا المتزوجات مانخلا من حالات الطفش:19:
|
حبيبتي ..
الله يسعدج يووفقج وتبشرينا قريب يارب ..اصبري يالغالية فلنا رب كريم .. |
الله يفرج همك يارب
|
كلام يوجع القلب اختي ليدي
ودي اساعدك وانا اعرف الطرق ولكن متأكد وش مصير هنا فالناس ليسوا سواسيه والظن الغير حسن يغلب البعض والمؤمن لا يلدغ من جحره مرتين الله يوفقك ويسعدك ويرزقك الزوج الصالح عاجلاً غير اجل |
جربي دقي على مشروع ابن باز الخيري
وسجلي معلمومات مجرد معلومات ويتعاملون بسريه تامه انا بنفسي دقيت واستفسرت عن كل شي وفعلا بسريه تامه . والله يفرجها عليك عاجلا غيرر اجلا قلبي معاك ولا راح اقطع دعواتي لك ويارب يرزقنااجمعين |
اقتباس:
السواقة اهلي مو رااضين اما التجديد بغرفتي يمكن الغرفة راح تشتكي علي من كثر ما اغير في ديكورها حتى التغيير في ديكورها من صبغ وتغيير اثاث صعب علي ان اخوي مو فاضي يقعد مع العمال:( |
اقتباس:
ان مو سعودية ولا ارضى الا بشخص من نفس بلدي لاسباب كثيرة وبلدي ما خليت لجان او خطابات الا وكلمتهم بس سبحان الله بعد ما اصلي الاستخارة ما يتم اموضوع ويتعسر |
ياحبيتي فيه عندهم مو بس سعودين
يعني التسجيل للجميع البنات مجانا حتى سالني قال اي جنسيه تبين الرجل ويااااااااارب في هذه الساعه ان ربي يوفقك ويسعدك دنياء واخره |
اقتباس:
عفواً .. بس المسألة مو سواقة وضحك وتنفيس المسألة أكبر .. يعني الفتاة _ أيّ شابة _ تبحث عن الاستقراااار تريد أن تشعر بدفء الأسرة .. الله ييسّر لك ياليدي _ وهو الكريم _ من ينسيكِ كل ماااا مضى ، ويهنّيك حتى يغبطكِ عليه كل من حولك آآآآآآمين ،، |
حبيبتي ليدي سوفت .... تحملين كل هذا في داخلك
أعانك الله الله يفرج همك يارب و يخفف عنك و ييسر لك أمرك عليك بكثرة الاستغفار و الدعاء |
يـــــــــــارب يرزقك ابن الحلال اللي يسعدك وتعاونين أنتي وياه على التقوى... بقولك شيء أنا قبل بيت أهلي كنت كثير ماأحس بالطفش والملل لأنه ممنوع أزور صديقاتي والتلفون ماأحبه والنت ماكنت أستخدمه ((كان للوالد بس)) وأمي لاهيه بالبيت وخواتي كلهم أصغر مني بكثير.. والشيء الوحيد اللي كان يسليني هو الكلية وجمعة البنات.. كنت أقوم أصلي بالليل إذا حسيت بضيقة الصدر أو قرأت قرآن وكنت أغصب نفسي على هالشيء لين فرجها ربي علي وتزوجت.....ياإلهي فرج هم أخيتي ويسر لها أمورها بالدنيا والآخرة.. وارزقها الزوج الصالح والذرية الصالحة..آمــــــــــــــــــــين... آسفه على الإطالة |
اقتباس:
بس اللي زاد المشكلة هو اني اعيش في هالغرفة وحيدة واحس انها حبس يعني مو كافي الحرمان من الزواج والامومة وفوق هذا حبس |
اكثري الاستغفار والدعاء فى ثلث الليل الله يفرج همك ياااااارب
|
الله يفرج همك ويرزقك الزوج الصالح الذي يخاف الله فيكي
اكثري من الإستغفار وادعي ان يرزقك الله زوجا صالحا |
قلبي اهتز لحالك ..
معقولة تعيشين بهذه الطريقة .! كان الله في عونك |
الله يفرج همك يارب
|
السلام عليكم ورحمة الله وبركاتة
اختى ليدى سوفت فرّج الله همك ممكن تدورى على صحبة صالحة تعينك على التغلب على هذة الاوقات وحاولى ان توجهى تفكرك الى اى شئ تتعلمية وتكونى حباة لان كثرة التفكير فيما انت فية سيذيدك تعب وعدم استقرار نفسى اكثر انا عارفة طبعا ان الوضع صعب عليكى حاسة بيكى جدا حببتى لكن صدقينى ما لم تسطيعى ان تغيرية بيدك فتعايش معاة وتغلبى علية الى ان يغير الله الحال الى حال افضل وتذكرى عندما تسد جميع الابواب اعلمى ان الفرج قريب جدا |
جزاكم الله خير جميعا بلا استثناء
|
الله يوفق وييسر لك امرك ويرزقك من حيث لا تحتسبي |
| الساعة الآن 05:33 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©