|
رجاااااء ساعدوني!! أوصل لنتيجة تريحني ..
السلام عليكم ورحمة الله وبركاته،،،،، تقدملي شخص على خلق ودين وعلم واسع والكل يشهدله بذلك لكن المشكلة في نقطتين: ما يشتغل لأنه ما كمل دراسته:29: ما أعرف هل هذي رغبته بالزواج ولا رغبة أهله؟!!:( أرجوكم ساعدوني تعبت أهله سايرين ورادين مصرين وأنا ما أعرف شأسوي؟؟ إنسان ما يتعوض من ناحية دينه وعلمه لكن مايشتغل؟!! صليت استخارة وما زلت أحتاج منكم لمشورة فلا تردوني:rolleyes: |
من وين بيدفع لك المهر ..؟؟
ومن وين بيدفع مصاريف مابعد الزواج ؟؟ |
أهله مستعدين يتحملون المصاريف (حسب أقوالهم)
|
حبيبتي اهله حيتحملوا مصاريفكم فترة, و بعدين؟؟
حيصير عندكم أطفال غير كذا مهما صرفوا عليكم, ما حتقدري تعيشي على راحتك زي لو كان هو الي يصرف عليكِ و بعدين ما يشتغل يعني عنده 24 ساعه باليوم ايش تتوقعي حيسوي فيها؟؟ و طبعا القرار يرجع لك .. بعد الاستخارة طبعاً ربي يوفقك .. |
أشوفها عيب بصراحة ..
أين أحساسه بالمسؤولية ؟؟ |
حاولي تشجعينه يشتغل ، إذا الرجل فرصة و إنت ِ مستخيرة و مرتاحة ؛ فحطي النقاط على الحروف مثل ما يقولون:d و عرفي إلين متى راح يتحملوكم ، وع فكرة بعض الرجال خاصة في أول الأيام ( من الملجة = ملكة خاصة ) يوافق بسرعة على تغيرات تودينها في حياتكم ؛ رغبة لإرضاءك يا عروس !! :14: فاستغلي هالشي ؛ لكن حطي في بالج إن الخوف الأكبر إنه يغير رأيه بعد مدة !! :29: همممم .. جوفي إختي : إذا الأهل بيساعدونكم في المصاريف بشكل تام و هم أوردي مرتاحين فخليه فقط يكمل دراسته على راحته وبيني له إنج راح تكونين معاه و بتساعدينه ، ع الأقل محد يضمن أي تغيرات في الظروف والعلاقة مستقبلاً !! صح ولا ّأنا غلطانة << عداك العيب خلك إيجابي ! خخخخ :d ؟؟!! الله يوفقج يا رب ..:26: بلغينا بعد التتمة عساس نفرح لج :22: تحياتي لج ، إختج : خلك إيجـــــــــابي ! |
\\
رجل بهذه المواصفات لاتضيعيه فشباب هذه الايام حالهم مخزي شجعيه للبحث عن عمل 00 وهو حتماً سيفعل بعد الزواج تزوجيه ولا تترددي \\ تحياتي |
والله على حسب
ان كان مايشتغل بدوام ولكن عنده شغله الخاص (يعني يصرف على عمره) اوكي معليه اذا كان لا يشتغل بدوام ولا خاص ويصرفون اهله عليه لا لا لا مانصحك ابدا .. والله يوفقك ..استخيري |
اذا ما يشتغل وشلون بيحس بالمسؤوليه
مدري انتي القرار راجع لك |
ان كنتي انتي موظفه لا تقبلي به ..
ان كنتي غير موظفه اشترطي العمل قبل اتمام الزواج.. |
إختي الكريمة و ددت إثارة نقطة أتمنى تحطينها فبالج : الإحساس بالمسؤولية لا يتركز على العمل فقط !! إذا كان بإستطاعته تمويل الأسرة من مرجع مشرع فلم لا ، الإحساس بالمسؤولية أعمق من هذا المفهوم . فلا تنسين هالشي :22: .. تحياتي لج ، إختج : خلك إيجـــــــــابي ! |
اقتباس:
اختي قبل تعرفين ان كانت رغبته أم رغبة اهله... لازم تشترطين العمل... يعني بتعيشون عاله على اهله أو ماذا؟؟ |
عزيزتي ليس معني العمل وظيفه فقط إذا الرجل يسعى في كسب رزقه من غير وظيفةيعنى له دخل خاص فيه مو مشكله يوم كثير ويوم قليل ماعليه أستخيري أما إذا هو جالس وأهله يصرفون عليه وبكره عليكم الأثنين لاتغامرين هذي حياة ومسؤولية يعني بكره لو أحتجتي شي بيقول صبر باخذ من أبوي
|
تبغين الصراحة حسب عمرك إن كان عمرك صغير (مافي مشكلة لو ما تقبلين) أما إن كان عمرك كبير فمن رأي إنك توافقين ويكفي إنه على دين وخلق
أسأل الله لك التوفيق سبحان الله وبحمده سبحان الله العظيم |
اقتباس:
اختي الفاضلة ولي اول مره اتدخل بهذه الامور واقول ما انصحك لانه من وين بيصرف عليك الان الشباب الي معاهم شهادات عاليه ما لقوا وظيفة والله مدري وش اقول الله يكتبلك الي فيه الخير |
شاب بهذه المواصفات .. لا يُرد لكن الوظيفة بالنسبة له مهمة .. كيف سينفق عليكي وهو لا يمتلك دخل ؟؟ وهو حق من حقوقك عليه !! |
اختي الله يحفظك
اذا كانت هذي صفاته التي ذكرتي فنعم الرجل ............وافقي طبعا اختي بعد الأستخارة والأستشارة من الأهل فهو الحين مشغول بالدراسة ولا يقدر يتوظف تلقينه يبي يتزوج ليستعف ........والرجل الصالح يفكر بالزواج ليحصن نفسه وجزاهم الله خير أهله بيزوجونه ويتحملون مسؤليته ومسؤلية مرته اختي انصحج توافقين ..........وحتى لو ما عنده مال اصبري عليه لين يكمل دراسته ويتوظف قال رسول الله صلى الله عليه وسلم : ( خذوهم فقراء يغنهم الله .) اختي وانصحج اذا تم الزواج ان شاء الله لا تحملين .........لين يتوظف الا اذا كان عنده مصدر رزق ***** اذا كل شاب اراد الزواج وكان طالبا رفض لانتشرت الفاحشة قال رسول الله صلى الله عليه وسلم : ( اذا جاءكم من ترضون دينه وخلقه فزوجوه الا تفعلوا تكن فتنة في الأرض وفساد عريض ) او كما قال . الله يستر عليك ويوفقك ويسعدك ويهنيك يارب . |
وقد وعد النبي صلى الله عليه وسلم من يريد الزواج لإعفاف نفسه بعون الله له، فقال: ثلاثة حق على الله عونهم: المجاهد في سبيل الله، والمكاتب الذي يريد الأداء، والناكح الذي يريد العفاف. رواه الترمذي وقال هذا حديث حسن. ولاتنسي الاستخارة والدعاء وربي يوفقكم ويكتب لكم الخير |
كم سنه باقي له لكي يخلص الدراسة ؟
أو اشرطي على اهله أنهم يتحملون مصاريفكم كلها لين مايشتغل أو أنه يشتغل ويدرس تحياتي |
جزاكم الله خيرا جميعا على هذا التفاعل رغم التباين بين الآراء.. أنا موظفة وبنهاية العشرينات من العمر وهذا الشخص وفق ما وصلني مستعد لفعل ما تريده الإنسانة التي ستوافق عليه ... لكن يبقى بداخلي خوف وقلق من ناحية العمل والتزامات الحياة.. لاأعلم ماذا أفعل؟ هل أوافق وخاصة أنا بهذا العمر لعله نصيبي أم أنتظر غيره وربما يحصل أو لا؟؟:eek: الموضوع طوّل :confused: وهو ما حل مشكلة الوظيفة :( وأهله مصرين ومقتنعين فيني شأسوي؟؟:( |
اختي حطي في بالك من اتاكم من ترضون دينه وخلقه فزوجوه
وعادي لو تملكون وتشترطين انه يشتغل وبعدها بيكمل دراسته ويشتغل ومبااارك مقدما |
أختي قد تكفل الله بالرزق , ومثل هذا الشخص لا يستشار في أمره , لأن النبي صلى الله عليه وسلم
قد كفانا المشورة ( اذا اتاكم من ترضون دينه وخلقه فزوجوه ..........) ولم يذكر عمله بشي ... وان كان الرجل الحر لا يرضى أن يصرف عليه أحد , لكن لا بأس اذا تخرج أن يستقل بذاته . |
لا تتمي الزواج او العقد قبل ان يعمل
او يمكن ان يعمل من الان مع الدراسة وكثير من الشباب يفعل ذلك علي الاقل حتي يحصل علي خبرة عمل تساعده فيما بعد يمكن ان تكتفي بفترة خطوبة الان فلايعقل ان تتزوجي من شخص لم يتحمل مسئوليته بعد فكيف يتحمل مسئوليتك فهذا الامر يسبب المشاكل فيما بعد |
السلام عليكم ورحمه الله و بركاتوا
أختى أنا رئي أول صلي استخارة ثانيا لا توافقي الا بعد مايتوظف انتى احسبيها بينك وبين نفسك طيب نقول اهله حيدفعوا كل تكاليف الزواج و الشقة طيب و بعدين انتى لكي مصاريف و الكهرباء و المويه و الغاز و الأكل و الشرب هذا غير اذا بغيتى توجبي احد واذا حملتي مو حيكون عندك اولاد من وين حتجيبي مصاريف الحليب و الحفايظ و اذا مرض احد واشياااااااااااكثيرة و ماضنتى اهله حيصرفوا عليه العمر كله عشان كذا فكري بعقلك قبل قلبك و الله يوفقك . |
تدرين اختي انا تزوجني زوجي وهو للحين طالب في الجامعة وما عنده وظيفة في السنة الأخيرة
وافقت عليه لخلقه ودينه ................ وصبرت معاه واستحملت ظروفه وبعد تخرجه توظف ............والحمدلله وسوينا كل اللي نتمناه ......... موفقة يالغلا . |
طيب ماقلتي لنا هو عاطل عن العمل ولا للحين يدرس
اذا عاطل يمكن يبي يعتمد على وظيفتك ايف ترى كثير من الاهل يفكرون انهم ياخذون موظفه لولدهم العاطل اما اذا كان يدرس يعتمد متى بيخلص الدراسه وهل الوظيفه مضمونه او تخصصه مرغوب او لا عموما استخيري والله بيوفق |
| الساعة الآن 05:48 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©