احذروا ..... احذروا ..... الخطوط القطرية
 

تخيلوا رحلة من دمشق إلى الدمام تستغرق 18 ساعة وهي لاتستغرق سوى 3 ساعات ـ يعني الباصات ارحم منهم ـ

الرحلة كانت الساعة الرابعة عصرا وبعد ركوبنا الطائرة ظلت الطائرة واقفة لمدة 45 دقيقة مع العلم بأن جميع الركاب

كانوا فيها . طبعا وصلنا قطر متأخرين قرابة الساعة وعندنا رحلة من قطر إلى الدمام الساعة 7.15 مساء طبعا وصلنا

قطر الساعة 8.15 مساء بعد نزولنا قيل لنا بأن الطائرة قد غادرت والطائرة التي بعدها الساعة 8 صباحا .

صارت مشادات كلامية مع موظفي القطرية ( هنود ) قالوا لنا لكم وجبة عشاء ونوم في فندق المطار .

تبين لنا بعد ذلك بأ مافعلوه متعمد وهذه سياستهم لأننا بعد ماسألنا كثير ممن سافر على القطرية قالوا لنا بأن هذا المراوغة أمر طبيعي لدى القطرية

بالله عليكم هل هذه معاملة حسنة من خطوط معروفة مثل القطرية

نرجو نشرها لأخذ الحيطة والحذر

السلام عليكم
الي حصل لاعلي لرحلتهم لميونخ على متن الطيران القطري في الصيف انهم طارو بطيارة بدون مكيف و كانوا بيختقون من الحر و الكراسي كانت مو مريحة ابدا و الشاشات 3\4 عطلانه
بس انا اشوف ان الاغلبية يمدحون فقلت يمكن هم حظهم كان مو تمام الظاهر ناس و ناس:29:

الحمد لله انا

محب الطيارة

والله يكون بعون الى بسافر

مشكورة اختى الغالية

الف الحمد لله على السلامه

تصدقين كنت ابغى احجز عند الخطوط القطريه الصيفية هذه

عشان هيا الطياره الوحيده على مااعتقد اللي تسافر سويسرا واحنا اول مره نروح للبلد هذه

لو ربنا اراد اننا نروح واتسهلت دحين صارت عند عقدتين من هذه الدولة(الفيزا - والطيارة ) والله مشكلة

يارجال وسع صدرك والحمدالله على السلامه

أخواني مشكورين على المرور
وربي كثير ناس عانوا منهم

غريبه

دايما اركب القطريه ما صادفني مثل هالمواضيع

بس عموما هذي الحركات تبلاقيها في الرحلات الغير مباشره

مش القطريه بس كل الخطوط العربيه

صحيح انا مع اخوي( من الله في خير) ممكن تصير في كل الخطوط مب شرط القطريه وبعدين حصلت معك بالصدفه


الموضوع لافيه قاصد ومقصود ...وانا اعترف ان الخطوط القطريه من احسن واطور الطيارات

صحيح ان الخطوط الفطريه من احسن واطور الطايرات مثل ما قال الاخ الحرف العنيد بسسسسسسسسسسسسسس....... انا صار لي مثل ما صار اللاخ انور الصالح وبالتحديد في تاريخ2-ديسمبر وكنت متوجه الى القاهره لحضور مؤتمر دولي واتجاه الرحله كان من مطار مسقط نزولا بمطار الدوحه ترانزيت ساعه ومن بعدها الاتجاه الى مطار القاهره الدولي بس اللي صار ان يوميتها كان ثاني يوم لبدايت اولمبياد الاسياد فتاخر اقلاع الطايره القطريه من مسقط 3 ساعات!!! وطبعا وصلنا الدوحه وكانت الطايره المغادره الى القاهره خلاص فاتتنا....ظليت ناطره مساعده موظفين القطريه4 ساعااات و15دقيقه الين ما جاني موظف من مكتبهم واعتذر عن التاخير!!!!!!!!! علما بان الرحله اصلا تستغرق4 ساعات من مسقط الى القاهره ((وظليت بالمطار مده اطول من المسافه اللي المفروض اقطعها :11: ))وودوني بعده لمطار الفندق :14: وتكرر السيناريو ثاني يوم لما جا موعد اقلاع الطايره الى القاهر :19: المهم انو المؤتمر ضاع علي لاني وصلت متاخره جدا مالحقت الا اخر بع ساعه منه ونفس الحوار تكرر عند الرجعه فارجومن المسؤلين انهم يهتمو بها الجانب لان الوضع اذا كان باروبا اتوقع ان المتضررين راح يقاضونهم:29:

في الحقيقة لم أصادف أن سافرت على الخطوط القطرية .. ولكن يبدو من بعض التعليقات أن السفر عليها يعتبر مغامرة... نسأل الله السلامة للجميع

:30: عفوا اختي كسرتي خاطري لانك بتلغين الرحله.....!!
لكن انا اخوكي بساعدك ان شاء الله....!!

اولا من دول الخليج فقط الطيران السعودي ....وطيران الامارات هم اللي يروحون لسويسرا
الطيران السعودي يروح لجنيف.
وطيران الامارات يروح لزيوريخ
وانا افضل انك تطلعين في طيران الامارات لزيوريخ.....لانه زيوريخ جنه بحد ذاتها!!!

وبعد ماترتاحون يومين كذا...تطلعون في الباص الى مدينة لوسيرن وهي من اجمل المدن في سويسرا
ولوسيرن تبعد عن زيوريخ نصف ساعه في الباص..وهالنصف ساعه تمر كانها دقيقه لعذوبة الجو
والطبيعه الحلوه. ومعلومه هذه مستحيل تلاقين من جماعتنا هناااااااااك ههههههه
وانا متأكد اذا رحتي على لوسيرن ماتحبين تغيرينها لبديع مافيها!!!
وهذي مشكلة الطيران وانحلت...!!! اتمنى رحله سعيده لك
وخصوصا الطبيعه اختي شي شي والله ولا بالخياااااااااااااااااااااااااااال!!!!:22:

عفوا من صاحب الموضوع بالنسبه لموضوع الطيران القطررررري!!!
اتصور كثرة الاستثمارات في مجال الطيران في السنوات الاخيره
ودخول خطوط طيران كثيره....زاد من كمية الطائرات على حساب الجوده والدقه في المواعيد
عموما لم اسافر على الطيران القطري الا مره واحده ولم تكن رحلة ترانزيت..وكانت ميسره ولله الحمد

شكرا

قد يصادف أحدنا أمورا سلبية عند رحلته في أي خطوط ، ويجد غيره أمورا إيجابية كما هو واضح في هذا الموضوع ، ولذلك يصعب التعميم في الغالب.

يغلق