|
يا بنت كم تبين مهرك ؟؟؟
كل أب يريد أن يستر على بنته ويزوجها رجل يصونها
كل أم تدعي الله بأن يرزق أبنتها بالزوج الصالح كل بنت تحلم بزوج يحتويها وبيت يسترها كل شاب يحلم بزوجه تحتويه وتصونه لكن الوضع أختلف لأختلاف الوضع المعيشي والمادي المهووور ناس ترضى بالستر وترضى بالقليل وناس همها الفشخره ولو بالدين وتختلف المهور حسب المنطقه او الحموله اللي منها الولد أو البنت فيه ناس المهر عندهم خمسة عشر الف وناس المهر عندهم ميه وخمسين الف وناس يقولون ( المهر ريال وشيمة رجال ) بقصدون هات اللي تجيبه ما نشترط عليك طيب رأي البنت بهاذا الخصوص ما هو ؟؟ يا بنت كم تبين مهرك ؟؟؟ وهل لك رأي في هاذا الموضوع مع أهلك ورأي الشاب مادا يكون ؟؟ وهل تستطيع مناقشه أهل الفتاه ؟؟ يا شاب كم ودك يكون مهر زوجة المستقبل ؟ قصه ذات علاقه يرجعنا في العمل رجل ومن عادته المزح وفي يوم من الأيام يمازحه احد الأخوة وقال له : زوجني قال أزوجكم كلكم وأنقلب المزح جد فقلت كم المهر قال : ثلاثين الف عشرين من العريس وعشره مني وذكر أن بناته بالبيت عشر بنات متعلمات غير متزوجات __________ اريد أجاباتكم وأرائكم حول الموضوع |
أنا لست من الخليج, يعني لو أعطيك كم كان مهري لن تستطيع حسابه
والدي طلب من زوجي 0 دينار, ريال, درهم |
انا مهري ثمان اللاف دينار بعرسي الاول وانشاء الله الثاني اربعه ان رزقني الله صح المهر له ضروره و ان الرسول صلى الله عليه وسلم قال اقلكم مهر اكثركم بركه والله انها صارت معاي وتطلقت الحمدلله كل حال صح نصيب بس بركته قليله
|
أنا كنت أتمنى يكون مهري
50000 ريال سعودي حتى أتفاخر فيه وسط بنات خالتي وأهلي لأنه إحنا كل وحدة المهر بالنسبه لها غلاوتها عند خطيبها أغلى مهر عندنا في العيلة إلى الأن 40000 ريال سعودي |
ينتقل لعالم المقبلين على الزواج
ليجد التفاعل المنشود بوركتم |
لا أدري أخي الكريم
أحيانا أقرأ مواضيع عن المهور تنقطع أنفاسي عند ذكر الرقم ووالله كأنني قد دخلت صفحة مشاريع تجارية فمنهم من يقول مائة ألف ومنهم ومن يقول مئتين وغيرها من الأرقام الخيالية وبالجهة المقابلة نرى مشاكل تاخر الزواج بالنسبة للفتيات وهم تكاليفها على الشباب بالنسبة إلي عقد قرآني على زوجي ووالله لاأدري ماهو مهري حتى لم يخطر على بالي السؤال فقد كانت فرحتي بدينه وخلقه وأهله بالنسبة إلي كل شيء لا أدري قد تكون حالة والدي المادية الجيدة لم تدعني أفكر في هم التجهيز وكيف ومن أين ولكن مع كل هذا أنا لاأؤيد المهر العالي التكلفة أبدا فأجد بأن مهر مابين 10000 إلى 30000 ألف رقما مناسبا ولا مبالغة فيه وخير النساء بركة أقلهن مؤنة بالنسبة لكلامي أتحدث عن دول الخليج لست خليجية ولكن اعيش فيها أما بالنسبة لباقي الدول فلا خلفية لدي عن متوسط مهرها ودمت بحفظ الرحمن تحياتي |
يعطيك العافيه اخوي على طرح سؤالك واخذ ارانا
في البدايا اختلاف المهور كلا ومجتمعه وكلا وتطبيقه لسنه اما بالنسبة لأهلي تبغا الصراحه الصراحه الصراحه اهلي مايطلبون شيء اللي تقدر عليه خير وبركه لأن المهر للبنت تجهز نفسها فكل ما زاد قدرت البنت تتجهز بأريحيه واذا قل تضطر البنت انها تتنازل عن اشياء معينه احنا كذا اخواتي اختي الكبيره زوجها مقتدر دفع 50 الف ريال وسفرها شهر عسل اختي الثانيه زوجها كان في بداية حياته وطالب دفع 20 الف ريال وماقدر يسفرها شهر عسل وبسم عليهم الرحمن الرحيم حصنتهم بلا اله الا الله كلهم سعيدات ومتوافقات مع ازواجهم كل وحد عدة 20 سنه زواج بس شيء اساسي من ايام ابويا الله يرحمه ان شرطه الوحيد بيت شرعي فقط قصه حقيقه لأقرب الناس لي اعرف بنات ياخذوا المهر.......... جزء بسييييط جدا تشتري فيها تجهيزاها لأول الأيام والباقي في البنك وبعد شهر او ايام شهر العسل تروح تشتري وتتجهز طبعا المسكين على نياته يبغا يدلعها ويهنيها ولايرفض لها طلب ويرجع يصرف عليها بالله ايش رياك بكذا بنات.. الله يكتب الخيره للجميع ويرزق جميع بنات المسلمين الأزواج الصالحين ويرزق الشباب الزوجات الصالحات وربي يسعدك اخوي ويفرج همك وينولك مرادك |
حنا عندنا اقل مايدفع هو خمسين الف ريال واذا كانت مطلقه او ارملة ممكن تنزل للاربعين الف..
لكن المرتاحين ماديا يعطون اكثر ثمانين مية مية وخمسين حسب مقدرة اسرة الزوج الماديه.. ولكن اللي اشوفه غالبا البنت عندنا ماالها دخل في المهر ولا يتم الكلام فيه ولا النقاش اصلا يجيبه الزوج وياخذه الاب ويعطيه البنت وتشوف هي وحظها كم جاها يعني ماعندنا وضع شروط وماعرف ايش.. بس عندنا عادات وتقاليد يعني يندر اللي يدفع اقل من اربعين الا اذا كانت حالته الماديه سيئه والافضل في هالحاله يتقدم لناس ظروفهم الماديه زيه عشان ماينصدمون بمهر قليل.. |
والله المهووووووووووور والقلق بحق وحقيقة لكن مادري وش البنت ألي تفتخر بمهر وقدره كذا وكذا وتنبسط عشان زوجها صار متدين وألا توهق هل البنت تفرح لهذا الشي ماهو المفروض يصير لها كمصروف وهو صداق شرعي للبنت تتصرف فيه كما تشاء ويكون لهم شهر عسل رحلات أغراض لكن الموضوع شكله حكم القوي على الضعيف
|
ما حرصت يكون مهري غالي
لان عندي قناعة بقول سيد المرسلين عليه السلام ((اقلهن مهراً اكثرهن بركة)) |
الحمد لله مهري كان ليرة ذهب فقط
كما ذكرت سابقا من عادات عائلتي هم الذين يجهزون بناتهم وليس على العريس |
بالنسبة لي والله لو أحصل رجل أخلاق ودين ما يهمني المهر
المهم اللي يقدر عليه وإتباع الشرع والسنة لكن كم؟ آخر شي أفكر فيه |
المهر ليس بكثرته انما ببركته واهم شئ ربنا يبارك في الزواج
احنا من عاداتنا المهر يكون مابين30000ومافوق وزوجي جاب لي 15000في البداية تضايقت شويه لأن خالتي تزوجت معي وهي ثيب ليست بكر مثلي ولكن بعد كده لما شفت انوا كلما قل المهر كلما زادت بركة الزواج قلت الحمد لله |
أحنا في ديرتنا تقريبا الكل متفق على أن المهر 20,000 ريال بس ، حتى المقتدر يدفع بس هالعشرين الف ، بس مو هنا المشكلة ، المشكلة أن هالعشرين ما تدفع لحالها ، لكن معاها فلوس زيادة ، بأحاول أحط المعدل عندنا: (قبل الخطوبة)20000 >>> مهر من حق العروس فقط 7000>>>> تعطى لأب العروس عشان تكاليف حفلة الخطوبة 12000>>> تعطى لأب العروس عشان تكاليف حفلة الزواج (من جهة العروس) 2000>>>> هدية لإم العروس (اختيارية) 7500>>>> شبكة ودبلة 2500>>>> صندوق هدية العروس قبل الزواج85000>>>>تأثيث شقة 17000>>>اجار شقة 50000>>>>تكاليف حفلة الزواج (من جهة المعرس) بعد الزواج15000>>>شهر عسل المجموع 218,000 يعني لو واحد ما بيصرف شي من راتبه ‘ وخلنا نقول راتبه زين يعني 9000 ، يعني يبيله سنتين ما يصرف شي عشان يدفع كل هالتكاليف، ألا اذا كان ابوه مقتدر، فبساعده طبعا. |
25 إلى 40 الف
هذه العادة لدينا والوالدان من يحدد من ناحيتي مو مهم اهم شيء اخلاقه ودينه وتحمله للمسؤلية |
والله العظيم اننا في هم وغم بسبب المهور ..
بذمتكم من وين نلقاها ..من المهور المرتفعة؟ ولا من اجار الشقة المرتفع ..ولا من تكاليف الحياة والمعيشة؟ مدري والله ..احس ان احنا ضايعين والله ..يعني اسالكم بالله .. اذا كان متوسط الرواتب عندنا بالسعودية ..ما يقارب 3000 ريال ..وهي نادره شوي .. من وين يجيب تكاليف الزواج؟ والله العظيم اني في امس الحاجة لان يكون لي زوجة ..لكني مو قادر ..مع اني والله اوفر من راتبي ما يقارب 2000 ريال ...لان راتبي 3000 ومع ذالك ..مو قادر اجمع المبلغ المطلوب للزواج .. تجي اوقات افكر اني انسى الزواج وما ابي افكر فيه ..واجمع لي مبلغ حلو واشتري لي سيارة تخدمني احسن لي من هم الزواج والله العظيم كل من شافني يقولي كم ولد عنك ..وينصدم اني ما تزوجت..وكل سنة اقول بعد سنتين .. عمري اللحين 25 سنة ..والعمر يمشي ..واحنا في ضيق من حالنا ..والبنات يبون يتفشخرون بالمهور .. وش نسوي ؟ نستدين ؟ والله اني مدري ..وبعض البنات تقول اذا ما عندك لا تتزوج .. والله اني دايم اسال ..ليه الحرام بارخص الريالات ..لدرجة انه صار بالمجان .. وعشان اعف نفسي واتزوج بالحلال ...ادفع شئ فوق طاقتي والله شئ عجب .. والله اني مفروض متزوج هذي السنه ...لاني كنت عاقد النيه من سنتين ...واللحين انا اقول ان شاءالله الزواج في 1430 ..ومدري هل بتزوج في التاريخ هذا ...او ااجلها 2 او 3 سنوات ؟؟ ! مشكلتنا محد يرحم احد .. والله اني اتنباء بمستقبل مظلم وفساد عظيم عندنا |
أنا اتوقع ان اهلي ممكن يطلبون مو اكثر من 30 الف ريال سعودي
ومثل ما قالو الاخوات المهمر عشان تتجهز فيه العروسة مو لشي تاني فعلى حسب المهر على حسب التجهيز .. بس لو اعطى 20 او 10 الاف ما راح يقولوا قليل او لازم تزيد خلاص هذا نصيبها .. الله يفرج عليك يارب ويرزقنا ويرزقك الزوج والزوجة الصالح وجميع المسلمين.. |
أنا بالنسبه لعائلتي المهر كان [blink]50.000[/blink] ريال وأجتمعت العائله قبل ثلاث سنوات على تقليص المهر البكر [blink]25.000[/blink] ريال الثيب [blink]15.000[/blink] ريال وبكذا يكون سهلنا على شباب العائله الزواج وأعنّاهم عليه ................................................. وقفــه / سبحان الله معظم الرجال يدعي حب أبنته وهو فعلاً يحبها ولكنه يضرها وهو لا يعلم ويرميها في الهلاك بمجرد طلب مبلغ كبير ( المهر ) وبكذا يكون غرق زوج بنته في ديون ومشاكل مع زوجته بعد الزواج والمتضرر الاول والأخير بنته لن تتوفر له حاجياتها ومستلزماتها وإن توفرت لن تطول والنهاية الطلاق . والعياذ بالله إلا من رحم ربي . فا اهيب بأولياء الأمور ومن لهم مكانه في العائله أو القبيله بتقليل المهر وتزويج الشباب والشابات قبل أن تقع الكوارث بسبب الفتن المتلاطمه حالياً أجارنا وإياكم منها . وقفه أخرى / والدي حفظه الله ورعاه وختم له بخاتمه حسنه زوج جميع أخواتي بمهور بسيطه وبدون تكلفه وعلى رجال صالحين ولله الحمد يقدرون أخواتي ويحترمونهن وأحوالهم الماديه معتدله والآن مبسوطين وعندهم أطفال. انتهى |
السلام عليكم . . . في عاداتنا ... المهر للبنت تجهز في نفسها من ملابس وأدوات وكماليات ... والباقي منه تشتري فيه ذهب للزينة ... . . . في المجتمع الذي أعيش فيه المتوسط بين 10000 و 25000 درهم إماراتي حسب مقدرة الزوج ... غير الشكبة ... وهي ذهب بحدود 5000 لـ 8000 تقريبا مع عدم الغفلة عن واجب الزوج في تجهيز بيت الزوجية كاملا متكاملا ... . . . يعني بالعربي الشغلة بدها حسبة 40000 درهم (أكثر شوي أو أقل) . . . وبشكل عام لا يحمل الأب العاقل زوج ابنته مهراً كبيرا كي لا يثقل كاحله بالديون في بداية حياته الزوجية ... وأعلم تمام العلم عن أب طلب مهرا 50000 وشقة مجهزة بأثاث فخم و و و و كلفت المسكين 100000 وسيارة موديل سنتها ... المهم عريس عليه يون سينتهي منها في 2012 حسب كشف البنك ... الله يسامحه ويسامح بنته . . . نسأل الله العفو والعافية والله المستعان |
الله المستعان
|
المهر عندنا يتراوح ما بين الاربعين والخمسين الف ريال
طبعاً هذا غير الذهب الشبكة تقريباً خمسة عشر الف ريال وايضاً هناك هدية تقدم في صباح اليوم التالي ليوم العرس تسمى الصباحة او الصباحية، في العادة تكون طقم ذهب صغير او ساعة فخمة |
طفشنا من الكلام في المهور
أتمنى يكون مهري يمكنني من تجهيز نفسي تجهيز يبيض الووجه أمام الزوج لأن المقبلة على الزواج تحتاج الاهتمام بنفسها ولبسها أكثر |
مشكورين علي المشاركه ولكني والله صدمت من بعض الاسعار
كانت خياليه تدريون لو أنا مكان المتقدم للزواج أقعد عزوبي احسن وافضل لي وأتمني التوفيق للجميع |
ما أتمنى مهري يكون نقود
لأني طماعة كثيييير أريد أن يكون مهري سورة أو آية قرآنية |
:( ماشاء الله تبارك الله المسأله تحولت الى تجارة وتفشخر
سؤااااااااااال ؟؟ اللي تاخذ اكثر من 50 الف ايش تسوي فيها تدخل الاسهم فيها مثلا والا وين تروح ؟؟؟ بالنسبة لعائلتي الله يجزيهم خير المهر صح انه شيء معتبر عندهم ولكن بدون شروط والباب مفتوح للمعرس من 1000 ريال لين المليون ولا احد يعترض !! طبعا احنا نشتري ريال مو نبيع بنات ... وبعدين نقول ليش الشباب يلجي الى الزواج من الخارج ويترك بنت البلد |
مع احترامي للنساء .......
أنا أرى أن النساء هم الذين تسببوا في ارتفاع المهور.... بتقولون ليش؟ أقولكم ...هذا يبيله كلام طويل ..لعلي أكتب فيه موضوع لاحقاً |
أنا مهري 30000 ريال ولله الحمد .. وهذا مايدخل فيه الشبكة ( الذهب)
وأنا حاولت آآخذ الطقم شي خفيف لإني أساساً ما أحب الذهب .. وحرام أخسر فلوس على شي أنا ما ألبسه ,, وأبوي مايشترط اللي يجيبوه أهل المعرس إحنا نقبله .. الحمد لله على كل شي .. |
إحنا مانتشرظ في المهر
نشتري الرجال لكن الغالب 50/60/70/80 الف |
ما حرصت يكون مهري غالي
لان عندي قناعة بقول سيد المرسلين عليه السلام ((اقلهن مهراً اكثرهن بركة)) |
قدمت 60000 و 25000 شبكه
|
بالنسبة للوالد
لم يحدد مهر الا على 25 الف فقط وحينما اردت ان اتزوج من فتاه صدمني اباها بقول انه يربد 70 الف مهر قلت له .. روح دور لي عريس ثاني اقصد استنى عريس ثاني بعض الاباء مرضى وبعض العوائل فيهم مرض نفسي اللهم ارزقني بذات دين وعقل واصرف عني ذات المظهر و الغلاء |
| الساعة الآن 09:30 AM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©