|
ناويه اتخانق ......!!!!! تخانقت ؟!؟!؟!
دخلت منذو الساعتان المنتدى وانا اتصفح احاول ان لا اكتب شيئ فالموضوع لا يستحق ان يكتب وقد يأتي قارئ ليقول مابال هند اهكذا موضوع يكتب ..!! لكني كتبت واجبرتني اناملي وكأنني بت لا املكها .. انا يملؤني القهر من زوجي وانوي وابيت النيه لان اتشاجر معه في الغد فأفكر في الطريقه والكيفيه (الطريقه أي الكلمات التي ستقال والكيفيه الوقت اقصد )) اعلم مصطلحاتي في جه والمعنى في جه عموما ما اعنى قوله هو زوجي قد سافر قبل ايام مع اصدقائه واستأنس معهم رغم انه يوم فقط لا اكثر واهلي انا في الغد ذاهبين للسياحه والسفر وانا في شقتي لا يشفق علي احد لا اهل ولا زوج اهلي غير مجبرين لكن زوجي مجبر رغم كل ذلك اتردد في خوض غمار المشاجرة اتعلمون لماذا ...؟؟ لان لن انال من ذاك كله سوى الحرمان من السفر والخصام الذي يسحب معه عدم الكلام وحتى النظر فأخسر الاثنين معا فما العمل وانا امتلئ قهررررر ....؟؟؟ |
\\
توضئي 00 وانفثي عن يسارك ثلاثاً واستعيذي من الشيطان الرجيم وتذكري وصية الحبيب صلى الله عليه وسلم ( لا تغضب ) 00 \\ انت قلت انك لن تنالي سوى الحرمان 00 فكيف تقدمين على عمل تعرفين سوء عاقبته مسبقاً !! خذي الامر من ناحية جيدة 00 فربما كان في هذا السفر شراً دفعه الله عنك 00 \\ أسأل الله في هذه الساعة المباركة ان ينزل السكينة على قلبك اللهم آمين |
اختي هند
انا ما فهمت وش تقصدين هل انتي تبين تسافرين مع اهلك او مع زوجك ؟؟ عموماً خلينا نقول انك تبين تسافرين وبس الطريقه المثلى في اقناع الزوج بالفكره هي الكلمة الطيبة :22: ، صدقيني مره مرتين ثلاث عشر في النهاية راح يوافق بس بأسلوب حلوووووووووووووووووووووووووووووو .. يعني كل شئ بالكلمة الطيبة يصير .. والرجال ترى مساكين كم حضن وهو داخل البيت على كلمتين على بوستين على عشاء رومانسي إلا هو خاق يعني مايقدر يرفض لك طلب :23: بس مو من اول مره تبينه يوافق لا طبعا ، انا اتذكر زوجي كان يقولي انا بالعاني اقولك لا من اول مره عشان تدلعيني وفعلا ادلعه وادلعه وادلعه وبالأخير اسافر صدقيني اتبعي طريقتي ماراح تخسرين شئ ابد ارجع واقول ترى الرجال مساكين وزي الاطفال:15: على طول بالكلمة الزينه يرضى بس مو على طول اقصد مو بسرعه بيوافق لازم يآخذ وقت اتمنى اني ساعدتك ولو بشئ بسيط |
ليش الخناق اختي.. : عادي وبكل بساطة عبري عن موقفك وقولي له:انا بيطلعلي عندك طلعة..واتدلعي عليه..قوليلو لكان كلكم تطلعو وتغيرو جو الا انا...ياحبيبي يانور عيوني ازا انت ماطالعتني منو بدو يطالعني..واصلا انا مابتهنالي الطلعات الا معك...وبوجودك...ومن هالحكي....: وبعدين ازا اتخانقتي معو ...ماراح توصلي لنتيجة لانو رح تعكريلو مزاجو من بعد ماكان مبسوط فاستغلي فرحو ومزاجو الرايق واكسبيها لصالحك وخليه يعطيكي الوعد بطلعة..... وان شاء الله بتتهنو يارب... وخبرينا شو بيصير معك... |
ان كان الهدف هو ( فشة خلق ) وتفريغ شحناتك الغاضبة فلا تفعلي ارجوكِ ، النقاش وليس الخناق ، مفيد لو انه سيأتي بنتيجة ، أما ما دمتِ واثقة أنه سيزيد الامور تعقيدا _ فأنتِ أدرى بطبع زوجك _ فالابتعاد اسلم وافضل .
|
عمركم شفتو وحده بتتخانق حاطه صوره وجه خايف مافي شخصيه للاسف والله اني خايفه من الغد ان شاء الله الامور تسير على خير وما اتخانق بس والله خايفه انفجر مشكور اخي الكريم كاره الرياضيات وسويت الي قلت عليه وان شاء الله يارب خير .... |
التاجره الصغيره شكرا غاليتي وفعلا قد تنفع لكن لن اسافر يمكن الطفره الجينيه الله اعلم عموما اريد السفر انا معه لكن اذا حمكت الامور راضيه اسافر مع اهلي بس شكله موراضي مقدما لاني قلت له وش برنامج بكره اهلي راح يسافرون قال ليه ماتعزمين ربعك وكلها يوم وبيجون .... |
أختي تعوذي من الشيطان
وأكثري من الاستغفار وصلي الوتر بس ليه ما رحتي تتسياحين مع أهلك وبعد زوجك سافر وأنتي كنتي رافضه أنه يسافر يعني حصل بينكم نقاش وراح وخلاكي مثلاً أبداً أختي لا تتخانقين وياه بس إذا جاء سوي نفسك حزينه ومتضايقه مو منه بس من وضعك أهلي سافرو وأنت كمان وأن لا ذي ولا ذي جلسه وما حد حاس فيني حتى أنت يا (( ؟؟؟؟؟ )) وناديه بسم الدلع ونزلي كم دمعه و أحضنيه وأن شاء الله يسافر فيكي |
ajyad صحيح كما ذكرت وكما قلت سلفا لن انال الا المزاج العكر منه وعدم السفر ومزاجي التعبان عموما اذا كان على طلعه في الغد لن تكون الا في الاحلام لانه في الصباح دووووووووووام والعصر بالمغرب نوووووووووم وبالليل دوووووووووام بالمكتب بقي من اليوم ساعتان مع ربعه وانا لا شيئ وهذا الي يقهرني بس تعودت اذا اهلي موجودين الله ييسر الامور على خير |
والله حاسه فيك
لمن مالك الا الصبر وأكثري من قول لاحول ولاقوة الا بالله تريح بالك بأذن الله ولاتتركين الموضوع يعدي كذا اذا هدأت وشفت زوجك رايق لو بعد شهر مايهم فاتحيه بالموضوع الله يسهل أمرك ويشرح صدرك يارب |
البتول شكله الي قلتي هو الي بيصير بس والله احنا مساكين لا حو لنا ولا قوه ... hfhf10 مشكوره مع كذا راح احاول بالاقناع على الرغم اني بس كلمته الليله تركني وراح نام كأني شتمته اوو شيئ من هذا القبيل زوجي مو بالسهوله يقتنع خاصه ان اهلي رايحين يعني يقول انا ما امشي على كيف اهلك راحو لازم نروح وجلسي بالشقه ابرك ..... |
روز السعوديه مشكوره غاليتي لا حول ولا قوة الا بالله شكلي راح اسمع انشوده حزينه عشان ابكي لان الدوره ...... ما اقدر اقرأ قرآن او اصلي الابواب متسكره من كل الجهات الله يرحمني ... اتوقع بالغد بالنسبه لي يكرم المرأ او يهان وياليت اقدر ما اتكلم وتعدي الامور بدون ما انحرم الاثنين والله ان حتى اهلي حذوني وكأنهم عارفين الي راح يصير ...... |
أذآجآء بالسلامه أستقبليه أستقبال حارعند الباب بأبتسآمه مافيه هديه أنت دخلتك علي مع الباب أغلى وأروع هديه في الدنيا؟
هذاأحسن لكي من الشجارأسمعي كلام الشيبه ولا تندمي ان شاء الله |
احس ان موضوعك اختي يبي له تفصيل اكثر
لكن على العموم بقول قصتي مع زوجتي يمكن تستفيدين منها باختصار : كنت مخطط بعد الزواج مباشره اني اسافر ماليزيا وحجزت افضل الفنادق واحلى الاماكن تزوجنا وسافرنا على طول ,,,, السفره ماكانت بالسعاده المرجوه بحكم ان حنا غريبين عن بعض وكذا... المهم بعد ما رجعنا من السفر (يعني بعد اسبوع تقريبا )قلت وش رايك في ماليزيا والايام الحلوه قالت : يووه تضيق الصدر ولو احد يقولي رحي مره ثانيه مارحت انا انصدمت وزعلت لاكن مابينت بس خذيت عهد على نفسي اني ما اتعدى بها خارج المملكه مره ثانيه ولو سافرت برا بسافر بلحالي , وصرت اروح مع اخوياي اذا بغيت اتمشى خارج المملكه وسلامتكم |
شايب بس لذيذ شكرا لك
لكني لم استطع ان استقبله الا استقبال عادي جدا لان لو سويت وسويت وماراحت اقتهر اكثر .... اخي الكريم احمداوي اعتبرها انانيه وعذرا لك لان اول مره مثل ماقلت لا يحكم عليها والاول كل واحد مستحي من الثاني هذا من وجهة نظري انا اليوم عادي لا تخانقت ولا هم يحزنون شايله قهر وساكته لكن بطلع اليوم والا فيها فيها ..... |
ابشركم تخانقنا
بس عشان تعرفون شلون عقل الرجال يكون مثل طفل احيانا مع احترامي وتقديري لكل رجل طوال اليوم مشي طبيعي والحمد لله الى الساعه الثانيه عشر ليلا اقصد بعد الثانيه عشر القصه والله تافه بس تدرون شنو صار بعدها تخانقنا وقال وهو يصرخ في الجوال انا ماني راجع الشقه زييييييين والله بقيت اجن لحالي وش اسوي يارب دقيت ودقيت ودقيت وكله طوط طوط ياربي وش اسوي رسلت له انت صاحي تخليني لحالي بالشقه وبعد ما رد من قليل يدخل لا وبعد السلام عليكم بكل برود وانا لارد وتدرون ان السالفه ومافيها اني رحت السوق مع اختى وبعدها لبيتها وبعدها لقريه الالعاب وكله زوجها وهو ولا شيئ طيب دقيت عليه قلت له تعال لنا قرية الالعاب الساعه 11 افكر انهم يسكرون هالوقت طيب قالي رحنا وجات الساعه 11 لا بعد 11 وربع ودق قال ليه مادقيتي متى اجيكم قلت مابعد نخلص يعني يمكن 12 لكن فعلا ما ادري اننا منتأخر طلع الاخ الفاضل راح يجبنا ويرجع للاستراحه بغيت اجن يعني اصلا ماطلعنا الا 12 شلون ترجع ...؟؟! والي جا واخذنا زوج اختي وهو دق علي وتخانقنا بالجوال ليه ماتحددين لي الوقت بالضبط ليه اعلم الغيب ... استغفر الله ((((((والله ان العيشه مع هالرجال يبغيلها صبر جبال ))))) وراح اقولها له بكره ... |
الله يهديكم .........
|
اقتباس:
جد لا تسوينها ؟؟!! :22: مشـّي الموضوع إختي ، المشكلة صغيرة جداً بس لإنج داخل الحلقة تعتبرينها كبيرة شوي ، مب مهم من الغلطان الحين ، المهم تتصالحون " قلبك أبيض " . :22: تحياتي لج ، إختج : خلك إيجـــــــــابي ! |
^&^LoOoLoOo^&^
آآآآمين .... اختي خلك ايجابي مشكوره غاليتي تعبت وانا اخلي عقلي اكبر انا اسيطر على الامور انا امشي ... وانا وانا والله العظيم ان امور كثيره امشيها واقول انتي اثقل واعقل بس بعد هو رجال والرجال المفترض يكون اعقل من المرأه يعني على ان عمره 34 لكنه كأنه واحد في بدايه العقد الثاني يقول ماني جاي الشقه لهالسبب شقول ..... الله كريم ومواقف كثيره بس ان شاء الله في الجايات راح اقولها لكم ... اشياء تضحك ولا تبكي .... |
يلزم الرجلَ عشرُ سنوات لترويض المرأة في حين تستطيع المرأة أن تروض الرجل بابتسامة .
|
والله يا هند اول مره اشوف لك موضوع تشتكين فيه من زوجك قلت معقوله هند أم أحمد :d
انت تدرين انه الرجاجيل مخهم على قدهم يعني وسعي لهم:d (ذكرتيني بس اتهاوش ويا زوجي ويقول لي افتحي مخك فكري ......... اقوله لاء ما ابي افتحه خليه مسكر جديد:d ما ابي يخرب .......):d كبري عقلك يا حلوه انا ادري انك الان متضايقه منه لكن ما عليكي كل واحد تيجي فتره يعصب على اتفه الامور وبمواقف كتير يكون عقله اكبر اكيد له مواقف تحسي عقله كبير صح؟؟؟؟:22: الله يوفقك حبيبتي بس بصراحه ما انصحك تصالحينه :25: يعني كبري عقلك وخليه هو الي يجي يصالحك :d يعني خليكي لابسه وكاشخه وما تتكلمي معاه وهو رح يتكلم معك وفقك الله حبيبتي لكن اذا طولت الزعله مو منيحه احسن لى تلعنك الملائكه انتبهي يا عمري في امان الله |
هه هه والله حريم!!!
|
"ابشركم تخانقنا":14: :14: :14:
مبروك عقبال الطلاق ......أسف.... أعتقد ان كلمتين حلويين ممكن يحل الموضوع ,هذا هو ذكاء الا نثى.:d |
[QUOTE=
اخي الكريم احمداوي اعتبرها انانيه وعذرا لك لان اول مره مثل ماقلت لا يحكم عليها والاول كل واحد مستحي من الثاني هذا من وجهة نظري .....[/QUOTE] انتم يالحريم تتعاطفون مع بعض (الحرمه انسان حساس للغايه والرجال صدام سياره) على طول اعتبرتيها انانيه مني اصلا انا ما اتكلم عن جو السفره انا تكلمت عن الطريقة اللي شكرتني فيها عن السفره <<< واحد ضايق صدره لوول |
أنا نفسي كمان أتخانق وأفجر كل إللي في صدري بوجه زوجي..........بعدها برتااااااااااااااااااااااااااح
بس لسه الوقت ماحان! الصمت يولد الإنفجار..........وأنا ما زلت أعبي صمت أكثر وأكثر :) |
:)
صراحه هوشتكم حلوه احس فيها عناد مو على سنع بس ما اقول الا الله يولف قلبوكم ويخليكم لبعض والمشاكل هذي تعتبر بهارات الحياة |
هنوووووووووووووووووودة شفيك الله هداك انت طلبت منه صراحتا انك تروحين سفرة اهلك ولا لا اذا قلتيلو وقال لا كان تهاوشتي في وكتها بس الحين راحتتتتتتتتتتتتتتت
واذا ما سألتي ترة الرياجيل ما يفهموها وهي طايرة لازم فكشششش (بالمفتشي) وتدرين انت غضبانة ومعصبة و تتهاوشين وية نفسك بالمراية كلها بسبب هل دودة الي تجي كل شهر وتعفس مزاجنا بكرة تروح ويروح كل الغضب وترتاحيييييييين |
احيانا امر بنفس المرحلة اللي انتي فيها .. اكون حاطه بخاطري شي عليه .. واكتم ولا اقوله .. اقول في نفسي عن المشاكل والتمس له الف عذر .. لاني اعرفه قلبه ابيض وحبوب .. لكن بعد فترة اكتشفت انه هالطريقة فاشله .. تدرين ليش ؟؟لانك بتظلين تزعلين على اتفه الامور وتتخانقين على امور ما تستاهل كل هذا لان في قلبك شىء عليه من قبل ..
انا اشوف ان الوحده اول باول تصارح زوجها باللي بقلبها بطريقه حلوه وهادئه وبجو مناسب مثلا بالليل وقت النوم تقولين له تدري اليوم حطيت بخاطري عليك شوي وتقولين له السالفه .. وخلاص .. تنتهي وهو ياخذ ما بخاطرك.. لكن اذا ظليتي كذا تخزنين بتظل ردة افعالك غير طبيعية والرجاجيل مايفهمونها وهي طايره لازم تشرحين لهم بالتفصيل .. تمنياتي لك بالتوفيق |
اللقى الله يعينك
الفلوجه يمكن الدوره لها دور بس ابشرك قلت كل اللي بخاطري وسمعني على مضض طبعا بس والله بعدها ارتحت وكأنها جبال من الثلج وانهارت مع اني ماسافرة وقلتله لما كلمته انتو مو حاسين فيني لا زوج ولا اهل قال لا بس زوج لأنك متزوجه وماتروحين الا مع زوجك ...!! مشكوره غاليتي .. عابرة سبيل ردك كان المفترض يكون في موضوع جديد لان فعلا المفروض المرأة تقول اول بأول الي بخاطرها ولا راح على طول بتتخانق على اتفه الاسباب انه تحمل كثير على زوجها وانا افضل مجربه لهذا الشيئ ... |
يا عمري عليك يا هنوووودة
ربي يجبر بخاطرك وخاطري ويرزقنا الذرية الصالحة نصيحتي لا تتهاوشييييييييييين لآن في الاخير انتي اللي رح تتعب نفسيتك ومو كل الرجال سوى ..زي ما كل الحريم سوى |
| الساعة الآن 05:31 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©