لماذا يصبح الرجل بيتوتي و كثير النوم بعد الزواج؟؟؟
 

السلام عليكم
كيف الحال جميعا؟ يارب بخير وطيبين ومرتاحين ورايقين لاني بطلت اكون رايقة وابغى احد يجاوب على السؤال الي لي سنة ادور عن اجابته!!


لماذا لا يحب الرجل الطلعات والدوارة الكثيرة مع زوجته؟؟؟؟؟؟

بمعى آخر :

لماذا يصبح الرجل فجأة وخطين حمر تحت كلمة فجأة يصبح بيتوتي ويعشق النوم بعد الزواج؟؟؟؟؟؟

وتكثر الكلمات والعبارات من نوع :
تعبان
الشوارع زحمة
الجو سيء
الناس مايعرفون يسوقون ( طيب شدخل هذا)
مافيني حيل
والكلمة الي ترفع ضغطي ::::: ماااالي خلق طلعة بس اذا تبين بطلع علشانك بس بكون متضايق

طلعة والا تهديد ؟؟؟:(



والادهى والامر : نخليها بكرة اوكي حلو:17: انا موافقة بس بكرة طبعا بتصير سالفة ثانية : مضغوط بالشغل ، ظهري يعورني ، او بكل بساطة مايرضى يقوم من النوم واسمع من هالعيارات الي تعور القلب حرام عليكي تعبان حبيبتي دلكيني تعباااان :29:

وطبعا ارحمه واخليه يكمل نومته واحط اكس ع الطلعة


في مرة قلتله خلينا نطلع
قال وين ؟؟؟ مافيه اماكن حلوة
قلت ع الاقل نتقهوى ونجلس مع بعض جلسة حلوة في مكان رايق
فرد بكل لطافة : هذانا جالسين مع بعض شحلونا ليش نجلس مع بعض برا؟؟
والقهوة الي تسوينها احلى من القهوة الي برا
وطبعا لما نجلس انواع الكآبةهو فاتح النت وانا ع التلفزيون ونشرب القهوةاخ لو تشوفون اشكالنا:28:


احقاقا للحق احنا نطلع مع بعض بس انا ابي اطلع اكثر لاتقولون طماعة بس ودي امتع نفسي وانبسط مادام انا حرة وماعندنا اطفال:15:

انا ما انكر اني احب الطلعات مووووووووووووووووووت ودي كل يوم اطلع وما ارجع الا 12 بالليل :23:
بس اتمنى انه هو يكون وده بالطلعة ويعزمني في مكان ويتحمس طبعا العكس هو الي يصير
انا الي اقترح الطلعة والمكان وانا اتحمس عني وعنه!!
انا احب زوجي موت بس ودي اعرف
لماذا يصبح الرجل بيتوتيا ومايحب الوناسة ومافيه حيل بس بعد الزواج مع انه يكون بالعكس وهو عازب
الحمدلله ان زوجي مو من النوعية الي يسهر كثير برا البيت لحاله مثلا وادري ان هذي نعمة الحمدلله
بس شي بحاطري وحبيت افضفض لكم وبس

والي عنده طريقة تحبب زوجي في الطلعات ( معي طبعا) يقولي عليها

شوفي أختي الكريمة
الأسباب تختلف من رجل لآخر لكني أعتقد أن لنشاطه الجنسي معك دور في ذلك خصوصا بعد الزواج إذ معدلات الجماع فيه لاتقل عند بعض الرجال عن 4 مرات في اليوم و هذا أمر متعب له و بالتالي يصاب بنوبة كسل بسبب ذلك و الله أعلم

بصراحه ياأختي جيتي على الجرح زوجي نفس الحكايه والموال مع إن لنا 7 سنين متزوجين من أخذته إلى اليوم مافيه حيل يطلع وإن طلع يضيق خلقي بملاحظاته وغيرته الي مالها داعي

شكرا اختي امل عربي ومشرفتنا ام خالد على المرور والتعليق بس حبطتوني 7 سنين على هالحالة
انا سنة ومقهورة
اخوي مسلم معاصر مع احترامي لرايك بس مو هذا السبب
ابي احد يبر قلبي ويقولي شسوي!!

وجد الرآحه النفسيه؟

أنا زوجي نفس زوجك
أن شاءالله أحد يعرف حل

صراحه على حسب الشخص فمثلا
انا ما احب اطلع نهائيا من البيت زين اني اروح للدوام
السبب ان الشوارع زحمة وانا من الاشخاص العصبيين
يعني لازم كل طلعه اتهاوش مع الناس
فالافضل ان الواحد يجلس في البيت ارحم له
حاليا انا متملك زوجتي تقول لي ليه ماتطلع تتمشى
وردي لها وبكل هدوء ( مزااج اطلع واشغل السيارة واسوق ) :)

نفس الحالة والله !!
بس زوجي اقنعني ان ذلك بسبب راحته النفسية وانه معاي مرتاح

يمكن اختلف معاك شوي لاني ما احب الطـلـعات مرة

تسلمون جميعا ع الردود
اخزي شايب زوجي سعيد معاي الحمدلله ومرتاح نفسيا من جهتيبس مضغوط شوية بالعمل
اخوي احمداوي كلامك حلو ومن جد اخذت استرجع طلعاتنا بالعكس انا كلي حماس وحيوية وهو يعترف بكذا بس المشكلة ماااااااااااله خلق يطلع
امس طلعت معاه رحنا نتمشى بالسيارة ومرينا كم محل وتعشينا هههههههههه اول المشوار كله تعصيب ونرفزة منه لان الشوراع زحمة ومن جد هيا زحمة وطبعا كل الناس مايعرفون يسوقون بس هو !!
بس عدت على خير انا ضيعت السالفة وجلست اسولف فوق راسه لحد مانسى الزحمة

اختي رايقه


ماشالله تبارك الله



قليل ازواج يحبون جلسة البيت


استغلي النقطه هذي واخلقي جو في البيت


والله يسعدكم دوووووووم

عادة كل رجل يبحث عن الاستقرار في حياته واذا وجد في بيته خلااص

مرحبا ..

مدري ..انا شخصيا اعتقد الراحة النفسيه لها دور ..

انا عازب للحين ..لكن طلعاتي قليله مرره ...


لكن بالفعل ..الرجل يبحث عن الراحه والاستقرار ..واذا وجده في بيته ..طبيعي انه طلعاته قليله ..ثاني شئ ..المجهود البدني اللي يقوم فيه اثناء العمل ..اعتقد له دور ..

انا بحكم وظيفتي ..عملي 8 ساعات ...7 ساعات اكون واقف على رجلي...والله اني ارجع البيت وما فيني حيل فعلا ...

تخيلي اني كل يوم اتمنى لو عندي زوجه تسوي لي مساج ..وافكر اني اشترط ان زوجة المستقبل تكون تحب المساج لوووووول



الله يوفقك اختي ..ومثل ما قالو ...حاولي انك تخلقين الجو في بيتك ..لان مو كل رجال يجلس في بيته


الله يرزقنا مثل ما رزقكم

والله الحال من بعضو...
بس خلص انا ماعدت اسأل..بس اشوفو نعس وكسل..باخد حالي انا وابني..وبطلع برا البيت..نغير جو...

يعطيكم العافية جميعا من جد ريحتوا قلبي والله يسعدكم وينولكم الي تبون
بس محد عطاني طريقة اخليه يحب الطلعة:)

اوفق اختي باللي تقوله .. اغتنميها ..