موضوع مخوفني واااااااايد !!!!
 

السلام عليكم..

حبيت اطرح موضوع عليكم .. ابيكم تفيدوني..

انا اخر مره طرحت مشكلتي بالمنتدى .. تقدم لي لخطبتي الكثير من العرسان وكله ارفضهم لانه احس ما يناسبوني .. واخر شخص الي قلت لكم عنه وبأصرار امي والاهل اني اوافق عليه لانه خوش ريال وما يتعيب ولد اصل وفصل وعلى خلق ودين.. وانا رضى حق امي قلت خلاص بوافق عليه لانه امي دايم تخوفني تقول لي اذا كله ترفضين راح تعنسين وبيونج بعدين اخس الناس لانج ترفسين الناس الزينين .. بس الي تقدم لي اخر واحد ويا زعم بوافق عليه سوت فحص قبل الزواج طلع ما يناسبني وكنسلنا السالفه.. والحين كلام امي دايم في بالي (( بتعنسين وبعدين بيونج اخس الناس )) وانا خايفه والحين صار عمري 21 سنه وخايفه هل الحين صرت انا عانس؟؟؟؟؟؟؟ ومحد يبيني؟؟؟ وشنو نظرت الناس حقي !! طمنوني

عانس؟ :d
21 سنة وعانس
يا اختي حرام عليكي
انا شو اقول عن حالي
تزوجت وعندي 25 سنة... كنت في قمة العنوسة؟ :23:
يا اختي انتي لسا صغيرة على الزواج
والايام جاية كتييير
والعرسان اكتر
بس اهم شي لا ترفضي ناس مناسبين لانكم بدك تضلي ببيت اهلك
اللي بيجي وبتشوفي مناسب
توكلي على الله ووافقي عليه :14:

(ام عبدالله ) ههههه والله مادري شقولج .. لانه امي خوفتني وانا كله ارفض العرسان ودايم تقول لي (( بتعنسين وبيونج اخس الناس اذا استمريتي على هالحال)) ومن جم يوم صار عمري 21 سنه وصرت خايفه واوسوس حسيت اني كبرت وخايفه كلام امي يصير صج !!

(ام عبدالله ) نسيت اقولج شكرا على الرد :d

يامنامة يادلوووعة إنتي صغييييييرة والعنوسة بعيدة عنك ؛؛؛

أهم شي إذا جائكي من ترضين دينه وخلقة فأقبلي به بعد الاستخارة والاستشارة؛؛؛

أتمنى لك التوفيق؛؛؛

RoOd طمنتيني خيتوه بكلامج وان شاء الله راح اسمع بنصايحج.. تسلمين

حبيب المحبين ههههههههه طمنتني بكلامك .. تسلم اخوي على النصيحه..

يا حبيبتي إذا إنت عانس ،،، يبقى أنا من القواعد من النساء (27 سنة) :23:

حرااااااام عليــج.. انتي صغنوووونه ..

بس اذا ياج صاحب خلق ودين لا ترفضين..

جنائنُ ورد .. خخخخ ما فهمت بس شكرا على المرور

Sun_of_me اهاااا حبوبه اشوه طمنتيني وشكرا على المعلومه..

ضايعه فالدنيا ههههه شسوي الوساس وما يسوي طمنتيني وستليمن على ردج وان شاء الله اذا يالي عرسان ما برفض على طول مثل قبل اول شي بفكر وبجوف ..

remany تسلمين حبوبه على مرورج والنصيحه..

انا اخ لك
ما ازيد على ما قالوا الاخوات انتي منتي عانس ولا تصيري عانس ان شاء الله
لاكن لابد ان تقبلي بالزوج المناسب بدون اشتراطات مبالغ فيها فما فيه احد كامل

واتطرق هنا لاخواتي الاخريات الاتي تاخرن في الزواج ولم يحن النصيب بعد اقول لهن ان ذلك ليس نهاية الحياة لابد ان تعيشوا حياتكم بتفائل ورضى فاذا كتب الله زواج فبها والحمد لله واذا لم يكتب فلم تنتهي الحياة

اناهنا تسلم اخوي على الرد .. وتسلم على النصائح..

العنوسه تختلف من مكان لآخر ومن بلد لآخر
بعض العوائل عندنا اذا بلغت البنت 21 سنه اعتبروها عانس
لأن البنت عندهم تتزوج بين 16 - 18 سنه

بدري يا غاليه توك صغيره اجل ويش نسمي الى عمرها 30 و35 بدري

ابشري بالخير والقادم اجمل واحلى باذن الله تعالى

يتيم اهااا اخوي مادري .. بس بالخليج الاعمار بالزواج تتوحد .. مع انه الاهل والاقرباء يتزوجون ما بين 23 و 25 .. بس ما ادري امي ليش تصر عليي بالزواج وانا في هالسن 21 حتى حسستني بالعنوسه والخوف من البقاء من غير زواج .. يمكن رفضي لكثير من العرسان هو السبب الي جعلها تقول هالحجي .. كل مره ارفض شاب امي تيب لي هذه الموال(( الى متى ترفضين بعدين محد بيلج الا اخس الناس لمن تعنسين)) وبصراحه صرت اخاف..

_الفارس_ اهاااااا اخوي بصراحه كلامك طمني وايد.. وكل واحده ما تاخذ الا نصيبها..
وتسلمون على المرور..

شكرا على الردود

شيخة الحور/ريم انا معاج ابهلشي بس كلام امي يقلقني.. بعد ما يسير اي شخص تقدم لخطبتي اوافق عليه انا بعد لي حريه الخيار لشريك حياتي والمواصفات الي انا ابيها .. وانا بحاول اتفهم الي يتقدمون خطبتي واجوفهم .. وتسلمين على النصيحه خيتوه..

مشكورين على المساعده..

الفــتاة اهاااااا اختي .. وتسلمين على ردج ونصيحتج لي اشكرج من كل قلبي..

حبيبتي اذا انتي عانس عيل انا شوووو؟؟؟؟انا عمري 23 سنه ويقولوا صغيرة كيف انتي..توج صغنوووونه والدنيا جدامج وان شاء الله الله يرزقج ويرزقنا بعيال الحلال قولي آااميين ويرزق كل الي مب معرسات فمنتدانا ان شاء الله...

bdooor هههههههه اشوه طمنتيني لانه انا بالاساس مابي اتزوج الحين بس امي تبي تزوجني علشان لا اعنس بس انا بكمل دراستي .. وتسلمين على مرورج منوره

bdooor ههههه تسلمين حبوبه على الرد طمنتيني بكلاممج