اللي سويته صح والا غلط ؟؟
 

السلام عليكم ورحمة الله وبركاته


مدري اللي سويته صح والا غلط .. بس اليوم تهاوشت مع خطيبي .. ليس بالمعنى المفهم .. اي ارتفع صوتي في الرد عليه بسبب افعاله .. يعني من ناحية الثقافة والتعامل .. يعني انا عشت في بيت مثقف الكلام المبذول وكلام الشوارع ما اعرررفه .. مطلعه وقارئه وواعيه للكثير من الامور .. افكر بعقلي اكثر من عواطفي ..

بس خطيبي مشكلته انه امام الغير يتكلم عادي بس لما يكون معي يقول لي مصطلحات جنسية او بعض من كلام الشوارع وانا اتغاظيت عنه كم مرة بس اليوم طفح الكيل قلت له خلك راقي في تعاملك مع الاخرين قال لي الواحد مع خطيبته يحق له يقول اي شي بس انا ارفض هالشي من باب العادات والاخلاقيات اللي تعودت عليها .. ومن ناحية الثقافة احس انه تفكيره ضيق ومحدود ما عنده شي اسمه نقاش وانا متعوده على النقاش في البيت مع اخواني .. بس خطيبي متعود في بيت انه يأمر وهم ينفذون او بالاحرى ابوه معودهم على هذا النمط .. بالاضافة الى ان حياتي فيها حرية اكثر من الحياة اللي هو عاشها يعني كانت حياتهم مضغوطة ممنوع البنت تطلع تروح السوق وومنوع تلبس بنطلون ( وانا للحين مستغربة من هالشي في زمنا هذا للحين ناس عايشه على هالتفكير ) .. وطلب مني اني اعود نفسي على هالنمط من حياتهم وبالتاكيد رفضت هالشي رفض قاطع وصل الى ان ارتفع صوتي .. وقلت له انت تفكيرك منغلق ومحدود ..

وكل مرة اقوله يغير من تعامله معي ويغير كلامه بس بدون فايدة يقول هذا شي طبيعي وان كل واحد يقول هالكلام لخطيبته ..


انصحوني وش اسوي حتى اغيره .. حتى لاحظت عليه ان فيه بخل طفيف !!:30:

هذي مشكلة الوحده تدخل على عائلة ماتعرف عنها شي وتشوف التغيرات والفروقات بين اهله واهلها
هو صحيح إن الشخص يتبع الجملة ( من حرك قطعة الجبن الخاصة بي؟! )
بس أني أشوف مو في كل شي .. يعني بعض الأمور هي اساساً صح بس في نظر الثاني لإنه متعود على عكس هالشيء بشوفه خطأ ...

مثلي أنا اليوم كنت طالعة مع أختي وأمي وخطيبها وكنت لحد الساعة 11ونصف لسه مارجعت
اتصل لي إلا هو يقول مارجعتي ؟!! الساعة 11 ونصف وكذا وحسيته إنه زعل ..
أنا أشوف إن هذا الشي عادي وش فيها أنا مو طالعة لوحدي أنا مع أمي وأختي ..



أنا إذا كنا نتناقش مع بعض وقال شي أنا مو راضية عنه هو عادته يقول بعد مايخلص
الموضوع ((( لي صح أو لا ؟!! ))
فمستحيل إني أقول له صح وأنا مو مقتنعه .. ومستحيل برضو أقول له لا
فأقول له وجهة نظر كل شخص له وجهة نظره خاصة فيه ...


الله المعين .. والله يصبرنا ..

كيف اوصل لطريقة او محاولة اقناع اغيره فيها ؟

كلميه بالطيب والهداوه وحاولي تقنعينه لما يحس انه شي عادي ويوم ورا يوم يتعلم
ويرضى بالواقع

اختى البنطلون حرااااااااااااااااااااااااااااااااام ونعم الناس فيها خير لحد الان ماتبى تعصى الله ليش يأختى المثقفه ؟؟!!ولا الدين مو ثقافه وجهل ورجعيه ؟؟

لاقول الا الله يرحم حالنا يالمسلمين شئ يقهر لما تجى تدعى الثقافه ..اقسم بالله اى شئ فيه بعد عن الدين اسمه جاهليه وتخلف ..

اختي ناتيتك هلا .....من طريقة كلامك ليش اتشوفين تربيتك هي اللي صح وتربيه زوجك غلط....(الصراحة من استوينا نحن نعرف الرجل هو القوام وهو الآمر والناهي)..... اذا كانت هاي نظرتك له فأكيد ماراح يعجبك شي منه..... على أي أساس وافقتي عليه من البداية اذا كان بيتهم مش عاجبك....لوسمحتي اختي انتي لازم تكونين واضحة معاه من البدايه مع خطيبك واتقوليله انه هالشي مش عاجبك طبعا باسلوب مش تسكتين وتتغاضين وبعدها تنفجرين في وجهه كمان هذا مش اسلوب وش فادتك الثقافه في حل مشكلتك.....الاطلاع والقراءة تفيدك ثقافيا لكن الشاطرة محتاجه اتشغل مخها عدل عشان تكسب زوجها.....

ليش حرام ؟ بتقولين التشبه بالرجال ؟؟ اولا انا ما اتشبه بالرجال وبعدين انا ساتره نفسي زين ولاني من النوع اللي يطلع من غير ستر .. يعني لو يبان مني شي بقول لك حرام .. بس دامني ساتره نفسي ما يعتبر حرام ..

http://www.l22l.com/l22l-up-1/74a6420950.gif

حبيبتي بقترة الخطوبه راح تكتشفي غيض من فيض ..

والله كثير من الشباب هذي الايام كذا ..

المصطلحات السوقيه صارت عندهم كلام عادي ..

بس قولي له على الاقل احترمني ولاتقول هذي الكلمات معاي ..

اما على النقاش ..

حبيتي خلي عندك صبر اذا هو اتربى على شيء مو سهل تغيره بشهر ولا شهرين ..

وطالما على قولك ايام يتصلح وبعدين يرجع ..

يعني بيحاول عوديه على النقاش ..

ولدك على ماتربيه وزوجك على ماتعوديه ..

الله يتمم لك بخير وتتزوجي باقرب وقت ..

واسال الله يسعدك ويوفقك دنيا وآخره ..

http://www.l22l.com/l22l-up-1/74a6420950.gif

انا نبهته على تصرفاته وقلت له بس كان يردد بان هذا الشي طبيعي وكل ما اقول له ما الاحظ تغيير ..

وبالنسبة لاهله انا قلت لك اني استغربت يعني ما كنت اعرف هالشي عنهم ( عاداتهم ) لان كل واحد فينا من منطقه غير عن الثانيه ..

تسلمي اختي روود على مشاركتك والله بردتي قلبي

فترة الخطبة طويلة صح؟؟
انصح بتعجيل الزواج
و الا المشاكل ستاتي من كل مكان

أختي مثلاً قولي له .. إنت ماتحب تعيش مرتاح .. أكيد هو بيقول أيوة ..
قولي له راحتي من راحتك ..
وقولي له إذا كنا كل مرة نلتقي راح يكون فيه مشاحنات وكلمات مثل هذي وكل مرة
أنا أقول لك إني ما أحب أسمعها إنت بتكون متضايق وأنا بكون مضايقة أكثر منك ..
خلنا نرسي على شي يريحنا إحنا الاثنين .. إذا شي نقدر نغيره في حياتنا وهو يسبب لنا المتاعب
ليش مانلغيه من حياتنا .. أفضل لك ولي ...
اهم شي إنك تقولينها بطريقة حلوة .. وأهم شي تبينين له إنه راحته في البداية وبعدين راحتك
يعني مو كل تتكلمين عن نفسك إذا بتخاطبينه وراح تقولي أنا وإنت ماراح يحس
لا ..قولي إنت وأنا ... عشان يحس إنك مهتمة فيه وتبغي سعادتكم اثنينكم ...

والله يوفقك ياااارب ..

كلامك صحيح اختي وان شاء الله راح اطبق واشوف النتيجه ..

اختى فسألو اهل الذكر ان كنتم لاتعلمون ....


اختى هذا شرع وتذكرى اننا لانريد ان نعصى الله لان فيه جنه نحن نسعى لها ..اختى هذا حكم الشرع ..وتذكرى حديث الرسول صلى الله عليه وسلم بمعنى الحديث (نساء كاسيات عاريات لايدخلن الجنه ولايجدن ريحها ...اختى البسى ببيتك وعند زوجك اللى تحبى بنطلون او اى شئ ... ولاتجادلى فشرع

هو ما يبيني البس بنطلون بالمرة لامعاه ولا اذا بدونه مع اهلي او اهله يعني

كلامك صحيح اخي العازم وانا مقتنعه بمبادئي ولله الحمد انها لا تخالف الدين الا ان خطيبي (مطوع) اكثر من اللازم ..

مرحبا اختي ..

الله يعينك ..الفتره هذي اصعب مرحله يمر فيها الزوجات بسبب اختلافات المبادئ والعادات وهذي هي الحمة من فتره الخطوبه ..يكون فيه متسع من الوقت للتفاهم وايضاح كل ما يخفى للطرف الثاني ..واما الاستمرار ..او الانفصال ..ودعواتي لك بدوام التوفيق ..



بما يخصك ..بصراحة مدري ليه للحين الناس مشدده على نقطة البنطلون ..!!يعني وجهة نظري ان فيها ما يسر الخاطر وما يجذب الزوج لزوجته..


ما اريد قوله ..اختي حاولي ان تضعي لنفسك بعض النقاط للتفاهم عليها ..وويكون هو على علم بها من الان حتى لا يحصل اي تصادم بينكم فيما بعد وحتى لا تنتقل هذي المشكلات لحياتكم الزوجيه فيما بعد

وانصحك بذلك لان كثرة المشاكل الصغيرة وتقارب فتراتها تميت الحب والود بالحياة الزوجية ..



دعواتي لك بالتوفيق ..

وشلون مطوع اكثر من اللازم؟!

غريبه شوفي اختي ترى من الصعب اننا نفصل شريك الحياة على مقاسنا بالسانتي؟

الحياة فيها اخذ وعطاء وهو يمكن نفس الشي يمكن يراك متعالية او نحو ذلك وصابر

شكرا جزيلا لكم وانا الحمدلله ساترة نفسي وقت الخروج بس هو ما يبي احد حتى لو من اهلي يشوفني بالبنطلون - ما يبي احد يشوف مني شي حتى النساء ..

بس كيف الطريقة اللي اقدر اتفاهم معاه فيها انا مقتنعه بتصرفاتي وابيه هو اللي يتغير !!

من وجهة نظري ..


لازم انكم تقربون الفجوة الاجتماعية اللي بينك وبين زوجك ..لانكم كذا ما راح تصلحون ..خاصة اذا كان كل واحد منكم عنيد ويصر على انه صح ..

انا ما اقول ان فيكم احد غلط ..لكني اقول لكل منكم وجهة نظر خاصة فيه بناءها على البيئه اللي عاش فيها ..لذلك بينكم فجوة كبيرة وفارق ثقافي كبير ...لذلك فكري جيدا ولازم تتفقون من الان قبل وقوع الفاس بالراس


بالتوفيق