|
أعطوني حل
بسم الله الرحمن الرحيم
ترددت كالعادة في كتابة الموضوع أو مشكلتي لأجد منكم أخواتي المساعدة والنصائح كعادتكم ما تقصرون :22: مشكلتي هي مع زوجي حين نشاهد التلفاز معا يبيني أن أجلس بقربه نشاهد معا ونسولف وغيره ولكن بالمقابل على قولته ما أتأمل في الرجال وأحترم وجوده معي ... طيب كيف .. وهو أكثر شي يحط على الكورة وبرامج الرياضية ؟!!! وطول الوقت أحاول أني أشغل حالي بحاجة وبين فترة وفترة يسألني أو ياخذ رايي بحاجة كيف أجاوبه ؟ أن جاوبته يحس اني مهتمة في المذيع !:( وخصوصا ذا اللاعب الفلاني جاب هدف وسوا حركته اللي متميز فيها على طووول زوجي يلتفت لي بنظرة >> غظي النظر !!!:mad: ويقول لي لا تتأملي وكلام مهو مناسب بالمرة ... البارح صار بيننا زعل بهالسبب وحنا نشاهد برنامج أنا بالأول ما جلست معه لكنه ناداني وصمم علي نتابع مع بعض ونا قلت له ما لي مزاج بس بلا فايدة ونا أدري من شفت المذيع أنه بتصير لي سالفة ..:d وصرت كل شوية أقوم أجيب حاجة وبعد ما اندمجت معه تفاجأت من زوجي يقول لي ايش عاجبك ؟ أشوفك تتأملي فيه ؟؟؟!!! يااااربي !!!! قلت ليه تقول الكلام ؟ قال لي ما شلتي عينك من عليه !!! والله اني تضايقت حدددي وقمت ونا زعلانة ودخلت الغرفة وبعد ماخلص البرنامج جاني وأعتذر ... بس أنا بعد الكلام اللي قاله معرف بعد أطالع معه حاجة صرت أحسه يشك فيني وأحس أني مراقبة بكل نظراتي ... ياريت اللي عندها حل تقول لي لني محتااارة جدااااا ... تحياتي ...;) |
خلاص ما تشوفو غير "توم و جيري"
لا امزح وسعي صدرك إن شاء الله ما يصير الا كل خير. تحيتي. |
http://www.l22l.com/l22l-up-1/74a6420950.gif
والله حبيبتي انا كانت عندي نفس المشكلة .. بس زوجي مايسألني كل فترة والثانية عن الكوره .. صرت يا اجيب طبخه اتلهي فيها .. مثل لف ورق عنب تكوير مارس زي كذا .. او اني اخليه يحط راسه على حضني والعب في شعره واشوفه .. ولا اجيب فصفص اقعدت افصفص له .. يعني الهي نفسي بأي شيء .. هيا ساعتين او ثلاث بالكثير .. والله يسعدك ويوفقك دنيا وآخره .. http://www.l22l.com/l22l-up-1/74a6420950.gif |
ههههههه
مشكلة بصراحة اسمعي كلما يسوي واحد بالتلفزيون حركه قولي وع مو زين |
نيالك...
أنا نفسي زوجي يغار بهالشكل...:d وبصراحه حل أخوي فاغر أحسن حل... منها بتتابعي التلفزيون معاه ومنها هو بيكون مرتاح... الله يسعدكم يا رب.. |
لا جلستي معاه ولا ناداك تشوفين التلفزيون شوحي بوجهك ناحيه ثانيه
او انسدحي يمه وحطي راسك في حظنه وعيونك عالسقف وانتي تسمعين بس في حلول واجد من غير ماتشوفين التلفزيون |
اقتباس:
ايه ياريت ما فيه أحلا من توم آند جيري :d وشكرااا على المرور أختي ... |
اقتباس:
بس أنا ما أطبخ كل شوي رايحة جايبة لي بلع :d شوكولا كيك عصير كوفي ...... ولا هو مأثر فيني الأكل من الروحة والجية كله ولا ذا جت لقطة الركلة الحرة الغير مباشرة وعمل الحيطة !!! .... أول ما تزوجنا قبل ما تجي اللقطة يطرشني لأي حاجة والحين أنا أعرف شغلي :25: قبلها على طول أفز أشوف لي حاجة أو أتكلم بالتلفون ...:27: ومشكورة عزيزتي على المرور الحلو ... |
اقتباس:
ههههههههه بس عاد مو كل لاعب وقلت وع وع بعدين أصير خايسة نفس :d والله أوقات أقولها بس أحسه ما يصدقني أو يقول لي طيب مو عاجبك ليه تطالعين ؟ ويقعد ينتقد فيه وفي شكله .....:d شكرااا لك أخوي على النصيحة والمرور ... |
اقتباس:
أهلا فيك أختي dandoon تدرين شكلي اليوم بسوي طريقة أخوي فاغر بس عشان يحس :22: وشكرااا لك عزيزتي على المرور ... |
اقتباس:
والله أنا أسوي كل هذا بس لازم تجي عيني على الشاشة ويعني أنا مهتمة بالكورة والا ايش يقول المذيع ؟!!! والله أطالعه وفكري بعيد ولا أدري وش يقول بالمرة ...:d وشكرااا على المرور والنصيحة ... |
http://www.l22l.com/l22l-up-1/74a6420950.gif
احسك مافهمتيني .. أنا قصدي هاتي اي شيء اشغلي نفسك فيه .. انا اجيب احيانا غذا اليوم الثاني .. اقعد معاه واحشي بطاطس ولا اسوي ورق عنب ,, تكون عيني على الشيء اللى بيدي .. واكون قاعده معاه .. http://www.l22l.com/l22l-up-1/74a6420950.gif |
اقتباس:
بلا فهمتك ياغلا ... ونا قلت لك أني ما أطبخ >> أختك فاشلة بالطباخ بأنواعه يعني ما أسوي لا محاشي ولا ورق عنب ولا شي ...:25: كنت أجيب لي حاجة أتسلا وأنشغل فيها زي ما قلت لك أقعد بس آكل كل شوي رايحة جاية وأوقات أجيب لي طلاء الأظافر وذا شي ياخذ مني أهتمام كثير ووقت بس بعد أخلص والبرامج ما تخلص !!! بس ممكن اني أجيب معي سلة فواكه وأعمل سلطة فواكه << هذا اللي فالحة فيه ...:d وشكرااا لك حبيبتي عطيتيني فكرة حلوة ...:22: |
الله يساعدك....ويخلي لك زوجك...اعملي له نفس الحاجة...غاري عليه زيادة شوفي شنو ردة فعله؟؟
امزح معك....مالكم إلا توم وجيري...وإذا حبيتو تبدلوا بينك بانثر |
حبيبتي زوجك ماعنده ثقه بنفسه حاولي انك تبنين هالثقه دايم امدحيه وتغزلي فيه
واذا قال لك انك معجبه بأحد بالتلفزيون لا تعطيه وجه بالعكس استنكري رده فعله (انك كيف تفكر كذا منت مراهق ولا صغير عشان تفكر اني راح يعجبني احد بالشاشه ) بصراحه وبدون زعل انا احسها تفاهه اللي يغير من احد بالتلفزيون معليش سوري |
[quote=j_n]الله يساعدك....ويخلي لك زوجك...اعملي له نفس الحاجة...غاري عليه زيادة شوفي شنو ردة فعله؟؟
امزح معك....مالكم إلا توم وجيري...وإذا حبيتو تبدلوا بينك بانثر[/quote أهلا فيك أختي ... زوجي من يجي ياخذ الريموت كنترول وما يطيق الكارتون بالمرة ... وشكرااا لك على المرور :22: |
اقتباس:
أهلا فيك أختي ... زوجي واثق من نفسه بدرجة كبيرة وشخصيته قوية مرة بس شوية غيور ... وشكرااا لك على المرور |
اقتباس:
|
حبيبتي مهما كانت مشكلتك الزوج اللي يغار والله احسن
بالف مره من اللي يطنش وعادي عنده والحل للمشكله مثل ما قالت الاخت روود خليك معه بس اشغلي نفسك باي شي ثاني:22: |
| الساعة الآن 02:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©