|
قاللي الدكتور تعالي بعد خمس شهور وانا محتااااره ساعديني يا دكتورة بنت النيل
السلام عليكم
الدكتورة الغاليه بنت النيل و الأعضاء اللي عندهم خبرة انا نفسيتي تعبانه و في حيرة ما يعلم بها الله و ابيكم ما تخيبوني وانا جايه استشيركم انا مثل ما تعرفون اجهضت السنه اللي راحت و كان عندي ارتفاع في هرمون الحليب على حسب كلام الدكتورة في السعوديه تقول 30 من اصل 25 يعني ارتفاع بسيط المهم هي كانت تابع التبويض بالسونار و قالت لي كل شيء تمام و احجام البويضات ممتاز يعني ما عندي مشكله في التبويض وقالت لي اذا ماصار حمل تعالي نسوي اشعة الصبغه علشان نشوف اذا فيه انسداد والا لا وانا ما قدرت اروح لإنه ما كان عندي وقت و كنت برجع امريكا صرت آخذ دوبرجين لمدة ثلاث شهور و جيت امريكا واخذت موعد عند دكتور كبير معروف في المدينه اللي احنا فيها يدرس الأطباء في جامعتنا بعد المهم رحت له و قلت له السالفه و خلى وحده من اهم الممرضات عنده تكشف علي ما ادري سوت كشوفات وايد و دخلت شيء في رحمي علشان تاخذ عينه من السائل اللي داخل و تتأكد منه وكمان دخلت صبعها وصارت تتلمس بإيدها من برى جهات في بطني و خصري سوري ع الوصت بس ما اعرف وش هالأشياء يسمونها في الطب المهم في نفس اليوم قال لي الدكتور التحالليل كلها ممتازه واقطعي الدواء علشان هو ارتفاع الهرمون قليل جداً و وايد يحملون مثلك و الممرضه اللي كشفت عليك كان عندها نفس الارتفاع و حملت يعني ما تحتاجينه وسألته عن مسأله انسداد الأنابيب قاللي مو مبين انه عندك بس انتي بعدك صغيرة عمرك 20 و الأيام قدامك ما نبي نسوي لك تحاليل زيادة و مكلفه و اللي واضح انك طبيعيه جداً و عطاني موعد بعد 5 شهور وسألني موافقه على كلامي قلت ايه وانا مو عاجبني بس استحيت والحين مر شهرين والدورة تجيني ولا يحصل حمل مع اني ماخذه التحليل المنزلي للخصوبه و احرص على الجماع في هالوقت بس للحين الله ما كتب الحين انا مقهووووورة مو عارفه وش اسوي انتظر 3 شهور للموعد اللي عطاني اياه والا اروح له بعد ما تجيني الدروه هالشهر ..!! للحين في صدري حليب ما ادري اذا قطع الدواء سبب في ارتفاع الهرمون مره ثانيه مع العلم انه ما سوى لي تحليل لهرمون الحليب مره ثانيه بس شاف الملف اللي انا جايبته من المستشفى اللي كنت اتعالج فيه في السعوديه انا ما ني عارفه وش اسوي ما ادري اذا كان هذا غلط والا لا هنا في امريكا ما يحملون الا بعد الـ30 او اكثر وهو علشان كذا يفكرني صغيره وانا مقهورة هو ماله شغل انا ابي احمل الحين ساعدوني الله يخليكم افكاري مشووووشه تنصحوني اروح له واقول له يسوي لي اشعة الصبغه وتحليل الهرمون مره ثانيه والا لا ؟؟ ارجوش يا دكتورة بنت النيل لا تهملين حالتي .. ادعوا لأبوي بالشفاء العاجل وادعوا لي بالذريه الصالحه تحياتي |
الله يرزقك اختي وتشوفي المهدي انشاء الله قريبا.. هاي مشكلتن هون..بياخدو الامور على اقل من مهلن..ونحن منكون عم نموت وبدنا بسرعة كل شي يصير... انا كنت عم روح عند دكتورة هيك كانت اخدة الامور ببساطة وبين كل موعد وموعد 3 اشهر.واذا كان بدي الترا ساوند تحولني على مكان متخصص لعملها ونفس الشي بالنسبة لباقي الفحوصات..وهيك كان ياخد الفحص معي على بين مااعرف نتيجتو شهر!!!!!!!!.بس بعدين طقيت وصرت اتابع عند دكتور ..وكتير مرتاحة بالتعامل معو لانو المواعيد قريبة وكل شي مستعجل وبيعملو عندو بالعيادة .. الله يوفقك اختي.. قلبي معك وانشاء الله بنت النيل تعطيكي الجواب الشافي |
مشكورة حبيبتي اجياد
وين الباقين اتمنى انكم ما تخيبوني ولو بدعاااااااء الله يخليكم |
ام مهدي حبيبتي
متزوجة من متى غاليتي ؟؟ وهل قام زوجك بعمل فحص للسائل المنوي ؟ انتظر ردك .. |
/تزوجه من سنه و 7 شهور بس مثل ما قلت صار لي سنه من سقطت و كل مارحت لدكتور يقوللي انتي ما ينخاف عليك بما انك حملتي من قبل :( :( تقريباً انا احاول احمل من 9 شهور
لا زوجي ما سوى تحليل للحيوانات المنويه بس الدكتور قال بعد 5 شهور بيسوي له التحليل ........؟؟؟؟؟؟؟؟؟؟ دكتورة الله يخليش طمنيني على تركي لدواء هرمون الحليب ما يأثر سلبياً ؟؟؟ اشركر من كل قلبي يا عمري الله لا يحرمنا منك يالغاليه والله يفرج كل همومك مثل ما تحاولين تفرجين همومنا |
حبيبتي أجياد اللي فهمته انك عايشه في امريكا والا انا غلطانه ؟؟
اذا كنتي عايشه في امريكا فأنتي في أي ولايه ؟؟ بنت النيل آسفه انا رديت متأخره انتي عارفه فرق التوقيت وانا للحين منتظرة ردك ارجووووك لا تهمليني |
اي والله ام المهدي.عايشه بامريكا...بولاية نيوجيرسي! ام اجياد..:22: |
للأسف نيو جيرسي بعيدة عنا والا كان سألتك عن الدكتور اللي رحتي له
على فكره ياليت لو تقولين لي كيف اقول للدكتور يسوي لي اشعة الصبغه علشان اطمن على الأنابيب انها مو مسدوده بس بالإنجليزي لإني ما اعرف وش اسم الأشعه بالانجليزي :) مشكووووورة حبيبتي مقدماً على تواجدك والله يرزقني معااش والجميع بالذريه الصالحه عاجلاً يارب العالمين |
اسم الاشعة Hysterosalpingogram او اختصارا يقال لها HSG ...وتقرأ " هستو سالبينجو جرام " والانبوب اسمه fallopian tubes ويقرأ فالوبيان تيوب.. والعملية بالمنظار لفتح الانابيب يقال لها Laparoscopic ويقرأ "لابروسكوبك"... اذا بدك شي تاني حبيبتي انا جاهزة.. وانشاء الله بتحملي قريبا..يارب..يارب... |
وينش يا دكتورة ترى انا انتظرك :( :(
|
يا دكتورة وينش تردين على الكل الا انا :( :(
الله يعطيك العافيه ياليت لو تردين علي والله نفسيتي تعبانه حيل وابي بس كلمات منك تطمني |
السلام عليكم
اعتذر منك لاني اجيب على موضوعات كثيرة و لا ياتي لي اخطار بيريدي لعطل في ايميلي لذلك اتصفح الموضوعات و احد واحد لاتابع الردود .. بالنسبة لارتفاع هرمون الحليب , فهذا الهرمون مشكلته انه يرتفع فجأة و يسبب بالتالي خلل هرموني و اضطراب في الدورة و انا شخصياً انصحك بالاستمرار على استخدام الدواء الخاص به الى حين حدوث الحمل خوفا من ان يرتفع خلال الـ5 اشهر ارتفاع كبير فيسبب في تاخر حملك اكثر ؟؟ كذلك يكن ان تقومي بمتابعة التبويض بالسونار و من خلالها يحدد لك الطبيب التوقيت الامثل للجماع ومن هنا يطمئن الطبيب ان الاباضة تحدث بانتظام و يرافقها جماع في وقته المناسب اذا لم يحدث حمل بالرغم من ذلك الافضل ان يجري زوجك فحص للسائل المنوي و تجري انتي اشعة صبغه على الانابيب للتاكد من اسباب تاخر الحمل .. مع الحرص على مداومتك لتناول حمض الفوليك يوميا دون انقطاع الى ان يحدث الحمل .. تحياتي ,, |
مشكورة عزيزتي على ردك
المشكله ان الدواء عندي خلص ولا اعرف وش ياخذون في امريكا عن ارتفاع الهرمون والمشكله الثانيه ان الدكتور مقتنع ان ما احتاج دواء على حسب كلامه النسبه ما تأثر انا في السعوديه سويت اشعه بالسونار لشهرين و دايماً البتبويض يكون ممتاز و نحرص ع الجماع بس بعد ماصار حمل الحين انا كيف اشرح للدكتور اني ابي دواء الهرمون ..هو حتى ماسوى لي تحليل على الهرمون علشان يتأكد من نسبته :( :( :( زوجي يقول اهو يعرف شغله مفروض ما نملي عليه وش اللي يسويه وانا للحين محتاره و حيرتيني زيادة يا دكتورة و خايفه على هالهرمون :( :( يااااااااااااارب يكون ما تأثر الهرمون |
السلام عليكم ..
الادوية في امريكا ستكون نفسها اختي لان التصريح بتناول الادوية لا يتم في العالم الا من خلال امريكا لاكثر الادوية الموجودة ... بالنسبة للهرمون و خوفك منه ما استطيع نصحك به هو اعادة عمل فحص للهرمون ثاني يوم الحيض اذا وجدتي ان نسبته طبيعية فلا بأس و لا داعي لتناوله من جديد .. اذا كما هو او ارتفع فوقتها سيكون لزاماً مراجعة الطبيب لوصف الدواء لك مرة اخرى .. تحياتي ,, |
والحين مر شهرين والدورة تجيني ولا يحصل حمل مع اني ماخذه التحليل المنزلي للخصوبه و احرص على
الجماع في هالوقت بس للحين الله ما كتب ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ هلا ام مهدي والله يا بنات بان اني مو لوحدي بأمريكا الله يهون علينا الغربه اهم شي حبيبتي الله يقومك بالسلامه ويرزقك لذريه الصالحه تاني شي ممكن اسئل وش هذا التحليل واذا بأمكانك تحطين لي صوره الجهاز لمعرفه ايام الاباضه __________________________________________________ ________ انا ما ني عارفه وش اسوي ما ادري اذا كان هذا غلط والا لا هنا في امريكا ما يحملون الا بعد الـ30 او اكثر وهو علشان كذا يفكرني صغيره وانا مقهورة هو ماله شغل انا ابي احمل الحين ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ تعرفين حبيبتي انا مثلك انقهر منهم من طولت بالهم تصدقين بس اجهضت وش قالو لي قالو لي خلص انت اجهضتي وخليكي بالبيت تجهضين بروحك والله قمت القهر علما بعد ما اصريت عليهم قالو لي تعاااااااااااااالي:29: يعني رحت غصب لكن رحت وعملو لي تحاليل وشافو على السونار انه الجنين طبيعي لكن لاني طولت عبل ما شافوني ولو شافوني بسرعه لكان الجنين حي يرزق والعلم عند الله لكن قدر الله وماشاء فعل عندهم(طووووووووووووووووولت بال تقهرنا نحن العرب) حنا نحب كل شي على السرييييييييييييييع الله يوفقنا للخير ونحمل انا واياكي في اقرب وقت في اامان الله |
اختي بنت النيل مشكورة والله ما ندري كيف نطلع من جزاك يالغاليه
لو احنا من دونك ما دري ش يصير الله يخليك لنا يارب انا عندي موعد مع الدكتور يوم الاربعاء ونشوف و ش يصير و اخبركم انشاء الله اختي فتحي الباب مشكورة حبيبتي على تواجدك نورتي الصفحه يالغاليه والله يهون عليك و علينا الغربه والله كلامك صحيح عليهم بروووووووود يبط الكبد احر ما عندنا ابرد ما عندهم وهذا هو صورة تحليل الخصوبه http://www.walgreens.com/dbimagecache/291273.jpg او هذي http://a1468.g.akamai.net/f/1468/580.../27377/300.jpg طريقة استخدامه هو انك تضعينه في البول لمدة خمس ثواني و بعد ذلك اذا رأيتي الخطين متقاربين في العرض فهذا يعني ان التبويض عالي هذا اللي فهمته من النشرة اللي موجوده معاه واذا تبين تاخذينه من الصيديله ماعليك الا تروحين و تقولين لهم انك تبين ovulation predictor kits اتمنى اكون افدتك يالغاليه و خبرينا بجديدك يارب الله يعوضنا جنينا اللي ماتو :( :( فتحتي علي المواجع :15: ويااااااااارب الله يسمع منك و تحملين وانا احمل وكل المحرومين بالذريه الصالحه يارب العالمين |
اختي فتحي الباب لقيت لك هالصورة اللي انا توني اشوفها ع النت
اكيد راح تفيدك لإني كنت مفكره ان بس في يكون في تبويض في حاله وحده انه يكونون متقاربين لبعض الخطين لكن في كل هالحالات تكون الاباضه ممتازه تحياتي |
اخواتي هذا رابط ايضا لاختبارات الإباضة و كيفية عملها
http://www.66n.com/forums/showthread...C5%C8%C7%D6%C9 طمنينا عنك اختي ام المهدي بعد زيارتك للطبيب موفقه .. |
جزاك الله خيرا حبيبتي ام مهدي غلبتك يا بعد عمري دائما اشوفه بالمحلات بس ما ادري وش هذا جزاك الله خيرا حبيبتي وما قصرتي وان شاء الله قريبا نسمع خبر حملي وحملك بأذن الله وما تنسي طمنينا عليكي بس تروحين لطبيبه
في امان الله |
السلام عليكم
بس حبيت اخربكم ان امس جات لي الدورة ورحت اليوم للدكتور وقلت له ابي ابتدي علاج وبكره الصبح بروح احلل هرمون الحليب و زوجي بيعمل تحليل الحيوانات المنويه و يوم الاثنين الاسبوع الجاي بسوي اشعة الصبغه علشان اكشف على الانابيب وبعد اسبوعين عندي موعد ثاني معاه علشان نشوف النتايج وويش بيسوي ادعوا الله يخليكم بالذريه الصالحه |
الله يوفقك حبيبتي ويرزقك الذريه الصالحه عاجلا يارب
في امان الله |
اللهم ارزق ام المهدي بالذريه الصالحه هي وانا وكل الي عايز يارب ياكريم عاجلا غير آجل
|
تسلم لي هالدعوات منكم يا اغلى اخوات في الدنيا
بس اقول لكم حظي نحس ما ادري ليش اليوم الل يكنت بروح احلل فيه الدم طب علينا ثلج مو طبيعي و تسكر كل مكان في المدينه حتى الجامعات و المستشفيات وكل شيء ورحت اليوم الثاني وهنا انا ابي اسئل بنت النيل سؤال الدكتور عطاني موعد على ثاني يوم من الدورة بس ما قدرنا نروح بسبب الظروف الجويه وانا رحت ثالث يوم الصبح هل في فرق في النتايج ؟؟ مع انه انتي قلتي وهو بعد قال احسن يوم للتحليل هو ثاني يوم ؟؟ --------- بكره الصبح عندي اشعة الصبغه بروح اسويها انشاء الله ما يصير شيء يعكر السالفه ادعوا لي تعدي على خير ---------- دكتورة او اي بنات سووا اشعة الصبغه هل احتاج اكون صايمه مثلاً قبل ؟؟ او اتجهز حق الاشعه وكيف ؟ الدكتور ما قال لي شيء ولا شرح دعواتكم فأنا محتاجه لها بشكل مو طبيعي يااااااااااااااارب ما يجي ربيع الا وانا حامل و كل اخواتي المحرومات يارب العالمين وبالذات من دعا لي |
السلام عليكم
لا مانع من عمل الفحوصات ثالث يوم الحيض ولكن ليس بعد ذلك .. ولا تحتاجي لاي تجهيزات مسبقة لعمل اشعة الصبغة ولكن يتم عملها بين اليومين الـ7 و الـ9 من بعد الدورة , ولا يتم عملها اذا تعاني من نزف او التهابات في الرحم او عنق الرحم .. تحياتي .. |
ان الله يارب ترزقني وترزق ام المهدي بالدرية الصالحة والى كل من يتمنى يااااااااااااااااااارب العالمين
ان شاء الله نحمل في ربيع ويكون ربيع بفرحة الحمل ان شاء الله للجميع يارب العلمين |
مشكورين حبيبتي بنت النيل و العروسه الصغيرة
يارب الله يفرحنا كلنا بالحمل اختي بنت النيل ادري والله مللتك بس ش نسوي ما عندنا غيرك نشكي له و يشرح لنا بالتفصيل آخر اخباري توني راجعه من المستشفى و سويت الأشعه صحيح كانت تألم شوي بس الحمدلله على كل حال المهم النتيجه كانت ان الانبوب الايسر مفتوح بس الانبوب الايمن مغلق جزء صغير منه هي قالت لي للحمل ما تحتاجين الا انبوب واحد مفتوح و طمنتني بس انا لسه خايفه سٍألتها اذا فيه علاج يفتح الانبوب الثاني قالت لا مافيه بس صدقيني ما تحتاجين !! طمنتني و طمنت زوجي بس انا فيني وسوااااااس ابي اتطمن اكثر منك ياغاليه صحيح كلامها والا لا...؟؟؟ مشكورة مقدماً |
دكتورة انتظر ردك عزيزتي لا تهمليني وزيادة على ذلك
لمدة اربع ايام تنزل مني افرازات قليلة جداً بنيه كانت اول و ثاني يوم بعد اشعة الصبغه اكثر يعني خط في اليوم بس امس واللي قبله نقط ياليت لو تفيديني الله يخليك |
الله يوفقك وان شاء الله بنت النيل ترد عليكي
في امان الله |
| الساعة الآن 01:23 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©