|
المراهقة
السلام عليكم....
يا أخوانى عندى أختى عمرها 17 سنة....لسانها طويل ...و طلعاتها كثرت و ما تبى أحد يقولها ادنى على وراج....والمشكلة ان إحنا ما نرضى أختنا تروووح بيوت رفيجاتها و أهم ما يجووووون بالاحرى ما تبيهم يجووون تبى تطلع و تروح لهم.....ودائما تصرخ بوجوهنا و تقول ان إحنا حابسينها مع ان العكس صحيح تطلع معانا و تروووح لصديقاتها على كيفها و غصب عننا..وووايد انا خايفة عليها من الصديقات و الموباااايل و النت.......شنسوى فيها يا اخوااان احترنا معاها كلمناها واااايد و صرخنا وااااايد ...ما ادرى ما هو الاسلوب ألى بنفع لمثل حالتها..افيدونى جزاكم الله خير |
اذا تخاف من ابوج او اخوج العود اهما يقدرون عليها
|
هذه سن في غايه الحرج و لا بد لكم من كسب ثقتها
اكثر من الصراخ حتى يكون وقت حاجه الصراخ اثر اذا ممكن تصاحبيها اذا كنت اختها و اذا كنت اخوها لتقوم احدى اخواتها بمصادقتها و اخذها باللين فتفتح قلبها لها و اما عن طلباتها و احساسها بالظلم لبقائها بالبيت و خوفكم عليها اقترح ان تشركوها بمعهد تعليم لغه و كومبيوتر و تشغلو وقت فراغهابدوره ديكور اي شي من هالشغلات الي يحبوها البنات لا تتركوها وحيده دون رقابه غير مباشره خوفا من صديقات السوء خاصه في خروجها للمولات و المطاعم و بيت صديقاتها و المسنجر و الموبايل اهم شي تكسبو ثقتها و تخلوها تفضفض لكم و تدريجيا تبعدوها عن هذا الجو و تلتحق بتحفيظ القران و تاخوها للدروس الله يصلحها هيه و الي مثلها |
اترك رساله باسمي بقسم الرسائل الخاصه ،،، بارك الله بك،،، ام اثير
|
ينقل لعالم المشاكل الاجتماعيه ليجد التفاعل المطلوب
|
صادقوها خلكم قربين منها عطوها الثقه في نفسها وحسسوها انها محل ثقه ويعتمد عليها ودايم ذكروها البنت شرفها مثل الزجاج اذا نكسر ما يتصلح
|
مشكوووووره يا أم أثير....
والله العظيم أن ما عندها وقت فراغ لانها ثنوية عامة . و كل طلباتها مجابة.....انا أختها اقعد معاها بس أهى مو معاى و لا مع امى...هى بعالم آخر...عالم الصديقااااات....والله أنا خايفة منهم هالصديقات...السبب بهذا كله الوالد الله يشفية...تاااااكله بلسانها و يرضى و يرضخ لمطالبها وهو يضحك مع ان كان معانا شدييييد...وهو ألى خربها...كل أخواااانى الخمسة الاولاد مو عاجبهم الوضع...ماعندنا بنات يقعدون برا البيت للساعة عشر و الثانية عشر............و أمى المسكينة كل ما قالت لا الوالد قال أىى ....ويتهم الوالده انها ما تعرف تتصرف و تتكلم معاها..........لا و تكذب بعد لتحقيق أغراضها............صبرنا واااايد.....ألحين الوالد و الوالده ذاهبين لرحله علاج بالخارج....و خوانى هم ألى متحملين المسؤلية...و يحاولون السيطره عليها....بس الأخت ماخذه الوضع بالصرااااخ......شنسوىىىى فيها.........جزاكم اللع خير. |
إن شاء الله يا دكتور حنون والله ٌقاعده أحاول اصادقها....بس أبى حل مع اخوانى....اذا قالوا لا تطلعين خلى صديقاتج يجون قالت لا....و اذا قالوا ترجعين الساعة9 قالت 10.........................جننتنا
|
اختي كان الله بالعون صعب فعلا التحكم في مثل هذه الحاله التي ترى الصديقات
اقرب لها من الاخوات لكنها ستدرك هذا يوما ما خذوها باللين و الحيله و ان صرخت اجيبوها بهدوء و انكم مسؤلين عنها و لتقدر غياب الوالدين للعلاج و تدعوا لهم بالسلامه و ان تتصرف بقليل من المسؤليه الى ان يعود الوالد ويستلم الامانه و المسؤليه منكم لكن بهدوء دون ضرب و صراخ اعلم انه صعب التحكم بمثل هذه الحاله لكن لابد من الحزم بهدوء و لتحبس نفسها في غرفتها الى ان يعودو لكن ان تخرج لمفردها و تسهر لا و الف لا و اذا امكن اخبروا والدكم بالامر و اخبروه ان يكلمها بان تستمع لكم و لكم ان تكلموه بهدوء بما يحدث منها و ينتبه عليها عند عودته من السفر بالسلامه و الله يكون بعونكم للمره المليون |
واللة هالمشاكل بكل بيت فيه بنات ووعشان ترتاحين وماتعورين قلبج الشي ألي ما تسمع كلامج فيه .......علمي أخوها , مو أبوها لأن الأبو يدلع .و مايشوف شر الوالد.
|
|
بهالعمر الصراخ ماينفع ابدا
لازم الصبر .. اصبرو عليها واتقربو منها افضل من الصراخ ... صدقيني اذا صبرتو عليها وتقربتو منها راح تتغير ... انتو الحين راقبوها .. لانها بهالعمر ومع صراخكم عليها يمكن تعاند وتسوي اشياء ماهي بالحسبان الله يهديها يارب هموووم |
بسم الله والصلاة على رسول الله
اول شي عليكم بالدعاء لها بظهر الغيب بان يحفظها الله من كل سوء ثانيا،كونوا اصدقاء لها مثلا بنهايه اأسبوع اطلعومعها مطعم اومكان هي تحبه اشتروا لها هدايا تقربوا لها لأن اذا حست بالحنان والصداقه في بيتها تدريجيا ستتخلى عن رفيقاتها بس اكثروا من الدعاء لها لا تكونوا فقط اخوه لها وحذروها بس مو بصوره جافه او مستمره يعني ممكن لو تعرفون ايميلها طرشوا له قصص مثلا عن معاكسات الشباب وكذبهم وعن رفيقات السوء |
مشكووووورين على النصيحة والله يجعلها فى ميزاان اعمالكم. :d |
السلامممم عليكم............أبشركم اختى واااااايد تغيرت الحمدلله....وألتزمت معانا انا واخوانى...وما قامت تروح لصديقاتها.....و قالت لأخوى انها تبى تتغير.............مشكورييين على النصائح.:14: :22:
|
السلام عليكم..
حاولي تشوفي مين اقرب واحد لقلبها من العائلة وبعدين يكسبها ثقته وآخر شيء يبداء يتكلم معاها بالطريقة اللي تناسبها.. أو اعرفوا مين صحباتها عشان تتطمنوا بس لو كثرو البنات و زاد الموضوع عن حده كلمي الوالد أو الوالده.. يمكن مفتقده شيء في البيت ووجدته عند صحباتها.. بس اغلب البنات في دا السن يصيروا كدا..وشكلها دلوعه حبتين.. الله يحميها من كل مكروه.. ودمـتي |
يغلق الموضوع نظراً لانتهاء المشكلة و حلها
|
| الساعة الآن 01:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©