|
ساعدوني شاب يلاحقني ويحاصرني
السلام عليكم ورحمة الله وبركاته ..
اشكركم صراححه على هالموقع المتميز واتمنى تساعدوني في حل مشكلتي يمكن تكون سهله بالنسبه لكم بس ابيكم تساعدوني ماااطول عليكم ومشكلتي هي ... ادري اني غلطت لما اعطيته رقمي وكلمته وياليت اكتفيت برقمي لابعد رقم البيت الثابت بعد من زود الثقه وياليت ماتلوموني على هالشي لاني تبت الحين وربي اني ندماانه على هالشي انا اعطيته رقمي قبل سنه تقريبا وبعدين قطعت لاني طفشت من هالطريق اللي انا امشي فيه ونويت اغير حياتي المهم هو ماسكت وبعد ماطفش وهو يدق على جوالي وانا حاقرته دق ع البيت وططلبني بالاسم بس غير صوته لبنت واحمد ربي ان اختي هي اللي ردت ومامشيت عليها السالفه .. المهم كلمته وقعد يسب ويلعن ويقول كلام ماله دااعي ... ويهدد بعد ... المهم بعدين قطططططع والحين رجع يتصل ع الثابت لاني غيرت رقمي ويتاسف وانه ماكان قصده وانه يحبني ويمووت فيني بس انا ماتمشي علي هالحركاات المهم انا خايفه الحين انه يتصل وامي او واحد من اخواني يرد وربي اروووح فيها مرررره خاااااااايفه منه انسااان نذل وماعنده ضمييييييير والمشكله العظمى انه يعرررف عنواااان البييييييييت وربي قلقااانه حييييل قاااعده ادعععي عليه لليل ونهار الله لايوفقه ياااارب ويشغله في نفسه .. المهم ابي طريقه الحين شلون اوقفه عند حده ولاتقولون لي لازم رجااال يوقف معااك لانها صعبه صراااحه وربي لانذبح ومافي احد متفهم عندنا .... والله يعطيكم العااافيه ...!!! تم تعديل العنوان ليتناسب مع المضمون ../ الاشراف .. |
ياربي وش هالبلشة اللي حطيتي روحج فيها
انتي طلعتي معاه ولا بس مكالمات لايكون عطيته تفصيل كامل عن حياتج ومنو انت وبنت منو بصراحة الحكاية كلها غلط وليه عطيته رقم الثابت وانتي عارفة انو بعملتك هذي راح تقوم الدنيا ولاتقعد وهو ليه عامل هالحوسة كلها ايش يبي وايش هو اللي ماسكو عليكي اذا مافي شي يدينك معاه من مكالمات ورسايل وطلعات وفوتات لا تخافين بعدين حاولي انتي اللي تهددينو مش هو اللي يهددك يعني بيني الو انك قوية ووراك ناس ومش خايفة منو بصراحة ماعرف ايش الحل اللي يطلعك من هالمصيبة الله يهديكي ويهديه وان شاء الله يبعد عنك ولايقرب منك |
هو مومااااااسك علي شي بس يعرررف اسمي واسم العايله والعنوااان بعد والعماره اللي انا ساكنه فيها كلهم قراايبي ..
انا خاااايفه يجي الى العماااره ويسوي شي ولا يكتب ع الجداار وربي يسوونها .. الله لايوفقه حسبي الله عللللللليه كانه مو راضي يخليني اتنى بحيااااتي مو راااضي يفهم انه نا خلااااص ماابي هالطرررررريق.. ياقلبي انا مبينه له اني قويه وقلتله اعلى مافخيلك اركبه بس وربي خااااايفه من اليووم اللي اتعلق فيه على باااب العمااره ويخلوني عبره لمن لايعتبر .... |
لا اله الا الله والله يااختي انها بلشه وانا حااسع فيكي كثير ربي يكون بعونك
شوفي ان شالله مااااااااااااايرجع يتصل بس اذا صار واتصل قولي له وانتي وانتي واااثقه من نفسك وقويه انو خلاص انتي تبتي وهذا الشي غلط وقولي له هل ترضى احد يسوي لاختك كذا او اي بنت من اهلك قولي له انا اعترف اني غلطت بس تبت وكل انسان يغلط هذا مو عيب في بني ادم بس العيب اللي يستمر على الخطا ولا يصححه قولي له انت وش تبي بالضبط وش اخرتها معك؟ اعرفي هو وش يبي قولي له الله يستر علينا كلنا خلاص روح واذكر ربك وانساني ولا تنسى ان في خالق سبحانه وتعالى ويشوفك وش جالس تسوي فيني |
مو مصدق انه انا تبت يقولل اكيد اك عرفتي واحد ثاني ومن هالكلاام .. كل اللي قادره اسويه الحين اني افصل التلفون .. بس ماراح اقدر افصله على طووول ...
وربي كل مااطلع اخااف انه ينتظر برره صرت اخااف وانا طالعه وانا راجعه اتلفت عشان اتاكد انه مو في وربي مسويلي قلق مررره .. انا كنت عاارفه رقم بيتهم واول ماصارت المشكله يعني قبل سنهه كلمت اخته وتفهمت الموضوع وكانت تبي تساعدني بس ماقدرت والمشكله انها اكبر منه يعني تقدر تمنعه بس المشكله الحيين اني نسيت رقمهم كنت نااويه اكلم امه ولا احد كبير عندهم بس وربي قهررر نسيت الرقم .. |
لا تعطينه وجه وصدقيني بيمل ويخليك
اهم شي لا تضعفين وترى مو معناته انه يعرف اسمك ورقم بيتكم انه خلاص ماسك عليك شي !!! ولو افترضنا انه سوا هالشي ودق وقال اسمك تقدرين تقولين جاب الرقم من احد الطالبات عندنا او من الدليل او او او او مادري من وين جاب الرقم وشوفي اذا انتي صادقه بتوبتك ربي بسهلها لك وبيصرفه عنك |
الله يفرج همك ويستر عليك يارب0
واكثري الدعاء واذا كلمك مرة ثانية قولي له ان اهلي عرفوا علشان يخاف0 |
السلام عليكم
أختي بكل بساطة ..إن اتصل مرة أخرى بك ..هدديه بأنك ستبلغين الشرطة و أنه لا يملك أي شئ ضدك يمكنه فقط من سؤال سكان المنطقة بأن يعرف اسمك و عنوانك أو حتى أهلك هي ليست زلة..و أوضحي له أنك تغيرت و إن لم يفهم و بدأ بالتهديد و الضغط عليك اذهبي للوالدة و أخبريها بأن نية إعطائك رقم المنزل لهذا الرجل هي فهمك للموضوع بأنه سيقوم بخطبتك و أنه فقط استغل هذه النقطة ليضغط عليك للخروج معهو و ارتكاب الحرام أوضحي أنك كنت مخطئة لأمك .... و حاولي أن تحتفظي بباقي التفاصيل لنفسك بما أنك تبت ، لا تفضحي نفسك و ثانيا أختي توبي لله توبة نصوحة و أسئليه بأن يبعدك عن هذا الطريق و يكفيك شره أسعد الله يومك |
عليك بالدعاء اختي والله اذا انتي صادقة بتوبتك ربي مااايخيبب ظنك فيه
والله يفرج همك طنشي واتكلي على الله |
الاخوة ما قصروا و الحمد لله و زيادة على تحذيرهم بارك الله فيك و فيهم اقول مرة اخرى احذري ثم احذري ثم احذري ان تضعفي له أو تفكري أو تحلمي او تتوقعي بأن الخروج معه قد يحل المشكلة ...
حافظي على نفسك و سيفرجها الله تعالى لك ... فكوني قوية بايمانك .. و لا يهزك باستفزازاته و جنونه !! |
الله يعطيك العاافيه اخوااني وان شاء لله ربي يفرجهااا ...
الله يجزاكم خيير كلامكم ريحني .. ...................... اللهم اكفنييه بماشئت .. اللهم اكفنييه بماشئت .. اللهم اكفنييه بماشئت .. اللهم اكفنييه بماشئت .. اللهم اكفنييه بماشئت .. اللهم اكفنييه بماشئت .. اللهم اكفنييه بماشئت .. |
ألا يمكن يكون من إخوانك من يمكن أن يساعدك حتى يسبه أو يصده
|
الله يعينج ع ما بتلاج ...
أنا من رايئ انج اتكلمين واحد من أخوانج وتتوضحيين لة السالفة من الاول أو كلمي أمج لان شباب هالايام ماراح يسكتون ويمكن يهددج بالاشرطة أو الصور فمن الافضل اتكلمينهم ....... |
بحكم أني شاب
أنصحك بالتطنيش مرررررة والله سيمل منك ويتركك المسألة يبي لهاا وقت شوي وإذا شفتي أنه زودها شوي على البيت هدديه أنك راح تعلمي أخوانك حتى يتصرفوا معه وفيه طريقة حلوة إذا كنتي تعرفي جواله في بعض المواقع تقدم للمشترك رسايل للجوال تقدرين ترسلين له تهديد أنك رجل عرف بالقضية أو تتفقين مع أحد صديقاتك أو قريباتك ليقوم أخوها أو أبوها بالاتصال عليه وتهديده الله يستر عليك |
الله يستر عليك ويسر امرك ويفرج همك
يااااااااااارب |
لا تعودوا الخبيث من أنفسكم فالشيطان يعتاد لما عود
إذا هو يحبك ليش مايتقدم لك ؟ وأياكي أن تنخدعين بكلامه :16: وأنه لا يستطيع أن يفعل شئ لأن الله معك كوني مع الله يكن معك تحياتي |
الله يسترك ويستر بنات المسلمين الأعضاء ماقصروا وحلولهم مرضيه
اهم شي تتوبين توبه نصوح ولاتسمعين كلامه الكذاب هو بس يبي يستعطفك خليك قويه واحقريه والتزمي الدعاء |
أثبتى ولا تتنازلى عن توبتك مثل ما قال أخونا قزم ..
أختى العزيزه توبى الى الله وأدعى ليل نهار ان الله يثبتك ويهدى هالشاب .. وما تدعى عليه لانه موكل عليك ملك يقول أمين ولك بالمثل ... أختى حاذرى وأدعى له بالهدايه والله يهدينا ويهديه أمين يارب العالمين. |
امك او ابوك او اي رجل
لازم تقوليلهم على قصتك وراح يوقفون معاك اكيد لو زعلو شوي لكن بالصراحة راحة وانتي في بر الامان اذا قلتي لاهلك على الحقيقة ويوقفونه عند حدو او ممكن تلتجئي بعد الله سبحانة وتعالى لهيئة الامر بالمعروف والنهي عن المنكر راح يساعدونك وتوكلي عاى الله واستغفري الله من لازو الاستغفار جعل الله له من كل هم فرجا ومن كل ضيق مخرجا |
صديقتي اعاني بصمت....
انا نصيحتي انك لازم تعلمين والدتكي او والدكي او اي احد في العائلة وخبرية بالقصة واكيد بيساعدونج الله يكون في عونكي ويرتاح بالكي |
ليش ما تقولين لاخوك في واحد يتصل ويطلبني بالتلفون ومادري مين هذا ومنين جاب الرقم هيك بتحطي براس اخوكي انك صادقه وانك فعلا ما تعرفينه وقولي له وقفه عند حده هذا وش يبي انا مو فاضيه له
في امان الله |
انت خلك ذكيه وفكري بذكا
لازم تمهدين للموضوع انه يمكن يتصل ويطلبك بالاسم فلازم فكرة توضحين لهم المهم ياليت تفهمي كلامي لاني والله خايفه عليك من الفضيحه حبيبتي اسمعي يعني مثلا خوذي جوالك ودقي على البيت وردي انت بنفس الوقت وبعدين قولي مين من تبغى؟؟ كذا كانك تسالين بعدين سكري وقولي لامك او اخوانك انه واحد يقول اسماءنا كلنا يعني قولي قال اسم امي واسمي كذا حبيبتي كذا اخوانك ماراح يستغربون لو دق انه واحد يلعب ويمكن اخذ اسمائكم من احد يعرفكم ياليت اختي تكونين فهمتي الفكرة والله يستر |
خبر الهيئه و هم يعرفون يتعاملون مع هالاشكال
|
الله يكون بعونك يارب
نصيحتي الذهبية لك ادعي هالدعاء طول اليوم عشان الله يكفيكي شرو لانو هالدعاء عشان لو خفتي من قوم او من أذى احدهم وهو ::::: ((( اللهم إنا نعوذ بك من شرورهم ، و نضعك في نحورهم ، اللهم اكفيناهم ما شئت ))) رددي رددي رددي طول اليوم وصلي وادعي الله وكوني واثقة انك لما تدعي هالدعاء الله راح يحميكي إن شاء الله خلص اعتبري انك لماتدعيه الله راح يستجيب لانو الله كريم وماراح يخذلك وتاكدي مدامك تركتي هالشاب عشان الله فوالله انو الله كريم وعظيم ومااااراح يتخلى عنك او ينساكي او مايتسر عليكي كمان ادعي هالدعاء ((( اللهم استرني فوق الأرض ، و تحت الأرض ، و يوم العرض ))) لاتنسي وبعد اكم يوم حتيجي تقولي انك بعد عنك انا واثقة الله يوفقك يارب ويبعد شرو عنك للابد |
يا جماعة هالانسان اكيد يحتفظ بمسجاتها واتصالاتها....يعني عنده دليل؟؟
انا من راي الاخ سديد الراي... اقتباس:
الله يكون في عونج ان شاء الله... |
اقتباس:
مالك الا تبلغين الهيئة هذا هو الحل أن كنتِ صادقة طبعاً هم راح يتابعونك حركاتك وسكناتك علشان شوفون جديتك وهل تبت بالفعل ولا مازلت حليمة على عادتها القديمة ولكن انهم راح يخلصونك ان كنت تبتِ لله صدقيني ان الله راح يخلصك منه بدون أحد أهم شي تكون التوبة خالصة لوجة .. وما تعودينها لا لهذا الشاب ولا لغيرة والله يتوب عليك ويغفر ذنبي وذنبك وكل مسلم |
اقتباس:
في مثل عندنا يقول ( شين وقوي عين ) يعين انتِ تعرفين غلطك ومسلمه نفسك له وماشاء الله عليك ما قصرتي عطيتيه حتى اسم جدك السابع وجاية تتحدينه وتعاندينه اولاً لابد تفهمين موقف الرجال اذا كان يحبك فهو يغار عليك صحيح قدرك مثلك مثل باقي البنات الي يكلمون لكن هو شك انك رحتي لواحد ثاني ابي اعطيك شي مهم لك وللبنات الي يكلمون انتبهي تتحدين لك رجال حتى لو انه اقل الناس ترى الرجال ما يحب احد يتحداها خاصة لما يكون التحدي من بنت والله لو على قطع رقبته لجيب راسك لذلك خذيه بحكمة وتروي واقناع وانتبهي من التهور لانه في كل الحالات مو من صالحك هذي هالكلمات نصيحة من رجال يعرف علوم ابناء جنسة |
ابعدي واذا رجع ودق عليك لاتردي عليه وصدقيني بيمل ويروح وهو مو ماسك عليك شي يثبت كلامه مثلا صور او معلومات سريه او تسجيل لصوتك وهذا شي كويس ولصالحك
فعشان كذا لايستفذك وطنشيه وصدقيني ماراح يقدر يعمل لك شي لانه بيفضح حاله ولا عاد تردي عشان مايمسك عليك شي وأهم شي انتي ماتعيديها وبس لانه زمن صار يخوف وان شاء الله ربي بيكون معك تحياتي |
انا رأيي مثل رأي الاعضاء
طنشيييييه حتى لو كان ماسك عليك صور لان مافي يدك حل الحين الا التطنيش اما الاخذ والرد معاه ماراح يجيب نتيجه ويمكن يزيد المشكله الله يستر علينا وعليك |
السلام عليكم....حبيبتى......حقرررررررررررررريه.و غيرى رقمج..و خليه يولىىى...لا تحاتين...اذا لزم الامر و تمادى و جاااء البيت قولى للوالده بس......الله يبعده عنج.
أختي الكريمة .. يرجى كتابة موضوع في عالم الرسائل الخاصة بإسمي وشكرا / بحرينية ولكن .. |
اختي الكريمة الحل اكثر من سهل بإذن الله ............................. ولا تحملي اي هم ممكن تدخلي على هذا الرابط http://www.66n.com/forums/forumdispl...sprune=30&f=29 وتكتبِ موضوع بإسمي للأهمية وبإذن الله خير أسأل الله ان يبعد عنكِ اصحاب وصويحبات السوء بوركتم |
| الساعة الآن 02:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©