إنت يا رجال..وإنتي يا حرمه..تعبنا وحنا ننصح فيكم..ادخلوا بسرعه
 

هذي بعض النقاط والنصايح اللي اتذكرها للتعامل بين الزوجين .. .. واتمنى تفزعون معي باللي تتذكرونه او تحبون تبلغونه للطرفين او احدهما .. وخلونا واقعيين وجادين .. الدعوى نشر غسيل !!

:D

انتا يالزوج !! .. استح على وجهك .. شكلك بسروال وفنيله مهوب لائق ابدا. من زين كراعينك هالشهب وإلا من زين جسمك هالحين يومك تلبس كذا ؟؟ .. البس قميص مغربي محترم ونظيف ,, ولا يكون عقب نوم .. خله على الأقل يستر كرشكّ .. ولو لبست تكميلة رياضه محترمه ,, طلع الفنيله برا البنطلون :mad:

انتي يا حرمة اللي فوق :mad: .. ما يمنع تساعدين رجالك في اختيار قمصان البيت اللي هو يلبسها .. او حتى تشرينها انتي له .. وتهتمين انت تتابعين نظافتها بعد .. مهوب تشتكين من وصاختها وتخلينها معلقه قدامه يلبسها كل مافصخ ثيابه !! .. واحرصي كذلك على تخصيص ملابس يلبسها هو للنوم حتى ما يضايقك بريحة النوم والعرق ...

انتا .. هيه !! ماله داعي تنادي المدام بدون اسم وإلا تسميها بأسماء هي تكرهها .. اما شف لها لقب محترم ويوسع صدرها او على الأقل نادها بكنيتها .. ام فلان مثلا !!.. ونفس الشيء للمره .. :mad:

اذا سويتي له عمل معين من ترتيب او طبخ مثلا ,, اكيد تبينه يمدحك ويمدح شغلك ,, تراه يشوف بس ما تعود يمدح (طبعهم كذا) .. ما يمنع لو تسألينه عن رأيه في هالشيء مثلا وتبينين له الجهد اللي سويتيه .. ولو قال لك " وش الله حادّك؟ " قولي " علشان هالعيون اسوي اي شيء" .. مهوب لازم يقول لك " تسلم لي عيونك " .. بس تخيليه قالها !! :D :D

انت اسمع عاد :mad: .. ترى مهوب عيب ابد تتطيب للمدام .. وياليت بعد تزين ريحة اثمك بعلك فراوله من باطوق :D .. ولا يهمك غندور .. يابس والنكهه تروح بسرعه .. وياليت تكون قوارير الطيب عند مدخل البيت ,, مهوب عند التسريحه .. يتطيب منه اللي طالع !! لأ .. نبي اللي داخل البيت هو اللي يتطيب .. اهل البيت هم اولى بالريحه الزينه .

اهتمي بشكل زوجك قبل يطلع من البيت .. تابعي نظافة ملابسه .. وريحتها .. وتابعي نظافة النعال او الكنادر اللي يلبسها ,, ولا يلبس شراب متشقق :D ,, ترى الناس تذم زوجة الرجل الوصخ ,, مثل ما تذم زوج المرأه المهمله !!

على الغداء .. لا تقعد تناظر في الرز واللحم وتنسى المدام .. عطها نظره .. عطها لحمه .. عطها ابتسامه .. ولا تقعد تماطق بالمضغ :o ,, صكّ اثمك وانتا تمضغ !!

انتي بعد .. اهتمي بريحة الملابس والشعر .. ياناس ترى والله الريحه لها تأثير مهوب صاحي في التقريب والتنفير من الشخص المعفّن !! اتبهوا للروايح :mad:

اسرار البيت .. والمشاكل او الخلافات البسيطه بين الزوجين .... احذروا كل الحذر من خروجها عند الناس ,, مهما كنتوا مختلفين او بينكم شيء ,, لابد من اللإبتسامه قدام الناس وكتم الزعل ,, والا صرتوا بلحالكم فترى عقدة المرأه في دغدغة رجلينها :D وعقدة الرجال في دغدغة باطه :D !! والله يحط حيلكم بينكم !!

عقاب المرأه .. فيه تسلسل تم توضيحه في القرآن والسنه ,, يازوج اتبع الترتيب في العقوبه ولا تاخذ الحل الثاني او الثالث قبل الأول .. :rolleyes:

لا تكثر سب للمدام .. ترى تتعود عليها ومعاد يصير لها تأثير ,, خلك منتظم عمليةالهواش حتى يكون تأثيرها اقوى ويكون فعّال (وقاتل احيانا) :cool:

الصراحه مافيه مثلها ابد .. يعني لو فيه عيوب في احد الطرفين ,, فالمجامله والسكوت بتزيد المشكله وتزيد العيب ,, ولو الزوجه ما صارحت زوجها فمن بيقول له عن هالعيب ؟ ولو انت بعد ما علمتا مرتك باللي ماتحبه فيها ,, فمالك داعي ابد وانت تروح تسبها وتشرشحها عند الناس ... وتشتكي من اهمالها ومصالتها !!

الزوجه دايم مهمله وكسلانه ,,, ... لا تفكر ان حرمتك بتترك هالعادات فيها إلا لو قدرت تخليها تترك القرقره مع امها واخواتها في التلفون !! وهذا طبعا....... مستحيل !! ريّح عمرك

السوالف اللي تدور بين الزوجين ,, خلوها اسرار بينكم ,, وماله داعي الواحد منكم يقعد عند ربعه ويغازل زوجته !! او انتي بعد تقعدين عند اهلك وتعطين السماعه لأخواتك حتى يسمعون الكلام الحلو اللي يقوله لك

الزوجه .. يجب ان تكون صديقه لزوجها .. لكن تاخذ كورس اول في معنى الصداقه ,, وحسن المحاوره والإنصات ... حتى لو تكلم زوجها عن شيء ما يهمها ,, لازم تتفاعل معه وتكون امينة اسراره ..... هذا لو الزوجه فعلا حريصه على تقوية علاقة زوجها بها ... ومافيها عيب ابد لو الزوج بعد يشاور المدام في اي شيء ,, عطها اكثر من فرصه ,, جربها . :cool: . واحكم ..

يجب احترام افكار واهتمامات الطرف الآخر .. على الزوج انه يعطي زوجته فرصه ووقت كافي للتعبير عن اللي في خاطرها .. مهما طالت المده .. انتا نصفها الثاني ,, ولازم تحمل همومها وتتعرف على طريقة تفكيرها .. وتعدل الغلط فيه .

اختاري الوقت المناسب للبس الزين .. وللكلام والغرام ولكل شيء ناويه تسوينه ,, وقدري حالة الزوج في الوقت اللي تطري عليك تكلمينه في موضوع او تورينه شيء جايبته ,, او حتى تاخذين رأيه في فكره معينه !! وافهمي ان الزوج مهوب دايما مهيّا لإستقبال افكارك او كلاك ,,,,

مع وجود الأطفال في البيت .. تنسى المرأه زوجها تماما ,, او هو على الأقل يحس بهالشيء ,, ترى الرجل يحب يكون الطفل المدلل لزوجته ,, تماما مثل ماالزوجه تحب دايما تكون في نظر زوجها طفله .... احرصي على عدم إهمال الزوج من اجل الأطفال ,,, ولا تحرمينه من شيء بسبب الأطفال ,, دبري عمرك..عاد :D !!!

جلسات صامته + نظرات بالعيون ;) + هدوووووء + ابتسامه :D = لحظات رومانسيه يحتاجها الزوجين من فتره إلى اخرى .. اسكتوا شوي وخلوا العيون تفضفض :mad: :mad: ..

قطعة ذهب .. تورته .. ورد
.. قزازة عطر (صغيرة 50 مل) ,,, او حتى لعبة تجيبها لزوجتك ,,,, تسوى الدنيا عندها !! مهوب لازم تكون غاليه حتى تنتظر مناسبه وتجيبها .. لأ .. القيمه الحقيقيه في كونها جت منك انت .. لا تتردد ابد .. ولو ما امداك تروح تشري لها ,, لفّ على اقرب بقاله عند البيت وانتا راجع من الدوام واشتر لها قطعة كاكاو بريالين. :D . (مهوب كل يوم طبعا) عشان لا تروح حلاوتها ;)

وبكذا خلصنا وأخر مرة اكتبلكم نصائح :mad:


انشاء تستفيدوا واسفه مسوية نفسي عنتر زماني :D بس حبيت اغير شوي من الأسلوب :cool:

EMOOOOOOOOOO

نصائح رائعة ومفيدة جدااااااا وباسلوب سهل ودمــــــــه
خفيف جداااااااا

الله يعطيك الـــــــــــــف عافية والف شكر على النصائح الغاليــــــــــــــــة

تسلمين يا ايمو على هالنصايح

روووعه ضحكتيني :)

تسلم يدك

السلا عليكم

يا أخي بارك الله فيك على هاي النصائح الغالية ... معطمها أشياء بديهية المفروض الزوج والزوجة يعملوها ... ولكن التذكرة تنفع المؤمنين.

والله المستعان

رائع ايمو ودمك خفيف كثير وانا صراحة بلشت احب الكلام بالطريقة الخليجية

أسعدالله مساءك أختي ايمو بكل الخير ...

أما أنه موضوع رائع ...ولا أحلى ........ ايمو دمك سكررررررررر والله .... :) ..... وخذي عندج بعض النصايح على سريع ...وعلى نفس النمط علشان ما اخرب السيناريو ... :)


* إلا بخبرج متى بتاخذين فيه ويه الله وتطبخيله الاكلة اللي موصنج عليها من شهر ... :mad: انبح صوته وهو يقولج (( غناتي متى بتسويلي اللي واعدتني فيها ... مشتهي آكلها من إيدينج)) ... ومر صيف وبعده شتاء ... والغلا والمديح لشاندرا تسلم ايدينج يا شندرا ويعطيج العافية يا شاندرا ..... منوه شاندرا (( بشكارتهم )).. غاري شوي :D وطبخيله اللي يباه او أي أكلة تعرفينها ... فضحتينا فيه ...

*أقووووووووول لا تنسى وإنت تطالع التلفزيون وياها ....و تظهر مذيعة جنها القمر... تسوي عمرك هب مهتم فيها أبددددددددد ;) ((أعرفك بتموت تبا تتمقل فيها ... لكن اركد ياريال )).. التفت صوب زوجتك اللي كاشختلك ..امسك ايدينها وتطالع برقة في عينها .. وقول ..لا خلاني ربي منج وهات من الكلام حلو ..... وعن تسبل نظراتك في المذيعة :eek: ... والثانية تتحول غلاية من الغيظ .... لتحرقك ...

*لو نسى إييبلج غرض من الجمعية وإنتي كاتبتنه له .. عن تيلسين تحنين وتنوفخين أوف أوف وليش ما يبته ..... وكيف نسيته ... جنج ضابط حركة :p .... الرايل هب ناقص مسوي اللي عليه وبعد أكثر .. قوليله يفداك الغرض وراعية الغرض وحبي ايدينه بعد .. تره ماقصر ... زين منه متبرظلج وساير الجمعية يشوف طلباتكم ..... الله يعطيه ألف عافيه .. :)


* كل يوم سهر في الميالس .. وحتى يوم اجازتك رحلة ويا الشباب :( .... يا أخي إنت هب عزوبي الحين وراك بيت وراك زوجة .... لهم عليك حقوق .. إن خصصت لربعك يوم ... من حقها عليك تخصص لها أيام .... هي سترك وغطاك .. وحياتك .. كنت حر قبل ارتباطك فيها وهي كذلك .... لكن الحين حريتك وحريتها أصبحت واحدة ... عاد هالله هالله في البنية وعن تسوي سالفة راشد .. (( منوه راشد ماعرفه ... )) ... :D


*عبود وطهف ايلس مكانك .... ليلوه قص الله يرعوبج ... :eek: ....وفلان وعلتان ... والمسكين :( يالس لا عارف يقرأ الجريدة ولا قادر يشوف تلفزيون ومتستغرب تفننج في كيل الشتائم ... يحصلها منج وإلا من العيال .. ... وحضرتج ما توقفين عن الصراخ .... عزيزتي ... إنت المعلمة الأولى لأولادك والقدوة التي يتأثرون بها ....لا تتبعين معهم أسلوب الصراخ واستخدام الألفاظ القاسية في تعاملك معهم في كل وقت .... خذي كل شيء باللين .... ولا تنسى الرجل يجذبه لباقة الكلام في المرأة وصوتها الدافىء الخالي من العصبية ... هو متزوج حرمه هب بندقية كلاشينكوف ...

*شوف عمرك في المنظرة . ;) .. شفت ... تمقلت عدل .... بالله عليك هاذي حاله الحين .. :mad: لا وتبا حرمتك تهتم بنفسها ....... وإنت شعرك ولحيتك فيهم غزو أبيض ... يا أخي في اختراع اسمه الصبغة .... خلك في عينها حلو .. علشان هي بعد تهتم وتكون مثل ما تبي وأكثر ... وحبه عليها وحبه عليك ... يعيش الحب بينكم ..

*أشوفج تبين تشترين الطقم اللي شفتيه أمس في الستي سنتر ;) ... ومأذيه الريال ..... متى بتوديني أشتري الطقم اللي خبرتك عنه .. ومتى بشتريه :confused: وهو مسكين توه توه فاصخ عقاله ياي من الشغل ... اختاري الوقت المناسب .. الوقت اللي تشوفينه هادىء وباله مرتاح .. وقت العصر قدميله الشاهي .. ابتسمي واغمزيله وإنتي تقولين ... تسلم يا قلبي على الطقم .. بيقولج أي طقم ردي عليه بفرحة بعد أي طقم اللي وديتني أشتريه .. مسرع ما نسيت ... لا ارادي بترتسم البسمة بينكم ... وبتتناقشون في الموضوع في جو مرح وكله حب... ويمكن يقولج قومي الحين نسير نشتريه .. (( جان زين يسويها .. )) ... :D


والسموحه .... من الجميع ... والله من وراء القصد.
ايمو تسلمين على هالموضوع خفيف الروح والمهم جدا ...

تحياتي
بوهيميا

يا ايمو

انها منقوله


بس لا تنسب خفة الدم اللي في الموضوع لنفسك

الى الأخ المحتــــرم أم أحلى آرام

اذا إنت لاحظت مواضيعي في المنتدى كلها بهذا الأسلوب

واحب اضيف شئ بسيط لك:

إذا اتتك مـــذمتــــي من نــــــــاقـــص
فهي الشهـــادة لــي بانـــي كامــــل

والف شكر على ردك ..والله يعطيك العافية

بس تذكر( حتى لوكان رأيك معارض فنحن نرحــب به )

السلام عليكم
:)

عفوا أختي ايمو .. بالنسبة للموضوع هل هو منقول أم أنت من قام بكتابته ..

فإن كان من كتاباتك فهنيئا لنا بقلمك ..

وإن كان منقولا .. فالأولى أن تنسبي الموضوع لمن تعب في كتابته ... أو على الأقل تكتبي أنه منقووووووووول .......فأنت بردودك جعلتنا نحس أنك أنت من قام بتأليفه فأين الحقيقة ... ؟؟؟


نرجو التوضيح ...

بوهيميا

يعطيك العافيه يا اخت إيمووووووووو

على الأسلوب الجميل والهادف الى الارتقاء بالزوجين

وما عليك من اللى يتكلم ويقول منقول انتى اكتبى ومالك شغل فيه

خلى اللى يقول يقول........



وشكراا.....


اخوك ليل السكون

حـــــــــــــواء

السلام عليكم
:)


قد أنشر موضوعا وأنسى أكتب تحته أنه منقوووووووووول .... ولكن أن يأتي مشرف مفترض فيه أن يكون قدوة قبل غيره ....ويحترم عقول القراء .. وينسب الموضوع لاسمه (((((( ويعطي لنفسه الحق في الرد على الموضوع ... ويوحي للقراء بأن الموضوع من كتاباته وابداعاته هو .... وفي عدة ردود ... بغير اشارة إلى الكاتب أو حتى كتابة منقول .... .... .. وعندما يأتي شخص ينتقده لفعله ذلك .. يرد عليه بالفم المليان ...... (( وإذا أتتك مذمتي من ناقص )) أي ناقص .. ما السرقة الأدبية أكثر نقصا .....

وشكرا جزيلا للكاتب الأصلي .... فقط أبدعت ....


بوهيميا

الأخ كاتب الموضوع انت موبس تلطش وتنسبه لعمرك لا انت كمان يبغالك نضاره ( انا أممممممممممممممممممممم )
يعني إمرأه





بعدين انا قاريه هالموضوع من اكثر من سنه ويمكن من سنتين في منتدى اشهر من نار على علم فإذا حبيت تلطش فلا تنقل من منتدى معروف علشان لا احد يجي ويفشلك





والمشكله ما هي هنا





المشكله انك متشقق وفرحان ومصدق عمرك







يا إخوان كلنا ننقا إذا اعجبنا شي لكن نقول إنا ناقلينه ( حقوق المؤلف ) والشي اللي سويته يعد سرقه





بعدين النقص موجود ويلاحظ





لا عاد تعودها


ترى ما فيه احد يقعد على الانترنت ويقرأ في المنتديات كثري


يعني قاعده لأمثالك

تقبل تحياتي الملطوشه

رجعت اعدل واقول ان الكلام اللي قلته قاصدته كله إلا في حال كونك انت نفس الشخص كاتب الموضوع الأصلي في المنتدى اللي حكيت عنه على ان هذا احتمال ضعيف لان الموضوع قديم واحتمال سرقته وارد



وبس

السلام
معك حق يا ش السالفه
شكرا على نقلك للموضع او كتابتك له
المهم استفدنا منه

تحياتي

اهليييييين ..

موضوع حلوووو جداً .. شكرا لك غاليتي ..

تحياتي الحاره

ههههههههههههههههههههههه

الصراحه تخوفين اختي

والله لو انتي قدامي وتقولينها وعيونك طايره علي

والله بسويها غصب عني

شكلك عصبيه ههههههههههههه

الله يعطيكي العافيه