|
كل وحدة تدخل وتكتب ما هو شعورها لو........................................؟
ايش شعورك لو لبستي وتكشختي ورشيتي احلى عطر
وحطيتي مكياج واستشورتي شعرك واخذتي وقت طويل عشان تتطلعي باحلى صورة وكنتي كانك عروسة , ورزوجك ماعبرك ومااعطاك وجه؟؟؟؟؟؟ ابغى كل وحدة تكتب في هذا الموقف ايش تتصرف |
لو كنت في كامل الأناقة والجمال وزوجي ما عطاني ويه ما أخليه يطلع برع،أحبسه أغريه،أسمعه كلام أحلى من الحلو، لأن الريال يضعف ويستسلم أمام المغريات، وبعدها أكيد يعطي ويه،،،تحياتي
|
اخفف من اللي حطيته واجلس على النت ارد عليك يا عسل اريد اقول شئ يجب ان نتعلم ان نعمل الاشياء لاجل انفسنا لاننا عندما نعملها للاخرين ولا يستجيبون نشعر بالاحباط والسخف مجددا مشكورة
|
أنقهر مررررررررررة واغسل وجهي ولا اعبره
|
عادي كانه العيد
ما يهمني لاني بالاساس استكتعت بوقتي وانا ارتب نفسي ولازم اتعلم اكون دائما كذا عشان ما يصير احباط ولا يغافلني على حين غره وانا مش متعدله يعني ما في مشكله عندي اسوي هالشئ كل يوم عشان خاطر عيونه |
بالبداية مارح أقوم أعمل هالشيء وأنا أقصد من وراه ............ إلا وأنا متاكدة انو رح يعطيني وجه
وطبعا كل وحدة أدرى بزوجها متى رح يعطي وجه ومتى لا أما إذا كنت قايمة عشان نفسي فما يهمني عطاي وجه ولا ماعطاني بس بيني وبينكم متأكدة رح يعطيني <<<<<<<<<<< مشكلة الثقة دمتي بحفظ الرحمن تحياتي |
بسير اغسل ويهي ع طول وبقوله انتو ما ويه الوااحد يتكشخ لكم
|
انا بالنسبة لي اردله اياها في اليوم
الي يريدني فيه |
رح أتضايق أكيد وأشعر بالإحباط
|
أدرس نفسيته اذا النفسيه كانت تحت ..,, اعذره.... لانه فيه اشياء اتكون فوق طاقته ما تخليه يحس بنفسه ف كيف انا ...
اما اذا كانت النفسيه ف العلالي وطنش ... بعامله معامله الملوك ...,, ووقتهاااا ...الحجر اللي ما بينطق بينطق ...,,, |
عادي كفايه أشوف نفسي حلوه بالمنظره ولا يهمني رايه أبدا , وعلي فكره تري كل ما يطنش أتجمل أكثر على شان أتأكد أن ما عنده نظرّ! |
انا مع اختي ام ثائر راح اردها اليه في يوم ثاني وما راح اتكشخ واتعدل له مرة ثانية الا اذا اعتذر وقال انه ما راح يكرر هالشئ مرة ثانية:(
|
الصراحة صار لي الموقف هذا كثير
اخر شي صرت اطنش كيفه هو الخسران |
ان حدث مثل هذا الموقف : لن ازيل زينتي لأنني فعلت ذلك اولا لكي أرضي شعوري بالانوثة ، فإن لم يرى تلك الانوثة فحتما على نظره غشاوة وان لم تتحرك مشاعره فلربما بدأ البرود يغزو تلك المشاعر .
اما إن كان من طبعه التفاعل واظهار السرور ، فأشعر ان به امر يزعجه ، ربما هو غاضب او متضايق من شيء ولم يستطع مجاملتي والادعاء ان كل شيء على ما يرام ... |
انا لو صارلي مثل هالموقف ...ازيل المكياج ومكلموش لحين ما يجي يعتذر ويبوس على راسي وايدي ومش بعيد رجلي كمان :d
|
بعتبر نفسي غبية ... لكن ما بيهون علي المكياج اللي حطيته و الكشخة .. إذا ما قدرت أطلع مكان مثلا زيارة أو عند هلي.. أو أقعد في البيت بكشختي .. أنا أستاهل الكشخه.. وأستحقها.. وليش أحرم نفسي من هالجمال!!! هههه
يمكن يجي ويغير رايه .......... وبعدها أندم إني خربت تعب ساعات من التعديل و التجميل!!!!! |
مروركم اسعدني اخواتي
واسفه علي التاخير بالرد |
مرحبا
جدا الموضوع عجبني وحبيت اشارك حتى لو كنت متأخره شوي على فكره كثير من الرجال هذاا اسلوبهم .. في انهم مايعبرون عن مشاعرهم يعتبرونه شي مخجل بس المهم اذا انا عارفه اني مثل القمر هو راح يلاحظ هالشي غصب عليه حتى لو تظاهر بعدم االاهتمام تحياتي لكل البنات الحلوات |
أنا في البداية لو تجملت راح أتجمل واتكشخ لنفسي فإذا هو كمل أناقتي وكشختي باناقته وكشخته راح يكمل الثنائي بس إذا هو ما بغى هذا الشي فهذا راجع لنفسه ..
صحيح يمكن اضايق شوي إذا كنت قاصدة إنه ينتبهي لي أو يقول لي كلام حلو بس مايمنع إني أردها له بوقت ثااني خخخخخ |
بصراحه انا لو تكشخت بس عشان يشوفني حلوه مو لازم يصير بيننا شي
يعني عادددددددددددددددددددددي موضوع جميل ...............مشكوره |
اعتني بنفسي من اجلي انا اولا وهو ماتفرق معي
مع انه شعور يخليك تحسين بالاحباط وخيبة امل لكن شسوي مااقدر اهمل نفسي عشانه ومااعطيه فرصة يتحجج بها اني مقصرة احتسب الاجر من رب العالمين |
نفسك لها عليك حق
فأحبيها ... دمتي بخير |
الله انا ذقت من هذا الكثييييييير....كنت انقهر واقعد طوووول الليل ما انام من الحره....والصبح اكسر الخااطر امسح المكياااج و ابدل الملابس الى كاشخه فيها.... و إن الله مع الصابرييين.
|
يعطيكم الف عافيه على المرور
|
ابردها له واخليه يحس باللي حسيته
|
عادي اكلم صديقاتي واروح لهم او اناديهم عندي واسفهه وبعد كذا ما اكلف على خاطري مكياج ولبس عشانه الا اذا انا مشتهيه عشان نفسي او عشان طلعة ليش التعب اذا هو ماتفرق معه؟؟!!
|
بالنسبة لي فأنا أحب الزينة والكشخه خاصة امام زوجي ، فأتزين علشان ارضي نفسي وأثبت انوثتي
وبعدها اختار الوقت المناسب لي ولزوجي مثل الاجازات او اوقات الراحة واستعرض كشختي والحمد لله زوجي من النوع اللي يحب يشوفني متزينة وكاشخة وتكون ردة فعله حلوووه ومشجعة دائما.. مع تمنياتي بالتوفيق للجميع اختكم----- لمني بشوق |
أنا دائماً أحب الشي أيي طبيعي .. حتى في التعبير عن الشعور ما حب التصنع .. يعني لو تزينت له وقعدت انتظر ودخل بمزاج غير معتدل هل من المفروض انه يجاملني ؟؟ لا يرضيني هاذا الشي .. ولا اقبله .. أحترم تجاهله وأعطيه حريه الأنفراد بنفسه .. فالوضع اذا غير طبيعي وهناك غشاوه تفقده التركيز وملاحظة بعض الامور البسيطه .. ممكن اقعد أسهر على التيلفزيون .. وأكل شبس :d وممكن ياخذ وقته وبعد ما يرتاح ينتبه .. ويني يسهر معاي .. وممكن يسبقني و ينام وبعد ما اخلص سهرتي انا أروح أغير والبس قميص نوم جميل أو مثير وأنبطح جنبه وأنام واذا صحا وشافني وتذكر أني ما نكدت عليه ليلته وهو أرتاح بنومته .. تبدأ السهره صباحاً .. بس أني ( ما أخلى الموضوع أنه دخل وما عبرني كل همي .. ) |
بصراحة صارت معي كذا مرة وكنت اتضايق واشعر بالاحباط
بس بعدها قررت اصارحه واقوله شعوري من هذا الشئ والحين كل شئ روعة |
الصراحة أنا الحين في هالموقف صار لي ساعة وانأ أتعدل واتكشخ وخلصت العطور من كثر ماتعطرت وأخرتها ولا تعليق ولا نظره سفهني ونام وأنا بامووووووت من القهر ...
|
بصراحه والحمدلله ما قد صارت لي
ولو قدر الله وصار راح انقهر واتضايق ويمكن ما عاد اكشخ له بس اكشخ لما اطلع علشان يحس بالتغيير ويقول شي وانا اقول له انك كسرت خاطري وطنشتني واكيد ماراح يتعودها:) |
http://www.up07.com/upload-45/wh_24443899.gif
الصراحة لو صارت مرة او مرتين مافي مشكلة .. أكيد بتفهمه واحاول اشوف اذا متضايق .. اذا مو متضايق بحاول أغريه وأعرف كيف اجيبه .. كل وحده وزوجها بس ما راح انقهر ولا شيء عادي .. وصارت معي بس كان بعذره طبعا لأن عنده ضغط بالشغل ومشاكل .. يعني انا لو ماعذرته وزعلت مين بيراعيه ؟ http://www.up07.com/upload-45/wh_24443899.gif |
راح اقول له احم احم مالاحظت قدامت ملاك
|
حسب نفسيته
إذا عبرني كان بها وإذا ماعبرني راح أعذره وأقول أكيد فيه شئ وماراح أدقق عليه |
ياحياتي وربي قلبي اتقطع عليكم كلنا يالحريم نعاني احيانا من هذه النقطة لكن ماقدامنا الا الصبر
|
انا صار لي هالموقف وكنت شارية قميص نوم جديد بعد
ما عطاني وجه ولا عبرني في الاخر بدلت قميص النوم ببجامة وشلت القميص ومن يومها ما عاد شريت قميص جديد ولا تزينت له |
انا بالنسبه لي ولا اهتم طبعٍ داخلي أغلي لكن احسسه اني ماني مهتمه
والمره الثانيه ما أكشخ الا لطلعه واخليه يندم ندم ندم |
انا عن نفسي احب ادلع نفسي سواء عبرني ولا ما عبرني بس الطبيعي اني حنقهر ومحا افوتلو هيا
|
وحياتك حصلت
مرة عملت كدة وفتحت الباب لوزجي وهو راجع من الشغل وبص في وجهي وقالي اية دة مالك بسم الله الرحمن الرحيم اية ايلي انتي عملاة دة !!!!!!!!!!!!!!!!!!!! وحسيت ان في جردل ماية سقعة نزلت علية وطبعا زعلت لكنة اعتذر لي وقالي ما يقصد ...................... |
عن نفسي كذا مرة صادفني هالشي ويكون شعوري ع طول اروح انام واخلية ابروحة وداخلي مقهور ... الله يسامحه ..
|
| الساعة الآن 02:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©