|
شوفوا الموقف البايخ اللي حصل لي !
:d صباح العسل لجميع الاخوه والاخوات
طبعا تعرفون مغامرات قزم مع مشروع الزواج الميمون وماحصل من احداث المهم وصلت لمرحله اسمها (ياعم مشي حالك اهو جواز وخلاص:24: ) طبعا اخذت هالحكمه الجميله من صديقي العربي في العمل حيث انه رأف بحالي وتفضل علي بهذه النصيحه الجميله طبعا انا الفتره الاخيره كثفت الحمله (حملة البحث عن زوجه) بغرض انهاء هذا المشروع على اسرع وجه فاخترت فتاه( لؤطه) ومواصفاتها متميزه وتمت خطبتها ومقابله والدها واخوتها وخرجت من عندهم على اساس انه سوف يخبرونني بالرد قريبا مضى الاسبوع الاول ,,, الثاني ,,,,,, الثالث,,,, مافيه خبر ابد انا هاللحظه فهمتها قلت خلاص ياولد الظاهر الدعوه (فركش ) ومسحت ارقامهم وصرفت نظر علطول استعنا ( قوات المسانده البحثيه :23: ) وبحثت عن فتاه ووجدت فتاه عاديه كما سمعت واهلها متواضعين وذهبت وقابلت والدها ووعدني ان يرد علي خلال 4 ايام وفعلا اتصل علي ودعاني الى ان ارى الفتاه ونظرت اليها ووجدت بها مايسرني طلعت من عندهم و :11: اذا بجوالي يرن ورقم غريب:11: من طلع ؟:28: اتحداكم تعرفون ؟ طلع اخ الفتاه الاولى اللي ماردوا علي سلم علي وقال خلاص تعال بعد يومين شف البنت حنا سالنا عنك وكل شي تمام :16: :16: انا بهالحظه ماقدرت اقول ولا حرف شلون بفهمه ومن وين ابدى احراااااااااااااااااااااااااااااااااااااج ملاحظه: الوزاري طالبك طلبه لاتحذف الموضوع لاني متوهق ,,,,,ولاتنقله بعد:d |
انتبه لاتضيع الثنتين
والله مادري وش اقول لك اكشخ اكشخ اكشخ وشوف الثنتين وصل صلاه استخاره والله يكتب لك الي فيه خير والله مادري هذى صواب ولا خطاء بس هذى الي دار في راسي اتمنى لك التوفيق ابو فهد |
ما يصلح تتزوجهم كلهم : )
يا أخي والله مدري وش السوات بس من رايي أخذ الي شفتها إذا عاجبتك وأهلها طيبين وتوكل على ربك وأعتذر لأهل البنت الأولى بأنك خلاص خطبت بالتوفيق |
الله يهديك تسرعت وخطبت وحده ثانيةالمفروض كلمتهم قبل لان بعض الناس يتاخرون او ينتظرون الخاطب نفسه يكلمهم000 على العموم اذا اعجبتك البنت اللي شفتها خلاص كلم اهل خطيبتك الاولى وقول لهم انك خطبت بعد مااتاخروا في الرد0
|
طيب وش اسوي الحين انا
علما انه المده التي استغرقوها اهل الفتاه الاولى شهر كامل !!! كل هذا سؤال |
سبحان الله الخير لما يجي!
شوف يا اخي الكريم الي مرتاح لها اكثر ونفسيتك مرتاحة لها صلي استخارة وتوكل على الله وانا حسه اننا حنسمع خبر طيب منك ان شاء الله |
كتبت الموضوع زمان طيب ما صار حل
لساتك مكانك؟؟ |
والله موضوعك محرج للغايه
مانبي نقول ياريت اللي جرى ماكان ولكن المفروض منك انك تتصل على الاولين وتعرف موقفهم قبل لا تتسرع اما الان خلاص مادام انك شفت الثانيه والاولى ماشقتها تك على البر توكل على الله واتصل في اخو الاولى وفهمه السالفه وقول له الله يرزق بنتكم بالافضل وخللك مع اللي دخلت بيتهم وشفت بنتهم ولا تكسر بقلبها المسيكينه تلاقيها الحين طايره من الفرح وشافتك واستانست عليك |
اقتباس:
حلوه استانست عليك :d بالنسبه ليش اني ما اتصلت بالاولين صعبه اقول هاه ماتبوني :11: انا قلت يمكنهم هونوا ومنحرجين يقولونلي وخصوصا اننا تقهوينا وضحكنا سوا |
الأستخاره
|
* انا اقول اذا عجبتك الثانيه لا تشتت نفسك توكل على الله واستخير.
* واذا ما اعجبتك الثانيه فارجع الى الاولى اما الثنتين في وقت واحد مو حلوه في حقك. * الله يوفقك. |
عادي جدا إنت قول للرجل الثاني عن الحكاية واكيد هو راح يتفهم
الله يعينك و الله ورطه |
أخاف ترفض أنت الأولة وبعدين ترفضك الثانية .......................أنتبه
|
نصيحه لك اترك ابو ثلاث اسابيع وخذ الاقرب ابو اربع ايام واستخر ربك التمطع والتسويف لا يرضاه الرجال |
اقتباس:
قل لأخو الاولى إنك شوي هاليومين عندك ضغط في العمل وإن شاء الله بتكون على اتصال .. وإن شاء الله الاولى يعطونك الخبر بالموافقة أو الرفض سريعا .. فإن وافقوا أعتذر لأخو الاولى .. وإذا رفضوا حدد معاهم موعد الشوفة .. هذا اللي في بالي .. والله ما أدري يجوز أو لا .. الله يفك حيرتك و يسهل لك أمورك .. |
ياه مشكلتك الدائمة هي العجلة
الأمور هذي يبغى لها صبر وتروي المهم عليك بالإستخارة و اختار إللي ترتاح لها أكثر الله يوفقك |
الله يعينك..
استخر وطبعا لك الخيار في الأخير.. |
[SIZE="4"][COLOR="DarkOrchid"][CENTER]
بما أنك يا أخي شفت الثانيه وعجبتك خلاص لا حيره ولا يحزنون والنسبه لأخو الأولى قله اللي صار يعني أنهم تأخرو عليك بالرد ورحت وخطبت وأمورك تمام وأكيد الأخ بيقبل عذرك إذا كان شخص متفهم ........... وحرااااااااااااااااااااااااااااااااااااااااااااااا اااااااااام تكسر بخاطر اللي شفتها انتبه كلش ولا كسر الخواطر :19: :19: :19: وسلااااااااااااااااااااااااااااااااااااااااااااااا اامتك |
^
^ نفس الرأي و لا تنسى الإستخارة وفقك ربي لمرضاته |
يفترض انك دقيت على اهل الاولى وسألتهم هاه شصار بموضوعنا؟
اول اهلي يسألون شهر وزيادة.. والحين اسبوع بس ويخلونه يجي :29: مدري شقولك لأني بصراحة قاعدة افكر بوضع البنات الثنتين وحاسة فيهم! استخير وش اهلك من يمدحون أكثر وتوكل على الله أو دامك شفت الثانية وارتحت خلاص كمل معهم اخوي ان تطور موضوعك لاتقول لأحد ولاتتكلم نصييييييييييييييييييحة واذا تم تعال بشرنا نبارك لك الله يوفقك ويكتب لك الخير ويريحك ياكريم |
أذكر الغلطة نفسها تكررت معك من زمااااااااااااااااان ؟
أخوي مافيها شئ إذا دقيت على الأولى يمكن كانت هناك ظروف منعتهم من الإجابة بسرعة ؟ أنا زوجي ما ردينا عليهم غير بعد شهر و أمه دقت تسأل و و الله لو ما حسيت إنهم متمسكين فينا ما كنا تزوجنا و أشوف إنه أهل البنت ، صعب إنهم يدقوا و يقولوا خلاص تعال ؟؟؟؟ لكن ألحين لا وقت لـ ليت و ووو إلخ و رأيي من رأي أختي بحرينية و لكن |
اقول اخوي عادي روح شوف الاولى وانت من كلامك انها مناسبه جدا لك وكانك مايل لها ,,,,,,,
شوفها واذا كل شي اوكيه ,,,,,,,,اعتذر لاهل الثانيه ,,,,,,,,,, بس بصراحه عيني عليك بارده امك واخواتك سنعات خلال شهر واحد وهم مجهزين العروسه الثانيه ,,,,,,, احنا لنا سنتين (24 شهر) نبحث لاخي عن عروسه ,,,,,,,,,, \ ماشاء اللله تبارك الله ,,,,,,,,,,, الله يوفقك ويسعدك وتحصل اللي في بالك,,,,,,,,,, |
ينتقل لعالم المقبلين على الزواج
مكانه المناسب بوركتم |
الله يهديك اخوي دايم متسرع !
شوفها الاولي واستخير بينهم |
abo fahad : تصدق يجيني احساس انه فعلا اذا شفت الثنتين بيطيرون كلهم زي ماحصل معي قبل
عبير الرياض : الظاهر مالي الا هالحل مع ان مواصفات الفتاه الاولى ممتازه ترف : صعبه اكلمهم المفروض هم يكلموني لان اتفاقنا كذا ,,, انا قبل ازورهم كنت انا اللي اكلم عليهم بوبو : ماشف الا وحده وتقريبا مرتاح لها ولو مارتحت ابرتاح بالغصب لانه خلاص كل شي له نهايه بنوته اموره : هذاك موضوع ثاني وبنتين ثانين بعذرك تلخبطين لان هذي البنت رقم 999 من الله خير : اتصل على اهل الاولى صعب ان كل هالفتره اللي راحت انتظر منهم اتصال ومر شهر لاحس ولاخبر دكتور حنون : ان شاء الله |
العابد لله : الثانيه عجبتني بس ابن ادم طماع يدور الافضل دائما
عبوره : شكلي بسوي كذا المنبجس : ياويلي لو يصير كذا اتوقع بنتحر ساري : تصدق دايم افكرمن هالزاويه وبعدين اهون اقول وسع صدرك عادي بحرينيه : فكرتك حلوه بس اخاف اضيع رزق الاولى ويعاقبني الله والمشكله الثانيه مدري وش بيصير معها الحائره : هذي موب عجله هذا اسمه ( انهاء وضع) لاني ابنهي الوضع خلاص كل الغلا : اكيد الاستخاره مطلوبه MM200 :كلامك سليم بس اللي قاهرني الاولى مواصفاتها حلوه مره ونا ماشفتها بس كلام الناس الذئبه : نفس الرد شوبارد : المشكله ان اهل الاولى مادقوا علي وقالوا اصبر ساكتين كل هالفتره وهذا اللي خلاني اقوليمكنهممستحين خلاص افهمها انت من نفسك وعلى فكره اهلي ماشافوا الاولى وبالنسبه اذا ار شي مافيه امل اقول الا اذا جاني ولد |
اخى قزم بلاش طمع مادام عجبتك التانيه وارتحت لها اتوكل على الله واخطبها واعتذر للاولى ومتكسرش قلب النت اللى انت شفتها حرااااااااااااااااااام
لاتشتت نفسك واستفت قلبك اللى قلبك يميل له اعمله ويارب نسمع عنك خبر حلو قريب |
بنات الناس مش لعبة ....
|
تزوج الثنتين إذا مقتدر وبكده تتعلم طول عمرك درس عدم التسرع
إستخير خيي وإلي الله كاتبه إلك راح يصيير أكثر من الإستغفار والصدقة بنية الزواج الله يوفقك |
اقتباس:
والله اني افكر فيها بجد وخصوصا اني وجدت شخص حصله نفس الموقف اللي حصلي بس شلون بطرح الفكره |
هلا اخوي00 احب اقولك انه خطبه على خطبه ماتجوز00 مثل مابديت بالاولى انتهي
يعني كملها للآخر 00 اما خطبتك الثانيه فأنصحك اجلها لحين تعرف مايصير عليك مع الاولى00 وبأسرع وقت شوفها وان اعجبتك00 مالك الا تصارح اهل البنت الثانيه انك من قبل خاطب00 واهل البنت تأخروا عليك والحين ردوا00 واعتذر منهم بكل ادب00 اخوي مافيه احسن من الصراحه00 |
:eek:
صلي على النبي أخوي قزم استهدي بالله :d من ولا وحدة تاخذ ثنتين مرة وحدة :30: لا تفكر بهذي أبدااا ما أأيدك إنت اعقد على وحدة منهن بعدين فكر بالزواج الثاني تراه مسؤلية وبعدين كيف بتقول لهم ؟!!!وبتعقد الزواج على مين قبل ؟!!! راح تعقد المور أكثر :29: أخوي صلي الإستخارة وادرس الأمر من جميع جوانبه وأنظر لقلبك وعقلك واتخذ القرار الحاسم بأن تعقد على إحداهما وترد الأخرى بأسلوب لبق أتمنى لك التوفيق دمت بكل خير |
هههههههههههههههههههه انا هموت من الضحك اعذرنى موضوع يضحك انا كنت هقع فى نفس الموقف لولا ربنا ستر:14: :17:
|
أنا أعتقد ومن رأيي الشخصي إنك تعترف لأخو البنت وتقول له الحقيقة وإنك خطبت بنت غير لأنهم تأخروا ف الرد عليك، لأنك شفت البنت وارتحت لها والله يوفقك
|
بكل صراحة ياقزم أقولها لك : الله لايكثـــر من أمثالك
|
يا اخي انت اتسرعت شوي
لكن عادي مش مشكلة انا حصلت معاي مثل هاد التجربة تاخرت في الرد في اليوم الردينا على الخطبوني تفاجاءنا انهم يحتفلوا زواج ابنهم وندموا عالسرعة ما دروا شوا يعملوا موقف يخجل لكن احنا تاخرنا وهم اتسرعوا عادي النصيب كده اما عن حالتك اختار الرتحتلها وما تحتار اكثير |
مدامنك شفت البنت ليه الطمع اجل توكل على الله وتزوج الثانيه واشرح لاخ الاولى ظروفك
اسال الله لك التوفيق والتيسير اختك بالله جينز |
قزم بس متسرع مو معصبي
انت شفت الثانيه بس تميل للاولى اكثر بسبب المواصفات اللي فيها جذبتك لها اكثر من الثانيه عشان كذا انت محتار بين الثنتين مين تختار اختار البنت اللي ارتحت لها اكثر ومو مهم سواء كانت الاولى ولا الثانيه بسالك سؤال وياريت تجاوب عليه افرض انك شفت الاولي وهي اللي جذبتك مواصفاتها اكثر قبل لاتشوفها بس الثانيه طلعت احلى من الاولى من بتختار في هالحاله ؟؟؟ |
اخت محمود : الاولى ماشفتها للحين وبخصوص السؤال اصلا لو شفت الاولى واقتنعت ماراح اكلم غيرهم
جينز : موسالفه طمع بس منحرج fadwa : صدقيني ماتسرعت هم المفروض يعطوني خبر انهم يسالون المفروض يعطوني خبر غاليه : ليش بس ,, الله يسامحك اصيله باصلها : هذا اللي انا افكر اسويه الحين الذيبه : انا ماعندي مشكله لو يكونون 3:d خلينا نعوض حق العزوبيه شوي اخ ديمو: انا مابديت بالخطبه الثانيه الا وانا على بالي ان الموضوع انتهى وكيف اجل الخطبه الثانيه ونا شفت بنتهم !!!! سلامات ياقلبي : نعم الرأي |
روح الطير : انا معك بس ماتلاحظين انهم هم المفروض انهم يدقون لان اتفاقي معهم على كذا
د.مشاعل : صعب اشوف الاولى حس اني متلاعب كذا واخاف انهم يطيرون كلهم من ايدي وبالنسبه لمحركات البحث الزوجيه من زمان مشغلينها بس مالقينا شي نونو: ليس تسرعا ولكن رغبه في انهاء الامور روز: شكرا على النصيحه كله عشانك : انا جايب العب برايك! |
| الساعة الآن 08:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©