|
مطلقه ولها 4 اطفال وراتبها 3 الاف،،وحابه نساعدها بتأمين حياتها(هل من افكار)
السلام عليكم ورحمة الله وبركاته
اخوتي في الله احتاج لأفكار خيريه لصديقة اختي البنت مطلقه ولديها 4 اطفال وتسكن بالحالها في شقه للإيجار طبعا وراتبها لايتجاوز 3 الاف بعد ثلاث اسابيع بنسافر لها في الشرقيه نبغا نشوف وضعها كيف وحابين نساعدها فأذا ممكن عندكم افكار يعني انا اللي جا ببالي 1_اننا نساعدها بتأثيث البيت ونشوف نواقصه الأساسيه طبعا اذا ثلاجه اذا مكيف اذا ادوات مطبخ 2_حابين نجهز الأولاد اغراض المدرسه( من شنط ودفاتر واقلام وو و) طبعا على قد سنه وزياده طبعا فأيش رايكم ايش ممكن افكار اللي تقدروا عليه لو بسيط ساعدونا نحاول بإذن الله ان نوفره لها قدامنا ثلاث اسابيع على السفر والله يجعله في ميزان حسناتكم وربي يسعدكم وينور بصيرتكم ويسخرلكم ويرضا عليكم ويرضيكم |
بارك الله فيكم
كل هالافكار زينه لها و ممكن انكم بعد ما تزودوها بكل النواقص و تشترون لاوازم للمدرسة ممكن انكم تنطوها مصروف للبيت او مبلغ صغير علمود هي تتصرف فيه هذا اللي اجا في بالي |
الله يكون بعونها
3000 ريال وش بتسوي فيه للاجار ولا للاكل ولا للمصاريف اذا تحط اسمها عند جمعيه خيريه تهتم بالارامل والمطلقات والايتام راح يساعدوها بأذن الله الله يسخر لها اهل القلوب الرحيمه ويتم مساعدتها |
اشكر مروركم اللطيف
اخوتي ربي يسعدكم ويفرج همكم وينولك مرادك ويسخرلكم من في السموات والأرض احب اوضح نقطه هذي صديقة اختي من ايام الدارسه ومتجمعين البنات كلنا عشان نسافر لها ونساعدها هي ماتكلمت ولاقالت انها محتاجه بس اختي وباقي البنات حسوا فيها البنت كانت عايشه بأحسن حال وبسبب زوجها ضيع كل شي من يدها مارأيكم احنا موحابين نعطيها المبلغ بيدها لأنها بتتضايق وتتأثر حابين نشتري النواقص كهدايا للبيت الجديد اختي وصحباتها بيشترون الأشياء الأساسيه حابه انا اشتري اشياء وهدايا للصغار بس ايش فيه غير الملابس والأدوات المدرسيه؟؟؟؟ |
جزاكم الله خير
ولكن إن أمكن تدريبها على بعض المهارات التى ممكن تستفيد منها أوقات الفراغ لتساعدها بتوفير إبراد إضافي مثل أعمال الطباعة لبحوث الطلاب ، او التصاميم ، أوغير ذلك من المهارات الكثيرة دعواتنا لكم بالتوفيق |
بارك الله فيك اخي الذي لم تلده امي(الكبير)
فعلا راحت عن بالي هي مدرسه ولكن لايمنع ان تشتغل تتعلم على الطباعه وبعدين تتفق مع احد مكاتب التصوير وتطلب منهم اعمال منزليه تنفذها وترسلها لهم عجبتني كثير الفكره الله يرضا عليك يارب ويجعله في ميزان حسناتك بأطرح عليها الفكره واشجعها عليها كمان حتى لو تعلم اولادها الكبار اللي بالمتوسط ممكن يتسغلو وقت فراغهم في انجاز المفيد ربي يسعدك اخوي وينور بصيرتك ويسخرلك من في السموات والأرض ويفتح عليك فتحا مبينا ويزيدك من فضله ونعيمه حصنتك بلا اله الا الله وصلي اللهم وسلم على نبينا وحبيبنا محمد عليه الصلاة والسلام كما تحب ان نصلي عليه. |
للأسف ليست لدى افكار مفيده حالياً
ولكن ادعو لك ولها بالخير جزاك الله خيراً قليل من يحس هذه الايام بجاره او صديقه ويسعي لمساعدته قبل طلبها بإذن الله أجرها كبير |
اقتباس:
ماعندي غير الدعاء لكي الله يوفقك ويكثر من امثالك ويجزاك كل خير والله لما قريت الموضوع ذرفت عيوني دموع على عملك الخير والطيب الله ينفس عنك كربة من كرب يوم القيامة ويفرجها عليك دنيا واخرة |
والله بحكم عملي في جمعية خيرية
حاولي أنتي وصديقاتكي إنكم تسون لها (استقطاع شهري) يعني أول شي خذوا رقم حسابها ، ثم كل وحدة تروح للبنك وتسوي تحويل شهري للحساب بمبلغ معين (حتى لو يصير صغير يعني لو مية ريال ) لمدة سنة أو سنتين أو أكثر أو أقل هذي الطريقة زينة ....تدرين ليش؟ علشان صديقتكي ترتب أمورها على هالمبلغ لكن لو عطيتوها كل شهر فراح تصير أمورها ملخبطة شهر يجيها (1000ريال) وشهر (600ريال) وشهر (1500) يعني بالعربي راح تتلخبط امورها لكن إذا عرفت إن كل شهر راح يجيها مبلغ ثابت(زيادة على راتبها) فستنتظم أمورها نصيحة أخرى حولي إنتي وصيقاتكي إن تدفعون إيجار البيت (حتى لو لمدة 6شهور) لأن البيت هو أهم شي وكذلك أصعب شي خاصة إنها حرمة وما معها رجال وإذا ما قدرتوا تدفعون إيجار البيت فشوفوا أحد التجار يتكفل بايجار البيت بحكم شغلي بجمعية خيرية : فإن إيجار البيت هو من أهم الأمور (وباقي الامور تهون) أخيرا : لا يكون شغلكم (حماس غير منضبط) يعني تتحمسون أول الامر ثم تنسونها خليكم معها على طول الخط وتذكري إن قليل دائم خير من كثير منقطع) يكون في علمكي إن مثل صديقتكي هذي ما راح تتطلب منكم أي شي (يعني إذا عطيتوها راح تاخذ وإذا ما عطيتوها فما راح تسألكم) (يحسبهم الجاهل أغنياء من التعفف تعرفهم بسيماهم لا يسألون الناس إلحافا) وإذا تحتاجون إي استفسار فأنا في الخدمة |
اقتباس:
حبيبتي ام سعود كلام الاخ زوج في المستقبل عين العقل بارك الله فيك واعانك على عمل الخير،، دائما اتوسم فيك حب الخير ومساعدة الاخرين جزاك الله كل الخير |
والله انا افكر فى طريقه اخرى للمساعده
لماذا لاتدولون عليها رجل صالح كى يتزوجها فيرعاها ويرعى ابنائها حتى لو كانت زو جهثانيه اوثالثه فتكونون بذلك قد فعلتم خيرا ماديا واخر معنويا قد يكون تنفيذ الفكره صعبا ولكن من يعلم قد تكون مناسبه لها والله يساعدكم على فعل الخير ويجازيكم بمثله وافضل منه |
أسأل الله سبحانه وتعال يفرج همها
|
جزاك الله خير يالغاليه على مساعدتها هي واطفالها
انا عندي فكره اشوف قريبي يسويها مع شخص مسكين وهو انه يسدد له فاتوره الكهرب شهريااا لانها جدا مكلفه وبارك الله فيك |
اختي روح الغالي حبيت اقول الله يجزاكم الف خير والله يجعل ماتقومون به في ميزان حسناتكم بارك الله فيكم وكثر الله من امثالكم هنياً لنا بامثالكم اخوك هلال العالم |
وفقك الله حبيبتي واكثر من امثالك والله انهم رح ينبسطون كثير وانتم اكيد سبب لها اكيد قاعده تدعي ليل نهار حتى يرزقها الله
أختك في الله |
فكره دفع الفواتير زينه وتخفف من العبء و ايضا فكره الراتب الشهري ممتازه .. او انكم اتسون جمعيه للخير شهريا مثلا 200 درهم .. خواتي يسوون ها الطريقه اتفقوا هم مجموعه واللي يحب يشارك هلا وسهلا من صديقات واهل و معارف والدال ع الخير كفاعله .. يجمع المبلغ للاسر المحتاجه
غاليتي غير الملابس للصغار تفرحهم الالعاب اكثر حطي كم لعبه كلن على حسب عمره .. الله يجزاكم خير ويوفقكم .. |
http://www.up07.com/upload-45/wh_24443899.gif
يالله معقوله في ناس كذا .. بارك الله فيكم حبيبتي وجزاكمـ خير الى يوم الدين .. ماشاءالله الاخوان ماقصرو .. انا مع انكم تحاولو تدفعو فاتورة الكهربا او تعاونوها في الايجار .. والله يجزاكم خير .. وعساكم ماتشوفو اللى هي شافته .. الله يرزقها من حيث لا تحتسب ويفرج همها يارب .. والله يسعدك ويوفقك دنيا وآخره ويسكنك الفردوس الاعلى انتي ومن تحبي .. http://www.up07.com/upload-45/wh_24443899.gif |
افتحو حساب باس
|
اممممممممممم
اختي حاولو تشووفون اول شي حاجات الي في البيت ناقصه وبعدين لازم تشوفون نواقص الاطفال من اي ملتزمات اهم شي الاطفال بالنسبه للاجار تقدرين اختي تساعدينها بمبلغ يساعدها على الاجار الي تقدرين عليه لو كان عندج يعني راتب خاص ترا وربي هاذلين فيهم اجر وربي كئنهم يتامااا شوفي اهم شي اقراض البيت ومستلزماته تاثيث و المطبخ مهم وربي يكثر من امثالج ويبارك فيج سلاااااااااااااااااام |
وان امكن وبه استطاعه
ان توفري مبلق يقتطع مثل من حسابك طبعا ان فيه امكانيه يروح في حساب الام الاجر الاجر الاجر الاجر الاجر ما في احد يفووته على روحه الدنيه فانيه كم تسوىى اذا دخلت بهجه في قلب هالمسكينه |
افتحو حساب باسمها وضعوا فيه مبلغ بسيط وبعدين كلما جت فرصة يصير فية تجميع تبرعات لها ..وهكذا
|
أختي الفاضله /
بارك الله فيكم وسدد الله خطاي وخطاكم وجعل الله الجنه مثواي ومثواكم عمل تشكرون عليه وإنسانيه ورحمه تؤجرون عليها ... قل من يحس بأخيه أو أخته المسلمه فلا تنسوا انك على أجر عظيم وقرب إلى الله بهذا العمل النبيل .. والآحاديث كثيره التي تدل على عملكم هذا وتشجعكم أكثر .. لكن الوقت لا يسمح لي بسردها الآن لي رجعه بإذن الله إن حصل في بالي فكره أساعدكم بها . |
|
كان الله في عونها
وجزاكم خيرا ولكن تبقى الحلول الدائمة افضل وكما قيل لا تعطني سمكة لآكلها ولكن علمني كيص اصطاد السمك |
ماشاء الله تبارك الله
الله يجزاكم خير ويجعله في موازين حسناتكم لو مثلا تبدا تعطي دروس خصوصيه بنفس مادتهااو للمرحله الابتدائيه المواد الي تفهم فيها شي حلو وبتربح منه كماان مثير الحين ماتوظفو يدرسون خصوصي او مثلا تبحث عن وظيفه مسائيه لو في الروضات المسائيه والشي الثالث تخلون صندوق عند وحده من صديقاتك وكل وحده شهريا تحط الي تقدر عليه اي مبلغ تقدر عليييه تضعه وبعدين تجمعونها وتحطونها بظرف وتدخلونها تحت الباب او توصلونها بطريق غير مبشار احد يدق الباب ويعطيها احد الاطفال يوصلها لهاا عشان ماتتضايق او شهريا تحولون لحسابها على 100 ريال او اي مبلغ وبالنسبه لاغراض البيييت غير الثلاجه و.. و.. و... المواد الغذائيه وخاصه ارتفاع اسعارها بالايام هذي زي سكر وارز وخضروات وشاهي وقهوه ودجاج ولحم ومن هالحاجاات ولو فيه وحده مقتدره تقدر تدفع ايجار البيت او تعرفون وحده تاجرخ وتعرضون العمل الخير هذا عليهاا والله يساعدكم يااااااااااارب ويسهل عليها ويرزقها من حيث لاتحتسب |
يالله
انشغلت في حلقات التحفيظ وماتابعت الموضوع ودوبي شوفته والله ادمعتوا عيني بإقتراحاتكم وكلها عجبتني وممكن نعملها لأننا مجموعه وافكاركم بسيطه وبنفس الوقت فوائدها كبيره بأرد عليكم واحد واحد واعلق على كل فكره لأن لي تعليق على كل وحده بس حبيت اشكركم على السريع والله ماادري كيف اجازيكم لكن مابيدي غير الدعاء لكم بظهر الغيب اسأل الله لكم التوفيق والسداد وراحة البال والفرج القريب وجعل لكم في كل حرف كتبتوه هنا او حاولتم التفكير او الدعاء لها في ميزان حسناتكم يالله هؤلاء اخوتي واحبتي فيك يالله اجتمعنا على حبك وطاعتك وعلى الخير والدلاله عليه فأجرهم يالله وارزقهم من حيثوا لايحتسبون وفرج همومهم وزيدهم من فضلك ونعيمك ياحي ياقيوم (أبو خطاب) لاتحرمنا افكارك والجميع لاتحرمونا فلكم الأجر {فمن يعمل مثقال ذرة خيراً يره}..سورة الزلزله حصنتكم بلا اله الا الله |
أختي ليييييه ما تحاولوا تبحثوا لها عن شقة بالأوقاف ؟؟؟؟
فيه شقق نظيفة و جديدة و بدون إيجار من أولاد الحلال للأرامل و المطلقات و يصير توفروا عليها فلوس الإيجار لأشياء ثانية ؟ |
تكتب برقية لوالد الجميع خادم الحرمين الشريفين توضح ظروفها ونثيت ذلك شرعا من المحكمة لغرض مساعدتها ماليا
|
اقتباس:
بارك الله فيك اخي حازم على مرورك وعلى دعائك الطيب لك الأجر ان شاء الله ربي يسعدك ويفرج همك وينولك مرادك وييسر أمرك |
اقتباس:
وماتدمع عيونك على غالي وتدمع عينك من خشية الله واللهم آمين يارب يتقبل دعاءك ولجميع المسلمين والمسلمات ربي يسعدك ويفرج همك وينولك مرادك ويسخرلك |
اقتباس:
بارك الله فيك وسدد خطاك يااخي كلامك حط النقط على الحروف في أمور كثيره الله يجعله في ميزان حسناتك ربي يسعدك ويفرج همك وينولك مرادك ويسدد خطاك |
اقتباس:
اللهم آمين وبارك لك حبيبتي واعاننا جميعا لفعل الخيرات واعمال الخير اعمال الخير هي اللي تفيدنا في يوم لاينفع لامال ولابنون هي امور بسيطه ولكن مع الأسف نتجاهلها ولكن ابواب الخير كثير ربي يسعدك ويفرج همك وينولك مرادك ويريح بالك ويسخرلك |
اقتباس:
يارب ياكريم يجعل اوقاتنا وصحتنا ومالنا نصرفها بأعمال الخير ربي يسعدك ويفرج همك وينولك مرادك ويسخرلك من في السموات والأرض حصنتك بلا اله الا الله |
اقتباس:
واسأل الله لي ولك ولكل مسلم الفرج القريب وراحة البال تأكد اخي هذه الدعوه ستكون في ميزان حسناتك بإذن الله |
اقتباس:
تصدقي اختي احنا فكرنا بافاتورة الكهرباء ولكن بعد رأي اخي (زوج المستقبل)وبحسب خبرته يرى ان الأيجار هو اكثر مايفرج ويخفف الضغط فكرنا بالأستقطاع الشهري المخصص للإيجار واكيد حبيبتي اذا تيسرت الماده اكثر عندنا بنسدد لها الفواتير ربي يسعدك ياام خالد ويفرج همك وينولك مرادك ويشفيك ويعافيك من كل مكروه ويهديلك اولادك وزوجك ويقر عينك بصلاحهم |
اقتباس:
واسأل الله لك التوفيق والسداد وراحة البال والفرج القريب |
صباحـ الطاعاتــ جميعاً
جزاكـِ الله خيري الدنيا والاخره على مافكرتم بهـ ..حقيقه هذا موضوع لم يلتفت انتباه الكثير.. اسال الله ان يجعل ماتقومون به حرزاً لكم من النار ..اخيتي بالله ..هذه بعض بنات افكاري المتبقه ..فـ الآن الدنيا ليل والكل نايم :) اولاً: اسالي صديقاتك الاخريات او قريباتك من يساعدكم بمبلغ معين.. ثانياً:اشتري لها كتب تعليم الحرفات اليدويه..فهنام كتب رائعه حقاُ..كتعليم المكرميه( الاساور اليدويه).. او كالخياطه بــ فن الترقيع ....اوماشابه ثالثاً: اشتري لها بعض الكتب الدينيه التي تحث على الصبر وعلى الاتصال بالله رابعاً:اشتروا للاولاد القران الناطق ليتعلموت حفظ القرآن بمده وجيزه..اسأل الله ان يجعلهم ائمه على يديكم.. خامساً: انصحوها بان تشترك مع دور التحفيظ تكتب لهم بعض النشرات بالكمبيوتر وهم يتكفلون بالطباعه.. هذا ما اسعفتني به بنات افكاري التي تسهر بجواري الآن.. :) كانت هناك قريبه لاحدى صديقاتي ارمله ..تجمع الاذكار الدعويه اما بــ(تعليقه للجوال او علاقه مفاتيح ،ميداليه،) وتبيعه علينا حقيقه كان بمبلغ غويلي نوعا ما لكن كنا نشتريه للاجر وللفائده ------==============----- اسأل الله ن يفرج لنا ولها وكل مسلم .. وان نقرا لها قريباً ((ان غدا لناظره لقريب))بأن ابنائها اصبحوا حفاظ للكتاب وائمه للمساجد..وبناتها داعيات للخير وابنائنا وكل مسلم ومسلمه انه ولي ذلك والقادر عليه وحده ..سبحانه اللهم بك أستعين وعليك أتوكل اللهم ذلل ليولكل مسلم ومسلمه صعوبة أمرنا و سهل لي وكل المسلمين والمسلمات مشقته و أرزقني واياهم من الخير كله أكثر مما نطلب و أصرف عنا كل شر - رب أشرح لي ولهم صدورنا - و يسر لنا أمورنا يا كريم . كنت هنا |
سـ سوال
اين زوجها السابق من النفقه .. لماذا لا يدفع نفقه ابنائه |
اختي عبره مكتومه سأجيب على سؤالك اولا ثم اعود مجدد للرد على باقي الأعضاء
الرجل في عالم اخر لانفقه ولاهم يحزنون اصلا من اول من ايام ماكانو متزوجين كانت هي اكثر ماتصرف على البيت |
اقتباس:
|
| الساعة الآن 03:10 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©